5 ಪಂಡ್ ಕಾಲತ್ಲ್, ದೇವಡ ನೀತಿನ ಬೋದನೆ ಮಾಡ್ನ ನೋಹ ಎಣ್ಣ್ವಂವೊ ಪಿಂಞ ಅಂವೊಂಡ ಕೂಡೆ ಇಂಜ ಏಳ್ ಜನಳ ಮಾತ್ರ ಕಾಪಾಡಿತ್, ದೇವ ಬಕ್ತಿ ಇಲ್ಲತಯಿಂಗಡ ಮೇಲೆ ಜಲಪ್ರಳಯ ಬಪ್ಪಕ್ ಮಾಡಿತ್, ಈ ಲೋಕತ್ನ ಸಹ ಶಿಕ್ಷೆಯಿಂಜ ದೇವ ಕಾಪಾಡಿತ್ಲ್ಲೆ.
ನೋಟ್! ನಾನ್ ಈ ಬೂಮಿನ ಜಲಪ್ರಳಯತ್ಂಜ ಮುಚ್ಚಿತ್, ಅದ್ಯಿಂಜ ಉಸಿರಾಡಿಯಂಡ್ ಉಳ್ಳ ಎಲ್ಲಾ ಜೀವಿಯತ್ನ ನಾಶ ಮಾಡುವಿ. ಬೂಮಿರ ಮೇಲೆ ಉಳ್ಳದೆಲ್ಲ ಚತ್ತ್ ಪೋಪ.
ಇದ್ ನೋಹಂಡ ವಂಶಾವಳಿ: ಆ ಕಾಲತ್ಲ್ ಇಂಜ ಜನಡ ಮದ್ಯತ್ ನೋಹ, ನೀತಿವಂತಂವೊನಾಯಿತು, ಓರ್ ಕುತ್ತವು ಇಲ್ಲತೆ ಬದಿಕಿಯಂಡಿಂಜ ಒರೇ ಮನುಷ್ಯನು ಆಯಿತ್ಂಜತ್. ಅಂವೊ ದೇವಡ ಕೂಡೆ ದುಂಬ ಐಕ್ಯತ್ಲ್ ನಡ್ದಂಡಿಂಜತ್.
ನಂಬಿಕೇರ ಮೂಲಕ ನೋಹ, ಅಂವೊ ಬದ್ಕಿಯಂಡ್ ಇಂಜ ಕಾಲತ್ಲ್, ಮಿಂಞಕ್ ಬಪ್ಪಕುಳ್ಳ ವಿಷಯತ್ಲ್ ದೇವಡಿಂಜ ಎಚ್ಚರ ಕ್ಟ್ಟಿತ್, ದೇವಡ ಬಕ್ತಿ ಉಳ್ಳಂವೊನಾಯಿತ್, ತಾಂಡ ಮನೆಲ್ ಉಳ್ಳಯಿಂಗಳ ಕಾಪಾಡ್ವಕ್ ಒರ್ ಕಪ್ಪಲ್ನ ಮಾಡ್ಚಿ; ಅದ್ನಗುಂಡ್, ಈ ಲೋಕಕ್ ದಂಡೆನೇರ ತೀರ್ಪ್ ಕ್ಟ್ಟ್ಚೀಂದ್ ತೀರ್ಪ್ ಮಾಡಿತ್, ನಂಬಿಕೇರ ಮೂಲಕ ಕ್ಟ್ಟುವ ನೀತಿಕ್ ಬಾದ್ಯತೆ ಕ್ಟ್ಟ್ನಂವೊನಾಚಿ.
ಪಿಂಞ ಜಲಪ್ರಳಯ ಬಂದಿತ್ ಅಕ್ಕತ್ರ ಲೋಕತ್ನ ಪಾಳ್ ಮಾಡ್ಚೀಂದ್ ಅಯಿಂಗಕ್ ಗೊತ್ತ್ಂಜತೇಂಗಿಯು ಬೋಂಡೂಂದೇ ಮರ್ಂದ್ ಪೋಯಿರ್ತ್.