1 ತಿಮೊಥೆಯ 6:2 - ಕೊಡವ ಬೈಬಲ್

² ದೇವಡ ಮೇಲೆ ನಂಬಿಕೆ ಬೆಚ್ಚಿತುಳ್ಳ ಎಜಮಾನಂಗ ಇಂಜತೇಂಗಿ, ಅಯಿಂಗಕ್ ನಿಂಗ ಕಮ್ಮಿ ಮರ್ಯಾದೆ ಕೊಡ್‍ಪಕ್ಕಾಗ. ಎನ್ನಂಗೆಣ್ಣ್‌ಚೇಂಗಿ ಅಯಿಂಗಳು ನಿಂಗಳು ದೇವಡ ಮಿಂಞತ್‍ಲ್ ಅಣ್ಣತಮ್ಮಣಂಗಳಾಯಿತುಳ್ಳಿರ. ಅಡಿಯಾಳನಾನ ನಿಂಗ ನಿಂಗಡ ಎಜಮಾನಂಗ ಇಂಞು ದುಂಬ ಕಷ್ಟಪಟ್ಟಿತ್ ನಯಿಕಂಡು. ಎನ್ನಂಗೆಣ್ಣ್‌ಚೇಂಗಿ ದೇವಡ ಪ್ರೀತಿ ನಿಂಗ ದಂಡಾಳ್‍ಕು ಕ್‍ಟ್ಟಿತುಂಡ್. ತಿಮೊಥೆಯ, ಇದ್‍ನೆಲ್ಲ ಎಲ್ಲಾರ್‌ಕು ಎಣ್ಣಿ ಕೊಡ್‌ತಿತ್ ಅನ್ನನೆ ನಡ್‍ಪಕ್ ಪುರ್‌ಡ್ ಕೊಡ್.

1 ತಿಮೊಥೆಯ 6:2 Iomraidhean Croise

ಮತ್ತಾಯ 23:8

ನಿಂಗಳ ದಾರೂ ಉಪಾದ್ಯನೇಂದ್ ಕಾಕ್‍ವಕ್ ಬುಡತಿ. ಕ್ರಿಸ್ತ ಒಬ್ಬನೇ ನಿಂಗಕ್ ಉಪಾದ್ಯನಾಯಿತುಂಡ್. ನಿಂಗ ಎಲ್ಲಾರು ಅಣ್ಣತಮ್ಮಣಂಗಳಾಯಿತುಳ್ಳಿರ.

ಮತ್ತಾಯ 25:40

ಅಕ್ಕ ರಾಜ, ನಾಡ ಅಣ್ಣತಮ್ಮಣಂಡಡೆಲ್ ಚೆರಿಯಯಿಂಗಳಾಯಿತುಳ್ಳ ಒಬ್ಬಂಗ್ ಮಾಡ್‍ಚೇಂಗಿಯು, ಅದ್‍ನ ನಿಂಗ ನಾಕ್ ಮಾಡ್‌ನನೆಕೇಂದ್ ನೇರಾಯಿತು ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಮತ್ತಾಯ 6:24

ದಾರೂ ದಂಡ್ ಎಜಮಾನಂಗ್ ಸೇವೆ ಮಾಡ್‌ವಕ್ ಕಯ್ಯುಲೆ. ಅಂವೊ ಒಬ್ಬನ ಕುಶಿಪಡ್‌ತ್‌ವ, ಇಂಞೊಬ್ಬನ ದ್ವೇಶ ಮಾಡ್‌ವ. ಅಥವ ಒಬ್ಬನ ಪ್ರೀತಿ ಮಾಡಿಯಂಡ್ ಇಂಞೊಬ್ಬನ ದೂರ್‌ವ. ನಿಂಗ ದೇವನ ಪಿಂಞ ಪಣತ್‍ನ ಒಕ್ಕಚೆ ಸೇವೆ ಮಾಡ್‌ವಕ್ ಕಯ್ಯುಲೆ.

ಅಪೊಸ್ತಲ 1:15

ಇನ್ನನೆ ಇಪ್ಪಕ, ಒರು ದಿವಸ, ಅಲ್ಲಿ ಕೂಡಿ ಬಂದಿತ್ಂಜ ನೂಯಿಟ ಇರ್‌ವದ್ ಶಿಷ್ಯಂಗಡ ಮದ್ಯತ್ ಪೇತ್ರ ಎದ್ದ್ ನಿಪ್ಪಂಜಿ, ತಕ್ಕ್ ಪರಿಯುವಕ್ ಸುರು ಮಾಡ್‍ಚಿ.

ರೋಮ್ 11:17

ಇಸ್ರಾಯೇಲ್ ಎಣ್ಣುವ ನಾಡ್‍ರ ಒಲಿವ ಮರತ್‍ರ ಚೆನ್ನ ಕೊಂಬ್‍ನ ಮುರ್‌ಚಿತ್, ಕಾಡ್‍ರ ಒಲಿವ ಮರವಾಯಿತುಳ್ಳ ನಿಂಗಳ ಆ ಜಾಗತ್‍ಲ್ ಅಂಟ್‍ಚಿಟ್ಟ್ ಬೆಚ್ಚತ್. ಅನ್ನನೆ ನಾಡ್‍ರ ಒಲಿವ ಮರತ್‍ರ ಬೇರ್‌ಕ್ ಪಿಂಞ ರಸಕ್ ನಿಂಗ ಪಾಲ್‍ದಾರಂಗಳಾಯಿತುಂಡ್.

ರೋಮ್ 8:29

ದೇವ ತಾಂಡ ದುಂಬ ಮಕ್ಕಡಲ್ಲಿ ತಾಂಡ ಮೋಂವೊ ಆದ್ಯಂವೊನಾಯಿತಿಪ್ಪಕಾಯಿತ್, ದೇವ ದಾರ್‌ನ ಮಿಂಞಲೇ ಗೊತ್ತ್ ಮಾಡ್‍ಚೋ, ಅಯಿಂಗಳ ತಾಂಡ ಮೋಂವೊಂಡ ರೂಪತ್‍ರನೆಕೆ ಇಪ್ಪಕಾಯಿತ್ ಮಿಂಞಲೇ ತೀರ್ಮಾನ ಮಾಡ್‍ಚಿ.

ಗಲಾತ್ಯ 5:6

ನಂಗಡ ನಂಬಿಕೆ ಯೇಸು ಕ್ರಿಸ್ತಂಡ ಮೇಲೆ ಇಂಜತೇಂಗಿ, ಸುನ್ನತಿ ಮಾಡಿತ್ಂಜತೇಂಗಿಯು, ಮಾಡತ ಇಂಜತೇಂಗಿಯು, ಅದ್ ಒಂದು ಲೆಕ್ಕ ಆಪುಲೆ. ಅದ್ಂಡ ಬದ್‍ಲಾಯಿತ್ ನಂಬಿಕೇಲ್, ಪ್ರೀತಿರಗುಂಡ್ ನಂಗ ಮಾಡ್‌ವ ಕಾರ್ಯವೇ ಮುಕ್ಯವಾನದ್.

ಎಫೆಸ 1:1

ದೇವಡ ಚಿತ್ತತ್‍ರನೆಕೆ ಯೇಸು ಕ್ರಿಸ್ತಂಡ ಅಪೊಸ್ತಲನಾನ ಪೌಲ, ಎಫೆಸ ಪಟ್ಟಣತ್‍ಲ್, ಯೇಸು ಕ್ರಿಸ್ತಂಡಲ್ಲಿ ನಂಬಿಕೆ ಇಟ್ಟಿತುಳ್ಳ ದೇವಡ ಮಕ್ಕಕ್ ಒಳ್‍ದ್‍ವ ಕಾಗದ ಇದ್.

ಎಫೆಸ 1:15

ಇದ್ಂಗಾಯಿತ್, ಒಡೆಯನಾನ ಯೇಸುರಲ್ಲಿ ನಿಂಗ ಬೆಚ್ಚಿತುಳ್ಳ ನಂಬಿಕೆ ಪಿಂಞ ದೇವಡ ಮಕ್ಕಡ ಮೇಲೆ ಬೆಚ್ಚಿತುಳ್ಳ ಪ್ರೀತಿನ ನಾನ್‌ ಕ್‍ೕಟ ದಿವಸತ್ಂಜ,

ಎಫೆಸ 3:6

ಆ ಗುಟ್ಟ್ ಎಂತ ಎಣ್ಣ್‌ಚೇಂಗಿ, ದೇವಡ ನಲ್ಲ ಸುದ್ದಿರಗುಂಡ್, ಯೆಹೂದ್ಯಂಗಲ್ಲತ ಬೋರೆ ಜನ ಯೆಹೂದ್ಯಂಗಡ ಕೂಡೆ ಬಾದ್ಯಕಾರಂಗಳಾಯಿತ್, ಒರೇ ತಡೀರ ಬಾಗತ್‍ರನೆಕೆ ಕ್ರಿಸ್ತ ಯೇಸುರ ವಾಗ್ದಾನಕ್ ಪಾಲ್‍ದಾರಂಗಳಾಯಿತ್ ಇರಂಡು ಎಣ್ಣ್‌ವದೇ.

ಕೊಲೊಸ್ಸೆ 1:2

ಕೊಲೊಸ್ಸೆ ಪಟ್ಟಣತ್‍ಲ್, ದೇವಡ ಮಕ್ಕಳಾಯಿತು, ನಂಬಿಕಸ್ತಯಿಂಗಳಾಯಿತು ಉಳ್ಳ ಕ್ರಿಸ್ತನ ನಂಬಿಯಂಡುಳ್ಳ ಅಣ್ಣತಮ್ಮಣಂಗಕ್ ಒಳ್‍ದ್‍ವ ಕಾಗದ ಇದ್. ನಂಗಡ ಅಪ್ಪನಾನ ದೇವಡ ಕೃಪೆ ಪಿಂಞ ಸಮಾದಾನ ನಿಂಗಕ್ ಕ್‍ಟ್ಟಡ್.

ಕೊಲೊಸ್ಸೆ 1:4

ಎನ್ನಂಗೆಣ್ಣ್‌ಚೇಂಗಿ, ಕ್ರಿಸ್ತ ಯೇಸುರಲ್ಲಿ ನಿಂಗಕ್ ಉಳ್ಳ ನಂಬಿಕೆ ಪಿಂಞ ದೇವಡ ಮಕ್ಕಡ ಮೇಲೆ ಉಳ್ಳ ನಿಂಗಡ ಪ್ರೀತಿನ ನಂಗ ಕ್‍ೕಟತ್.

ಕೊಲೊಸ್ಸೆ 4:1

ಎಜಮಾನಂಗಳೇ, ನಿಂಗಕ್ ಸಹ ಪರಲೋಕತ್‍ಲ್ ಎಜಮಾನ ಉಂಡ್‍ೕಂದ್ ಗೇನ ಮಾಡಿತ್, ನಿಂಗಡ ಆಳುವಳ ಚಾಯಿತೆ ನೋಟಿಯಂಡ್, ನೀತಿಲ್ ಪಿಂಞ ಏದ್ ನಲ್ಲದೋ ಅದ್‍ನ ಅಯಿಂಗಕ್ ಮಾಡಿ.

2 ಥೆಸಲೊನೀಕ 1:3

ನಂಗಡ ಅಣ್ಣತಮ್ಮಣಂಗಳೇ, ನಿಂಗಕಾಯಿತ್ ನಂಗ ಎಕ್ಕಾಲು ದೇವಕ್ ವಂದನೆ ಎಣ್ಣುವಕ್ ಜವಾಬ್ದಾರಂಗಳಾಯಿತ್ ಉಂಡ್; ನಿಂಗ ದೇವಡ ಮೇಲೆ ಬೆಚ್ಚಿತುಳ್ಳ ನಂಬಿಕೆ ಚಾಯಿತೆ ಬೊಳ್ಂದಂಡ್, ನಿಂಗ ಒಬ್ಬೊಬ್ಬಂಡ ಮೇಲೆ ಬೆಚ್ಚಿತುಳ್ಳ ಪ್ರೀತಿ ದುಂಬ ಜಾಸ್ತಿ ಆಯಂಡ್ ಉಳ್ಳಾಂಗ್, ನಂಗ ಅನ್ನನೆ ಎಣ್ಣ್‌ವದ್ ಸರಿಯಾಯಿತ್ ಉಂಡ್.

1 ತಿಮೊಥೆಯ 4:11

ಇದ್‍ನ ನೀ ಬೋದನೆ ಮಾಡಿತ್, ನೀ ಎಣ್ಣ್‌ವಾನೆಲ್ಲ ಅಯಿಂಗ ಮಾಡ್‌ವಕ್ ಪಡಿಪ್‍ಚಿಡ್.

1 ತಿಮೊಥೆಯ 5:1

ವಯಸಾನಯಿಂಗಳ ಎಕ್ಕಾಲು ಜೋರ್ ಮಾಡತೆ, ನೀಡ ಅಪ್ಪಂಗ್ ಎನ್ನನೆ ಮರ್ಯಾದೆಲ್ ಬುದ್ದಿ ಎಣ್ಣ್‌ವಿಯೊ ಅನ್ನನೆ ಅಯಿಂಗಕ್ ಬುದ್ದಿ ಎಣ್ಣ್. ಯೌವನಸ್ತನ ನೀಡ ಸ್ವಂತ ಅಣ್ಣತಮ್ಮಣಂಗಡನೆಕೆ ನೋಟ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:1

ನೀನ್ ಆರೋಗ್ಯವಾನ ಬೋದನೆನ ಕಂಡಿತವಾಯಿತ್ ಅನ್ನನೆ ಬೋದನೆ ಮಾಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:15

ಇದ್‍ನೆಲ್ಲಾ ನೀನ್ ಅಯಿಂಗಕ್ ಬೋದನೆ ಮಾಡಿತ್, ಎಲ್ಲಾ ಅದಿಕಾರತ್‍ಲ್ ಎಚ್ಚರ ಮಾಡ್ ಪಿಂಞ ಪುರ್‌ಡ್ ಕೊಡ್. ದಾರೂ ನೀಡ ಅದಿಕಾರತ್‍ನ ಅಲ್ಲಗೆಳೆಯುವನೆಕೆ ಬುಡತೆ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:8

ಇಲ್ಲಿಕತ್ತನೆ ನಾನ್ ಎಣ್ಣ್‌ನದ್ ಸತ್ಯತ್‍ರ ತಕ್ಕ್. ದೇವಡ ಮೇಲೆ ನಂಬಿಕೆ ಉಳ್ಳಯಿಂಗ, ನಲ್ಲ ಕೆಲಸ ಮಾಡ್‌ವಕ್ ಅರ್ಪಿಚಿಟ್ಟಯಿಂಗಳಾಯಿತ್ ಇರಂಡೂಂದ್ ಉಳ್ಳ ಈ ತಕ್ಕ್‌ನ ನೀನ್ ಕಂಡಿತವಾಯಿತ್ ಬೋದನೆ ಮಾಡಂಡೂಂದ್ ನಾಡ ಆಸೆ. ಈ ತರ ಬೋದನೆ ಸರಿಯಾನದು, ಎಲ್ಲಾರ್‌ಕು ಪ್ರಯೋಜನವಾಯಿತು ಉಂಡ್.

ಇಬ್ರಿಯ 3:1

ಆನಗುಂಡ್, ದೇವಡ ಮಕ್ಕಳಾಯಿತುಳ್ಳ ನಾಡ ಅಣ್ಣತಮ್ಮಣಂಗಳೇ, ಪರಲೋಕಕ್ ಪೋಪಕ್ ಕಾಕ್‍ನಯಿಂಗಡ ಪಾಲ್‍ದಾರಂಗಳಾಯಿತ್ ಉಳ್ಳಯಿಂಗಳೇ, ನಂಗ ಅರಿಕೆ ಮಾಡ್‌ವ ಅಪೊಸ್ತಲನು, ಮಹಾ ಯಾಜಕನು ಆಯಿತುಳ್ಳ ಕ್ರಿಸ್ತ ಯೇಸುನ ಗೇನ ಮಾಡಿಯೊಳಿ.

ಇಬ್ರಿಯ 3:14

ನಂಗಕ್ ಸುರುಲ್ ಇಂಜ ದೈರ್ಯತ್‍ನ ಆಕೀರ್‍ಕತ್ತನೆ ಪುಡ್‍ಚಂಡ್ ಇಂಜತೇಂಗಿ, ಕ್ರಿಸ್ತಂಡಲ್ಲಿ ನಂಗಳು ಪಾಲ್‍ದಾರಂಗಳಾಯಿತ್ ಉಂಡಲ್ಲಾ!

1 ಪೇತ್ರ 5:1

ನಿಂಗಡಲ್ಲಿ ಉಳ್ಳ ಪೆರಿಯಯಿಂಗಕ್ ಮೂಪನಾಯಿತು, ಕ್ರಿಸ್ತಂಡ ಕಷ್ಟಕ್ ಸಾಕ್ಷಿಯಾಯಿತು, ಇಂಞು ಮಿಂಞಕ್ ಬಪ್ಪಕುಳ್ಳ ಮಹಿಮೇಕ್ ಪಾಲ್‍ದಾರನಾಯಿತು ಇಪ್ಪ ನಾನ್ ನಿಂಗಕ್ ಬೋಡ್‍ವದ್ ಎಂತ ಎಣ್ಣ್‌ಚೇಂಗಿ:

2 ಪೇತ್ರ 2:10

ಎಲ್ಲಾಕಿಂಜ, ಅಯಿಂಗಡ ಸ್ವಂತ ಮೋಸವಾನ ಲೈಂಗಿಕ ಪಾಪತ್‍ರ ಗುಣತ್‍ರ ಆಸೆರನೆಕೆ ಬದ್‍ಕ್‍ವಕ್ ಬಗ್ಗ್‌ಚಿಟ್ಟಿತ್ ನಡ್ಂದಂಡ್, ಒಡೆಯಂಡ ಅದಿಕಾರತ್‍ನ ಅಲ್ಲಗೆಳೆಯುವಯಿಂಗಕ್ ಕಂಡಿತವಾಯಿತ್ ಇನ್ನನೆ ಮಾಡ್‌ವ. ಈಂಗ, ದಾರ್ ಎಣ್ಣ್‌ಚೇಂಗಿಯು ತಗ್ಗಿತ್‌ ನಡ್‌ಕತಯಿಂಗಳು, ಆಂಗಾರಿಯಳು, ದೇವಡ ಸನ್ನಿದಾನತ್‍ಲ್ ಪರಲೋಕತ್‍ಲ್ ಮಹಿಮೆ ಪಡ್ಂದಯಿಂಗಳ ದೂಷಣೆ ಮಾಡ್‌ವಕ್ ಪೋಡಿಯಿಲ್ಲತಯಿಂಗಳು ಆಯಿತುಂಡ್.

ಯೂದ ಒಳ್‍ದ್‍ನ ಕಾಗದ 1:8

ಅದೇ ತರತ್‍ಲ್ ದೇವಡ ಮೇಲೆ ಬಕ್ತಿ ಇಲ್ಲತ ಜನಳು, ದೇವ ಅಯಿಂಗಕ್ ಸ್ವಪ್ನತ್‌ಲ್ ಅನ್ನನೆ ಮಾಡ್‌ವಕ್ ಅದಿಕಾರ ತಾತ್‍ೕಂದ್ ಎಣ್ಣಿಯಂಡ್, ಅಯಿಂಗಡ ಶರೀರತ್‌ನ ಅಶುದ್ದ ಮಾಡಿಯಂಡ್, ದೇವಡ ಅದಿಕಾರ ಅಯಿಂಗಡ ಮೇಲೆ ಇಲ್ಲತನೆಕೆ ಮಾಡಿಯಂಡ್, ದೇವದೂತಂಗಡ ಅದಿಕಾರತ್‍ನ ಅಲ್ಲಗೆಳೆಯುವ.