2 ಪೇತ್ರ 3:10 - ಕೊಡವ ಬೈಬಲ್

¹⁰ ಒಡೆಯಂಡ ದಿವಸ ಒರ್ ಕಳ್ಳ ಬಪ್ಪನೆಕೆ ಬಪ್ಪ; ಬಲ್ಯ ಸದ್ದ್ ಕ್‍ೕಪ, ಅಕ್ಕ, ಪಂಚಬೂತಂಗ ಎಲ್ಲಾ ತಿತ್ತ್‌ರಗುಂಡ್ ಕತ್ತಿ ಪೋಪ, ಬಾನ ಕಾಂಗತೆ ಆಯಿಪೋಪ, ಬೂಮಿಯು ಅದ್‍ಲ್ ಉಳ್ಳ ಎಲ್ಲವೂ ಇಲ್ಲತ ಆಯಿಪೋಪ.

2 ಪೇತ್ರ 3:10 Iomraidhean Croise

ಮಲಾಕಿ 4:5

ಇದಾ, ಯೆಹೋವಂಡ ಬಲ್ಯ ಪಿಂಞ ಬಯಂಗರವಾನ ದಿವಸ ಬಪ್ಪಕ್‌ ಮಿಂಞ ನಾನ್‌ ನಿಂಗಡ ಪಕ್ಕ ಎಲೀಯ ಪ್ರವಾದಿನ ಅಯಿಚಂಡುಳ್ಳ.

ಮತ್ತಾಯ 24:35

ಬಾನ ಬೂಮಿ ಎಲ್ಲಾ ನಾಶ ಆಪ, ಆಚೇಂಗಿ ನಾಡ ತಕ್ಕ್ ನಾಶ ಆಪುಲೆ.

ಮಾರ್ಕ 13:31

ಬಾನ ಬೂಮಿ ಎಲ್ಲಾ ನಾಶ ಆಪ, ಆಚೇಂಗಿ ನಾಡ ತಕ್ಕ್ ನಾಶ ಆಪುಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:39

ನಿಂಗಕ್ ಗೊತ್ತಿರಡ್, ಕಳ್ಳ ಎಚ್ಚಕ್ ನೇರ‌ಕ್ ಬಪ್ಪಾಂದ್ ಆ ಮನೆರ ಎಜಮಾನಂಗ್ ಗೊತ್ತ್‌ಂಜತೇಂಗಿ, ಆ ಕಳ್ಳ ಮನೇಯಿಂಜ ಕಟ್ಟಂಡ್ ಪೋಪಕ್ ಬುಡುಲೆ.

ರೋಮ್ 8:20

ಎನ್ನಂಗೆಣ್ಣ್‌ಚೇಂಗಿ, ಎಲ್ಲಾ ಸೃಷ್ಟಿಯ ಅದ್ಂಡ ಕುಶೀರನೆಕೆ ಮಾಡತೆ, ದೇವಡ ಶಾಪಕ್ ಒಳಪಟ್ಟಿತುಂಡ್.

1 ಕೊರಿಂಥ 1:8

ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ದಿವಸತ್‍ಲ್ ನಿಂಗ ಒರ್ ತಪ್ಪು ಇಲ್ಲತಯಿಂಗಳಾಯಿತ್ ನಿಪ್ಪಕ್ ಕಡೇಕತ್ತನೆ ಅಂವೊ ನಿಂಗಳ ಸ್ತಿರಪಡ್‍ತ್‌ವ.

1 ಕೊರಿಂಥ 5:5

ಅನ್ನನೆ ಪಾಪ ಮಾಡ್‍ನ ಮನುಷ್ಯಂಡ ಆತ್ಮ, ಒಡೆಯ ಪುನಃ ಬಪ್ಪ ದಿವಸತ್‍ಲ್ ಬಚಾವ್ ಆಪಕಾಯಿತ್, ಅಂವೊಂಡ ತಡಿ ಇಕ್ಕ ಪಾಳಾಪನೆಕೆ, ಅಂವೊನ ಸೈತಾನಂಗ್ ಒಪ್ಪ್‌ಚಿಡಂಡು.

2 ಕೊರಿಂಥ 1:14

ಒಡೆಯನಾನ ಯೇಸು ಪುನಃ ಬಪ್ಪ ದಿವಸತ್‍ಲ್, ನಿಂಗಡ ವಿಷಯತ್ ನಂಗ ಹೆಮ್ಮೆ ಪಡ್‌ವನೆಕೆ, ನಿಂಗಳು ಸಹ ನಂಗಡ ವಿಷಯತ್ ಹೆಮ್ಮೆ ಪಡ್‍ವಿರಾಂದ್ ಚೆನ್ನಮಟ್ಟಕ್ ನಿಂಗ ಒತ್ತಂಡುಳ್ಳಿರಲ್ಲ.

1 ಥೆಸಲೊನೀಕ 5:2

ನಿಂಗಕ್ ಚಾಯಿ ಗೊತ್ತುಳ್ಳನೆಕೆ, ಬಯಿಟ್ ದಾರ್‌ಕು ಗೊತ್ತಿಲ್ಲತ ಸಮಯತ್‍ಲ್ ಕಳ್ಳ ಬಪ್ಪನೆಕೆ ಒಡೆಯಂಡ ದಿವಸ ಬಪ್ಪ.

1 ಥೆಸಲೊನೀಕ 5:4

ಅಣ್ಣತಮ್ಮಣಂಗಳೇ, ಆ ದಿನ ಒರ್ ಕಳ್ಳ ಬಪ್ಪನೆಕೆ ಬಪ್ಪ. ನಿಂಗ ಬೊಳಿರ ಮಕ್ಕಳಾಯಿತುಳ್ಳಗುಂಡ್ ನಿಂಗಕ್ ಇದ್ ಆಶ್ಚರ್ಯ ಪಡ್‌ವಕುಳ್ಳ ವಿಷಯ ಆಯಿತಿಪ್ಪುಲೆ.

2 ಪೇತ್ರ 3:11

ಎಲ್ಲಾ ಇನ್ನನೆ ನಾಶ ಆಯಿ ಪೋಪಗುಂಡ್, ನಿಂಗ ಎನ್ನನೆ ಉಳ್ಳಯಿಂಗಳಾಯಿತ್ ಇಕ್ಕಂಡು? ನಿಂಗ ಪವಿತ್ರವಾಯಿತ್, ಬಕ್ತಿ ಉಳ್ಳಯಿಂಗಳಾಯಿತ್ ಬದ್‍ಕಂಡು.

2 ಪೇತ್ರ 3:12

ಅನ್ನನೆ ನಿಂಗ ಬದ್‍ಕಿಯಂಡ್, ಅಂವೊಂಗಾಯಿತ್ ಎಲ್ಲಾನ ಮಾಡಿಯಂಡ್ ಪಾರಕಾತಂಡ್ ಇರಿ. ಅಕ್ಕ, ದೇವಡ ದಿವಸ ಬೆರಿಯ ಬಂದ್‍ರ್‍ವ; ಆ ದಿವಸತ್‍ಲ್ ಬಾನ ತಿತ್ತ್‌ಲ್ ಬೆಂಜಿತ್ ಪೋಪ ಅದ್ಂಡ ಉರಿಲ್ ಪಂಚಬೂತಂಗ ಎಲ್ಲಾ ಉರುಗಿ ಪೋಪ.

2 ಪೇತ್ರ 3:7

ಇಕ್ಕ ಉಳ್ಳ ಬಾನವು, ಬೂಮಿಯು, ಆ ತಕ್ಕ್‌ರಗುಂಡ್, ತಿತ್ತ್‌ಕಾಯಿತ್ ಬೆಚ್ಚಿತುಂಡ್, ದೇವಡ ಮೇಲೆ ಬಕ್ತಿ ಇಲ್ಲತಯಿಂಗಕ್ ನ್ಯಾಯತೀರ್ಪ್ ಕ್‍ಟ್ಟಿತ್ ನಾಶ ಆಪಕತ್ತನೆ ಬದ್ರವಾಯಿತ್ ಅದ್‍ನ ಕಾಪಾಡಿಯಂಡುಂಡ್.

ಯೂದ ಒಳ್‍ದ್‍ನ ಕಾಗದ 1:6

ಅಯಿಂಗಯಿಂಗಡ ಅದಿಕಾರತ್‍ರ ಸ್ತಾನತ್‍ನ ಕಾಪಾಡತೆ, ಅಯಿಂಗಕ್ ದೇವ ತಂದ ಜಾಗತ್‍ನ ಬುಟ್ಟಿತ್ ಪೋನ ಪರಲೋಕತ್‍ಲ್ ಇಂಜ ಚೆನ್ನ ದೂತಂಗಳ, ಅಂವೊ ಮಹಾ ದಿವಸತ್‍ರ ತೀರ್ಪ್‌ಕಾಯಿತ್ ಅಯಿಂಗಳ ನಿತ್ಯ ಸರ್ಪಣಿಲ್ ಕೆಟ್ಟಿತ್ ಇರ್‌ಟ್‌ಲ್ ಬೆಚ್ಚಿತ್ ಉಂಡ್.

ಪ್ರಕಟನೆ 16:15

ನೋಟಿ! ನಾನ್ ಕಳ್ಳ ಬಪ್ಪನೆಕೆ ಬಪ್ಪಿ. ಞಾಣ ಆಪನೆಕೆ, ಬೆತ್ತಲೆಯಾಯಿತ್ ಇಕ್ಕತೆ, ಎಚ್ಚರತ್‍ಲ್ ಇಂಜಂಡ್ ತಾಂಡ ಬಟ್ಟೇನ ಕಾಪಾಡ್‌ವಂವೊ ಆಶೀರ್ವಾದ ಪಡ್ಂದಂವೊ.

ಪ್ರಕಟನೆ 20:11

ಅಲ್ಲಿಂಜ, ನಾನ್ ಬೊಳ್‍ತ ಸಿಂಹಾಸನತ್‍ನ, ಅದ್ಂಡಮೇಲೆ ಅಳ್‌ತಿತ್ ಉಳ್ಳಂವೊನ ಕಂಡಿಯೆ; ಅಂವೊಂಡ ಸನ್ನಿದಾನತ್ಂಜ ಬೂಮಿಯು ಬಾನವು ಕಾಂಗತೆ ಆಯಿಪೋಚಿ. ಅದ್ ಇಂಜ ಜಾಗ ಸಹ ಇಲ್ಲತೆ ಆಚಿ.

ಪ್ರಕಟನೆ 21:1

ಅಲ್ಲಿಂಜ ಪುದಿಯ ಬಾನ ಪಿಂಞ ಪುದಿಯ ಬೂಮಿನ ಕಂಡಿಯೆ; ಮಿಂಞತ್‍ರ ಬಾನ ಮಿಂಞತ್‍ರ ಬೂಮಿ ಇಲ್ಲತೆ ಆಯಿಪೋಚಿ; ಸಮುದ್ರ ಸಹ ಇಲ್ಲತೆ ಆಯಿಪೋಚಿ

ಪ್ರಕಟನೆ 3:3

ಆನಗುಂಡ್, ನೀನ್ ನನ್ನಿಂಜ ಎಂತದ್‍ನ ಪಡ್ಂದಿತುಳ್ಳಿಯ, ಎಂತಾನ ಕ್‍ೕಟಿತುಳ್ಳಿಯ ಅದ್‍ನ ಗೇನ ಮಾಡ್. ಅದ್ಂಗ್ ತಗ್ಗಿತ್ ನಡ್‌ಂದಿತ್, ಪಶ್ಚಾತಾಪ ಪಡ್. ನೀನ್ ಎಚ್ಚರ ಎಡ್‍ಕತೆ ಪೋನಕ, ಒರ್ ಕಳ್ಳ ಬಪ್ಪನೆಕೆ ನಾನ್ ನೀಡ ಮೇಲೆ ಬಪ್ಪಿ; ನಾನ್ ಬಪ್ಪ ಸಮಯ ನೀಕ್ ಗೊತ್ತಾಪುಲೆ.

ಪ್ರಕಟನೆ 6:14

ಬಾನ ಒರ್ ಪುಸ್ತಕತ್‍ರನೆಕೆ ಉರ್ಂಡ್ ಕಾಂಗತೆ ಆಯಿಪೋಚಿ; ಎಲ್ಲಾ ಕುಂದು, ದ್ವೀಪವು ಅದ್ಂಡ ಜಾಗತ್‍ನ ಬುಟ್ಟಿತ್ ಕಾಂಗತೆ ಆಯಿಪೋಚಿ.