2 ಕೊರಿಂಥ 1:9 - ಕೊಡವ ಬೈಬಲ್

⁹ ನಂಗ ಎಲ್ಲಾರು ಚತ್ತ್ ಪೋಪಾಂದ್ ಗೇನ ಮಾಡ್‍ಚಿ. ಆಚೇಂಗಿ, ನಂಗ ನಂಗಡ ಮೇಲೆ ನಂಬಿಕೆ ಬೆಕ್ಕತೆ, ಚತ್ತಯಿಂಗಳ ಜೀವವಾಯಿತ್ ಎಪ್ಪ್‌ಚಿಡುವ ದೇವಡ ಮೇಲೆ ನಂಬಿಕೆ ಬೆಪ್ಪನೆಕೆ ನಂಗಕ್ ಅನ್ನನೆ ನಡ್ಂದತ್.

2 ಕೊರಿಂಥ 1:9 Iomraidhean Croise

ಜ್ಞಾನತ್‌ರ ಪಡಿಮ 14:32

ದುಷ್ಟ ತಾನ್‌ ಮಾಡುವ ಕ್‍ೕಡ್‌ಯಿಂಜಲೇ ನಾಶ ಆಯಿ ಪೋಪ. ಆಚೇಂಗಿ ನೀತಿವಂತಂವೊಂಗ್‌ ಚಾವ್‌ರ ನೇರತು ನಂಬಿಕೇಲ್‌ ಇಪ್ಪ.

ಜ್ಞಾನತ್‌ರ ಪಡಿಮ 28:26

ತಾಂಡ ಹೃದಯತ್‌ನ ನಂಬುವಂವೊ ಮೂಡ. ಆಚೇಂಗಿ ಜ್ಞಾನತ್‌ರ ಬಟ್ಟೆಲ್‌ ನಡ್‌ಪಂಪವೊ ಸೌಕ್ಯತ್‌ ಇಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:9

ಇದ್‍ಲ್ಲತೆ, ತಾಂಗಳೇ ನೀತಿವಂತಂಗಾಂದ್ ಗೇನ ಮಾಡಿಯಂಡ್, ಬೋರೆಯಿಂಗಳ ಕಮ್ಮಿ ತರತ್‍ಲ್ ನೋಟ್‌ವಯಿಂಗಕ್ ಯೇಸು ಒರ್ ಕಥೇರ ರೂಪತ್‌ನ ಎಣ್ಣಿ ಕೊಡ್‍ತತ್.

ರೋಮ್ 8:36

ಒಳ್‍ದಿತುಳ್ಳನೆಕೆ, ನೀಡಗುಂಡ್ ಜನ ನಂಗಳ ಕೊಲ್ಲುವಕ್ ಎಕ್ಕಾಲು ಬಂದಂಡುಂಡ್; ಕೊಲ್ಲುವಕ್ ಕಾಕಿಯಂಡ್ ಪೋಪ ಆಡ್‍ರನೆಕೆ ನಂಗಳ ನೋಟಿಯಂಡುಂಡ್‍ೕಂದ್ ಆಚಿ.

2 ಕೊರಿಂಥ 1:10

ಅಂಥಾ ಒರ್ ಚಾವ್‍ಯಿಂಜ ಅಂವೊ ನಂಗಳ ಕಾಪಾಡ್‍ಚಿ. ಇಕ್ಕಲು ನಂಗಳ ಕಾಪಾಡಿಯಂಡುಂಡ್, ಇಂಞು ಮಿಂಞಕು ಅಂವೊ ನಂಗಳ ಕಾಪಾಡ್‌ವಾಂದ್ ಅಂವೊಂಡ ಮೇಲೆ ನಿರೀಕ್ಷೆ ಬಿಚ್ಚಿತುಂಡ್.

2 ಕೊರಿಂಥ 1:8

ಆನಗುಂಡ್, ನಾಡ ಅಣ್ಣತಮ್ಮಣಂಗಳೇ, ಆಸ್ಯ ಪ್ರಾಂತ್ಯತ್‍ಲ್ ನಂಗಕ್ ಉಂಟಾನ ಕಷ್ಟತ್‍ನ ನಿಂಗ ಅರಿಯತೆ ಇಪ್ಪಕ್ ನಂಗಕ್ ಮನಸ್ಸಿಲ್ಲೆ. ಅದ್ ಎನ್ನನೆ ಎಣ್ಣ್‌ಚೇಂಗಿ, ನಂಗ ಇಂಞು ಮಿಂಞಕ್ ಬದ್‌ಕ್‌ವಾಂದ್ ಉಳ್ಳ ನಂಬಿಕೆ ಇಲ್ಲತಚ್ಚಕ್ ನಂಗ ಸಹಿಸುವಕ್ ಕಯ್ಯತನೆಕೆ ದುಂಬ ಕಷ್ಟಪಟ್ಟತ್.

2 ಕೊರಿಂಥ 3:5

ನಂಗಳಾಯಿತ್ ಎಂತಾಚು ಮಾಡ್‌ವಕ್ ಕಯ್ಯೂಂದ್ ಗೇನಮಾಡ್‌ವಕ್ ನಂಗಕ್ ಯೋಗ್ಯತೆ ಇಲ್ಲೆ; ನಂಗಡ ಯೋಗ್ಯತೆ ದೇವಡಯಿಂಜ ಬಂದಂಡುಂಡ್.

2 ಕೊರಿಂಥ 4:7

ಈ ಮಹತ್ವತ್‍ರ ಶಕ್ತಿ ನಂಗಡಗುಂಡ್ ಬಂದದಲ್ಲ, ಆಚೇಂಗಿ ದೇವಡಗುಂಡ್ ಬಂದದ್‍ೕಂದ್ ಕಾಂಬ್‍ಚಿಡುವನೆಕೆ, ಈ ಬಂಡಾರತ್‍ನ ಮಣ್ಣ್‌ರ ಪಾತ್ರತ್‍ರನೆಕೆ ಉಳ್ಳ ನಂಗಡ ತಡೀಲ್ ಪಡ್ಂದಿತುಂಡ್.

ಇಬ್ರಿಯ 11:19

ಇಸಾಕ ಚತ್ತ್ ಪೋಚೇಂಗಿಯು, ಅಂವೊನ ದೇವ ಜೀವವಾಯಿತ್ ಎಪ್ಪ್‌ಚಿಡ್‌ವಕ್ ಶಕ್ತಿ ಉಳ್ಳಂವೋಂದ್ ನಂಬ್‍ಚಿ, ಅನ್ನನೆ ಅಂವೊಂಗ್ ಇಸಾಕ ಪುನಃ ಚಾವ್‍ಯಿಂಜ ಕ್‍ಟ್ಟ್‌ನನೆಕೆ ಆಚಿ.