2 ಪೇತ್ರ 1:2 - ಕೊಡವ ಬೈಬಲ್

² ದೇವನ ಪಿಂಞ ನಂಗಡ ಒಡೆಯನಾನ ಯೇಸು ಕ್ರಿಸ್ತನ ಅರಿಂಜಿತುಳ್ಳ ಬುದ್ದಿರಗುಂಡ್ ನಿಂಗಕ್ ದುಂಬ್‍ನ ಕೃಪೆಯು ಸಮಾದಾನವು ಕ್‍ಟ್ಟಡ್.

2 ಪೇತ್ರ 1:2 Iomraidhean Croise

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:22

ನಾಡ ಅಪ್ಪ ನಾಕ್ ಎಲ್ಲಾನ ಒಪ್ಪ್‌ಚಿಟ್ಟತ್; ಅಪ್ಪನ ಬುಟ್ಟಿತ್ ಬೋರೆ ದಾರ್‌ಕು ಮೋಂವೊನ ಗೊತ್ತಿಪ್ಪುಲೆ; ಇಂಞು ಮೋಂವೊನು, ಮೋಂವೊ ದಾರ್‌ಕ್ ಅಪ್ಪನಾನ ದೇವನ ಕಾಂಬ್‍ಚಿಡ್‍ವಕ್ ಚಿತ್ತ ಉಂಡೋ, ಅಂವೊನಲ್ಲತೆ ಬೋರೆ ದಾರ್‌ಕು ಅಪ್ಪನ ಗೊತ್ತಾಪುಲೇಂದ್ ಎಣ್ಣ್‌ಚಿ.

ಯೋಹಾನ 17:3

ಸತ್ಯ ದೇವನಾಯಿತುಳ್ಳ ನೀನ್ ಒಬ್ಬನ ಪಿಂಞ ನೀನ್ ಅಯಿಚ ಯೇಸು ಕ್ರಿಸ್ತನ ಗೊತ್ತಾಪದೇ ನಿತ್ಯ ಜೀವ.

ರೋಮ್ 1:7

ದೇವ ನಿಂಗಳ ಪ್ರೀತಿ ಮಾಡಿತ್, ಪವಿತ್ರವಾನಯಿಂಗಳಾಯಿತ್ ಇಪ್ಪಕ್ ಕಾಕ್‍ಚಿ. ನಂಗಡ ಅಪ್ಪನಾನ ದೇವಡ ಪಿಂಞ ಒಡೆಯನಾನ ಯೇಸು ಕ್ರಿಸ್ತಂಡ ಕೃಪೆಯು ಸಮಾದಾನವು ನಿಂಗಕ್ ಕ್‍ಟ್ಟಡ್.

2 ಕೊರಿಂಥ 4:6

ಇರ್‌ಟ್‌ಂಜ ಬೊಳಿನ ಮಿನ್ನ್‌ವಕ್ ಎಣ್ಣ್‌ನ ದೇವ, ಯೇಸು ಕ್ರಿಸ್ತಂಡ ಮೂಡ್‍ಲ್ ಉಳ್ಳ ತಾಂಡ ಮಹಿಮೇರ ಜ್ಞಾನತ್‍ರ ಬೊಳಿನ ತಪ್ಪಕಾಯಿತ್, ನಂಗಡ ಹೃದಯತ್‍ಲ್ ಮಿನ್ನ್‌ಚಿ.

ಫಿಲಿಪ್ಪಿ 3:8

ಅಚ್ಚಕ್ ಮಾತ್ರ ಅಲ್ಲ, ನಾಡ ಒಡೆಯನಾನ ಕ್ರಿಸ್ತ ಯೇಸುರ ವಿಷಯತ್‍ನ ಅರಿಯುವ ಜ್ಞಾನತ್‍ರ ಮಿಂಞತ್ ಬೋರೆ ಒಂದು ಪ್ರಯೋಜನ ಇಲ್ಲತದ್‍ೕಂದ್ ಗೇನ ಮಾಡ್‍ನ. ಕ್ರಿಸ್ತನ, ನಾಡ ಸ್ವಂತವಾಯಿತ್ ಮಾಡ್‌ವಕ್, ಅಂವೊಂಡ ಪಕ್ಕ ನಾನ್ ಇಪ್ಪಕಾಯಿತ್, ನಾಕ್ ಉಳ್ಳ ಎಲ್ಲಾನ ಕಳೆಂದಿತ್, ಅದೆಲ್ಲಾ ಕಸಕ್ ಸಮಾಂದ್ ಗೇನ ಮಾಡಿಯೆ.

1 ಪೇತ್ರ 1:2

ಅಪ್ಪನಾನ ದೇವ ಎಲ್ಲಾಕಿಂಜ ಮಿಂಞ ಎಂತ ತೀರ್ಮಾನ ಮಾಡಿತ್ಂಜತೋ, ಅನ್ನನೆ ನಿಂಗಳ ಅಂವೊ ಗೊತ್ತ್ ಮಾಡಿತ್, ನಿಂಗ ಯೇಸು ಕ್ರಿಸ್ತಂಗ್ ಬಗ್ಗಿತ್ ನಡ್‍ಪನೆಕೆ, ಅಂವೊಂಡ ಚೋರೆರ ಮೂಲಕ ನಿಂಗ, ನಿಂಗಡ ಪಾಪತ್ಂಜ ಶುದ್ದ ಆಪನೆಕೆ, ಅಂವೊಂಡ ಆತ್ಮತ್‍ರ ಮೂಲಕ ನಿಂಗಳ ಬೋರೆ ಮಾಡಿತ್ ಶುದ್ದಮಾಡ್‍ಚಿ. ದುಂಬ್‍ನ ಕೃಪೆಯು ಸಮಾದಾನವು ನಿಂಗಕ್ ಇಂಞು ಕ್‍ಟ್ಟಡ್.

2 ಪೇತ್ರ 1:3

ದೇವಡ ಶಕ್ತಿ ನಂಗಡ ಈ ಬದ್‍ಕ್‍ಕ್ ಬೋಂಡಿಯಾನ ಎಲ್ಲಾನ ತಂದಿತ್, ದೇವಡ ಬಕ್ತಿಲ್ ಬದ್‍ಕ್‍ವಕ್ ಮಾಡಿಯಂಡುಂಡ್. ಅಂವೊಂಡ ಮಹಿಮೇರಗುಂಡ್ ಪಿಂಞ ನಲ್ಲ ಗುಣತ್‍ರಗುಂಡ್ ನಂಗಳ ಕಾಕ್‍ನಂವೊನ ಗೊತ್ತಾನಗುಂಡ್ ಇದೆಲ್ಲ ನಂಗಕ್ ಕ್‍ಟ್ಟ್‌ಚಿ.

2 ಪೇತ್ರ 1:5

ಈ ಕಾರಣಕಾಯಿತ್, ನಿಂಗ ದುಂಬ ಜಾಗ್ರತೆಲ್, ನಿಂಗಡ ನಂಬಿಕೇರ ಕೂಡೆ ದುಂಬ ನಲ್ಲ ಗುಣತ್‍ನ, ನಲ್ಲ ಗುಣತ್‍ರ ಕೂಡೆ ದೈರ್ಯತ್‍ನ, ದೈರ್ಯತ್‍ರ ಕೂಡೆ ಜ್ಞಾನತ್‍ನ,

2 ಪೇತ್ರ 1:8

ಈ ಗುಣವೆಲ್ಲ ನಿಂಗಕ್ ಇಂಜಿತ್, ಬೊಳ್‌ಂದತೇಂಗಿ, ನಿಂಗ ನಂಗಡ ಒಡೆಯನಾನ ಯೇಸು ಕ್ರಿಸ್ತನ ಗೊತ್ತಾಯಿತುಳ್ಳ ಬುದ್ದಿಲ್ ಪ್ರಯೋಜನ ಇಲ್ಲತಯಿಂಗಳು, ಫಲ ಕೊಡ್‍ಪಕ್ ಕಯ್ಯತಯಿಂಗಳು ಆಯಿತ್ ಇಪ್ಪಕ್ ಬುಡುಲೆ.

2 ಪೇತ್ರ 2:20

ಒಡೆಯನಾನ ಯೇಸು ಕ್ರಿಸ್ತನ ಗೊತ್ತಾಯಿತ್, ಈ ಲೋಕತ್‍ರ ಪಾಳ್ ಪಾಪತ್ಂಜ ಬಚಾವಾನಯಿಂಗ ಪುನಃ ಅದ್‍ಲ್ ಚಿಕ್ಕಿತ್ ಪೋನಕ ಅಯಿಂಗಕ್ ಬಪ್ಪಕುಳ್ಳ ಸ್ತಿತಿ ಮಿಂಞತ್‍ರ ಸ್ತಿತಿಕಿಂಜ ಮೋಸವಾಯಿತ್‌ಪ್ಪ.

2 ಪೇತ್ರ 3:18

ನಂಗಡ ರಕ್ಷಕನು, ಒಡೆಯನು ಆನ ಯೇಸು ಕ್ರಿಸ್ತಂಡ ಕೃಪೇಲ್, ಅಂವೊನ ಗೊತ್ತ್ ಮಾಡ್‌ವ ವಿಷಯತ್‍ಲ್ ಬೊಳಿವಿರ. ಅಂವೊಂಗ್ ಇಕ್ಕಲು ಎಕ್ಕಲು ಮಹಿಮೆ ಬರಡ್. ಆಮೆನ್.

ಯೂದ ಒಳ್‍ದ್‍ನ ಕಾಗದ 1:2

ದೇವ ನಿಂಗಕ್ ಇಂಞು ದುಂಬ ಕರುಣೆಯು ಸಮಾದಾನವು ಪ್ರೀತಿಯು ತರಡ್.

ಪ್ರಕಟನೆ 1:4

ಆಸ್ಯ ಪ್ರಾಂತ್ಯತ್‍ಲ್ ಉಳ್ಳ ಏಳ್ ಸಬೇಕ್ ಯೋಹಾನ ಒಳ್‍ದ್‍ವದ್ ಎಂತ ಎಣ್ಣ್‌ಚೇಂಗಿ: ಇಕ್ಕ ಇಪ್ಪಂವೊನು, ಮಿಂಞ ಇಂಜಂವೊನು, ಮಿಂಞಕ್ ಬಪ್ಪಕುಳ್ಳಂವೊನು ಆಯಿತುಳ್ಳ ಯೇಸು ಕ್ರಿಸ್ತಂಡ ಕೃಪೆ ಪಿಂಞ ಸಮಾದಾನ ನಿಂಗಕ್ ಕ್‍ಟ್ಟಡ್. ಯೇಸು ತಾಂಡ ಸಿಂಹಾಸನತ್‍ರ ಮಿಂಞತ್‌ ವಾಸ ಮಾಡಿಯಂಡುಳ್ಳ ಏಳ್ ಆತ್ಮತ್‍ರಗುಂಡ್,