2 ಥೆಸಲೊನೀಕ 1:12 - ಕೊಡವ ಬೈಬಲ್

¹² ಅನ್ನನೆ ನಿಂಗಡ ಬದ್‍ಕ್‍ನ ನೋಟ್‍ವಕ, ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಪೆದ ನಿಂಗಡಲ್ಲಿಯು, ನಿಂಗಕ್ ಅಂವೊಂಡಲ್ಲಿಯು ಮಹಿಮೆ ಕ್‍ಟ್ಟಂಡೂಂದ್ ನಂಗ ಪ್ರಾರ್ಥನೆ ಮಾಡ್‌ವ. ನಂಗಡ ದೇವ ಪಿಂಞ ಒಡೆಯನಾನ ಯೇಸು ಕ್ರಿಸ್ತ ತಪ್ಪ ಕೃಪೇರಗುಂಡ್ ಇನ್ನನೆಲ್ಲ ನಂಗಕ್ ಆಪ.

2 ಥೆಸಲೊನೀಕ 1:12 Iomraidhean Croise

ಮಲಾಕಿ 1:11

ಸೂರ್ಯ ಉದಿಪ ದಿಕ್ಕ್‌ ಪುಡಿಚಿತ್, ಅದ್‌ ಮುಳಿವ ದಿಕ್ಕ್‌ಕತ್ತನೆ, ಎಲ್ಲಾ ದೇಶತ್‌ರ ಜನಳು ನಾಡ ಪೆದತ್‌ನ ಗನ ಪಡ್‌ತುವ. ಎಲ್ಲಾ ಜಾಗತ್‌ಲು ನಾಕ್‍ ದೂಪತ್‌ನ ಪಿಂಞ ಶುದ್ದ ಕಾಣಿಕೆನ ಅರ್ಪಿಚಿಡುವ. ಅಕ್ಕು, ಎಲ್ಲಾ ಜನಾಂಗತ್‌ರ ಮದ್ಯತ್‌ಲು ನಾಡ ಪೆದ ಬಲ್ಯದಾಯಿತ್‌ಪ್ಪಾಂದ್‌ ಸೈನ್ಯತ್‌ರ ಒಡೆಯನಾನ ಯೆಹೋವ ಎಣ್ಣಿಯಂಡುಂಡ್.

ಯೋಹಾನ 17:10

ನಾಡದೆಲ್ಲಾ ನೀಡದ್, ನೀಡದೆಲ್ಲಾ ನಾಡದ್; ಅಯಿಂಗಡಲ್ಲಿ ನಾಕ್ ಮಹಿಮೆ ಕ್‌ಟ್ಟಿಯಂಡುಂಡ್.

ರೋಮ್ 1:7

ದೇವ ನಿಂಗಳ ಪ್ರೀತಿ ಮಾಡಿತ್, ಪವಿತ್ರವಾನಯಿಂಗಳಾಯಿತ್ ಇಪ್ಪಕ್ ಕಾಕ್‍ಚಿ. ನಂಗಡ ಅಪ್ಪನಾನ ದೇವಡ ಪಿಂಞ ಒಡೆಯನಾನ ಯೇಸು ಕ್ರಿಸ್ತಂಡ ಕೃಪೆಯು ಸಮಾದಾನವು ನಿಂಗಕ್ ಕ್‍ಟ್ಟಡ್.

1 ಕೊರಿಂಥ 1:4

ಕ್ರಿಸ್ತ ಯೇಸುರ ಮೂಲಕ ನಿಂಗಕ್ ಕ್‍ಟ್ಟ್‌ನ ದೇವಡ ಕೃಪೆಕಾಯಿತ್, ನಾನ್ ನಿಂಗಡ ವಿಷಯತ್‍ಲ್ ಎಕ್ಕಾಲು ದೇವನ ತುದಿಚಂಡುಂಡ್.

2 ಕೊರಿಂಥ 13:4

ಅಂವೊನ ಬಲ ಇಲ್ಲತಂವೊನಾಯಿತ್ ಶಿಲುಬೇಲ್ ಇಟ್ಟತೇಂಗಿಯು, ದೇವಡ ಶಕ್ತಿರಗುಂಡ್ ಬದ್‍ಕಿಯಂಡುಂಡ್; ಅನ್ನನೆ ನಂಗಳು ಅಂವೊಂಡಲ್ಲಿ ಬಲ ಇಲ್ಲತಯಿಂಗಳಾಯಿತ್ ಇಂಜತೇಂಗಿಯು, ನಿಂಗಕ್ ಸೇವೆ ಮಾಡ್‌ವಕಾಯಿತ್ ದೇವಡ ಶಕ್ತಿರಗುಂಡ್ ಅಂವೊಂಡಲ್ಲಿ ನಂಗ ಬದ್‍ಕಿಯಂಡಿಪ್ಪ.

2 ಕೊರಿಂಥ 8:9

ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಕೃಪೆ ನಿಂಗಕ್ ಗೊತ್ತುಂಡ್; ಅಂವೊ ಐಶ್ವರ್ಯವಂತಂವೊನಾಯಿತ್ ಇಂಜತೇಂಗಿಯು, ಅಂವೊಂಡ ಗರೀಬತನತ್‍ರಗುಂಡ್ ನಿಂಗ ಐಶ್ವರ್ಯವಂತಯಿಂಗಳಾಯಿತ್ ಆಪನೆಕೆ ಅಂವೊ ನಿಂಗಕಾಯಿತ್ ಗರೀಬನಾಚಿ.

ಫಿಲಿಪ್ಪಿ 3:9

ಕ್ರಿಸ್ತನ ನಾಕ್ ಸ್ವಂತವಾಯಿತ್ ಮಾಡ್‌ವಕ್, ನ್ಯಾಯಪ್ರಮಾಣತ್‍ರ ಪ್ರಕಾರ ನಾಕ್ ಕ್‍ಟ್ಟುವ ನೀತಿನ ಎಡ್‍ಕತೆ, ಕ್ರಿಸ್ತಂಡ ಮೇಲೆ ಬೆಪ್ಪ ನಂಬಿಕೇರಗುಂಡ್ ದೇವ ನಾಕ್ ತಪ್ಪ ನೀತಿನ ಎಡ್‍ತೊವಿ.

2 ಥೆಸಲೊನೀಕ 1:10

ಅನ್ನನೆ ಅಂವೊ ಬಪ್ಪಕ, ಅಂವೊನ ನಂಬ್‍ನ ಪವಿತ್ರವಾನಯಿಂಗಡಲ್ಲಿ ಮಹಿಮೆ ಪಟ್ಟಿತ್, ಅಂವೊನ ನಂಬ್‍ನಯಿಂಗಡಗುಂಡ್ ಬಲ್ಯ ಗನತ್‍ನ ಪಡೆಯುವ. ಅಕ್ಕ, ನಿಂಗಳು ಅಯಿಂಗಡ ಕೂಡೆ ಇಪ್ಪಿರ, ಎನ್ನಂಗೆಣ್ಣ್‌ಚೇಂಗಿ, ನಂಗ ಎಣ್ಣ್‌ನ ಸಾಕ್ಷಿನ ನಿಂಗ ನಂಬಿತುಳ್ಳಿರ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:11

ಇಕ್ಕ, ಎಲ್ಲಾ ಜನಕ್ ರಕ್ಷಣೆ ಕ್‍ಟ್ಟ್‌ವಕುಳ್ಳ ಕೃಪೇನ ದೇವ ಕಾಂಬ್‍ಚಿಟ್ಟತ್.

1 ಪೇತ್ರ 4:14

ಕ್ರಿಸ್ತಂಡ ಪೆದಕಾಯಿತ್ ಜನ ನಿಂಗಳ ಏಜುವದಾಚೇಂಗಿ, ನಿಂಗ ಆಶೀರ್ವಾದ ಪಡ್ಂದಯಿಂಗ, ಮಹಿಮೇರ ಆತ್ಮವಾನ ದೇವಡ ಆತ್ಮ ನಿಂಗಡ ಮೇಲೆ ವಾಸ ಮಾಡ್‌ವ.

ಪ್ರಕಟನೆ 1:4

ಆಸ್ಯ ಪ್ರಾಂತ್ಯತ್‍ಲ್ ಉಳ್ಳ ಏಳ್ ಸಬೇಕ್ ಯೋಹಾನ ಒಳ್‍ದ್‍ವದ್ ಎಂತ ಎಣ್ಣ್‌ಚೇಂಗಿ: ಇಕ್ಕ ಇಪ್ಪಂವೊನು, ಮಿಂಞ ಇಂಜಂವೊನು, ಮಿಂಞಕ್ ಬಪ್ಪಕುಳ್ಳಂವೊನು ಆಯಿತುಳ್ಳ ಯೇಸು ಕ್ರಿಸ್ತಂಡ ಕೃಪೆ ಪಿಂಞ ಸಮಾದಾನ ನಿಂಗಕ್ ಕ್‍ಟ್ಟಡ್. ಯೇಸು ತಾಂಡ ಸಿಂಹಾಸನತ್‍ರ ಮಿಂಞತ್‌ ವಾಸ ಮಾಡಿಯಂಡುಳ್ಳ ಏಳ್ ಆತ್ಮತ್‍ರಗುಂಡ್,