2 ಪೇತ್ರ 1:16 - ಕೊಡವ ಬೈಬಲ್

¹⁶ ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಶಕ್ತಿನ ಪಿಂಞ ಅಂವೊ ಪುನಃ ಬಪ್ಪದ್‍ನ ನಂಗ ನಿಂಗಕ್ ಎಣ್ಣುವಕ, ತಂತ್ರವಾನ ಕಥೇನ ಕಂಡ್‍ಪುಡ್‌ಚಿತ್ ನಿಂಗಕ್ ಎಣ್ಣಿತ್‌ಲ್ಲೆ. ಆಚೇಂಗಿ ಅಂವೊಂಡ ಮಹತ್ವತ್‌ನ ನಂಗಳೇ ಕಂಡಿತುಳ್ಳಯಿಂಗಳಾಯಿತ್ ಎಣ್ಣಿಯೆ.

2 ಪೇತ್ರ 1:16 Iomraidhean Croise

ಮಲಾಕಿ 3:2

ಆಚೇಂಗಿಯು ಅಂವೊ ಬಪ್ಪ ದಿವಸತ್‌ನ ದಾರ್‌ ಸೈಸುವಕಯ್ಯು? ಅಂವೊ ಪ್ರತ್ಯಕ್ಷ ಆಪಕ ದಾರ್‌ಕ್‌ ನಿಪ್ಪಕಯ್ಯು? ಅಂವೊ ಬೊಳ್ಳಿನ ಚುಟ್ಟಿತ್‌ ಶುದ್ದ ಮಾಡ್‌ವಂವೊನೆಕೆಯು ಇಲ್ಲತ ಪೋಚೇಂಗಿ ಬಟ್ಟೆ ಒಲೀಪ್ಪಂವೊಂಡ ಸೋಪ್ಪ್‌ರನೆಕ್ಕಯ ಇಪ್ಪ.

ಮಲಾಕಿ 4:5

ಇದಾ, ಯೆಹೋವಂಡ ಬಲ್ಯ ಪಿಂಞ ಬಯಂಗರವಾನ ದಿವಸ ಬಪ್ಪಕ್‌ ಮಿಂಞ ನಾನ್‌ ನಿಂಗಡ ಪಕ್ಕ ಎಲೀಯ ಪ್ರವಾದಿನ ಅಯಿಚಂಡುಳ್ಳ.

ಮತ್ತಾಯ 16:27

ಮನುಷ್ಯಕುಮಾರನಾನ ನಾನ್ ನಾಡ ಅಪ್ಪಂಡ ದುಂಬ್‍ನ ಮಹಿಮೆಲ್ ನಾಡ ದೂತಂಗಡ ಕೂಡೆ ಬಪ್ಪಿ; ಆ ಸಮಯತ್‍ಲ್ ನಾನ್ ಒಬ್ಬೊಬ್ಬಂಗ್ ಅಯಿಂಗಯಿಂಗ ಮಾಡ್‍ನ ಕೆಲಸಕ್ ಆನ ಇನಾಮ್‍ನ ಕೊಡ್‍ಪಿ.

ಮತ್ತಾಯ 16:28

ಇಲ್ಲಿ ಉಳ್ಳ ಚೆನ್ನ ಜನ ಮನುಷ್ಯಕುಮಾರ ತಾಂಡ ರಾಜ್ಯತ್‍ಲ್ ಆಳುವಕಾಯಿತ್ ಬಪ್ಪದ್‍ನ ಕಾಂಬಕತ್ತನೆ ಚಾವ್‍ಲೇಂದ್ ನೇರಾಯಿತು ನಿಂಗಕ್ ಎಣ್ಣ್‌ವಿ.

ಮತ್ತಾಯ 17:1

ಆರ್ ದಿವಸ ಆನ ಪಿಂಞ, ಯೇಸು ತಾಂಡ ಶಿಷ್ಯಂಗಳಾನ ಪೇತ್ರ, ಯಾಕೋಬ ಪಿಂಞ ಅಂವೊಂಡ ತಮ್ಮಣನಾನ ಯೋಹಾನನ ಕಾಕಿಯಂಡ್ ಅಯಿಂಗ ಮಾತ್ರ ಇಪ್ಪಕಾಯಿತ್ ಒರ್ ಉದ್ದವಾನ ಕುಂದ್‌ರ ಕೊಡಿಕ್ ಪೋಚಿ.

ಮತ್ತಾಯ 24:27

ಮಿನ್ನಲ್ ಕ್‍ೕಕ್ ದಿಕ್ಕ್‌ಲ್ ಪುಟ್ಟಿತ್ ಮೇಕ್ ದಿಕ್ಕ್‌ಕತ್ತನೆ ಪ್ರಕಾಶ ಆಪನೆಕೆ ಮನುಷ್ಯಕುಮಾರ ಬಪ್ಪದ್ ಇನ್ನನೆ ಇಪ್ಪ.

ಮತ್ತಾಯ 24:3

ಯೇಸು ಆಲಿವ್ ಕುಂದ್‌ರ ಕೊಡಿಲ್ ಅಳ್‌ತಿತಿಪ್ಪಕ, ಅಂವೊಂಡ ಶಿಷ್ಯಂಗ ಯೇಸುರ ಪಕ್ಕ ಬೋರೆಯಾಯಿತ್ ಬಂತ್: ಇದೆಲ್ಲಾ ಎಕ್ಕ ಆಪಾಂದ್ ಗುಟ್ಟಾಯಿತ್ ಕ್‍ೕಟತ್. ನೀನ್ ಇಂಞೊಮ್ಮ ಬಪ್ಪಕೂ, ಈ ಯುಗತ್‌ರ ಅಂತ್ಯಕೂ ಗುರ್‌ತ್ ಎಂತ್‍ೕಂದ್ ನಂಗಕ್ ಎಣ್ಣಂಡೂಂದ್ ಕ್‍ೕಟತ್.

ಮತ್ತಾಯ 28:18

ಯೇಸು ಅಯಿಂಗಡ ಪಕ್ಕ ಪೋಯಿತ್, ನಾಕ್ ಪರಲೋಕತ್‌ಲು ಬೂಲೋಕತ್‌ಲು ಎಲ್ಲಾ ಅದಿಕಾರ ನಾಕ್ ತಂದಿತುಂಡ್.

ಮಾರ್ಕ 13:26

ಅಕ್ಕ ಮನುಷ್ಯಕುಮಾರ ದುಂಬ ಶಕ್ತಿಲ್, ದುಂಬ ಮಹಿಮೆಲ್ ಮೋಡತ್‍ಲ್ ಬಪ್ಪದ್‍ನ ಕಾಂಬ.

ಮಾರ್ಕ 14:62

ಅದ್ಂಗ್ ಯೇಸು: ಅಕ್ಕು, ನಾನ್ ಅಂವೊನೇ; ಮನುಷ್ಯಕುಮಾರ ಸರ್ವ ಶಕ್ತಿಯುಳ್ಳಂವೊಂಡ ಬಲ್‌ತೆ ಬರಿಲ್ ಅಳ್‌ತಿತ್, ಬಾನತ್‍ರ ಮೋಡತ್‍ಲ್ ಬಪ್ಪದ್‍ನ ನಿಂಗೆಲ್ಲಾರು ಕಾಂಬಿರಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:2

ಯೇಸುರ ಸೇವೇನ ಆದಿಯಿಂಜಲೆ ಕಣ್ಣಾರೆ ಕಂಡಿತ್ ದೇವಡ ವಾಕ್ಯತ್‍ನ ನಂಗಕ್ ಬೋದನೆ ಮಾಡ್‍ನಯಿಂಗ ಒಪ್ಪ್‌ಚಿಟ್ಟ ಪ್ರಕಾರ ಅಯಿಂಗ ಒಳ್‍ದ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:43

ಅಕ್ಕ ಎಲ್ಲಾ ಜನಳು ದೇವಡ ಮಹತ್ವತ್‌ನ ಕಂಡಿತ್ ಆಶ್ಚರ್ಯ ಪಟ್ಟತ್. ಯೇಸು ಮಾಡ್‍ನ ಎಲ್ಲಾ ಅದ್ಬುತತ್‌ನ ಕಂಡ ಜನ ಎಲ್ಲಾ ಆಶ್ಚರ್ಯ ಪಟ್ಟಂಡಿಪ್ಪಕ, ಯೇಸು ಅಂವೊಂಡ ಶಿಷ್ಯಂಗಕ್:

ಯೋಹಾನ 1:14

ಈ ತಕ್ಕಾಯಿತ್‌ಂಜಂವೊ ಮನುಷ್ಯಂಡ ರೂಪತ್‌ಲ್ ಬಂದಿತ್, ಕೃಪೆಯಿಂಜಲು, ಸತ್ಯತ್ಂಜಲು ದುಂಬ್‍ನಂವೊನಾಯಿತ್ ನಂಗಡ ಮದ್ಯತ್‍ಲ್ ವಾಸ ಮಾಡಿಯಂಡ್ ಇಂಜತ್. ಅಪ್ಪನಾನ ದೇವಡ ಒರೇ ಮೋಂವೊಂಡ ಮಹಿಮೇಕ್ ತಕ್ಕಂತ ಮಹಿಮೇರೆನೆಕೆ ನಂಗ ಅಂವೊಂಡ ಮಹಿಮೆನ ಕಂಡತ್.

ಯೋಹಾನ 17:2

ನೀನ್ ಅಂವೊಂಗ್ ಎಲ್ಲಾ ಜನಡಮೇಲೆ ಅದಿಕಾರ ಕೊಡ್‍ತಿತುಳ್ಳಿಯ. ನೀಡ ಮೋಂವೊಂಗ್ ನೀನ್ ಕೊಡ್‍ತಿತುಳ್ಳ ಎಲ್ಲಾರ್‌ಕು ಅಂವೊ ನಿತ್ಯ ಜೀವತ್‍ನ ತಪ್ಪ.

ರೋಮ್ 1:4

ಅಂವೊನ ದೇವ ಚತ್ತಯಿಂಗಡ ಮದ್ಯತ್ಂಜ ಪವಿತ್ರಾತ್ಮಂಡ ಶಕ್ತಿಲ್ ಜೀವವಾಯಿತ್ ಎಪ್ಪ್‌ಚಿಟ್ಟಗುಂಡ್, ಅಂವೊ ದೇವಡ ಮೋಂವೋಂದ್ ದೃಡವಾಯಿತ್ ಅರಿಚಿಟ್ಟತ್.

1 ಕೊರಿಂಥ 1:17

ದೀಕ್ಷಾನ್ನಾನ ಕೊಡ್‍ಪಕಾಯಿತ್ ಕ್ರಿಸ್ತ ನನ್ನ ಅಯಿಚಿತ್ತ್‌ಲ್ಲೆ; ಆಚೇಂಗಿ, ಅಂವೊಂಡ ನಲ್ಲ ಸುದ್ದಿನ ಪ್ರಚಾರ ಮಾಡ್‌ವಕಾಯಿತ್ ಮಾತ್ರ ನನ್ನ ಅಯಿಚತ್; ಎನ್ನನೆ ಎಣ್ಣ್‌ಚೇಂಗಿ, ಕ್ರಿಸ್ತ ಶಿಲುಬೇಲ್ ಚತ್ತದ್, ಅರ್ಥ ಇಲ್ಲತೆ ಆಕತನೆಕೆ ಇಪ್ಪಕ್ ಪಿಂಞ ಮನುಷ್ಯಂಡ ಸಾಮರ್ತ್ಯ ಬುದ್ದಿಲ್ ಬೋದನೆ ಮಾಡತೆ ಇಪ್ಪಕಾಯಿತ್ ನನ್ನ ಅಯಿಚತ್.

1 ಕೊರಿಂಥ 1:23

ಆಚೇಂಗಿ ನಂಗ, ಶಿಲುಬೇಲ್ ಚತ್ತ ಕ್ರಿಸ್ತನ ಬೋದನೆ ಮಾಡಿಯಂಡುಂಡ್; ಆ ಬೋದನೆನ ಯೆಹೂದ್ಯಂಗ ನಂಬುವಕ್ ಕುಶಿಪಡುಲೆ, ಪಿಂಞ ಯೆಹೂದ್ಯಂಗ ಅಲ್ಲತ ಬೋರೆ ಜನ ಇದ್ ಪುಚ್ಚಿ ತಕ್ಕ್‌ರನೆಕೆ ಉಂಡ್‍ೕಂದ್ ಎಣ್ಣುವ.

1 ಕೊರಿಂಥ 1:7

ಆನಗುಂಡ್ ನಿಂಗ ದೇವಡ ಏದ್ ವರತ್‍ಲೂ ಕಮ್ಮಿಯಿಲ್ಲತಯಿಂಗಳಾಯಿತ್, ನಂಗಡ ಒಡೆಯನಾನ ಯೇಸು ಕ್ರಿಸ್ತ ಪುನಃ ಬಪ್ಪಕಾಯಿತ್ ಪಾರಕಾತಂಡುಳ್ಳಿರ.

1 ಕೊರಿಂಥ 2:1

ನಾಡ ಅಣ್ಣತಮ್ಮಣಂಗಳೇ, ನಾನ್ ಆದ್ಯವಾಯಿತ್ ನಿಂಗಡ ಪಕ್ಕ ದೇವಡ ವಿಷಯತ್‍ನ ಎಣ್ಣುವಕ್ ಬಪ್ಪಕ, ನಾನ್ ಎಂತೋ ಬಲ್ಯ ಬಲ್ಯ ತಕ್ಕ್ ಎಣ್ಣಿಯಂಡ್, ಜ್ಞಾನತ್‍ರ ಬಲ್ಯ ತಕ್ಕ್ ಪರ್ಂದಂಡ್ ಬಂದಿತ್ತ್‌ಲ್ಲೆ.

1 ಕೊರಿಂಥ 2:4

ನಿಂಗಡ ನಂಬಿಕೆ, ಮನುಷ್ಯಂಡ ಜ್ಞಾನತ್ಂಜ ನಿಕ್ಕತೆ, ದೇವಡ ಶಕ್ತಿಲ್ ನಿಪ್ಪಕಾಯಿತ್,

1 ಕೊರಿಂಥ 5:4

ನಿಂಗ ಒಡೆಯನಾನ ಯೇಸುರ ಪೆದತ್‍ಲ್ ಕೂಡಿ ಬಪ್ಪಕ, ನಾನು ಆತ್ಮತ್‍ಲ್ ನಂಗಡ ಒಡೆಯನಾನ ಯೇಸುರ ಶಕ್ತಿಲ್ ನಿಂಗಡ ಕೂಡೆ ಇಪ್ಪಿ.

2 ಕೊರಿಂಥ 2:17

ದುಂಬ ಜನತ್‍ರನೆಕೆ, ನಂಗಕ್ ಲಾಬ ಕ್‍ಟ್ಟ್‌ವಕಾಯಿತ್ ದೇವಡ ವಾಕ್ಯತ್‍ನ ಕಲಪ್‍ಲ್ ಬೋದನೆ ಮಾಡತೆ, ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್, ನಂಬಿಕಸ್ತಂಗಳಾಯಿತ್, ದೇವ ಅಯಿಚಯಿಂಗಳಾಯಿತ್, ದೇವಡ ಮಿಂಞತ್‍ಲ್ ತಕ್ಕ್ ಪರ್ಂದಂಡುಂಡ್.

2 ಕೊರಿಂಥ 4:2

ಅದ್ಂಡ ಬದ್‍ಲ್, ಞಾಣ ಆಪಕುಳ್ಳ ಪಿಂಞ ಗುಟ್ಟಾಯಿತುಳ್ಳ ವಿಷಯತ್‍ನೆಲ್ಲಾ ನಂಗ ತ್‍ಕ್ಕಾರ ಮಾಡಿತ್, ಕಪಟಿಯರನೆಕೆ ನಡ್‍ಕತೆ, ದೇವಡ ವಾಕ್ಯತ್‍ನ ತಪ್ಪಾಯಿತ್ ಬೋದನೆ ಮಾಡಿಯಂಡಿಲ್ಲೆ. ಆಚೇಂಗಿ, ಸತ್ಯತ್‍ನ ಎಲ್ಲಾರ್‌ಕು ಗೊತ್ತಾಪನೆಕೆ ಅರಿಚಿಟ್ಟಿತ್, ದೇವಡ ಮಿಂಞತ್ ಎಲ್ಲಾ ಮನುಷ್ಯಂಗಡ ಮನಸಾಕ್ಷಿಕ್ ನಂಗ ಸತ್ಯವಂತಯಿಂಗಾಂದ್ ಕಾಂಬ್‍ಚಿಟ್ಟಂಡುಂಡ್.

ಎಫೆಸ 4:14

ನಂಗ ಇಂಞು ಮಿಂಞಕ್ ಕುಂಞಿಯರನೆಕೆ ಇಕ್ಕತೆ, ಮನುಷ್ಯಂಗಡ ಕಪಟ ಪಿಂಞ ವಂಚನೆ ಮಾಡ್‌ವ ತಂತ್ರವುಳ್ಳ ಬೋದನೆಯಾನ, ನಾನಾತರ ಗಾಳಿರಗುಂಡ್ ಅಲ್ಲಾಡಿಯಂಡಿಪ್ಪ, ಅಲೆರನೆಕೆ ಅಪ್ಪರ ಇಪ್ಪರ ಪೋಯಂಡಿಪ್ಪಯಿಂಗಳಾಯಿತ್ ಇರತಿ.

ಫಿಲಿಪ್ಪಿ 3:21

ಅಂವೊ ಪುನಃ ಬಪ್ಪಕ, ನಂಗಡ ಚತ್ತ್ ಪೋಪ ಈ ತಡೀನ ಬದ್‍ಲ್ ಮಾಡಿತ್ ಅಂವೊಂಡ ತಡಿರನೆಕೆ ಉಳ್ಳ ಮಹಿಮೇರ ತಡೀನ ನಂಗಕ್ ತಪ್ಪ. ಈ ಬೂಲೋಕತ್‍ಲ್ ಉಳ್ಳದ್‌ನೆಲ್ಲಾ ಅಂವೊಂಡ ಕಾಲ್‍ರ ಅಡಿಕ್ ಕೊಂಡ್ ಬಪ್ಪ, ಅಂವೊಂಡ ಆ ಶಕ್ತಿಲ್ ನಂಗಕ್ ಇನ್ನನೆ ಮಾಡ್‌ವ.

1 ಥೆಸಲೊನೀಕ 2:19

ಆಚೇಂಗಿ ಎಂತ? ನಂಗಕ್ ನಿರೀಕ್ಷೆಯಾಯಿತ್, ಕುಶಿಯಾಯಿತ್, ಕಿರೀಟವಾಯಿತ್ ಇಪ್ಪಯಿಂಗ ದಾರ್? ನಂಗಡ ಒಡೆಯನಾನ ಯೇಸು ಕ್ರಿಸ್ತ ಪುನಃ ಬಪ್ಪಕ, ಅಂವೊಂಡ ಮಿಂಞ ನಿಂಗಳೇ ನಂಗಕ್ ಅನ್ನನೆ ಇಪ್ಪಿರ.

2 ಥೆಸಲೊನೀಕ 2:9

ಆ ಬಲ್ಯ ದುಷ್ಟ ಮನುಷ್ಯ ಪೊರಮೆ ಬಪ್ಪಕ, ಸೈತಾನಂಡ ಎಲ್ಲಾ ಶಕ್ತಿನ ಕೊಂಡ್ ಬಪ್ಪ. ನಾನಾ ತರತ್‍ರ ಅದ್ಬುತ, ಆಶ್ಚರ್ಯ ಕಾರ್ಯತ್‍ನ ಪಿಂಞ ಗುರ್‍ತ್‍ನ ದೇವ ಮಾಡ್‌ವನೆಕೆ ಅಂವೊನು ಮಾಡ್‌ವ, ಆಚೇಂಗಿ ಅದ್ ದೇವಡಯಿಂಜ ಬಪ್ಪದಲ್ಲ.

1 ತಿಮೊಥೆಯ 1:4

ಅರ್ಥ ಇಲ್ಲತ ಕಥೇನ ಪರ್ಂದಂಡ್, ಪಂಡತ್‌ರ ಜನಡ ವಿಷಯತ್‍ನ ತಕ್ಕ್ ಪರ್ಂದಂಡ್ ಇಪ್ಪಯಿಂಗಳ ಸಹ ನೀನ್ ಎಚ್ಚರ ಮಾಡ್. ಎನ್ನಂಗೆಣ್ಣ್‌ಚೇಂಗಿ ಈ ತಕ್ಕೆಲ್ಲಾ ವಾದ ಮಾಡ್‌ವಕ್ ಬಟ್ಟೆ ಕೊಡ್‍ಪದ್‍ನ ಬುಟ್ಟಿತ್ ನಂಬಿಕೆಯಿಂಜ ಮಾಡ್‍ವಕ್ಕುಳ್ಳ ದೇವಡ ಕೆಲಸತ್‍ನ ಮಾಡ್‌ವಕ್ ಬಟ್ಟೆ ಕಾಟುಲೆ.

1 ತಿಮೊಥೆಯ 4:7

ಪ್ರಯೋಜನವಿಲ್ಲತ ವಿಷಯತ್ ತರ್ಕ ಮಾಡಿಯಂಡ್, ಸತ್ಯ ಇಲ್ಲತ ಅಜ್ಜಿಯಡ ಕಥೇನ ಕ್‍ೕಟಂಡ್ ಸಮಯ ಕಳೆಯಂಡ. ಅದ್ಂಡ ಬದ್‍ಲ್ ದೇವಬಕ್ತಿಲ್ ಇಪ್ಪಕ್ ಪ್ರಯತ್ನಪಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:14

ಅಯಿಂಗ ಯೆಹೂದ್ಯಂಗಡ ಕಟ್ಟ್‌ಕಥೆಕು, ಸತ್ಯತ್‍ರ ಬೋದನೆನ ತಿರಸ್ಕಾರ ಮಾಡ್‌ವ ಜನತ್‍ರ ಬೋದನೆಕ್ ಕೆಮಿ ಕೊಡ್‍ಕಂಡಾಂದು ಎಚ್ಚರ ಮಾಡ್.

2 ಪೇತ್ರ 2:3

ದುರಾಸೇಲ್, ಅಯಿಂಗಳೇ ಮಾಡ್‍ನ ಕಥೇರ ಬೋದನೆರ ಮೂಲಕ ನಿಂಗಡಿಂಜ ಅಯಿಂಗಕ್ ಆದಾಯ ಆಪನೆಕೆ ವಂಚನೆ ಮಾಡ್‌ವ. ದೇವ ಅಯಿಂಗಳ ಪಂಡೇ ನ್ಯಾಯತೀರ್ಪ್ ಮಾಡಿರ್‌ತ್, ಅಯಿಂಗಡ ಮೇಲೆ ಬಪ್ಪ ಶಿಕ್ಷೆ ಬೆರಿಯ ಬಪ್ಪ.

1 ಯೋಹಾನ 4:14

ದೇವ ತಾಂಡ ಮೋಂವೊನ ಲೋಕತ್‍ನ ಕಾಪಾಡ್‌ವಕಾಯಿತ್ ಅಯಿಚತ್. ಇದ್‍ನ ನಂಗ ನೋಟಿತ್ ಅದ್ಂಡ ವಿಷಯತ್ ನಿಂಗಕ್ ಇಕ್ಕ ಸಾಕ್ಷಿ ಕೊಡ್‍ಪ.

ಯೂದ ಒಳ್‍ದ್‍ನ ಕಾಗದ 1:14

ಆದಾಮಯಿಂಜ ಏಳನೆ ವಂಶಾವಳಿಲ್ ಬಂದ ಹನೋಕ ಎಣ್ಣ್‌ವಂವೊ ಈಂಗಡ ವಿಷಯತ್‍ಲ್: ಎಲ್ಲಾರ್‌ಕು ನ್ಯಾಯತೀರ್ಪ್ ಕೊಡ್‍ಪಕಾಯಿತು, ದೇವಡ ಮೇಲೆ ಬಕ್ತಿ ಇಲ್ಲತಯಿಂಗ ಮಾಡ್‍ನ ಎಲ್ಲಾ ಬಕ್ತಿಯಿಲ್ಲತ ಕಾರ್ಯಕು, ಪಿಂಞ ಬಕ್ತಿಯಿಲ್ಲತ ಪಾಪಿಯಂಗ ಅಂವೊಂಗ್ ವಿರೋದವಾಯಿತ್ ಎಣ್ಣ್‌ನ ಎಲ್ಲಾ ಕಠಿಣ ತಕ್ಕ್‌ಕೂ ಶಿಕ್ಷೆ ಕೊಡ್‍ಪಕಾಯಿತ್ ಒಡೆಯ ಆಯಿರಾಯಿರ ಪವಿತ್ರ ದೂತಂಗಡ ಕೂಡೆ ಬಪ್ಪಾಂದ್ ಮಿಂಞಲೇ ಎಣ್ಣಿತ್ಂಜತ್.

ಪ್ರಕಟನೆ 1:7

ಇದಾ, ಅಂವೊ ಮೋಡತ್‍ರ ಕೂಡೆ ಬಂದಂಡುಂಡ್! ಎಲ್ಲಾರು ಅಂವೊನ ಕಾಂಬ. ಅಂವೊನ ಕುತ್ತ್‌ನಯಿಂಗ ಸಹ ಅಂವೊನ ಕಾಂಬ. ಈ ಲೋಕತ್‍ರ ಎಲ್ಲಾ ಕುಲತ್‍ರ ಜನವು ಅಂವೊನ ಕಾಂಬಕ ಗೋಳಾಡುವ. ಅದ್ ಅನ್ನನೆ ಆಪ, ಆಮೆನ್.