2 ಪೇತ್ರ 1:9 - ಕೊಡವ ಬೈಬಲ್

⁹ ಈ ಗುಣವೆಲ್ಲ ದಾರ್‌ಕ್ ಇಲ್ಲೆಯೋ, ಅಯಿಂಗ ಮಿಂಞ ಮಾಡ್‍ನ ಪಾಪತ್ಂಜ ಪವಿತ್ರ ಆನದ್‍ನ ಮರ್ಂದ್ ಪೋಯಿತ್, ದೂರತ್‍ಲ್ ಉಳ್ಳದ್‍ನ ಕಾಂಬಕ್ ಕಯ್ಯತ ಕುರ್‌ಡಂಗನೆಕೆ ಆಯಿತ್‌ಪ್ಪ.

2 ಪೇತ್ರ 1:9 Iomraidhean Croise

ಮಾರ್ಕ 10:21

ಯೇಸು ಅಂವೊನ ಪ್ರೀತಿಲ್ ನೋಟಿತ್: ನೀಕ್ ಒರ್ ವಿಷಯ ಮಾತ್ರ ಕಮ್ಮಿಯುಂಡ್, ನೀಡ ಪಕ್ಕ ಉಳ್ಳದ್‍ನೆಲ್ಲ ಮಾರ್‌ವಂಜಿ ಆ ಪಣತ್‍ನ ಗರೀಬಂಗಕ್ ಕೊಡ್, ಅಕ್ಕ ಪರಲೋಕತ್‍ಲ್ ನೀಕ್ ಐಶ್ವರ್ಯ ದುಂಬಿತ್ ಕ್‍ಟ್ಟುವ, ಪಿಂಞ ನಾಡ ಬಯ್ಯ ಬಾಂದ್ ಯೇಸು ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:22

ಯೇಸು ಇದ್‍ನೆಲ್ಲ ಕ್‍ೕಪದು: ಇಂಞು ಒಂದ್ ನೀನ್ ಮಾಡ್‌ವಕುಂಡ್. ನೀಡ ಪಕ್ಕ ಉಳ್ಳದ್‍ನೆಲ್ಲ ಮಾರ್‌ವಂಜಿ ಆ ಪಣತ್‍ನ ಗರೀಬಂಗಕ್ ಕೊಡ್, ಅಕ್ಕ ಪರಲೋಕತ್‍ಲ್ ನೀಕ್ ಐಶ್ವರ್ಯ ದುಂಬಿತ್ ಕ್‍ಟ್ಟುವ, ಪಿಂಞ ನಾಡ ಬಯ್ಯ ಬಾಂದ್ ಯೇಸು ಎಣ್ಣ್‌ಚಿ.

ರೋಮ್ 6:11

ಅನ್ನನೆ ನಿಂಗಳು, ನಿಂಗಳ ಪಾಪಕ್ ಚತ್ತಯಿಂಗಳಾಯಿತು, ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡಲ್ಲಿ ಉಳ್ಳ ಐಕ್ಯತ್‍ಲ್ ದೇವಕಾಯಿತ್ ಬದ್‍ಕಿಯಂಡುಳ್ಳಯಿಂಗಳಾಯಿತು ಗೇನ ಮಾಡಿಯೊಳಿ.

ಗಲಾತ್ಯ 5:13

ನಾಡ ಅಣ್ಣತಮ್ಮಣಂಗಳೇ, ನಿಂಗ ಇಕ್ಕ ಸ್ವಾತಂತ್ರವಾಯಿತ್ ಬದ್‍ಕ್‍ವಕ್ ದೇವ ನಿಂಗಳ ಕಾಕ್‍ಚಿ, ನಿಂಗಕ್ ಕ್‍ಟ್ಟ್‌ನ ಈ ಸ್ವಾತಂತ್ರತ್‍ನ ನಿಂಗಡ ಇಚ್ಛೆರನೆಕೆ ಪಾಪತ್‍ರ ಗುಣತ್‍ಲ್ ನಡ್‍ಪಕ್ ಉಪಯೋಗಿಚಿಡತಿ. ಆಂಡ ಬದ್‍ಲ್ ನಿಂಗ ಪ್ರೀತಿಲ್ ಒಬ್ಬಂಗ್ ಒಬ್ಬ ಸೇವೆ ಮಾಡಿ.

ಗಲಾತ್ಯ 5:6

ನಂಗಡ ನಂಬಿಕೆ ಯೇಸು ಕ್ರಿಸ್ತಂಡ ಮೇಲೆ ಇಂಜತೇಂಗಿ, ಸುನ್ನತಿ ಮಾಡಿತ್ಂಜತೇಂಗಿಯು, ಮಾಡತ ಇಂಜತೇಂಗಿಯು, ಅದ್ ಒಂದು ಲೆಕ್ಕ ಆಪುಲೆ. ಅದ್ಂಡ ಬದ್‍ಲಾಯಿತ್ ನಂಬಿಕೇಲ್, ಪ್ರೀತಿರಗುಂಡ್ ನಂಗ ಮಾಡ್‌ವ ಕಾರ್ಯವೇ ಮುಕ್ಯವಾನದ್.

ಎಫೆಸ 5:26

ಅಂವೊ ಅಂವೊಂಡ ಸಬೇನ ದೇವಡ ವಾಕ್ಯ ಎಣ್ಣುವ ನೀರ್‌ಲ್ ಮುಕ್ಕಿತ್ ಕತ್ತಿತ್, ಪವಿತ್ರವಾಯಿತ್ ಮಾಡ್‌ವಕು,

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:14

ಅಂವೊ, ನಂಗಳ, ನಂಗಡ ಎಲ್ಲಾ ಪಾಪತ್ಂಜ ಬುಡ್‍ಗಡೆ ಮಾಡಿತ್, ಅಂವೊಂಡ ಸ್ವಂತ ಜನವಾಯಿತ್ ಮಾಡ್‌ವಕಾಯಿತ್, ಎಲ್ಲಾ ನಲ್ಲ ಕೆಲಸತ್‍ನ ಕುಶೀಲ್ ಮಾಡ್‌ವಕ್ ಅರ್ಪಿಚಿಟ್ಟಯಂಗಳಾಯಿತ್ ಪಿಂಞ ನಂಗಳ ಶುದ್ದ ಮಾಡ್‌ವಕಾಯಿತ್ ಅಂವೊನ ಅಂವೊನೇ ನಂಗಕಾಯಿತ್ ಒಪ್ಪ್‌ಚಿಟ್ಟತ್.

ಇಬ್ರಿಯ 9:14

ಅನ್ನನೆ ಆಚೇಂಗಿ, ನಿತ್ಯ ಆತ್ಮತ್‍ರಗುಂಡ್, ಅಂವೊನ ಅಂವೊನಾಯಿತೇ ಒರ್ ಕುತ್ತವು ಇಲ್ಲತ ಬಲಿಯಾಯಿತ್ ದೇವಕ್ ಅರ್ಪಿಚಿಟ್ಟ ಕ್ರಿಸ್ತಂಡ ಚೋರೆ, ಜೀವವಾಯಿತುಳ್ಳ ದೇವಕ್ ಸೇವೆ ಮಾಡ್‌ವಕ್ ನಿಂಗಡ ಮನಸಾಕ್ಷಿನ ಪಾಪತ್‍ರ ಕ್ರಿಯೇಯಿಂಜ ಶುದ್ದ ಮಾಡ್‍ವದ್ ಎಚ್ಚಕ್ ನಿಶ್ಚಯವಾಯಿತುಂಡ್.

1 ಪೇತ್ರ 3:21

ಅದ್ಂಗ್ ಸಮವಾನ ನಂಗಡ ರಕ್ಷಣೆಕಾಯಿತುಳ್ಳ ದೀಕ್ಷಾಸ್ನಾನ ಎಂತ ಎಣ್ಣ್‌ಚೇಂಗಿ, ಅದ್ ನಂಗಡ ತಡೀರ ಅಶುದ್ದತ್‍ನ ಕತ್ತುವ ವಿಷಯ ಅಲ್ಲ. ಆಚೇಂಗಿ, ದೇವಡ ವಿಷಯತ್ ನಂಗಡ ಮನಸಾಕ್ಷಿರ ಒಪ್ಪಂದವಾಯಿತ್, ಇಕ್ಕ ನಂಗಳ ಯೇಸು ಕ್ರಿಸ್ತ ಚಾವ್‍ಯಿಂಜ ಜೀವತ್‍ಲ್ ಬಂದ ಮೂಲಕ ರಕ್ಷಣೆ ಮಾಡಿಯೆ.

1 ಯೋಹಾನ 1:7

ಆಚೇಂಗಿ, ದೇವ ಬೊಳಿಲ್ ಉಳ್ಳನೆಕೆ ನಂಗಳು ಬೊಳಿಳ್ ನಡ್ಂದತೇಂಗಿ, ಅಕ್ಕ ನಂಗ ಒಬ್ಬೊಬ್ಬಂಡ ಕೂಡೆ ಐಕ್ಯತ್‍ಲ್ ಉಂಡ್‍ೕಂದ್ ಆಪ; ದೇವಡ ಮೋಂವೊನಾನ ಯೇಸು ಕ್ರಿಸ್ತಂಡ ಚೋರೆ ನಂಗಡ ಸಕಲ ಪಾಪತ್‍ನ ಶುದ್ದ ಮಾಡ್‌ವ.

ಪ್ರಕಟನೆ 3:17

ನಾನ್ ಐಶ್ವರ್ಯವಂತಂವೊ, ನಾಕ್ ದುಂಬ ಸೊತ್ತ್ ಕೂಟಿ ಬೆಚ್ಚಿಯೆ, ನಾಕ್ ಒಂದು ಕಮ್ಮಿಯಿಲ್ಲೇಂದ್ ನೀನ್ ಎಣ್ಣಿಯಂಡುಳ್ಳಿಯ. ಆಚೇಂಗಿ, ನೇರಾಯಿತ್ ನೀನ್ ಒರ್ ಗತಿಯು ಇಲ್ಲತಂವೊನಾಯಿತು, ವ್ಯಸನಕಾರನಾಯಿತು, ಗರೀಬನಾಯಿತು, ಕುರ್‌ಡನಾಯಿತು, ಬೆತ್ತಲೆಯಾಯಿತು ಉಳ್ಳಿಯಾಂದ್ ನೀಕ್ ಅರ್ಥ ಆಯಂಡಿಲ್ಲೆ.