2 ಕೊರಿಂಥ 4:9 - ಕೊಡವ ಬೈಬಲ್

⁹ ಹಿಂಸೆ ಪಟ್ಟಂಡುಂಡೇಂಗಿಯು, ಕೈ ಬುಟ್ಟ ಜನಾಂಗ ಅಲ್ಲ; ಅಡಿಕ್ ತಳ್ಳ್‌ಚೇಂಗಿಯು, ನಾಶ ಆಯಂಡಿಲ್ಲೆ.

2 ಕೊರಿಂಥ 4:9 Iomraidhean Croise

ಜ್ಞಾನತ್‌ರ ಪಡಿಮ 24:16

ಎನ್ನಂಗೆಣ್ಣ್‌ಚೇಂಗಿ ನೀತಿವಂತಂವೊ ಏಳ್‌ ಕುರಿ ಬುದ್ದತೇಂಗಿಯು ಪುನಃ ಎದ್ದಿತ್‌ ನಿಪ್ಪ. ಆಚೇಂಗಿ ದುಷ್ಟಂಗ ಕ್‍ೕಡ್‌ಲ್‌ ಬುದ್ದಿತ್‌ ಅನ್ನೆನ ಇಪ್ಪ.

ಯೋಹಾನ 15:20

ಒರ್ ಎಜಮಾನಗಿಂಜ ಆಳ್ ಬಲ್ಯಂವೊನಾಯಿತ್‌ಪ್ಪುಲೇಂದ್ ನಾನ್ ನಿಂಗಕ್ ಎಣ್ಣ್‌ನ ತಕ್ಕ್‌ನ ನಿಂಗ ಗೇನ ಮಾಡಿಯೊಳಿ. ಅಯಿಂಗ ನಾಕ್ ಹಿಂಸೆ ತಂದಕ ನಿಂಗಕು ಹಿಂಸೆ ತಪ್ಪ; ಅಯಿಂಗ ನಾಡ ತಕ್ಕ್‌ರ ಪ್ರಕಾರ ನಡ್ಂದತೇಂಗಿ, ನಿಂಗಡ ತಕ್ಕ್‌ರ ಪ್ರಕಾರ ಸಹ ನಡ್‍ಪ.

ರೋಮ್ 8:35

ಕಷ್ಟತ್‍ಲ್ ಇಂಜತೇಂಗಿಯು, ನೊಂಬಲತ್‍ಲ್ ಇಂಜತೇಂಗಿಯು, ಹಿಂಸೆ ಬಾತೇಂಗಿಯು, ಕೆಲ ಪಯಿಚಂಡ್ ಇಂಜತೇಂಗಿಯು, ಬಟ್ಟೆ ಇಲ್ಲತೆ ಇಂಜತೇಂಗಿಯು, ಅಪಾಯ ಬಾತೇಂಗಿಯು, ಬಾಳ್ ಕತ್ತಿ ನಂಗಕ್ ವಿರೋದವಾಯಿತ್ ಬಾತೇಂಗಿಯು, ಕ್ರಿಸ್ತಂಡ ಪ್ರೀತಿಯಿಂಜ ನಂಗಳ ಬೋರೆ ಮಾಡ್‌ವಂವೊ ದಾರ್?

2 ಕೊರಿಂಥ 7:6

ಆಚೇಂಗಿಯು, ತಳ್ಂದ್ ಪೋಪಯಿಂಗಕ್ ಪುರ್‌ಡ್ ಕೊಡ್‍ಪ ದೇವ, ತೀತ ಬಂದ ಮೂಲಕ ನಂಗಕ್ ಪುರ್‌ಡ್ ಕೊಡ್‍ತತ್.

2 ತಿಮೊಥೆಯ 3:12

ಎನ್ನನಾಚೇಂಗಿಯು, ಯೇಸು ಕ್ರಿಸ್ತಂಡ ಮೇಲೆ ನಂಬಿಕೆ ಇಟ್ಟಿತ್ ದೇವಡ ಬಕ್ತಿಲ್ ಬದ್‍ಕಂಡೂಂದ್ ಆಸೆ ಪಡ್‌ವಯಿಂಗ ಹಿಂಸೆನ ಅನುಬವಿಚಿಡುವ.

ಇಬ್ರಿಯ 13:5

ನಿಂಗ ಪಣ ಆಸೆ ಇಲ್ಲತಯಿಂಗಳಾಯಿತ್ ಬದ್‌ಕಿತ್, ನಿಂಗಕ್ ಉಳ್ಳದ್ ಮದೀಂದ್ ಗೇನ ಮಾಡಂಡು; ನಾನ್ ನಿನ್ನ ಬುಟ್ಟಿತ್ ಪೋಪದು ಇಲ್ಲೆ, ನಿನ್ನ ಕೈ ಬುಡ್‍ವದು ಇಲ್ಲೇಂದ್ ದೇವ ಎಣ್ಣಿಯಂಡುಂಡಲ್ಲ!