2 ಪೇತ್ರ 1:3 - ಕೊಡವ ಬೈಬಲ್

³ ದೇವಡ ಶಕ್ತಿ ನಂಗಡ ಈ ಬದ್‍ಕ್‍ಕ್ ಬೋಂಡಿಯಾನ ಎಲ್ಲಾನ ತಂದಿತ್, ದೇವಡ ಬಕ್ತಿಲ್ ಬದ್‍ಕ್‍ವಕ್ ಮಾಡಿಯಂಡುಂಡ್. ಅಂವೊಂಡ ಮಹಿಮೇರಗುಂಡ್ ಪಿಂಞ ನಲ್ಲ ಗುಣತ್‍ರಗುಂಡ್ ನಂಗಳ ಕಾಕ್‍ನಂವೊನ ಗೊತ್ತಾನಗುಂಡ್ ಇದೆಲ್ಲ ನಂಗಕ್ ಕ್‍ಟ್ಟ್‌ಚಿ.

2 ಪೇತ್ರ 1:3 Iomraidhean Croise

ಜ್ಞಾನತ್‌ರ ಪಡಿಮ 12:4

ನಲ್ಲ ಗುಣವುಳ್ಳ ಪೊಣ್ಣ್‌ ಅವಡ ವಡಿಯಂಗ್‌ ಕಿರೀಟವಾಯಿತ್‌ಪ್ಪ. ಆಚೇಂಗಿ ಞಾಣ ಇಲ್ಲತ ಪೊಣ್ಣ್‌ ವಡಿಯಂಡ ಮೂಳೆಕ್‌ ಕೀಂಜಿ ಬಂದನೆಕೆ ಇಪ್ಪ.

ಜ್ಞಾನತ್‌ರ ಪಡಿಮ 31:10

ನಲ್ಲ ಗುಣವುಳ್ಳ ಪೊಣ್ಣ್‌ನ ದಾರ್‌ಕ್‌ ಕಂಡ್‌ಪುಡಿಪಕಯ್ಯು? ಅವ ಮಾಣಿಕ್ಯಕಿಂಜಿ ಬಲ್ಯ ಬೆಲೆ ಉಳ್ಳವ.

ಜ್ಞಾನತ್‌ರ ಪಡಿಮ 31:29

ಸುಮಾರ್‌ ಪೊಣ್ಣಾಳುವ ನಲ್ಲ ಗುಣವುಳ್ಳಯಿಂಗಳಾಯಿತ್‌ ನಡ್‌ಂದಿತ್‌ ಉಂಡ್. ಆಚೇಂಗಿ, ಅಯಿಂಗ ಎಲ್ಲಾಂಕಿಂಜಿ ನೀನೇ ಮೇಲಾನವ ಎಣ್ಣಿಯಂಡ್‌ ಅವಡ ವಡಿಯ ಅವಳ ಹೊಗಳುವ.

ಮತ್ತಾಯ 28:18

ಯೇಸು ಅಯಿಂಗಡ ಪಕ್ಕ ಪೋಯಿತ್, ನಾಕ್ ಪರಲೋಕತ್‌ಲು ಬೂಲೋಕತ್‌ಲು ಎಲ್ಲಾ ಅದಿಕಾರ ನಾಕ್ ತಂದಿತುಂಡ್.

ರೋಮ್ 8:32

ದೇವ ತಾಂಡ ಸ್ವಂತ ಮೋಂವೋಂದ್ ಸಹ ನೋಟತೆ, ನಂಗ ಎಲ್ಲಾರ್‍ಕಾಯಿತ್ ಅಂವೊನ ಒಪ್ಪ್‌ಚಿಟ್ಟಕ, ಅಂವೊಂಡ ಕೂಡೆ ಬೋರೆ ಎಲ್ಲಾನ ಸಹ ಕೃಪೆಯಾಯಿತ್ ನಂಗಕ್ ತರತೆ ಇಪ್ಪದ್ ಎನ್ನನೆ?

ರೋಮ್ 9:24

ದೇವಡ ಬಲ್ಯ ಚೆಡಿಕ್ ಯೋಗ್ಯವಾನ ಪಾತ್ರತ್‍ರಮೇಲೆ, ದುಂಬ ತಾಳ್ಮೆಲ್ ಸಹಿಸಿಯಂಡ್ ಇಂಜತೇಂಗಿ ನೀಕ್ ಎಂತ?

1 ಕೊರಿಂಥ 1:9

ನಂಗಡ ಒಡೆಯನಾಯಿತುಳ್ಳ ದೇವಡ ಮೋಂವೊನಾನ ಯೇಸು ಕ್ರಿಸ್ತಂಡ ಕೂಡೆ ಐಕ್ಯತ್‍ಲ್ ಇಪ್ಪಕ್ ನಿಂಗಳ ಕಾಕ್‍ನ ದೇವ ಸತ್ಯವುಳ್ಳಂವೊನಾಯಿತುಂಡ್.

2 ಕೊರಿಂಥ 12:9

ಅದ್ಂಗ್ ಅಂವೊ: ನಾಡ ಕೃಪೆ ನೀಕ್ ಮದಿ, ಬಲಹೀನವಾನ ಸಮಯತ್‍ಲ್ ನಾಡ ಬಲ ನೀಕ್ ಪೂರ್ತಿಯಾಯಿತ್ ಕ್‌ಟ್ಟುವಾಂದ್ ಎಣ್ಣ್‌ಚಿ. ಆನಗುಂಡ್ ಕ್ರಿಸ್ತಂಡ ಶಕ್ತಿ ನಾಡಲ್ಲಿ ನಿಪ್ಪಕಾಯಿತ್, ನಾಡ ಬಲಹೀನವಾನ ವಿಷಯತ್‍ಲ್ ನಾನ್ ದುಂಬ ಕುಶೀಲ್ ಹೊಗಳಿಯಂಡುಳ್ಳ.

ಎಫೆಸ 4:1

ಆನಗುಂಡ್, ದೇವ ನಿಂಗಳ ಕಾಕ್‍ನನೆಕೆ, ನಿಂಗ ಅದ್ಂಗ್ ಯೋಗ್ಯವಾನ ಬದ್‍ಕ್‍ನ ಬಾಳಡೂಂದ್ ಒಡೆಯಂಗಾಯಿತ್ ಕೈದಿಯಾಯಿತ್ ಉಳ್ಳ ನಾನ್, ನಿಂಗಳ ಬೋಡುವಿ.

ಎಫೆಸ 4:4

ಒರೇ ನಿರೀಕ್ಷೆಕಾಯಿತ್ ದೇವ ನಿಂಗಳ ಕಾಕಿತ್ ಕೂಟ್‍ನನೆಕೆ, ಒರೇ ತಡಿಯು, ಒರೇ ಪವಿತ್ರಾತ್ಮವು ಉಂಡ್.

ಫಿಲಿಪ್ಪಿ 3:8

ಅಚ್ಚಕ್ ಮಾತ್ರ ಅಲ್ಲ, ನಾಡ ಒಡೆಯನಾನ ಕ್ರಿಸ್ತ ಯೇಸುರ ವಿಷಯತ್‍ನ ಅರಿಯುವ ಜ್ಞಾನತ್‍ರ ಮಿಂಞತ್ ಬೋರೆ ಒಂದು ಪ್ರಯೋಜನ ಇಲ್ಲತದ್‍ೕಂದ್ ಗೇನ ಮಾಡ್‍ನ. ಕ್ರಿಸ್ತನ, ನಾಡ ಸ್ವಂತವಾಯಿತ್ ಮಾಡ್‌ವಕ್, ಅಂವೊಂಡ ಪಕ್ಕ ನಾನ್ ಇಪ್ಪಕಾಯಿತ್, ನಾಕ್ ಉಳ್ಳ ಎಲ್ಲಾನ ಕಳೆಂದಿತ್, ಅದೆಲ್ಲಾ ಕಸಕ್ ಸಮಾಂದ್ ಗೇನ ಮಾಡಿಯೆ.

ಫಿಲಿಪ್ಪಿ 4:8

ಆಕೀರ್‌ಕ್, ನಾಡ ಅಣ್ಣತಮ್ಮಣಂಗಳೇ, ಏದೆಲ್ಲಾ ಸತ್ಯವೊ, ಏದೆಲ್ಲಾ ಯೋಗ್ಯವೊ, ಏದೆಲ್ಲಾ ನೀತಿಯುಳ್ಳದೋ, ಏದೆಲ್ಲಾ ಶುದ್ದವಾನದೋ, ಏದೆಲ್ಲಾ ನಲ್ಲದೋ, ಏದೆಲ್ಲಾ ಬಾರಿ ಚಾಯಿ ಉಂಡೋ, ಎದಂಗೆಲ್ಲಾ ನಲ್ಲ ಪೆದ ಉಂಡೋ, ಏದೆಲ್ಲಾ ಹೊಗಳುವನಕೆ ಉಂಡೋ ಅಂತ ವಿಷಯತ್‍ನ ನಿಂಗ ಎಕ್ಕಾಲು ಗೇನ ಮಾಡಿಯಂಡಿರಿ.

ಕೊಲೊಸ್ಸೆ 1:16

ಎನ್ನಂಗೆಣ್ಣ್‌ಚೇಂಗಿ, ಅಂವೊನಗುಂಡ್ ದೇವ ಎಲ್ಲಾನ ಸೃಷ್ಟಿ ಮಾಡ್‍ಚಿ. ಪರಲೋಕತ್‍ಲ್ ಉಳ್ಳದು, ಬೂಲೋಕತ್‍ಲ್ ಉಳ್ಳದು, ಕಾಂಬಕುಳ್ಳದು, ಕಾಂಬಕಯ್ಯತದು, ರಾಜಂಗಳು, ರಾಜ್ಯಂಗಳು, ಏದ್ ಅದಿಕಾರವು, ಅದಿಕಾರಿಯಂಗಳು, ಇದೆಲ್ಲಾ ಅಂವೊಂಡ ಮೂಲಕ, ಅಂವೊಂಗಾಯಿತ್ ಸೃಷ್ಟಿ ಮಾಡ್‍ಚಿ.

1 ಥೆಸಲೊನೀಕ 2:12

ದೇವ ಅಂವೊಂಡ ರಾಜ್ಯಕು, ಮಹಿಮೆಕು, ನಿಂಗ ಪಾಲ್‍ದಾರಂಗಳಾಯಿತ್ ಇಪ್ಪಕ್ ನಿಂಗಳ ಕಾಕ್‍ನಗುಂಡ್, ನಂಗ ನಿಂಗಕ್ ಬುದ್ದಿ ಎಣ್ಣಿಯಂಡ್, ಸಮಾದಾನ ಮಾಡಿಯಂಡ್, ದೇವಡ ಮಕ್ಕ ಎನ್ನನೆ ಇರಂಡುವೋ ಅನ್ನನೆ ಬದ್‍ಕಂಡೂಂದ್ ನಿಂಗಳ ಬೋಡಿಯಂಡಿಂಜತ್.

1 ಥೆಸಲೊನೀಕ 4:7

ಈ ತರ ಪವಿತ್ರ ಇಲ್ಲತ ಕೆಲಸ ಮಾಡ್‌ವಕ್ ದೇವ ನಂಗಳ ಕಾಕಿತ್‌ಲ್ಲೆ, ದೇವ ನಂಗಳ ಪವಿತ್ರವಾಯಿತ್ ಪಾಪ ಇಲ್ಲತೆ ಬದ್‍ಕಂಡೂಂದ್ ಕಾಕಿತುಂಡ್.

2 ಥೆಸಲೊನೀಕ 2:14

ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಮಹಿಮೇಕ್ ಪಾಲ್‍ದಾರಂಗಳಾಯಿತ್ ಇಪ್ಪಕ್, ನಂಗ ನಿಂಗಕ್ ಮಾಡ್‍ನ ನಲ್ಲ ಸುದ್ದಿರ ಬೋದನೆರ ಮೂಲಕ ಅಂವೊಂಡ ಪಕ್ಕ ನಿಂಗಳ ಕಾಕ್‍ಚಿ.

1 ತಿಮೊಥೆಯ 4:8

ತಡೀರ ವ್ಯಯಾಮ ಮಾಡ್‍ವದ್ ನಲ್ಲದ್, ಆಚೇಂಗಿ ಆತ್ಮೀಯ ವ್ಯಯಾಮ ಎಲ್ಲಾಕಿಂಜ ಮೇಲಾನದ್, ಇಕ್ಕತ್‍ರ ಬದ್‍ಕ್‍ಕ್ ಪಿಂಞ ಬಪ್ಪಕುಳ್ಳ ಬದ್‍ಕ್‍ಕ್ ಅದ್ ಪ್ರಯೋಜನ ಆಪ.

2 ತಿಮೊಥೆಯ 1:9

ಎನ್ನಂಗೆಣ್ಣ್‌ಚೇಂಗಿ ದೇವ ನಂಗಳ ರಕ್ಷಣೆ ಮಾಡಿತ್, ಪವಿತ್ರವಾನ ಬದ್‍ಕ್ ಬಾಳ್‌ವಕ್ ನಂಗಳ ಕಾಕಿತುಂಡ್. ನಂಗಕ್ ಇದ್ ಕ್‍ಟ್ಟ್‌ವಕ್ ಒರ್ ಯೊಗ್ಯತೆಯು ಇಲ್ಲೆ. ಆಚೇಂಗಿ, ಕಾಲ ಸುರ್ ಆಪಕ್ ಮಿಂಞಲೇ, ಈ ಕೃಪೆ ಯೇಸು ಕ್ರಿಸ್ತನಗುಂಡ್ ನಂಗಕ್ ಕ್‍ಟ್ಟಂಡೂಂದ್ ದೇವಡ ಚಿತ್ತವಾಯಿತ್ಂಜತ್.

ಇಬ್ರಿಯ 1:3

ಇಂವೊ ದೇವಡ ಮಹಿಮೇರ ಬೊಳಿಯು, ಅಂವೊಂಡ ರೂಪತ್‍ರ ಪ್ರತಿಮೆಯುವಾಯಿತುಂಡ್. ಅದಲ್ಲತೆ, ಎಲ್ಲಾನ ಅಂವೊಂಡ ಶಕ್ತಿ ದುಂಬ್‍ನ ವಾಕ್ಯತ್‍ರಗುಂಡ್ ಪೊರ್‍ತಂಡ್ ಅಂವೊನಗುಂಡ್ ನಂಗಡ ಪಾಪತ್‍ನ ಕಳೆಯುವಕಾಯಿತ್ ಶುದ್ದ ಮಾಡ್‌ವ ಕ್ರಿಯೇನ ಮಾಡ್‍ಚಿ. ಪಿಂಞ ಪರಲೋಕತ್‍ಲ್ ಉಳ್ಳ ಮಹಿಮೆ ದುಂಬ್‍ನಂವೊಂಡ ಬಲ್‌ತೆ ಬರಿಲ್ ಅಳ್‌ತತ್.

1 ಪೇತ್ರ 1:15

ನಿಂಗಳ ಕಾಕ್‍ನಂವೊ ಪವಿತ್ರವಾಯಿತ್ ಉಳ್ಳನೆಕೆ, ನಿಂಗ ಮಾಡ್‌ವ ಎಲ್ಲಾ ವಿಷಯತ್‍ಲು ಪವಿತ್ರವಾಯಿತಿರಿ.

1 ಪೇತ್ರ 1:5

ಅದ್ಂಗಾಯಿತ್ ನಿಂಗಳ ದೇವ ನಂಬಿಕೇರಗುಂಡ್ ದೇವಡ ಶಕ್ತಿರ ಬಲತ್‍ಲ್, ಆಕೀರ್ ಕಾಲತ್‍ಲ್ ರಕ್ಷಣೆ ಪೊರಮೆ ಕಾಂಬಕತ್ತನೆ ತಯಾರಾಯಿತ್ ಬದ್ರವಾಯಿತ್ ಕಾಪಾಡಿಯಂಡ್,

1 ಪೇತ್ರ 2:21

ಇದ್ಂಗಾಯಿತೇ ದೇವ ನಿಂಗಳ ಕಾಕಿಯತ್, ಎನ್ನಂಗೆಣ್ಣ್‌ಚೇಂಗಿ, ಕ್ರಿಸ್ತನು ನಿಂಗಕಾಯಿತ್ ಪಾಡ್‍ಪಟ್ಟಿತ್ ನಿಂಗ ಅಂವೊಂಡ ಬಟ್ಟೇಲ್ ಬಪ್ಪಕಾಯಿತ್ ಅಂವೊನ ಒರ್ ಉದಾರಣೆಯಾಯಿತ್ ಮಾಡ್‍ಚಿ.

1 ಪೇತ್ರ 2:9

ಆಚೇಂಗಿ ನಿಂಗ, ನಿಂಗಳ ಇರ್‌ಟ್‌ಂಜ ತಾಂಡ ಅದ್ಬುತವಾನ ಬೊಳಿಕ್ ಕಾಕ್‌ನಂವೊಂಡ ತುದಿನ ಅರಿಚಿಡ್‌ವಕ್, ದೇವ ಗೊತ್ತ್ ಮಾಡ್‍ನಯಿಂಗಳಾಯಿತ್, ರಾಜಕೀಯ ಯಾಜಕಂಗಳಾಯಿತ್, ಪವಿತ್ರವಾನ ರಾಜ್ಯತ್‍ರ ಮಕ್ಕಳಾಯಿತ್ ಪಿಂಞ ದೇವಡ ಸ್ವಂತ ಜನವಾಯಿತ್ ಉಳ್ಳಿರ.

1 ಪೇತ್ರ 3:9

ಕ್‍ೕಡ್ ಮಾಡ್‌ವಯಿಂಗಕ್ ಕ್‍ೕಡ್ ಮಾಡತಿ, ಅವಮಾನ ಮಾಡ್‌ವಯಿಂಗಳ ಅವಮಾನ ಮಾಡತಿ, ಆಚೇಂಗಿ, ನಿಂಗ ಆಶೀರ್ವಾದ ಪಡೆಯುವಕ್ ದೇವ ನಿಂಗಳ ಕಾಕಿತುಂಡ್‍ೕಂದ್ ಗೇನ ಮಾಡಿತ್ ಅಯಿಂಗಳ ಆಶೀರ್ವಾದ ಮಾಡಿ.

1 ಪೇತ್ರ 5:10

ಯೇಸು ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ನಂಗಳ ತಾಂಡ ನಿತ್ಯ ಮಹಿಮೇಕ್ ಕಾಕ್‍ನ ಕೃಪೆ ದುಂಬ್‍ನ ದೇವ, ಚೆನ್ನ ಕಾಲ ಕಷ್ಟ ಅನುಬವಿಚಿಡುವ ನಿಂಗಳ ಚಾಯಿ ಮಾಡಿತ್, ಬಲಪಡ್‍ತಿತ್, ಸ್ತಿರಪಡ್‌ತಿತ್, ನಿಪ್ಪ್‌ಚಿಡಡ್.

2 ಪೇತ್ರ 1:10

ಆನಗುಂಡ್ ನಾಡ ಅಣ್ಣತಮ್ಮಣಂಗಳೇ, ನಿಂಗಳ ದೇವ ಕಾಕ್‍ನದ್‌ಲ್ ಪಿಂಞ ದೇವ ಆಯ್ಕೆ ಮಾಡ್‍ನದ್‍ಲ್ ದೃಡವಾಯಿತ್ ಇಪ್ಪಕಾಯಿತ್ ಎಚ್ಚರತ್‍ಲ್ ಇರಿ; ಇನ್ನನೆ ನಿಂಗ ಮಾಡ್‍ಚೇಂಗಿ ನಿಂಗ ಬುದ್ದ್ ಪೋಪುಲೆ.

2 ಪೇತ್ರ 1:2

ದೇವನ ಪಿಂಞ ನಂಗಡ ಒಡೆಯನಾನ ಯೇಸು ಕ್ರಿಸ್ತನ ಅರಿಂಜಿತುಳ್ಳ ಬುದ್ದಿರಗುಂಡ್ ನಿಂಗಕ್ ದುಂಬ್‍ನ ಕೃಪೆಯು ಸಮಾದಾನವು ಕ್‍ಟ್ಟಡ್.

2 ಪೇತ್ರ 1:5

ಈ ಕಾರಣಕಾಯಿತ್, ನಿಂಗ ದುಂಬ ಜಾಗ್ರತೆಲ್, ನಿಂಗಡ ನಂಬಿಕೇರ ಕೂಡೆ ದುಂಬ ನಲ್ಲ ಗುಣತ್‍ನ, ನಲ್ಲ ಗುಣತ್‍ರ ಕೂಡೆ ದೈರ್ಯತ್‍ನ, ದೈರ್ಯತ್‍ರ ಕೂಡೆ ಜ್ಞಾನತ್‍ನ,

2 ಪೇತ್ರ 1:6

ಜ್ಞಾನತ್‍ರ ಕೂಡೆ ತನ್ನಡಕತ್‍ನ, ತನ್ನಡಕತ್‍ರ ಕೂಡೆ ಪೊರುಮೆನ, ಪೊರುಮೆರ ಕೂಡೆ ದೇವ ಬಕ್ತಿನ,

2 ಪೇತ್ರ 1:8

ಈ ಗುಣವೆಲ್ಲ ನಿಂಗಕ್ ಇಂಜಿತ್, ಬೊಳ್‌ಂದತೇಂಗಿ, ನಿಂಗ ನಂಗಡ ಒಡೆಯನಾನ ಯೇಸು ಕ್ರಿಸ್ತನ ಗೊತ್ತಾಯಿತುಳ್ಳ ಬುದ್ದಿಲ್ ಪ್ರಯೋಜನ ಇಲ್ಲತಯಿಂಗಳು, ಫಲ ಕೊಡ್‍ಪಕ್ ಕಯ್ಯತಯಿಂಗಳು ಆಯಿತ್ ಇಪ್ಪಕ್ ಬುಡುಲೆ.

2 ಪೇತ್ರ 2:20

ಒಡೆಯನಾನ ಯೇಸು ಕ್ರಿಸ್ತನ ಗೊತ್ತಾಯಿತ್, ಈ ಲೋಕತ್‍ರ ಪಾಳ್ ಪಾಪತ್ಂಜ ಬಚಾವಾನಯಿಂಗ ಪುನಃ ಅದ್‍ಲ್ ಚಿಕ್ಕಿತ್ ಪೋನಕ ಅಯಿಂಗಕ್ ಬಪ್ಪಕುಳ್ಳ ಸ್ತಿತಿ ಮಿಂಞತ್‍ರ ಸ್ತಿತಿಕಿಂಜ ಮೋಸವಾಯಿತ್‌ಪ್ಪ.

2 ಪೇತ್ರ 3:18

ನಂಗಡ ರಕ್ಷಕನು, ಒಡೆಯನು ಆನ ಯೇಸು ಕ್ರಿಸ್ತಂಡ ಕೃಪೇಲ್, ಅಂವೊನ ಗೊತ್ತ್ ಮಾಡ್‌ವ ವಿಷಯತ್‍ಲ್ ಬೊಳಿವಿರ. ಅಂವೊಂಗ್ ಇಕ್ಕಲು ಎಕ್ಕಲು ಮಹಿಮೆ ಬರಡ್. ಆಮೆನ್.