1 ತಿಮೊಥೆಯ 6:5 - ಕೊಡವ ಬೈಬಲ್

⁵ ಅಯಿಂಗಡ ಮನಸ್ಸ್ ಪಾಳಾಯಿತ್, ಎಕ್ಕಾಲು ಜಗಳ ಮಾಡ್‌ವ. ಅಯಿಂಗಡ ಹೃದಯತ್ಂಜ ಸತ್ಯತ್‍ನ ಎಡ್‍ತ್‍ರ್‌ತ್. ಅಯಿಂಗ ದುಡ್ಡ್ ಮಾಡ್‌ವಕಾಯಿತ್ ಅಯಿಂಗಳ, ದೇವಡ ಬಕ್ತಂಗಳಾಯಿತ್ ಕಾಂಬ್‍ಚಿಡ್‍ವ.

1 ತಿಮೊಥೆಯ 6:5 Iomraidhean Croise

ಮತ್ತಾಯ 12:33

ನಲ್ಲ ಮರವಾಯಿತ್ಂಜತೇಂಗಿ ಅದ್ಂಡ ಪಣ್ಣ್ ನಲ್ಲದಾಯಿತ್‌ಪ್ಪ, ಮರ ಕೆಟ್ಟದಾಯಿತ್ಂಜತೇಂಗಿ ಅದ್ಂಡ ಪಣ್ಣ್ ಕೆಟ್ಟದಾಯಿತ್‌ಪ್ಪ; ಮರ ಎಂತದ್‍ೕಂದ್, ಅದ್ಂಡ ಪಣ್ಣ್‌ಯಿಂಜ ಗೊತ್ತಾಪ.

ಮತ್ತಾಯ 21:13

ನಾಡ ಮನೆ ಪ್ರಾರ್ಥನೆರ ಮನೆಯಾಯಿತ್ ಇಪ್ಪಾಂದ್ ಒಳ್‌ದಿತುಂಡಲ್ಲಾ, ಆಚೇಂಗಿ ನಿಂಗ ಅದ್‍ನ ಕಳ್ಳಂಗಡ ಗುಹೆರನೆಕೆ ಮಾಡಿರಾಂದ್ ಎಣ್ಣ್‌ಚಿ.

ಮತ್ತಾಯ 23:13

ಕಪಟಿಯಾನ ನ್ಯಾಯಪ್ರಮಾಣತ್‍ರ ಉಪಾದ್ಯಂಗಳೇ, ಫರಿಸಾಯಂಗಳೇ ನಿಂಗಕ್ ಅಯ್ಯೋ. ಜನ ಪ್ರವೇಶ ಮಾಡತನೆಕೆ ಪರಲೋಕ ರಾಜ್ಯತ್‍ರ ಪಡಿನ ಬೀಗ ಇಡ್‍ವಿರ. ನಿಂಗಳು ಅದ್ಂಡ ಒಳ್‍ಕ್ ಪೋಪುಲೆ, ಪೋಪಯಿಂಗಳ ಪೋಪಕ್ ಬುಡ್‍ವದು ಇಲ್ಲೆ.

1 ಕೊರಿಂಥ 11:16

ಆಚೇಂಗಿ, ಒಬ್ಬಂಗ್ ಈ ವಿಷಯತ್‍ಲ್ ತರ್ಕ ಮಾಡ್‌ವಕ್ ಮನಸ್ಸ್ ಇಂಜತೇಂಗಿ, ನಂಗಕ್ ಪಿಂಞ ದೇವಡ ಸಬೇಕ್, ಈ ತರ ಅಬ್ಯಾಸ ಇಲ್ಲೇಂದ್ ಅಯಿಂಗಕ್ ಗೊತ್ತಿರಡ್.

2 ಥೆಸಲೊನೀಕ 3:6

ನಂಗಡ ಅಣ್ಣತಮ್ಮಣಂಗಳೇ, ಸೋಮಾರಿಯಾಯಿತ್ ಬದ್‍ಕಿಯಂಡ್, ನಂಗ ನಿಂಗಕ್ ಎಣ್ಣ್‌ನ ಪದ್ದತಿರ ಪ್ರಕಾರ ನಡ್‌ಂದಂಡಿಲ್ಲತ ಯೇಸುನ ನಂಬ್‍ನಯಿಂಗಳ ದೂರಮಾಡಿತ್ ಬೆಕ್ಕಂಡೂಂದ್ ಒಡೆಯನಾನ ಯೇಸು ಕ್ರಿಸ್ತ ನಂಗಕ್ ತಂದಿತುಳ್ಳ ಅದಿಕಾರತ್‍ಲ್ ನಂಗ ನಿಂಗಕ್ ಆಜ್ಞೆ ಮಾಡ್‌ವ.

1 ತಿಮೊಥೆಯ 1:6

ಆಚೇಂಗಿ, ಚೆನ್ನ ಜನ ಇದ್‍ಯಿಂಜ ತಪ್ಪಿ ಪೋಯಿತ್ ಅರ್ಥ ಇಲ್ಲತ ತಕ್ಕ್‌ಕ್ ಬಟ್ಟೆ ಕೊಡ್‌ತಿತುಂಡ್.

1 ತಿಮೊಥೆಯ 3:3

ಅಂವೊ ಕುಡ್‌ಕನಾಯಿತ್, ಹಿಂಸೆ ಮಾಡ್‌ವಂವೊನಾಯಿತ್, ಜಗಳ ಮಾಡ್‌ವಂವೊನಾಯಿತ್, ದುಡ್ಡ್‌ರ ಮೇಲೆ ಆಸೆ ಉಳ್ಳಂವೊನಾಯಿತ್ ಇಪ್ಪಕ್ಕಾಗ. ಅಂವೊ ಶಾಂತ ಗುಣ ಉಳ್ಳಂವೊನಾಯಿತ್ ಇರಂಡು.

1 ತಿಮೊಥೆಯ 3:8

ಅನ್ನನೆ ಸಬೇಲ್ ಸಹಾಯ ಮಾಡ್‌ವಯಿಂಗಳು ಮರ್ಯಾದಸ್ತಂಗಳಾಯಿತ್ ಪಿಂಞ ನೇರಾನಯಿಂಗಳಾಯಿತ್ ಇರಂಡು; ಕುಡ್‍ಕಂಗಳಾಯಿತ್, ಕಳ್ಳತನತ್‌ಲ್ ಸಂಪಾದನೆ ಮಾಡ್‌ವಯಿಂಗಳಾಯಿತ್ ಇಪ್ಪಕ್ಕಾಗ.

1 ತಿಮೊಥೆಯ 4:7

ಪ್ರಯೋಜನವಿಲ್ಲತ ವಿಷಯತ್ ತರ್ಕ ಮಾಡಿಯಂಡ್, ಸತ್ಯ ಇಲ್ಲತ ಅಜ್ಜಿಯಡ ಕಥೇನ ಕ್‍ೕಟಂಡ್ ಸಮಯ ಕಳೆಯಂಡ. ಅದ್ಂಡ ಬದ್‍ಲ್ ದೇವಬಕ್ತಿಲ್ ಇಪ್ಪಕ್ ಪ್ರಯತ್ನಪಡ್.

1 ತಿಮೊಥೆಯ 4:8

ತಡೀರ ವ್ಯಯಾಮ ಮಾಡ್‍ವದ್ ನಲ್ಲದ್, ಆಚೇಂಗಿ ಆತ್ಮೀಯ ವ್ಯಯಾಮ ಎಲ್ಲಾಕಿಂಜ ಮೇಲಾನದ್, ಇಕ್ಕತ್‍ರ ಬದ್‍ಕ್‍ಕ್ ಪಿಂಞ ಬಪ್ಪಕುಳ್ಳ ಬದ್‍ಕ್‍ಕ್ ಅದ್ ಪ್ರಯೋಜನ ಆಪ.

1 ತಿಮೊಥೆಯ 6:6

ನಂಗಡ ಪಕ್ಕ ಉಳ್ಳದ್ ಮದೀಂದ್ ಎಣ್ಣಿಯಂಡ್ ನೇರಾನ ಬಕ್ತಿಲ್ ಬದ್‍ಕ್‍ವದೇ ನಂಗಡ ಬಲ್ಯ ಲಾಬ.

2 ತಿಮೊಥೆಯ 3:5

ದೇವಡ ಮೇಲೆ ಬಕ್ತಿ ಉಳ್ಳಯಿಂಗಡನೆಕೆ ವೇಷ ಇಡ್‌ವ, ಆಚೇಂಗಿ, ದೇವಡ ಶಕ್ತಿನ ಅಯಿಂಗಡ ಒಳ್‍ಲ್ ಕ್ರಿಯೆ ಮಾಡ್‌ವಕ್ ಬುಡುಲೆ. ಈಂಗಳ ಬುಟ್ಟಿತ್ ನೀನ್ ದೂರ ಇರ್.

2 ತಿಮೊಥೆಯ 3:8

ಯನ್ನ, ಯಂಬ್ರ ಎಣ್ಣ್‌ವಯಿಂಗ ಮೋಶೇಕ್ ಎದ್‍ರ್ ನಿಂದನೆಕೆ, ಈಂಗಳು ಸತ್ಯಕ್ ಎದ್‍ರ್ ನಿಂದಿತುಂಡ್. ಈ ಮನುಷ್ಯಂಗ ಕೆಟ್ಟ ಬುದ್ದಿಯುಳ್ಳಯಿಂಗಳು, ನಂಬಿಕೇರ ವಿಷಯತ್‍ಲ್ ಚೋತ್‍ಪೋನಯಿಂಗಳೂ ಆಯಿತುಂಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:11

ಅಯಿಂಗ ಬೋದನೆ ಮಾಡತನೆಕೆ ಅಯಿಂಗಳ ನಿಪ್ಪ್‌ಚಿಡಂಡು. ಎನ್ನಂಗೆಣ್ಣ್‌ಚೇಂಗಿ, ಅಯಿಂಗ ದುಡ್ಡ್ ಮಾಡ್‌ವಕಾಯಿತ್, ಸತ್ಯ ಅಲ್ಲತ ಬೋದನೆನ ಸರಿಯಾನ ಬೋದನೇಂದ್ ಎಣ್ಣಿತ್, ದುಂಬ ಕುಟಂಬತ್‍ನ ಪಾಳ್‍ಮಾಡಿಯಂಡುಂಡ್.

2 ಪೇತ್ರ 2:15

ಈಂಗ ಸರಿಯಾನ ಬಟ್ಟೇನ ಬುಟ್ಟಿತ್, ತಪ್ಪ್‌ಚಿಟ್ಟಿತ್, ಬೆಯೋರ ಎಣ್ಣ್‌ವಂವೊಂಡ ಮೋಂವೊನಾನ ಬಿಳಾಮ ಎಣ್ಣ್‌ವಂವೊಂಡ ಬಟ್ಟೇಲ್ ನಡ್‌ಂದಯಿಂಗ; ಈ ಬಿಳಾಮ ಅನೀತಿರ ಸಂಪಾದೆನೆಲ್ ಕುಶಿಪಟ್ಟತ್.

2 ಪೇತ್ರ 2:3

ದುರಾಸೇಲ್, ಅಯಿಂಗಳೇ ಮಾಡ್‍ನ ಕಥೇರ ಬೋದನೆರ ಮೂಲಕ ನಿಂಗಡಿಂಜ ಅಯಿಂಗಕ್ ಆದಾಯ ಆಪನೆಕೆ ವಂಚನೆ ಮಾಡ್‌ವ. ದೇವ ಅಯಿಂಗಳ ಪಂಡೇ ನ್ಯಾಯತೀರ್ಪ್ ಮಾಡಿರ್‌ತ್, ಅಯಿಂಗಡ ಮೇಲೆ ಬಪ್ಪ ಶಿಕ್ಷೆ ಬೆರಿಯ ಬಪ್ಪ.

ಯೂದ ಒಳ್‍ದ್‍ನ ಕಾಗದ 1:11

ಕಳ್ಳ ಬೋದನೆ ಮಾಡ್‌ವಯಿಂಗಕ್ ಅಯ್ಯೋ! ಈಂಗ ತಮ್ಮಣನ ಕೊಂದ ಕಾಯಿನ ಎಣ್ಣ್‌ವಂವೊಂಡ ಬಟ್ಟೇಲ್ ನಡ್ಂದಂಡುಂಡ್. ಪಣಕಾಯಿತ್ ದೇವಡ ಮಕ್ಕಳ ಬಿಳಾಮ ಎಣ್ಣ್‌ವಂವೊ ಮೋಸ ಮಾಡ್‍ನನೆಕೆ ಈಂಗಳು ದುಡ್‍ಕಿಯಂಡ್ ಓಡ್‍ವ. ಪಿಂಞ ಕೋರಹ ಎಣ್ಣ್‌ವಂವೊ ಎದ್‍ರ್ ತಕ್ಕ್ ಪರ್ಂದಿತ್ ಎನ್ನನೆ ಪಾಳಾಯಿ ಪೋಚೋ, ಅನ್ನನೆ ಈಂಗಳು ಪಾಳಾಯಿ ಪೋಪ.

ಪ್ರಕಟನೆ 18:13

ಏಲ, ಲವಂಗ ಪಟ್ಟೆ, ದೂಪ, ಸಾಂಬ್ರಾಣಿ, ತೈಲ, ಸುಗಂದ ವಾಸನೆರ ಸಾಂಬ್ರಾಣಿ, ದ್ರಾಕ್ಷಿರಸ, ಆಲಿವ್ ಎಣ್ಣೆ, ನಲ್ಲ ಒಂತ್‍ನ ಪೊಡಿ, ಗೋದಿ, ಅತ್ತ, ಆಡ್ ಪಿಂಞ ಕೊರಿ, ಕುದ್‌ರೆ, ರಥ, ಅಡಿಯಾಳ್‍ರ, ಮನುಷ್ಯಂಡ ಪ್ರಾಣ ಇದೆಲ್ಲಾ ಎಡ್‍ಪಯಿಂಗ ದಾರೂ ಇಲ್ಲತಗುಂಡ್ ಅವಕಾಯಿತ್ ಮೊರಟಂಡ್ ಗೋಳಾಡುವ.

ಪ್ರಕಟನೆ 18:3

ಅವಡ ವೇಶಿತನತ್‍ರ ಬಲ್ಯ ಚೆಡಿರ ಕಳ್ಳ್‌ನ ಎಲ್ಲಾ ಜಾತಿಯಳು ಕುಡಿಚತ್; ಬೂಮಿರ ರಾಜಂಗ ಅವಡ ಕೂಡೆ ವೇಶಿತನ ಮಾಡ್‍ಚಿ; ಬೂಮಿರ ವ್ಯಾಪಾರಿಯಂಗ, ಅವಡ ದುಂಬ್‍ನ ಐಶ್ವರ್ಯತ್‍ರಗುಂಡ್ ಐಶ್ವರ್ಯವಂತಂಗಳಾಚೀಂದ್ ಎಣ್ಣ್‌ಚಿ.