2 ಪೇತ್ರ 2:10 - ಕೊಡವ ಬೈಬಲ್

¹⁰ ಎಲ್ಲಾಕಿಂಜ, ಅಯಿಂಗಡ ಸ್ವಂತ ಮೋಸವಾನ ಲೈಂಗಿಕ ಪಾಪತ್‍ರ ಗುಣತ್‍ರ ಆಸೆರನೆಕೆ ಬದ್‍ಕ್‍ವಕ್ ಬಗ್ಗ್‌ಚಿಟ್ಟಿತ್ ನಡ್ಂದಂಡ್, ಒಡೆಯಂಡ ಅದಿಕಾರತ್‍ನ ಅಲ್ಲಗೆಳೆಯುವಯಿಂಗಕ್ ಕಂಡಿತವಾಯಿತ್ ಇನ್ನನೆ ಮಾಡ್‌ವ. ಈಂಗ, ದಾರ್ ಎಣ್ಣ್‌ಚೇಂಗಿಯು ತಗ್ಗಿತ್‌ ನಡ್‌ಕತಯಿಂಗಳು, ಆಂಗಾರಿಯಳು, ದೇವಡ ಸನ್ನಿದಾನತ್‍ಲ್ ಪರಲೋಕತ್‍ಲ್ ಮಹಿಮೆ ಪಡ್ಂದಯಿಂಗಳ ದೂಷಣೆ ಮಾಡ್‌ವಕ್ ಪೋಡಿಯಿಲ್ಲತಯಿಂಗಳು ಆಯಿತುಂಡ್.

2 ಪೇತ್ರ 2:10 Iomraidhean Croise

ಆದ್ಯತ್‌ರ ಪುಸ್ತಕ 49:6

ನಾಡ ಆತ್ಮವೇ, ಈಂಗಡ ಕೆಟ್ಟ ಆಲೋಚೆನೆಕ್‌ ಒಳಪಡತೆ . ನಾಡ ಹೃದಯವೇ ಅಯಿಂಗಡ ಕೂಟ್‌ಕ್‌ ಕೂಡತೆ. ಈಂಗ, ಚೆಡಿಲ್‌ ಮನುಷ್ಯಂಗಳ ಕೊಂದಿತ್, ಬರೀ ಕಳಿಕಾಯಿತ್‌ ದುಂಬ ಎತ್ತ್‌ನ ಊನ ಮಾಡ್‌ಚಲ್ಲ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:25

ಆ ಮನೆಕ್ ಬಪ್ಪಕ, ಆ ಮನೆ ಒಡ್‌ಕಿತ್, ಚಾಯಿ ಮಾಡಿತ್ ಇಪ್ಪದ್‍ನ ಕಂಡಿತ್,

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:14

ಅಂವೊಂಡ ಪಟ್ಟಣತ್‍ಲ್ ಉಳ್ಳ ಜನಕೆಲ್ಲ ಅಂವೊಂಡ ಮೇಲೆ ವಿರೋದ ಇಂಜಗುಂಡ್: ಇಂವೊ ನಂಗಡ ರಾಜನಾಯಿತ್ ಇಪ್ಪಕ್ ನಂಗಕ್ ಕುಶಿಯಿಲ್ಲೇಂದ್ ಎಣ್ಣ್‌ವಕ್ ಅಂವೊಂಡ ಬಯ್ಯತ್ ದೂತಂಗಳ ಅಯಿಚತ್.

ಅಪೊಸ್ತಲ 23:5

ಅಕ್ಕ ಪೌಲ: ಅಣ್ಣತಮ್ಮಣಂಗಳೇ, ಇಂವೊ ಮಹಾ ಯಾಜಕಾಂದ್ ನಾಕ್ ಗೊತ್ತ್‌ಲ್ಲೆ. ನೀಡ ಜನಡ ಅದಿಪತಿರ ವಿಷಯತ್ ಕೆಟ್ಟದ್ ಎಣ್ಣ್‌ವಕ್ಕಾಗಾಂದ್ ದೇವಡ ವಾಕ್ಯತ್‍ಲ್ ಒಳ್‌ದಿತುಂಡಲ್ಲಾಂದ್ ಎಣ್ಣ್‌ಚಿ.

ರೋಮ್ 8:1

ಆನಗುಂಡ್, ದೇವ ಅಂವೊನ ನಂಬತಯಿಂಗಕ್ ತಪ್ಪ ಶಿಕ್ಷೆ, ಕ್ರಿಸ್ತ ಯೇಸುರ ಕೂಡೆ ಐಕ್ಯತ್‍ಲ್ ಉಳ್ಳಯಿಂಗಕ್ ತಪ್ಪುಲೆ.

1 ಕೊರಿಂಥ 6:9

ಅನೀತಿ ಮಾಡ್‌ವಯಿಂಗ ದೇವಡ ರಾಜ್ಯಕ್ ಬಾದ್ಯತೆ ಉಳ್ಳಯಿಂಗಳಾಯಿತ್ ಇಪ್ಪುಲೇಂದ್ ನಿಂಗಕ್ ಗೊತ್ತ್‌ಲ್ಲೆಯಾ? ನಿಂಗ ಮೋಸ ಪೋಕತಿ; ಕಳ್ಳ ಸಂಬಂದ ಉಳ್ಳಯಿಂಗ, ವಿಗ್ರಹ ಆರಾದನೆ ಮಾಡ್‌ವಯಿಂಗ, ವ್ಯಬಿಚಾರ ಮಾಡ್‌ವಯಿಂಗ, ವ್ಯಬಿಚಾರ ಮಾಡ್‌ವ ಆಣಾಳ್‌ಂಗ, ಆಣ್-ಆಣ್, ಪೊಣ್ಣಾಳ್-ಪೊಣ್ಣಾಳ್ ವ್ಯಬಿಚಾರ ಮಾಡ್‌ವಯಿಂಗ,

2 ಕೊರಿಂಥ 10:3

ನಂಗ ಈ ತಡೀಲ್ ಇಂಜತೇಂಗಿಯು, ತಡೀಲ್ ಯುದ್ದ ಮಾಡ್‌ವನೆಕೆ ನಂಗ ಮಾಡುಲೆ.

ಎಫೆಸ 4:19

ಸೊಯ ತಪ್ಪಿತ್, ಎಲ್ಲಾ ಅಶುದ್ದ ಕ್ರಿಯೇನ ಕುಶೀಲ್ ಮಾಡಿಯಂಡಿಪ್ಪಕಾಯಿತ್, ಲೈಂಗಿಕ ಪಾಪಕ್ ಅಯಿಂಗಳ ಅಯಿಂಗ ಒಪ್ಪ್‌ಚಿಟ್ಟಯಿಂಗಾಳಾಯಿತುಂಡ್.

ಎಫೆಸ 5:5

ವ್ಯಬಿಚಾರ ಮಾಡ್‌ವಯಿಂಗ, ಅಶುದ್ದ ಕಾರ್ಯ ಮಾಡ್‌ವಯಿಂಗ, ಅತಿ ಆಸೆಯಾನ ವಿಗ್ರಹ ಆರಾದನೆ ಮಾಡ್‌ವಯಿಂಗಳಾನ ಈಂಗ ದಾರ್‌ಕು ದೇವಡ ರಾಜ್ಯವಾಯಿತುಳ್ಳ ಕ್ರಿಸ್ತಂಡ ರಾಜ್ಯತ್‍ಲ್ ಬಾದ್ಯತೆ ಇಲ್ಲೇಂದ್ ನಿಂಗಕ್ ಗೊತ್ತುಂಡಲ್ಲ?

ಕೊಲೊಸ್ಸೆ 3:5

ಆನಗುಂಡ್, ಲೈಂಗಿಕ ಪಾಪ, ಪವಿತ್ರಯಿಲ್ಲತ ವಿಷಯ, ಇಚ್ಛೆ, ಕೆಟ್ಟ ಆಸೆ, ದುಷ್ಟತನ, ಅತಿ ಆಸೆಯಾಯಿತುಳ್ಳ ವಿಗ್ರಹ ಆರಾದನೆ, ಈ ಲೋಕತ್‍ರ ಗುಣವಾಯಿತುಳ್ಳ ಇದೆಲ್ಲಾ ನಿಂಗಡಿಂಜ ಪಾಳ್ ಆಪನೆಕೆ ಬುಡ್‍ವಿರ.

1 ಥೆಸಲೊನೀಕ 4:7

ಈ ತರ ಪವಿತ್ರ ಇಲ್ಲತ ಕೆಲಸ ಮಾಡ್‌ವಕ್ ದೇವ ನಂಗಳ ಕಾಕಿತ್‌ಲ್ಲೆ, ದೇವ ನಂಗಳ ಪವಿತ್ರವಾಯಿತ್ ಪಾಪ ಇಲ್ಲತೆ ಬದ್‍ಕಂಡೂಂದ್ ಕಾಕಿತುಂಡ್.

2 ತಿಮೊಥೆಯ 3:2

ಜನ ಅಯಿಂಗಯಿಂಗಳ ಕುಶಿಪಡ್‌ತ್‌ವ ಸ್ವಾರ್ತಂಗಳಾಯಿತ್, ದುಡ್ಡ್‌ರ ಮೇಲೆ ಅತಿ ಆಸೆ ಉಳ್ಳಯಿಂಗಳಾಯಿತ್, ಅಯಿಂಗಳ ಅಯಿಂಗಳೇ ಹೊಗಳ್‌ವಯಿಂಗಳಾಯಿತ್, ಆಂಗಾರ ಉಳ್ಳಯಿಂಗಳಾಯಿತ್, ಮರ್ಯಾದೆ ಕೊಡ್‍ಕತಯಿಂಗಳಾಯಿತ್, ಅಯಿಂಗಡ ಅಪ್ಪವ್ವಂಡ ತಕ್ಕ್‌ನ ಕ್‍ೕಕತಯಿಂಗಳಾಯಿತ್, ಸಹಾಯ ಮಾಡ್‍ನಯಿಂಗಳ ಗೇನ ಮಾಡತಯಿಂಗಳಾಯಿತ್, ಅಪವಿತ್ರಯಿಂಗಳಾಯಿತ್,

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:7

ಸಬೆರ ಪೆರಿಯಯಿಂಗ ದೇವಡ ಮಕ್ಕಳ ಚಾಯಿತೆ ನಡ್‍ತಿಯಂಡ್ ಪೋಪ ಜವಾಬ್ದಾರಿ ಉಳ್ಳಂವೊನಾಯಿತ್ ಇಪ್ಪ. ಆನಗುಂಡ್, ದಾರೂ ಕುತ್ತ ಪರಿಯುವಕ್ ಕಯ್ಯತನೆಕೆ ಅಂವೊಂಡ ಬದ್‍ಕ್ ಇರಂಡು. ಅಂವೊಂಡ ಕುಶೀರನೆಕೆ ಮಾಡ್‍ವಂವೊನಾಯಿತು, ಬೆರಿಯ ಚೆಡಿ ಬಪ್ಪಂವೊನಾಯಿತು, ಕುಡಿಪಂವೊನಾಯಿತು, ಜಗಳ ಮಾಡ್‌ವಕ್ ಕುಶಿಯುಳ್ಳಂವೊನಾಯಿತು, ದುಡ್ಡ್‌ರ ಮೇಲೆ ಆಸೆ ಉಳ್ಳಂವೊನಾಯಿತು ಇಪ್ಪಕ್ಕಾಗ.

ಇಬ್ರಿಯ 13:4

ಮಂಗಲತ್‍ನ ಎಲ್ಲಾರು ಗನಪಡ್‌ತಂಡು, ಮಂಗಲ ಕಯಿಚಯಿಂಗ ಅಯಿಂಗಯಿಂಗಡ ವಡಿಯ ಪೊಣ್ಣ್‌ಕ್ ನಂಬಿಕಸ್ತಯಿಂಗಳಾಯಿತ್ ಇಕ್ಕಂಡು; ವೇಶಿಯಳ ಪಿಂಞ ವ್ಯಬಿಚಾರ ಮಾಡ್‌ವಯಿಂಗಳ ದೇವ ನ್ಯಾಯತೀರ್ಪ.

2 ಪೇತ್ರ 3:3

ನಿಂಗಕ್ ಗೊತ್ತಾಂಡೂಂದ್ ಉಳ್ಳ ಆದ್ಯ ವಿಷಯ ಎಂತ ಎಣ್ಣ್‌ಚೇಂಗಿ: ಕಡೆ ಕಾಲತ್‍ಲ್ ಏಜುವಯಿಂಗ ಬಂದಿತ್ ಏಜಿತ್, ಅಯಿಂಗಡ ಇಚ್ಛೆಲ್ ನಡ್‍ಪ.

ಯೂದ ಒಳ್‍ದ್‍ನ ಕಾಗದ 1:10

ಆಚೇಂಗಿ ನಿಂಗಡ ಮದ್ಯತ್‍ಲ್ ಕಳ್ಳ ಬೋದನೆ ಮಾಡಿಯಂಡುಳ್ಳ ಈ ಜನ ಅಯಿಂಗಕ್ ಅರ್ಥ ಆಕತ ವಿಷಯತ್‍ನ ಎಲ್ಲಾ ಕೆಟ್ಟದಾಯಿತ್ ತಕ್ಕ್ ಪರಿವ. ಪಿಂಞ ಬುದ್ದಿ ಇಲ್ಲತ ಪ್ರಾಣಿಯರನೆಕೆ ಅಯಿಂಗಕ್ ಗೊತ್ತುಳ್ಳ ವಿಷಯತ್‍ನ ಸ್ವಾಬಾವಿಕವಾಯಿತ್ ಕಳಿಚಿತ್, ಅದ್‍ಯಿಂಜ ಅಯಿಂಗಯಿಂಗಳೇ ಪಾಳ್ ಮಾಡಿಯೊವ.

ಯೂದ ಒಳ್‍ದ್‍ನ ಕಾಗದ 1:16

ಈಂಗ ಗೊಣಗುವಯಿಂಗಳು, ಕುತ್ತಪರಿಯುವಯಿಂಗಳು, ತಂಗಡ ತಂಗಡ ಕೆಟ್ಟ ಆಸೆನೆ ಪೂರ್ತಿ ಮಾಡ್‌ವಯಿಂಗಳಾಯಿತುಂಡ್. ಅಯಿಂಗ ಅಯಿಂಗಳ ಹೊಗಳ್‍ಚಿಟ್ಟಂಡ್, ಅಯಿಂಗಕ್ ಬೋಂಡಿಯಾನದ್ ಕ್‍ಟ್ಟ್‌ವಕಾಯಿತ್ ಬೋರೆಯಿಂಗಳ ಕೊಂಡಾಡುವ.

ಯೂದ ಒಳ್‍ದ್‍ನ ಕಾಗದ 1:18

ಕಡೆ ಕಾಲತ್‍ಲ್ ಬಕ್ತಿಯಿಲ್ಲತ ತಂಗಡ ಸ್ವಂತ ಆಸೇನ ಪೂರೈಚಿಡುವ ಏಜುವಯಿಂಗ ಬಪ್ಪಾಂದ್ ಅಯಿಂಗ ನಿಂಗಕ್ ಎಣ್ಣಿತ್ಂಜತಲ್ಲ.

ಯೂದ ಒಳ್‍ದ್‍ನ ಕಾಗದ 1:4

ಎನ್ನಂಗೆಣ್ಣ್‌ಚೇಂಗಿ, ದೇವಡ ಮೇಲೆ ದಂಗೆ ಮಾಡ್‌ವ ಚೆನ್ನ ಜನ ನಿಂಗಕ್ ಗೊತ್ತಿಲ್ಲತೆ ನಿಂಗಡ ಸಬೇಲ್ ನುಗ್ಗಿತ್, ದೇವಡ ಕೃಪೆ ನಂಗಳ ಕಾಮಾಬಿಲಾಷೆ ಪಾಪ ಮಾಡ್‌ವಕ್ ಅನುಮತಿ ಕೊಡ್‍ತಿತುಂಡ್‍ೕಂದ್ ಎಣ್ಣಿಯಂಡ್, ಯೇಸು ಕ್ರಿಸ್ತ ಒಬ್ಬನೇ ನಂಗಡ ಮೇಲೆ ಎಲ್ಲಾ ಅದಿಕಾರ ಉಳ್ಳ ಒಡೆಯಾಂದ್ ಉಳ್ಳಾನ ಒತ್ತಂಡಿಲ್ಲೆ. ಅಯಿಂಗಡ ತೀರ್ಪ್‌ನ ಪಂಡೇ ದೇವ ಒಳ್‍ದಿ ಬೆಚ್ಚಿತುಂಡ್.