2 ಪೇತ್ರ 3:3 - ಕೊಡವ ಬೈಬಲ್

³ ನಿಂಗಕ್ ಗೊತ್ತಾಂಡೂಂದ್ ಉಳ್ಳ ಆದ್ಯ ವಿಷಯ ಎಂತ ಎಣ್ಣ್‌ಚೇಂಗಿ: ಕಡೆ ಕಾಲತ್‍ಲ್ ಏಜುವಯಿಂಗ ಬಂದಿತ್ ಏಜಿತ್, ಅಯಿಂಗಡ ಇಚ್ಛೆಲ್ ನಡ್‍ಪ.

2 ಪೇತ್ರ 3:3 Iomraidhean Croise

ಜ್ಞಾನತ್‌ರ ಪಡಿಮ 1:22

ಸಾದು ಜನಳೇ, ಇಂಞು ಎಚ್ಚಕ್‌ ಕಾಲ ನಿಂಗ ಮೂಡತನತ್‌ಲ್‌ ಕುಶಿಪಡುವಿರಾ? ಪರಿಹಾಸ ಮಾಡ್‌ವಯಿಂಗಳೇ, ಇಂಞು ಎಚ್ಚಕ್‌ ಕಾಲ ನಿಂಗ ಪರಿಹಾಸ ಮಾಡ್‌ವದ್‌ಲ್‌ ಕುಶಿಪಡುವಿರಾ? ಮೂಡಂಗಳೇ, ಇಂಞು ಎಚ್ಚಕ್‌ ಕಾಲ ನಿಂಗ ಅರಿವ್‌ನ ದ್ವೇಷ ಮಾಡುವಿರ?

ಜ್ಞಾನತ್‌ರ ಪಡಿಮ 14:6

ಪರಿಹಾಸ ಮಾಡ್‌ವಂವೊ ಜ್ಞಾನತ್‌ನ ತ್‍ೕಡ್‌ಚೇಂಗಿಯು ಅಂವೊಂಗ್‌ ಕ್‌ಟ್ಟುಲೆ, ಆಚೇಂಗಿ ವಿವೇಕ ಉಳ್ಳಂವೊಂಗ್‌ ಅರಿವು ಸುಲಭವಾಯಿತ್‌ ಕ್‌ಟ್ಟುವ.

ಜ್ಞಾನತ್‌ರ ಪಡಿಮ 3:34

ಪರಿಹಾಸ ಮಾಡ್‌ವಂವೊನ ಯೆಹೋವ ಪರಿಹಾಸ ಮಾಡುವ. ತಗ್ಗಿತ್‌ ಉಳ್ಳಯಿಂಗಕ್‌ ಕರುಣೆ ಕಾಟುವ.

ಯೋಹಾನ 12:48

ನನ್ನ ಅಲ್ಲಗೆಳೆದಿತ್, ನಾಡ ವಾಕ್ಯತ್‍ನ ಸ್ವೀಕಾರ ಮಾಡತಯಿಂಗಳ ನಾನ್ ನ್ಯಾಯತೀರ್ಪ್ ಮಾಡುಲೆ, ನಾನ್ ಎಣ್ಣ್‌ನ ದೇವಡ ವಾಕ್ಯವೇ ಆಕೀರ್ ದಿವಸತ್‍ಲ್ ಅಂವೊನ ನ್ಯಾಯತೀರ್ಪ್ ಮಾಡ್‌ವ.

2 ಕೊರಿಂಥ 4:2

ಅದ್ಂಡ ಬದ್‍ಲ್, ಞಾಣ ಆಪಕುಳ್ಳ ಪಿಂಞ ಗುಟ್ಟಾಯಿತುಳ್ಳ ವಿಷಯತ್‍ನೆಲ್ಲಾ ನಂಗ ತ್‍ಕ್ಕಾರ ಮಾಡಿತ್, ಕಪಟಿಯರನೆಕೆ ನಡ್‍ಕತೆ, ದೇವಡ ವಾಕ್ಯತ್‍ನ ತಪ್ಪಾಯಿತ್ ಬೋದನೆ ಮಾಡಿಯಂಡಿಲ್ಲೆ. ಆಚೇಂಗಿ, ಸತ್ಯತ್‍ನ ಎಲ್ಲಾರ್‌ಕು ಗೊತ್ತಾಪನೆಕೆ ಅರಿಚಿಟ್ಟಿತ್, ದೇವಡ ಮಿಂಞತ್ ಎಲ್ಲಾ ಮನುಷ್ಯಂಗಡ ಮನಸಾಕ್ಷಿಕ್ ನಂಗ ಸತ್ಯವಂತಯಿಂಗಾಂದ್ ಕಾಂಬ್‍ಚಿಟ್ಟಂಡುಂಡ್.

2 ತಿಮೊಥೆಯ 3:1

ಈ ಲೋಕತ್‍ರ ಆಕೀರ್ ದಿವಸತ್‍ಲ್ ಕಠಿಣ ಕಾಲ ಬಪ್ಪಾಂದ್ ಗೇನ ಬೆಚ್ಚ.

ಇಬ್ರಿಯ 1:2

ಆಚೇಂಗಿ, ಕಡೆ ಕಾಲವಾನ ಇಕ್ಕ, ಅಂವೊಂಡ ಮೋಂವೊಂಡ ಮೂಲಕ ನಂಗಡ ಕೂಡೆ ತಕ್ಕ್ ಪರ್‌ಂದಿತುಂಡ್. ಇಂವೊನ ಎಲ್ಲಾಂಗು ಹಕ್ಕ್‌ದಾರನಾಯಿತ್ ನೇಮಿಚಿಟ್ಟಿತ್, ಇಂವೊನಗುಂಡ್ ಇಡೀ ಲೋಕತ್‍ನ ಸೃಷ್ಟಿ ಮಾಡ್‍ಚಿ.

2 ಪೇತ್ರ 1:20

ಎಲ್ಲಾಕಿಂಜ ಮುಕ್ಯವಾಯಿತ್, ದೇವಡ ವಾಕ್ಯತ್‍ಲ್ ಉಳ್ಳ ಏದ್ ಪ್ರವಾದನೆಯು ಪ್ರವಾದಿಯಂಗಡ ಸ್ವಂತ ಗೇನತ್ಂಜ ಬಂದದ್ ಅಲ್ಲಾಂದ್ ನಿಂಗಕ್ ಗೊತ್ತಿರಡ್.

2 ಪೇತ್ರ 2:10

ಎಲ್ಲಾಕಿಂಜ, ಅಯಿಂಗಡ ಸ್ವಂತ ಮೋಸವಾನ ಲೈಂಗಿಕ ಪಾಪತ್‍ರ ಗುಣತ್‍ರ ಆಸೆರನೆಕೆ ಬದ್‍ಕ್‍ವಕ್ ಬಗ್ಗ್‌ಚಿಟ್ಟಿತ್ ನಡ್ಂದಂಡ್, ಒಡೆಯಂಡ ಅದಿಕಾರತ್‍ನ ಅಲ್ಲಗೆಳೆಯುವಯಿಂಗಕ್ ಕಂಡಿತವಾಯಿತ್ ಇನ್ನನೆ ಮಾಡ್‌ವ. ಈಂಗ, ದಾರ್ ಎಣ್ಣ್‌ಚೇಂಗಿಯು ತಗ್ಗಿತ್‌ ನಡ್‌ಕತಯಿಂಗಳು, ಆಂಗಾರಿಯಳು, ದೇವಡ ಸನ್ನಿದಾನತ್‍ಲ್ ಪರಲೋಕತ್‍ಲ್ ಮಹಿಮೆ ಪಡ್ಂದಯಿಂಗಳ ದೂಷಣೆ ಮಾಡ್‌ವಕ್ ಪೋಡಿಯಿಲ್ಲತಯಿಂಗಳು ಆಯಿತುಂಡ್.

1 ಯೋಹಾನ 2:18

ನಾಡ ಮಕ್ಕಳೇ ಕಡೆ ಕಾಲ ಬೆರಿಯ ಬಂದಂಡುಂಡ್! ಅಕ್ಕ, ನಾನೇ ಕ್ರಿಸ್ತಾಂದ್ ಪೊಟ್ಟ್ ಪರಿಯುವಂವೊ ಬಪ್ಪಾಂದ್ ಅಕ್ಕ ಕ್‍ೕಟಿತುಳ್ಳಿರ, ಆಚೇಂಗಿ ಇಕ್ಕಲೆ ಕಳ್ಳ ಕ್ರಿಸ್ತಂಗ ಬಂದಿತುಂಡ್. ಅಂದಕ ಇದ್ ಕಡೆ ಕಾಲಾಂದ್ ನಂಗಕ್ ಗೊತ್ತಾಪ.

ಯೂದ ಒಳ್‍ದ್‍ನ ಕಾಗದ 1:16

ಈಂಗ ಗೊಣಗುವಯಿಂಗಳು, ಕುತ್ತಪರಿಯುವಯಿಂಗಳು, ತಂಗಡ ತಂಗಡ ಕೆಟ್ಟ ಆಸೆನೆ ಪೂರ್ತಿ ಮಾಡ್‌ವಯಿಂಗಳಾಯಿತುಂಡ್. ಅಯಿಂಗ ಅಯಿಂಗಳ ಹೊಗಳ್‍ಚಿಟ್ಟಂಡ್, ಅಯಿಂಗಕ್ ಬೋಂಡಿಯಾನದ್ ಕ್‍ಟ್ಟ್‌ವಕಾಯಿತ್ ಬೋರೆಯಿಂಗಳ ಕೊಂಡಾಡುವ.

ಯೂದ ಒಳ್‍ದ್‍ನ ಕಾಗದ 1:18

ಕಡೆ ಕಾಲತ್‍ಲ್ ಬಕ್ತಿಯಿಲ್ಲತ ತಂಗಡ ಸ್ವಂತ ಆಸೇನ ಪೂರೈಚಿಡುವ ಏಜುವಯಿಂಗ ಬಪ್ಪಾಂದ್ ಅಯಿಂಗ ನಿಂಗಕ್ ಎಣ್ಣಿತ್ಂಜತಲ್ಲ.