1 ತಿಮೊಥೆಯ 6:9 - ಕೊಡವ ಬೈಬಲ್

⁹ ಪಣಕಾರಂಗಳಾಂಡೂಂದ್ ಆಸೆ ಉಳ್ಳಯಿಂಗ ಸೋದನೆರ ಕೆಣಿಕ್ ಚಿಕ್ಕಿತ್, ಅಯಿಂಗ, ಮನುಷ್ಯಂಗಳ ಕ್‍ೕಡಾನ, ಪಾಳಾನ ಕುಂಡ್‍ಲ್ ಬೂವನೆಕೆ ಮಾಡ್‌ವ, ಬೆಲೆಯಿಲ್ಲತ ಪಿಂಞ ಪಾಳಾನ ಇಚ್ಛೆಲ್ ಬುದ್ದ್ ಪೋಪ.

1 ತಿಮೊಥೆಯ 6:9 Iomraidhean Croise

ಜ್ಞಾನತ್‌ರ ಪಡಿಮ 15:27

ಅತಿ ಆಸೆ ಉಳ್ಳಂವೊ ತಾಂಡ ಮನೆಕಾರಕ್‌ ತೊಂದರೆ ಎಡ್‌ತಂಡ್‌ ಬಪ್ಪ. ಆಚೇಂಗಿ ಲಂಚತ್‌ನ ದ್ವೇಷ ಮಾಡ್‌ವಂವೊ ದುಂಬ ಕಾಲ ಬದ್‌ಕ್‌ವ.

ಜ್ಞಾನತ್‌ರ ಪಡಿಮ 20:21

ಬದ್‌ಕ್‌ರ ಸುರುಲ್‌ ಕ್‌ಟ್ಟ್‌ನ ಬಾದ್ಯತೆಕ್‌ ಕಡೆಲ್‌ ಆಶೀರ್ವಾದತ್‌ನ ತಪ್ಪ್‌ಲೆ.

ಜ್ಞಾನತ್‌ರ ಪಡಿಮ 21:6

ಪೊಟ್ಟ್‌ ತಕ್ಕ್‌ಯಿಂಜ ಕ್‌ಟ್ಟ್‌ನ ಐಶ್ವರ್ಯ ಬೆರಿಯ ಇಲ್ಲತನೆಕೆ ಆಪ ಮಂಜ್‌ರನೆಕೆ, ಅದ್‌ ಚಾವ್‌ರ ಕೆಣಿ.

ಜ್ಞಾನತ್‌ರ ಪಡಿಮ 22:16

ತಾನ್‌ ಅಬಿವೃದ್ದಿ ಆಂಡೂಂದ್‌ ಗರೀಬನ ಹಿಂಸೆಪಡ್‌ತವಂವೊನು, ಐಶ್ವರ್ಯವಂತಂವೊಂಗ್‌ ಇನಾಮ್‌ ಕೊಡ್‌ಪ ದಂಡಾಳು ಗರೀಬನಾಪ.

ಜ್ಞಾನತ್‌ರ ಪಡಿಮ 23:4

ಐಶ್ವರ್ಯವಂತನಾಂಡೂಂದ್‌ ನಯಿಚಿತ್‌ ಪ್ರಯತ್‌ನ ಪಡತೆ; ನೀಡ ಸ್ವಂತ ಬುದ್ದಿರ ಮೇಲೆ ನಂಬಿಕೆ ಇಡತೆ.

ಮತ್ತಾಯ 13:22

ಮುಳ್ಳ್‌ರ ಪೊದೆಲ್ ಬುದ್ದ ಕುರು ಎನ್ನನೇಂದ್ ಎಣ್ಣ್‌ಚೇಂಗಿ, ಅಯಿಂಗ ದೇವಡ ವಾಕ್ಯತ್‍ನ ಕ್‍ೕಪ. ಆಚೇಂಗಿ ಈ ಬದ್‍ಕ್‍ರ ವಿಷಯತ್ ಬೇಜಾರ್ ಮಾಡಿಯಂಡ್, ಪಣತ್‍ರ ಮೇಲೆ ಉಳ್ಳ ಆಸೆರಗುಂಡ್, ಇದೆಲ್ಲ, ಅಯಿಂಗ ಕ್‍ೕಟ ದೇವಡ ವಾಕ್ಯತ್‍ನ ನೆರ್‌ಕಿತ್, ಅಯಿಂಗ ಫಲ ಕೊಡ್‍ಕತೆ ಪೋಪ.

ಮತ್ತಾಯ 19:22

ಅಂವೊ ಇದ್‍ನ ಕ್‍ೕಟಿತ್ ಬೇಜಾರತ್‍ಲ್ ಪೋಯಿರ್‌ತ್. ಎನ್ನಂಗೆಣ್ಣ್‌ಚೇಂಗಿ ಅಂವೊ ದುಂಬ ಆಸ್ತಿ ಉಳ್ಳಂವೊನಾಯಿತ್ ಇಂಜತ್.

ಮತ್ತಾಯ 26:15

ನಾನ್ ಯೇಸುನ ಕಾಟಿ ಕೊಡ್‍ತಕ ನಿಂಗ ನಾಕ್ ಎಂತ ತಪ್ಪಿರಾಂದ್ ಕ್‍ೕಟತ್? ಅಯಿಂಗ ನುಪ್ಪದ್ ಬೊಳ್ಳಿರ ನಾಣ್ಯತ್‍ನ ಕೊಡ್‍ತತ್

ಮತ್ತಾಯ 6:19

ನಿಂಗಡ ಐಶ್ವರ್ಯತ್‍ನ ಈ ಬೂಲೋಕತ್‍ಲ್ ಕೂಟಿ ಬೆಕ್ಕತಿ. ಇಲ್ಲಿ ಕೆದ ಪಿಂಞ ಕಿಲ್ಂಬ್ ಅದ್‍ನ ಪಾಳ್ ಮಾಡ್‌ವ; ಪಿಂಞ ಕಳ್ಳಂಗ ಪಡಿನ ಪೊಳ್‌ಚಿತ್ ಕಟ್ಟಂಡ್ ಪೋಯಿರುವ.

ಮಾರ್ಕ 4:19

ಈ ಬದ್‍ಕ್‍ರ ದುಃಖ, ಐಶ್ವರ್ಯತ್‍ರ ಬೋದ ಪಿಂಞ ಬೋರೆ ಬೋರೆ ತರತ್‍ರ ಇಚ್ಛೆಯು ದೇವಡ ವಾಕ್ಯತ್‍ನ ಇರ್‌ಕುವಗುಂಡ್ ಫಲ ಕ್‍ಟ್ಟುಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:21

ಅಕ್ಕು, ಈ ಲೋಕತ್‍ರ ಐಶ್ವರ್ಯತ್‍ನ ಪರಲೋಕತ್‍ಲ್ ಉಳ್‍ಕೆ ಮಾಡತೆ ಅಯಿಂಗಕಾಯಿತ್ ಉಳ್‍ಕೆ ಮಾಡ್‌ವಯಿಂಗಕ್ ಇನ್ನನೆ ಆಪಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:35

ಬೂಲೋಕತ್‍ಲ್ ಉಳ್ಳ ಎಲ್ಲಾ ಜನಡಮೇಲೆ ಇನ್ನನೆ ಬಪ್ಪ.

ಅಪೊಸ್ತಲ 8:20

ಅದ್ಂಗ್ ಪೇತ್ರ ಅಂವೊನ ನೋಟಿತ್: ದೇವಡ ವರತ್‍ನ ದುಡ್ಡ್‌ಕ್ ಎಡ್‍ಪಕ್ ನೀನ್ ಗೇನ ಮಾಡಿಯ? ಆನಗುಂಡ್, ನೀಡ ದುಡ್ಡ್ ನೀಡ ಕೂಡೆ ನಾಶ ಆಯಿ ಪೋಡ್.

ಎಫೆಸ 4:22

ಆನಗುಂಡ್, ಪಂಡತ ಬದ್‍ಕ್‍ರ, ಇಚ್ಛೆಯಿಂಜ ನಿಂಗಳ ಪಾಳ್ ಮಾಡ್‌ವ ಪಳೆಯ ಮನುಷ್ಯನ ಉತ್ತಿತ್ ಕಳೆಯುವಿರ.

1 ತಿಮೊಥೆಯ 1:9

ಈ ನ್ಯಾಯಪ್ರಮಾಣ ನೀತಿರ ಜನಕ್ ಮಾಡ್‍ನದ್ ಅಲ್ಲ, ಆಚೇಂಗಿ, ಕಾನೂನ್‌ನ ಪೊಳಿಪಯಿಂಗಕು, ದಂಗೆ ಏವಯಿಂಗಕು, ದೇವಡ ಮೇಲೆ ಪೋಡಿ ಇಲ್ಲತಯಿಂಗಕು, ಪಾಪಿಯಂಗಕು, ಎಲ್ಲಾನ ಅಪವಿತ್ರವಾಯಿತ್ ಕಾಂಬಯಿಂಗಕು, ಪವಿತ್ರತ್‍ನ ಪಾಳ್ ಮಾಡ್‌ವಯಿಂಗಕು, ತಾಂಡ ಅಪ್ಪವ್ವನ ಕೊಲ್ಲ್‌ವಯಿಂಗಕು, ಕೊಲೆಗಾರಂಗಕು,

1 ತಿಮೊಥೆಯ 3:7

ಸಬೆರ ಪೊರಮೆ ಉಳ್ಳಯಿಂಗಳು ಅಂವೊನ ನಲ್ಲಂವೋಂದ್ ಎಣ್ಣ್‌ವನೆಕೆ ಇರಂಡು. ಅಕ್ಕ ಅಂವೊ ಅವಮಾನತ್‍ಲ್, ಸೈತಾನಂಡ ಬಲೇಕ್ ಬೂವತನೆಕೆ ಇಪ್ಪ.

1 ತಿಮೊಥೆಯ 6:10

ದುಡ್ಡ್‌ರ ಮೇಲೆ ಉಳ್ಳ ಪ್ರೀತಿ ಎಲ್ಲಾ ತರ ಕ್‍ೕಡ್‍ಕ್ ಮೂಲ ಕಾರಣವಾಯಿತುಂಡ್. ಚೆನ್ನ ಜನ ದುಡ್ಡ್‌ರ ಮೇಲೆ ಉಳ್ಳ ಅತಿ ಆಸೆರಗುಂಡ್ ದೇವಡ ಮೇಲೆ ಉಳ್ಳ ನಂಬಿಕೇನ ಬುಟ್ಟಿತ್, ದುಂಬ ನೊಂಬಲತ್‍ಲ್ ಅಯಿಂಗಳ, ಅಯಿಂಗಳೇ ಕುತ್ತಿಯಂಡುಂಡ್.

1 ತಿಮೊಥೆಯ 6:17

ಈ ಲೋಕತ್‍ಲ್ ಐಶ್ವರ್ಯತ್‍ಲ್ ಉಳ್ಳಯಿಂಗ ಗರ್ವತ್‍ಲ್ ಇಕ್ಕತನೆಕೆ ಪಿಂಞ ಸ್ತಿರಯಿಲ್ಲತ ಅಯಿಂಗಡ ಐಶ್ವರ್ಯತ್‍ರ ಮೇಲೆ ನಂಬಿಕೆ ಬೆಕ್ಕತನೆಕೆ ಅಯಿಂಗಕ್ ಆಜ್ಞೆ ಮಾಡ್. ಅದ್ಂಡ ಬದ್‍ಲ್, ನಂಗ ಅನುಬವಿಚಿಡ್‍ವಕ್, ಎಲ್ಲಾ ನಲ್ಲದ್‍ನ ನಂಗಕ್ ಪೂರ್ತಿಲ್ ಕೊಡ್‍ಪ ಜೀವವುಳ್ಳ ದೇವಡ ಮೇಲೆ ನಂಬಿಕೆ ಬೆಪ್ಪಕ್ ಎಚ್ಚರ ಮಾಡ್.

2 ತಿಮೊಥೆಯ 2:26

ಅಕ್ಕ ಅಯಿಂಗಕ್ ಬುದ್ದಿ ಬಂದಿತ್, ಸೈತಾನಂಡ ಕೆಣಿಯಿಂಜ ಬಚಾವ್ ಆಪ. ಎನ್ನಂಗೆಣ್ಣ್‌ಚೇಂಗಿ, ಸೈತಾನ ಅಯಿಂಗಳ ಪುಡ್‌ಚಿತ್, ಅಂವೊಂಡ ಇಚ್ಛೆಕ್ ಬಗ್ಗ್‌ಚಿಡ್‍ವನೆಕೆ ಮಾಡಿತುಂಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:12

ಆನಗುಂಡ್ ಈ ಕೃಪೆ ದೇವಡ ಮೇಲೆ ಬಕ್ತಿಲ್ ಬದ್‍ಕ್‍ವಕ್ ಪಿಂಞ ಈ ಲೋಕತ್‍ರ ಮೇಲೆ ಉಳ್ಳ ಆಸೇನ ಬುಟ್ಟಿತ್ ಬದ್‍ಕ್‍ವಕ್ ನಂಗಕ್ ಎಣ್ಣಿ ಕೊಡ್‍ಪ. ಪಾಪ ದುಂಬ್‍ನ ಈ ಲೋಕತ್‍ಲ್, ನಂಗ ಜ್ಞಾನ ಉಳ್ಳಯಿಂಗಳಾಯಿತ್, ನೀತಿ ಉಳ್ಳಯಿಂಗಳಾಯಿತ್ ದೇವಡ ಮೇಲೆ ಬಕ್ತಿ ಉಳ್ಳಯಿಂಗಳಾಯಿತ್ ಬದ್‍ಕ್‍ವಕ್ ಸಹಾಯ ಮಾಡ್‌ವ.

2 ಪೇತ್ರ 2:3

ದುರಾಸೇಲ್, ಅಯಿಂಗಳೇ ಮಾಡ್‍ನ ಕಥೇರ ಬೋದನೆರ ಮೂಲಕ ನಿಂಗಡಿಂಜ ಅಯಿಂಗಕ್ ಆದಾಯ ಆಪನೆಕೆ ವಂಚನೆ ಮಾಡ್‌ವ. ದೇವ ಅಯಿಂಗಳ ಪಂಡೇ ನ್ಯಾಯತೀರ್ಪ್ ಮಾಡಿರ್‌ತ್, ಅಯಿಂಗಡ ಮೇಲೆ ಬಪ್ಪ ಶಿಕ್ಷೆ ಬೆರಿಯ ಬಪ್ಪ.

ಯೂದ ಒಳ್‍ದ್‍ನ ಕಾಗದ 1:11

ಕಳ್ಳ ಬೋದನೆ ಮಾಡ್‌ವಯಿಂಗಕ್ ಅಯ್ಯೋ! ಈಂಗ ತಮ್ಮಣನ ಕೊಂದ ಕಾಯಿನ ಎಣ್ಣ್‌ವಂವೊಂಡ ಬಟ್ಟೇಲ್ ನಡ್ಂದಂಡುಂಡ್. ಪಣಕಾಯಿತ್ ದೇವಡ ಮಕ್ಕಳ ಬಿಳಾಮ ಎಣ್ಣ್‌ವಂವೊ ಮೋಸ ಮಾಡ್‍ನನೆಕೆ ಈಂಗಳು ದುಡ್‍ಕಿಯಂಡ್ ಓಡ್‍ವ. ಪಿಂಞ ಕೋರಹ ಎಣ್ಣ್‌ವಂವೊ ಎದ್‍ರ್ ತಕ್ಕ್ ಪರ್ಂದಿತ್ ಎನ್ನನೆ ಪಾಳಾಯಿ ಪೋಚೋ, ಅನ್ನನೆ ಈಂಗಳು ಪಾಳಾಯಿ ಪೋಪ.