1 ತಿಮೊಥೆಯ 6:14 - ಕೊಡವ ಬೈಬಲ್

¹⁴ ನಂಗಡ ಒಡೆಯನಾನ ಯೇಸು ಕ್ರಿಸ್ತ ಬಪ್ಪಕತ್ತನೆ ನೀನ್ ಈ ಆಜ್ಞೆನ ಏದ್ ಕಳಂಗ ಇಲ್ಲತೆ, ಏದ್ ಕುತ್ತವು ಇಲ್ಲತೆ ಮಾಡಿಯಂಡಿರ್.

1 ತಿಮೊಥೆಯ 6:14 Iomraidhean Croise

1 ಕೊರಿಂಥ 1:8

ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ದಿವಸತ್‍ಲ್ ನಿಂಗ ಒರ್ ತಪ್ಪು ಇಲ್ಲತಯಿಂಗಳಾಯಿತ್ ನಿಪ್ಪಕ್ ಕಡೇಕತ್ತನೆ ಅಂವೊ ನಿಂಗಳ ಸ್ತಿರಪಡ್‍ತ್‌ವ.

ಎಫೆಸ 5:27

ಕಲೆ, ಚುಕ್ಕ್, ಚುಳ್ಳ್ ಇಲ್ಲತೆ ಪವಿತ್ರವಾಯಿತ್ ಏದ್ ಕುತ್ತ ಇಲ್ಲತೆ ಮಹಿಮೆ ದುಂಬ್‍ನ ಸಬೇಯಾಯಿತ್ ತಾಂಡ ಮಿಂಞತ್ ನಿಪ್ಪ್‌ಚಿಡುವಕಾಯಿತೂ ತಾಂಗ್ ತಾನೆ ಅದ್ಂಗಾಯಿತ್ ಒಪ್ಪ್‌ಚಿಟ್ಟತ್.

ಫಿಲಿಪ್ಪಿ 1:10

ಅಕ್ಕ ಏದ್ ಚಾಯೀಂದ್ ನಿಂಗಕ್ ಗೊತ್ತಾಯಿತ್ ಅದ್‍ನ ಗೊತ್ತ್ ಮಾಡ್‌ವಿರ. ಅನ್ನನೆ ಆಚೇಂಗಿ, ಯೇಸು ಕ್ರಿಸ್ತ ತೀರ್ಪ್ ಕೊಡ್‍ಪ ದಿವಸತ್‍ಲ್ ನಿಂಗ ಒರ್ ತಪ್ಪು ಇಲ್ಲತ ಬದ್‍ಕ್ ಬದ್‍ಕ್‍ನಯಿಂಗಳಾಯಿತ್ ಇಪ್ಪಿರ.

ಫಿಲಿಪ್ಪಿ 1:6

ದೇವ ನಿಂಗಡಲ್ಲಿ ಸುರು ಮಾಡ್‍ನ ನಲ್ಲ ಕೆಲಸತ್‍ನ ಪೂರ್ತಿ ಮಾಡ್‌ವಕಾಯಿತ್, ಕ್ರಿಸ್ತ ಯೇಸು ಪುನಃ ಈ ಬೂಮಿಕ್ ಬಪ್ಪಕತ್ತನೆ ಮಾಡಿಯಂಡಿಪ್ಪಾಂದ್ ನಾಕ್ ನಂಬಿಕೆ ಉಂಡ್.

ಫಿಲಿಪ್ಪಿ 2:15

ಅಕ್ಕ, ದಾರೂ ನಿಂಗಳ ಕುತ್ತ ಪರಿಯುಲೆ. ಮೋಸ ಪಿಂಞ ನೀಚ ಜನ ದುಂಬಿತುಳ್ಳ ಈ ಲೋಕತ್‍ಲ್, ಪಳಪಳಾಂದ್ ಬೊಳಿರನೆಕೆ ಮಿನ್ನಿಯಂಡ್, ಒರ್ ಕಳಂಗ ಪಿಂಞ ಕಪಟತನ ಇಲ್ಲತೆ, ದೇವಡ ಮಕ್ಕಳಾಯಿತ್ ಬದ್‍ಕಂಡು.

ಕೊಲೊಸ್ಸೆ 1:22

ಆಚೇಂಗಿ, ಇಕ್ಕ ಅಂವೊ ತಾಂಡ ಮೋಂವೊ ತಡೀಲ್ ಚತ್ತ್ ಪೋನಗುಂಡ್ ನಿಂಗಡ ಕೂಡೆ ಇಂಜ ವಿರೋದತ್‍ನ ಕಳೆಂದಿತ್ ಸಮಾದಾನ ಮಾಡಿತ್, ಅಂವೊಂಡ ಸನ್ನಿದಾನತ್‍ಲ್ ನಿಂಗಳ ಪವಿತ್ರವಾನಯಿಂಗಳಾಯಿತ್, ಒರ್ ತಪ್ಪಿಲ್ಲತಯಿಂಗಳಾಯಿತ್, ಒರ್ ಕುತ್ತ ಇಲ್ಲತಯಿಂಗಳಾಯಿತ್ ಅರ್ಪಿಚಿಡ್‌ವಕ್ ಇನ್ನನೆ ಮಾಡ್‍ಚಿ.

ಕೊಲೊಸ್ಸೆ 4:17

ಅರ್ಖಿಪ್ಪನ ನೋಟಿತ್, ಒಡೆಯ ಅಂವೊಂಗ್ ಒಪ್ಪ್‌ಚಿಟ್ಟ ಸೇವೇನ ಪೂರ್ತಿ ಮಾಡ್‌ವಕ್ ಎಚ್ಚರತ್‍ಲ್ ಇರಂಡೂಂದ್ ಎಣ್ಣಿ ಕೊಡಿ.

1 ಥೆಸಲೊನೀಕ 3:13

ಇನ್ನನೆ, ನಂಗಡ ಒಡೆಯನಾನ ಯೇಸು ಕ್ರಿಸ್ತ ತಾಂಡ ಪವಿತ್ರವಾನಯಿಂಗಡ ಕೂಡೆ ಪುನಃ ಬಪ್ಪಕಾಪಕ, ದೇವಡ ಸನ್ನಿದಾನತ್‍ಲ್ ನಿಂಗೆಲ್ಲಾರು ಒರ್ ತಪ್ಪಿಲ್ಲತನೆಕೆ, ಪವಿತ್ರವಾನಯಿಂಗಳಾಯಿತ್ ಇಪ್ಪಕ್ ನಿಂಗಡ ಹೃದಯತ್‍ನ ಸ್ತಿರಪಡ್‍ತಡ್.

1 ಥೆಸಲೊನೀಕ 5:23

ಸಮಾದಾನತ್‍ರ ದೇವ ನಿಂಗಳ ಪರಿಪೂರ್ಣವಾಯಿತ್ ಪಿಂಞ ಅಂವೊಂಗಾಯಿತ್ ಬೋರೆ ಮಾಡಿತ್ ಪವಿತ್ರವಾನಯಿಂಗಳಾಯಿತ್ ಮಾಡಡ್. ನಿಂಗಡ ಗೇನ, ನಿಂಗಡ ಆಸೆ ಪಿಂಞ ನಿಂಗ ಮಾಡ್‍ವದ್ ನಂಗಡ ಒಡೆಯನಾನ ಯೇಸು ಕ್ರಿಸ್ತ ಬಪ್ಪಕತ್ತನೆ ಒರ್ ತಪ್ಪು ಇಲ್ಲತನೆಕೆ ಇಪ್ಪಕ್ ಅಂವೊ ನಿಂಗಳ ಕಾಪಾಡಡ್.

2 ಥೆಸಲೊನೀಕ 2:1

ಇಕ್ಕ ನೋಟಿ, ನಂಗಡ ಅಣ್ಣತಮ್ಮಣಂಗಳೇ, ನಂಗಡ ಒಡೆಯನಾನ ಯೇಸು ಕ್ರಿಸ್ತ ಪುನಃ ಬಪ್ಪಕುಳ್ಳ ವಿಷಯತ್‍ಲ್ ಪಿಂಞ ನಂಗ ಅಂವೊಂಡ ಪಕ್ಕ ಪೋಪಕುಳ್ಳ ವಿಷಯತ್‍ಲ್ ನಂಗ ನಿಂಗಳ ಬೋಡ್‍ವದ್ ಎಂತ ಎಣ್ಣ್‌ಚೇಂಗಿ:

2 ಥೆಸಲೊನೀಕ 2:8

ಅಂವೊನ ತಡೆ ಮಾಡ್‌ವಂವೊ ಇಲ್ಲಿಂಜ ಪೋಪಕ, ದುಷ್ಟ ಮನುಷ್ಯ ಪೊರಮೆ ಬಪ್ಪ; ಆಚೇಂಗಿ, ಒಡೆಯನಾನ ಯೇಸು ಬಂದಿತ್ ಅಂವೊನ ತಾಂಡ ಬಾಯಿರ ಉಸ್‍ರ್‌ರ ಮೂಲಕ ಕೊಂದಿತ್, ತಾನ್ ಬಪ್ಪ ಮಹಿಮೇರ ಬೊಳಿರಗುಂಡ್ ನಾಶ ಮಾಡ್‌ವ.

1 ತಿಮೊಥೆಯ 6:20

ಓ ತಿಮೊಥೆಯನೇ, ನೀಡ ಪಕ್ಕ ಒಪ್ಪ್‌ಚಿಟ್ಟಾನೆಲ್ಲ ಬದ್ರವಾಯಿತ್ ಕಾಪಾಡ್. ದೇವಬಕ್ತಿಕ್ ಆಕತ ಒರ್ ಪ್ರಯೋಜನವಿಲ್ಲತ ಹರಟೆ ತಕ್ಕ್‌ಕ್ ಪಿಂಞ ಜ್ಞಾನಾಂದ್ ಜನ ನಂಬಿತುಳ್ಳ ಪೊಟ್ಟ್ ತಕ್ಕ್‌ರ ಬೋದನೆಕ್ ನೀನ್ ದೂರ ಇರ್.

2 ತಿಮೊಥೆಯ 4:1

ದೇವಡ ಮಿಂಞತ್, ಪಿಂಞ ಬದ್‍ಕಿತುಳ್ಳಯಿಂಗಳ ಪಿಂಞ ಚತ್ತಯಿಂಗಳ ತೀರ್ಪ್ ಮಾಡ್‌ವಕುಳ್ಳ ಯೇಸು ಕ್ರಿಸ್ತಂಡ ಮಿಂಞತ್, ಪಿಂಞ ಅಂವೊ ಪುನಃ ಆಳುವಕ್ ರಾಜಾನಾಯಿತ್ ಬಪ್ಪಕುಳ್ಳ ಪ್ರಸನ್ನತ್‌ಲ್ ನಾನ್ ಇದ್‍ನ ನೀಕ್ ಆಜ್ಞೆ ಮಾಡ್‌ವಿ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:13

ಅನ್ನನೆ ಇಪ್ಪಕ, ನಂಗಡ ರಕ್ಷಕನಾನ ಯೇಸು ಕ್ರಿಸ್ತ ಎಣ್ಣುವ ಬಲ್ಯ ದೇವಡ ಮಹಿಮೆಲ್ ಬಪ್ಪ ಆ ಕುಶೀರ ದಿನಕಾಯಿತ್, ನಂಗ ಬಾರಿ ಕುಶೀಲ್, ಮಹಿಮೇರ ನಿರಿಕ್ಷೇಲ್ ಪಾರಕಾತಂಡ್ ಉಂಡ್.

ಇಬ್ರಿಯ 9:14

ಅನ್ನನೆ ಆಚೇಂಗಿ, ನಿತ್ಯ ಆತ್ಮತ್‍ರಗುಂಡ್, ಅಂವೊನ ಅಂವೊನಾಯಿತೇ ಒರ್ ಕುತ್ತವು ಇಲ್ಲತ ಬಲಿಯಾಯಿತ್ ದೇವಕ್ ಅರ್ಪಿಚಿಟ್ಟ ಕ್ರಿಸ್ತಂಡ ಚೋರೆ, ಜೀವವಾಯಿತುಳ್ಳ ದೇವಕ್ ಸೇವೆ ಮಾಡ್‌ವಕ್ ನಿಂಗಡ ಮನಸಾಕ್ಷಿನ ಪಾಪತ್‍ರ ಕ್ರಿಯೇಯಿಂಜ ಶುದ್ದ ಮಾಡ್‍ವದ್ ಎಚ್ಚಕ್ ನಿಶ್ಚಯವಾಯಿತುಂಡ್.

ಇಬ್ರಿಯ 9:28

ಅನ್ನನೆ ಕ್ರಿಸ್ತ ಸಹ, ದುಂಬ ಜನತ್‍ರ ಪಾಪತ್‍ನ ತಾಂಡ ಮೇಲೆ ಎಡ್‍ತಿತ್ ಕಳೆಯುವಕಾಯಿತ್ ಒರೇ ಕುರಿ ಬಲಿಯಾಚಿ. ತಾಂಗಾಯಿತ್ ಪಾರಕಾತಂಡ್ ಉಳ್ಳಯಿಂಗಕ್ ರಕ್ಷಣೆನ ದಾನ ಮಾಡ್‌ವಕಾಯಿತ್ ಪಾಪ ಇಲ್ಲತಂವೊನಾಯಿತ್ ದಂಡನೆ ಕುರಿ ಪ್ರತ್ಯಕ್ಷ ಆಪ.

1 ಪೇತ್ರ 1:19

ಆಚೇಂಗಿ, ದಾರ್‌ಕು ಕೊಡ್‍ಪಕ್ ಕಯ್ಯತ ಬೆಲೆಯುಳ್ಳ ಕ್ರಿಸ್ತಂಡ ಚೋರೆರಗುಂಡ್ ದೇವ ನಿಂಗಳ ಬೆಲೇಕ್ ಎಡ್‍ತಂಡದ್ ನಿಂಗಕ್ ಗೊತ್ತುಂಡಲ್ಲ? ಅಂವೊ ಒರ್ ಪವಿತ್ರವಾಯಿತುಳ್ಳ, ಏದ್ ಪಾಳು ಇಲ್ಲತ ಕೊರಿ ಕುಟ್ಟಿರನೆಕೆ ಉಂಡ್.

1 ಪೇತ್ರ 1:7

ಪಾಳಾಯಿ ಪೋಪ ಪೊನ್ನ್‌ನ ತಿತ್ತ್‌ರಗುಂಡ್ ಸೋದನೆ ಮಾಡ್‌ವ; ಆಚೇಂಗಿ, ಅದ್ಂಗಿಂಜ ಬಲ್ಯ ಬೆಲೆಯುಳ್ಳ ನಿಂಗಡ ನಂಬಿಕೆ ಈ ಕಷ್ಟತ್‍ರಗುಂಡ್ ಸೋದನೆಕ್ ಒಳಪಟ್ಟಿತ್, ನೇರಾನದ್‍ೕಂದ್‌ ಗೊತ್ತಾಪಗುಂಡ್, ಯೇಸು ಕ್ರಿಸ್ತ ಬಪ್ಪಕ, ಅದ್ ನಿಂಗಕ್ ಕೀರ್ತಿಯಾಯಿತ್, ಗನವಾಯಿತ್ ಪಿಂಞ ಮಹಿಮೆಯಾಯಿತ್ ಕ್‍ಟ್ಟುವನೆಕೆ ಆಪ.

2 ಪೇತ್ರ 2:21

ಅನ್ನನೆ ಉಳ್ಳಯಿಂಗ, ನೀತಿರ ಬಟ್ಟೇನ ಗೊತ್ತಾನ ಪಿಂಞ ಅಯಿಂಗಕ್ ಒಪ್ಪ್‌ಚಿಟ್ಟ ಪವಿತ್ರವಾನ ಆಜ್ಞೆನ ಬುಟ್ಟಿತ್ ಪೋಪಕಿಂಜ, ಅದ್‍ನ ಅಯಿಂಗಕ್ ಗೊತ್ತಿಲ್ಲತೆ ಇಂಜಿತೇಂಗಿ ಚಾಯಾಯಿತ್‌ಪ್ಪ.

2 ಪೇತ್ರ 3:14

ಆನಗುಂಡ್ ನಾಡ ಪ್ರೀತಿರ ಜನಳೇ, ಇನ್ನತದೆಲ್ಲ ಬಪ್ಪಾಂದ್ ಪಾರಕಾತಂಡ್ ಉಳ್ಳಾಂಗ್, ನಿಂಗ ಏದ್ ತಪ್ಪಿಲ್ಲತಯಿಂಗಳಾಯಿತು, ಕುತ್ತ ಇಲ್ಲತಯಿಂಗಳಾಯಿತು, ಅಂವೊಂಡ ಕೂಡೆ ಸಮಾದಾನತ್‍ಲ್ ಇಪ್ಪಯಿಂಗಳಾಯಿತ್ ಎಚ್ಚರತ್‍ಲ್ ಇರಂಡು.

2 ಪೇತ್ರ 3:2

ಪೂರ್ವ ಕಾಲತ್‍ಲ್ ಪವಿತ್ರ ಪ್ರವಾದಿಯಂಗಡ ಮೂಲಕ ಎಣ್ಣ್‌ನ ತಕ್ಕ್‌ನ ಪಿಂಞ ರಕ್ಷಕನಾಯಿತುಳ್ಳ, ಒಡೆಯಂಡ ಅಪೊಸ್ತಲಂಗಳಾಯಿತುಳ್ಳ ನಂಗಡ ಮೂಲಕ ನಿಂಗಕ್ ಕ್‍ಟ್ಟ್‌ನ ಆಜ್ಞೆನ ಗೇನಮಾಡಂಡೂಂದ್ ನಾಕ್ ನೇರಾಯಿತು ಆಸೆ.

1 ಯೋಹಾನ 3:2

ಪ್ರೀತಿರ ಮಕ್ಕಳೇ, ಇಕ್ಕ ನಂಗ ದೇವಡ ಮಕ್ಕಳಾಯಿತುಂಡ್. ಆಚೇಂಗಿ ಇಂಞು ಮಿಂಞಕ್ ನಂಗ ಎನ್ನನೆ ಇಪ್ಪಾಂದ್ ಅಂವೊ ಎಣ್ಣಿತ್‌ಲ್ಲೆ. ಆಚೇಂಗಿ ಕ್ರಿಸ್ತ ಪ್ರತ್ಯಕ್ಷ ಆಪಕ ನಂಗಳು ಅಂವೊಂಡನೆಕೆ ಇಪ್ಪಾಂದ್ ನಂಗಕ್ ಗೊತ್ತುಂಡ್, ಎನ್ನಂಗೆಣ್ಣ್‌ಚೇಂಗಿ ಅಂವೊ ಪ್ರತ್ಯಕ್ಷ ಆಪಕ ಅಂವೊ ಉಳ್ಳನೆಕೆ ನಂಗ ಅಂವೊನ ಕಾಂಬ.

ಯೂದ ಒಳ್‍ದ್‍ನ ಕಾಗದ 1:24

ತಾಂಡ ಮಹಿಮೆಯುಳ್ಳ ಪ್ರಸನ್ನತ್‌ಲ್ ಬಲ್ಯ ಕುಶೀಲ್ ಒರ್ ತಪ್ಪು ಇಲ್ಲತಯಿಂಗಳಾಯಿತ್ ನಿಂಗಳ ಬೂವತನೆಕೆ ನಿಪ್ಪ್‌ಚಿಡ್‍ವಕ್ ಶಕ್ತಿಯುಳ್ಳಂವೊನು,

ಪ್ರಕಟನೆ 1:7

ಇದಾ, ಅಂವೊ ಮೋಡತ್‍ರ ಕೂಡೆ ಬಂದಂಡುಂಡ್! ಎಲ್ಲಾರು ಅಂವೊನ ಕಾಂಬ. ಅಂವೊನ ಕುತ್ತ್‌ನಯಿಂಗ ಸಹ ಅಂವೊನ ಕಾಂಬ. ಈ ಲೋಕತ್‍ರ ಎಲ್ಲಾ ಕುಲತ್‍ರ ಜನವು ಅಂವೊನ ಕಾಂಬಕ ಗೋಳಾಡುವ. ಅದ್ ಅನ್ನನೆ ಆಪ, ಆಮೆನ್.