2 ಯೋಹಾನ 1:2 - ಕೊಡವ ಬೈಬಲ್

² ಎನ್ನಂಗೆಣ್ಣ್‌ಚೇಂಗಿ ಸತ್ಯ ನಂಗಡ ಹೃದಯತ್‍ರ ಒಳ್‍ಲ್ ವಾಸ ಮಾಡಿಯಂಡ್, ಎಕ್ಕಾಲು ನಂಗಡ ಕೂಡೆ ಉಂಡ್.

2 ಯೋಹಾನ 1:2 Iomraidhean Croise

ಯೋಹಾನ 14:16

ಅಕ್ಕ ನಾನ್ ನಾಡ ಅಪ್ಪಂಡ ಪಕ್ಕ ಬೋಡುವಿ, ಅಂವೊ ನಿಂಗಕ್ ಆಲೋಚನೆ ತಪ್ಪ ಇಂಞೊಬ್ಬನ ತಪ್ಪ. ಅಂವೊ ಎಕ್ಕಾಲು ನಿಂಗಡ ಕೂಡೆ ಇಪ್ಪ.

ಯೋಹಾನ 15:7

ನಿಂಗ ನಾಡಲ್ಲಿಯು, ನಾಡ ವಾಕ್ಯ ನಿಂಗಡಲ್ಲಿಯು ಸ್ತಿರವಾಯಿತ್ಂಜತೇಂಗಿ, ನಿಂಗ ಎಂತ ಬೋಡ್‍ವಿರ, ಅದ್ ನಿಂಗಕ್ ಕ್‍ಟ್ಟ್‌ವ.

1 ಕೊರಿಂಥ 9:23

ನಾನ್ ಇದ್‍ನೆಲ್ಲಾ ಎನ್ನಂಗ್ ಮಾಡಿಯಂಡುಂಡ್‍ೕಂದ್ ಎಣ್ಣ್‌ಚೇಂಗಿ, ದೇವಡ ನಲ್ಲ ಸುದ್ದಿನ ದುಂಬ ಜನ ನಂಬುವ. ಆನಗುಂಡ್ ಅದ್ಂಡ ಆಶೀರ್ವಾದತ್‍ಲ್ ನಾನ್ ಪಾಲ್‍ದಾರನಾಯಿತ್‌ಪ್ಪಿ.

2 ಕೊರಿಂಥ 4:5

ನಂಗ ನಂಗಡ ವಿಷಯತ್‍ನ ಬೋದನೆ ಮಾಡಿಯಂಡಿಲ್ಲೆ. ಯೇಸು ಕ್ರಿಸ್ತ ಒಡೆಯಾಂದೂ, ಆಚೇಂಗಿ ನಂಗಳ ಯೇಸುರಗುಂಡ್ ನಿಂಗಡ ಸೇವಕಂಗಾಂದೂ ಪ್ರಚಾರ ಮಾಡಿಯಂಡುಂಡ್.

ಕೊಲೊಸ್ಸೆ 3:16

ಕ್ರಿಸ್ತಂಡ ವಾಕ್ಯ, ನಿಂಗಡ ಹೃದಯತ್‍ಲ್ ಪೂರ್ತಿಯಾಯಿತ್ ಇರಡ್. ನಿಂಗ ಎಲ್ಲಾ ಜ್ಞಾನತ್‍ಲ್ ಒಬ್ಬಂಗ್ ಒಬ್ಬ ಬೋದನೆ ಮಾಡಿತ್ ಬುದ್ದಿ ಎಣ್ಣಿಯಂಡ್ ಇರಿ. ಕೀರ್ತನೆ ಪಾಡಿಯಂಡ್, ದೇವಡ ಪಾಟ್ ಪಾಡಿಯಂಡ್, ಆತ್ಮೀಯ ಪಾಟ್ ಪಾಡಿಯಂಡ್ ನಿಂಗಡ ಹೃದಯತ್‍ಲ್ ದೇವನ ತುದಿಚಂಡ್ ಇರಿ.

2 ತಿಮೊಥೆಯ 1:5

ನೀನ್ ದೇವಡ ಮೇಲೆ ಬೆಚ್ಚಿತುಳ್ಳ ಕಪಟ ಇಲ್ಲತ ನೇರಾನ ನಂಬಿಕೇನ ನಾನ್ ಇಕ್ಕ ಗೇನ ಮಾಡ್‌ವಿ. ಆ ನಂಬಿಕೆ ಆದ್ಯವಾಯಿತ್ ನೀಡ ಅವ್ವಯ್ಯ ಲೋವಿರ ಕೂಡೆ ಪಿಂಞ ನೀಡ ಅವ್ವ ಯೂನೀಕೆರ ಕೂಡೆಯು ಇಂಜತ್. ಅದ್ ನೀಕ್ ಸಹ ಉಂಡ್‍ೕಂದ್ ನಾನ್ ದೃಡವಾಯಿತ್ ನಂಬುವಿ.

2 ಪೇತ್ರ 1:12

ಆನಗುಂಡ್, ನಿಂಗಕ್ ಇದ್‍ನೆಲ್ಲಾ ಗೊತ್ತ್ಂಜತೇಂಗಿಯು, ಇಕ್ಕ ನಿಂಗಕ್ ಗೊತ್ತುಳ್ಳ ಸತ್ಯತ್‍ಲ್ ಸ್ತಿರವಾಯಿತ್ ಇಂಜತೇಂಗಿಯು, ಇದ್‍ನೆಲ್ಲಾ ಎಕ್ಕಾಲು ನಿಂಗಕ್ ಗೇನ ಮಾಡಿಯಂಡಿಪ್ಪಿ.

1 ಯೋಹಾನ 1:8

ಆಚೇಂಗಿ ನಂಗ ನಂಗಡಲ್ಲಿ ಪಾಪ ಇಲ್ಲೇಂದ್ ಎಣ್ಣ್‌ಚೇಂಗಿ ನಂಗಳ ನಂಗಳೇ ಮೋಸ ಮಾಡ್‌ವನೆಕೆ. ಅಕ್ಕ ಸತ್ಯ ನಂಗಡ ಒಳ್‍ಲ್ ಇಲ್ಲೆ.

1 ಯೋಹಾನ 2:14

ಅಪ್ಪಂಗಳೇ, ಆದಿಯಿಂಜಲೆ ಯೇಸು ಕ್ರಿಸ್ತನ ನಿಂಗಕ್ ಗೊತ್ತಾನಗುಂಡ್ ನಾನ್ ಇದ್‍ನ ನಿಂಗಕ್ ಒಳ್‍ದಿಯೆ. ಬಾಲೆಕಾರಂಗಳೇ ನಿಂಗ ಬಲಶಾಲಿಯಾಯಿತ್ ಉಳ್ಳಿರ, ದೇವಡ ವಾಕ್ಯ ನಿಂಗಡಲ್ಲಿ ಉಳ್ಳಗುಂಡ್ ಪಿಂಞ ನಿಂಗ ಸೈತಾನನ ಗೆದ್ದಗುಂಡ್ ನಾನ್ ಇದ್‍ನ ನಿಂಗಕ್ ಒಳ್‍ದಿಯೆ.

1 ಯೋಹಾನ 2:17

ಲೋಕವು ಅದ್ಂಡ ಇಚ್ಛೆಯು ಕಾಂಗತಾಯಿ ಪೋಪ, ಆಚೇಂಗಿ ದೇವಡ ಚಿತ್ತತ್‍ರನೆಕೆ ನಡ್‌ಪಂವೊ ಎಕ್ಕಲೂ ಬದ್‍ಕ್‍ವ.