1 ತಿಮೊಥೆಯ 6:12 - ಕೊಡವ ಬೈಬಲ್

¹² ನಂಬಿಕೇರ ನಲ್ಲ ಪೋರಾಟತ್‍ನ ಪೋರಾಡ್, ನಿತ್ಯ ಜೀವತ್‍ನ ಗಟ್ಟಿಯಾಯಿತ್ ಪುಡ್‌ಚ; ಇದ್ಂಗಾಯಿತ್ ದೇವ ನಿನ್ನ ಕಾಕಿತುಂಡ್; ಅಕ್ಕ, ನೀನ್ ದುಂಬ ಜನಡ ಮಿಂಞತ್‍ಲ್ ನೀಡ ನಂಬಿಕೇರ ವಿಷಯತ್ ನೇರಾನ ಸಾಕ್ಷಿ ಕೊಡ್‍ತಿತುಳ್ಳಿಯ.

1 ತಿಮೊಥೆಯ 6:12 Iomraidhean Croise

ಜ್ಞಾನತ್‌ರ ಪಡಿಮ 3:18

ಜ್ಞಾನತ್‌ನ ನಂಬ್‌ನಯಿಂಗಕ್‌ ಜ್ಞಾನ ಜೀವತಪ್ಪ ಮರವಾಯಿತ್‌ಪ್ಪ. ಅದ್‌ನ ಗಟ್ಟಿಯಾಯಿತ್‌ ಪುಡ್‌ಚಯಿಂಗ ಆಶೀರ್ವಾದ ಪಡ್‌ಂದಯಿಂಗಳಾಯಿತ್‌ಪ್ಪ.

2 ಕೊರಿಂಥ 6:7

ನಂಗ ಸತ್ಯ ತಕ್ಕ್ ಪರ್ಂದಂಡುಂಡ್. ದೇವಡ ಶಕ್ತಿ ನಂಗಡಲ್ಲಿ ಕ್ರಿಯೆ ಮಾಡಿಯಂಡುಂಡ್. ನೀತಿಯಾಯಿತುಳ್ಳ ಬಲ್‌ತೆ ಬರಿ ಎಡ್‍ತೆ ಬರೀರ ಆಯುದತ್‍ನ ಇಡ್‌ವಯಿಂಗಳಾಯಿತುಂಡ್.

2 ಕೊರಿಂಥ 9:13

ಅಯಿಂಗ ಈ ಪಣದಾನತ್‍ರ ಸಹಾಯತ್‍ನ ಅನುಬವಿಚಿಟ್ಟಿತ್, ನಿಂಗ ಕ್ರಿಸ್ತಂಡ ನಲ್ಲ ಸುದ್ದಿಕ್ ತಗ್ಗಿತ್ ಅರಿಕೆ ಮಾಡ್‍ನಗುಂಡ್, ಅಯಿಂಗಕು ಬೋರೆ ಎಲ್ಲಾರ್‌ಕು ನಿಂಗ ದಾರಾಳವಾಯಿತ್ ದಾನ ಮಾಡ್‍ನಂಗಾಯಿತ್ ದೇವನ ತುದಿಪ.

ಫಿಲಿಪ್ಪಿ 1:30

ಈ ಪೋರಾಟತ್‍ಲ್ ನಂಗೆಲ್ಲಾರು ಕೂಡೆ ಉಂಡ್. ನಾಕ್ ಇಂಜ ಪೋರಾಟತ್‍ನ ನಿಂಗ ಕಂಡಿತುಳ್ಳಿರ, ಇಕ್ಕಲು ನಾನ್ ಅದ್ಂಡ ಮದ್ಯತ್‍ಲ್ ಉಳ್ಳ್‌ಂದ್ ನಿಂಗಕ್ ಗೊತ್ತುಂಡ್.

ಕೊಲೊಸ್ಸೆ 3:15

ಕ್ರಿಸ್ತಂಡ ಸಮಾದಾನ ನಿಂಗಡ ಹೃದಯತ್‍ನ ಆಳ್ವಿಕೆ ಮಾಡಡ್. ಸಮಾದಾನತ್‍ಲ್ ಇಪ್ಪಕಾಯಿತೇ ಒರೇ ತಡಿಯಾಯಿತ್ ದೇವ ನಿಂಗಳ ಕಾಕ್‍ಚಿ. ಆನಗುಂಡ್ ದೇವಕ್ ವಂದನೆ ಮಾಡ್‌ವಯಿಂಗಳಾಯಿತ್ ಸಹ ಇರಂಡು.

1 ಥೆಸಲೊನೀಕ 2:12

ದೇವ ಅಂವೊಂಡ ರಾಜ್ಯಕು, ಮಹಿಮೆಕು, ನಿಂಗ ಪಾಲ್‍ದಾರಂಗಳಾಯಿತ್ ಇಪ್ಪಕ್ ನಿಂಗಳ ಕಾಕ್‍ನಗುಂಡ್, ನಂಗ ನಿಂಗಕ್ ಬುದ್ದಿ ಎಣ್ಣಿಯಂಡ್, ಸಮಾದಾನ ಮಾಡಿಯಂಡ್, ದೇವಡ ಮಕ್ಕ ಎನ್ನನೆ ಇರಂಡುವೋ ಅನ್ನನೆ ಬದ್‍ಕಂಡೂಂದ್ ನಿಂಗಳ ಬೋಡಿಯಂಡಿಂಜತ್.

2 ಥೆಸಲೊನೀಕ 2:14

ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಮಹಿಮೇಕ್ ಪಾಲ್‍ದಾರಂಗಳಾಯಿತ್ ಇಪ್ಪಕ್, ನಂಗ ನಿಂಗಕ್ ಮಾಡ್‍ನ ನಲ್ಲ ಸುದ್ದಿರ ಬೋದನೆರ ಮೂಲಕ ಅಂವೊಂಡ ಪಕ್ಕ ನಿಂಗಳ ಕಾಕ್‍ಚಿ.

1 ತಿಮೊಥೆಯ 1:18

ನಾಡ ಮೋಂವೊನಾನ ತಿಮೊಥೆಯ, ನೀಡ ವಿಷಯತ್, ಪ್ರವಾದಿಯಂಗ ಮಿಂಞಲೇ ಎಣ್ಣ್‌ನ ಪ್ರವಾದನೆನ ಗೇನ ಮಾಡಿತ್ ಈ ಆಜ್ಞೆನ ನೀಡ ಮಿಂಞತ್ ಬೆಪ್ಪಿ. ಆನಗುಂಡ್, ಈ ಆಜ್ಞೆರನೆಕೆ ನೀನ್ ಮಾಡ್‍ಚೇಂಗಿ, ದೇವಡ ಪಡೆಲ್ ನೀನ್ ಚಾಯಿತೆ ಪೋರಾಡ್‍ವಕ್ ಸಹಾಯ ಆಪ.

1 ತಿಮೊಥೆಯ 1:19

ನೀನ್ ನಂಬಿಕೆಯು, ನಲ್ಲ ಮನಸಾಕ್ಷಿಯು ಉಳ್ಳಂವೊನಾಯಿತಿರ್. ಚೆನ್ನ ಜನ ಈ ನಲ್ಲ ಮನಸಾಕ್ಷಿನ ಕ್‍ೕಕತೆ, ಕ್ರಿಸ್ತಂಡ ಮೇಲೆ ಉಳ್ಳ ನಂಬಿಕೇನ, ಒಡಂದ್ ಪೋನ ಹಡ್‍ಗ್‍ರನೆಕೆ ಮಾಡಿತ್‌ಪ್ಪ.

1 ತಿಮೊಥೆಯ 4:14

ಸಬೆರ ಪೆರಿಯಯಿಂಗ ನೀಡ ಮಂಡೆಕ್ ಕೈ ಬೆಪ್ಪಕ, ಪ್ರವಾದನೆರ ಮೂಲಕ ನೀಕ್ ಕ್‍ಟ್ಟ್‌ನ ಆತ್ಮೀಯ ವರತ್‍ರ ವಿಷಯತ್‍ನ ಅಲ್ಲಗೆಳೆಯತೆ.

1 ತಿಮೊಥೆಯ 6:13

ಎಲ್ಲಾಂಗ್ ಜೀವ ತಪ್ಪ ದೇವಡ ಮಿಂಞತ್, ಪಿಂಞ ಪೊಂತ್ಯ ಪಿಲಾತಂಡ ಮಿಂಞ ನಿಂದಿತ್ ನೇರಾನ ಸಾಕ್ಷಿನ ಗೊತ್ತ್ ಮಾಡ್‍ನ ಯೇಸು ಕ್ರಿಸ್ತನಗುಂಡ್ ನಾನ್ ನೀಕ್ ಆಜ್ಞೆ ಮಾಡ್‍ವದ್ ಎಂತ ಎಣ್ಣ್‌ಚೇಂಗಿ:

1 ತಿಮೊಥೆಯ 6:19

ಇನ್ನನೆ ಮಾಡ್‍ಚೇಂಗಿ, ಬಪ್ಪಕುಳ್ಳ ಯುಗಕಾಯಿತ್ ಅಯಿಂಗಡ ಬಂಡಾರತ್‌ಲ್ ಕೂಟಿ ಬೆಪ್ಪನೆಕೆ ಚಾಯಿ ಅಡಿಪಾಯ ಇಡ್‌ವ. ಅಕ್ಕ ಅಯಿಂಗ ಸತ್ಯವಾನ ಬದ್‍ಕ್‍ನ ಅನುಬವಿಚಿಡುವಾಂದ್ ನೀನ್ ಅಯಿಂಗಕ್ ಎಣ್ಣಿ ಕೊಡ್.

2 ತಿಮೊಥೆಯ 1:9

ಎನ್ನಂಗೆಣ್ಣ್‌ಚೇಂಗಿ ದೇವ ನಂಗಳ ರಕ್ಷಣೆ ಮಾಡಿತ್, ಪವಿತ್ರವಾನ ಬದ್‍ಕ್ ಬಾಳ್‌ವಕ್ ನಂಗಳ ಕಾಕಿತುಂಡ್. ನಂಗಕ್ ಇದ್ ಕ್‍ಟ್ಟ್‌ವಕ್ ಒರ್ ಯೊಗ್ಯತೆಯು ಇಲ್ಲೆ. ಆಚೇಂಗಿ, ಕಾಲ ಸುರ್ ಆಪಕ್ ಮಿಂಞಲೇ, ಈ ಕೃಪೆ ಯೇಸು ಕ್ರಿಸ್ತನಗುಂಡ್ ನಂಗಕ್ ಕ್‍ಟ್ಟಂಡೂಂದ್ ದೇವಡ ಚಿತ್ತವಾಯಿತ್ಂಜತ್.

2 ತಿಮೊಥೆಯ 2:2

ಎಚ್ಚಕೋ ಸಾಕ್ಷಿರ ಮಿಂಞತ್, ನಾನ್ ಮಾಡ್‍ನ ಬೋದನೇನೆಲ್ಲ ಕ್‍ೕಟ ನೀನ್, ಅದ್‍ನ, ಬೋರೆಯಿಂಗಕ್ ಪಡಿಪ್‍ಚಿಡ್‍ವಕ್ ಯೋಗ್ಯವಾನ ನಂಬಿಕಸ್ತಂಡ ಪಕ್ಕ ಒಪ್ಪ್‌ಚಿಡ್.

2 ತಿಮೊಥೆಯ 4:7

ನಾನ್ ನಲ್ಲ ಪೋರಾಟತ್‍ನ ಪೋರಾಡ್‍ನ, ಓಟತ್‍ನ ಪೂರ್ತಿ ಮಾಡ್‍ನ, ನಾಡ ನಂಬಿಕೇನ ಕಾಪಾಡ್‍ನ.

ಇಬ್ರಿಯ 13:23

ನಾಡ ತಮ್ಮಣನಾನ ತಿಮೊಥೆಯಂಗ್ ಬುಡುಗಡೆ ಕ್‍ಟ್ಟ್‌ಚೀಂದ್ ಗೊತ್ತಿರಡ್; ಅಂವೊ ಬೆರಿಯ ಬಾತೇಂಗಿ, ಅಂವೊಂಡ ಕೂಡೆ ಬಂದಿತ್, ನಿಂಗಳ ಕಾಂಬಿ.

ಇಬ್ರಿಯ 3:14

ನಂಗಕ್ ಸುರುಲ್ ಇಂಜ ದೈರ್ಯತ್‍ನ ಆಕೀರ್‍ಕತ್ತನೆ ಪುಡ್‍ಚಂಡ್ ಇಂಜತೇಂಗಿ, ಕ್ರಿಸ್ತಂಡಲ್ಲಿ ನಂಗಳು ಪಾಲ್‍ದಾರಂಗಳಾಯಿತ್ ಉಂಡಲ್ಲಾ!

ಇಬ್ರಿಯ 6:18

ಆನಗುಂಡ್ ದೇವ ತಾಂಡ ವಾಗ್ದಾನತ್‍ನ ಪಿಂಞ ಆಣೆನ ನಂಗಕ್ ತಂದಿತುಂಡ್. ಈ ದಂಡ್ ವಿಷಯವು ಎಕ್ಕಾಲು ಬದ್‍ಲ್ ಆಪುಲೆ. ಅಂವೊ ಇನ್ನನೆ ಎನ್ನಂಗ್ ಮಾಡ್‍ಚೇಂಗಿ, ದೇವ ಪೊಟ್ಟ್ ಪರಿವಕ್ ಸಾದ್ಯತೆ ಇಲ್ಲೆ. ಆನಗುಂಡ್ ನಂಗಡ ಮಿಂಞಕ್ ಬೆಚ್ಚಿತುಳ್ಳ ನಿರಿಕ್ಷೇನ ಗಟ್ಟಿಯಾಯಿತ್ ಪುಡ್‌ಚಿತ್, ಬಚಾವಾಪಕ್ ಅಂವೊಂಡ ಪಕ್ಕ ಓಡಿ ಬಂದ ನಂಗಕ್ ದುಂಬ ನಿಶ್ಚಯ ಉಂಡ್.

1 ಪೇತ್ರ 3:9

ಕ್‍ೕಡ್ ಮಾಡ್‌ವಯಿಂಗಕ್ ಕ್‍ೕಡ್ ಮಾಡತಿ, ಅವಮಾನ ಮಾಡ್‌ವಯಿಂಗಳ ಅವಮಾನ ಮಾಡತಿ, ಆಚೇಂಗಿ, ನಿಂಗ ಆಶೀರ್ವಾದ ಪಡೆಯುವಕ್ ದೇವ ನಿಂಗಳ ಕಾಕಿತುಂಡ್‍ೕಂದ್ ಗೇನ ಮಾಡಿತ್ ಅಯಿಂಗಳ ಆಶೀರ್ವಾದ ಮಾಡಿ.

1 ಪೇತ್ರ 5:10

ಯೇಸು ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ನಂಗಳ ತಾಂಡ ನಿತ್ಯ ಮಹಿಮೇಕ್ ಕಾಕ್‍ನ ಕೃಪೆ ದುಂಬ್‍ನ ದೇವ, ಚೆನ್ನ ಕಾಲ ಕಷ್ಟ ಅನುಬವಿಚಿಡುವ ನಿಂಗಳ ಚಾಯಿ ಮಾಡಿತ್, ಬಲಪಡ್‍ತಿತ್, ಸ್ತಿರಪಡ್‌ತಿತ್, ನಿಪ್ಪ್‌ಚಿಡಡ್.

1 ಯೋಹಾನ 2:25

ಈ ಐಕ್ಯವೇ ಕ್ರಿಸ್ತ ನಿಂಗಕ್ ತಪ್ಪೀಂದ್ ವಾಗ್ದಾನ ಮಾಡ್‍ನ ನಿತ್ಯ ಜೀವ.

ಯೂದ ಒಳ್‍ದ್‍ನ ಕಾಗದ 1:3

ನಾಡ ಪ್ರೀತಿರ ಜನಳೇ, ನಂಗಕೆಲ್ಲಾರ್‌ಕು ಕ್‍ಟ್ಟ್‌ನ ರಕ್ಷಣೆರ ವಿಷಯತ್‍ನ ನೇರಾಯಿತ್ ಒಳ್‍ದ್‍ವಕ್ ಇಂಜ, ಆಚೇಂಗಿ ಇಕ್ಕ, ದೇವ ಅಂವೊಂಡ ಮಕ್ಕಳಾಯಿತ್ ಮಾಡ್‍ನಯಿಂಗಕ್ ಒಮ್ಮಕೆ ಒಪ್ಪ್‌ಚಿಟ್ಟ ನಂಬಿಕೆಕಾಯಿತ್ ನಿಂಗ ದೈರ್ಯತ್‍ಲ್ ಪೊರಾಡಂಡೂಂದ್ ಎಚ್ಚರ ಮಾಡಿತ್ ಒಳ್‍ದ್‍ವಕ್ ಅವಸ್ಯ ಉಂಡ್‍ೕಂದ್ ನಾಕ್ ತೋಂದ್‍ಚಿ.

ಪ್ರಕಟನೆ 3:3

ಆನಗುಂಡ್, ನೀನ್ ನನ್ನಿಂಜ ಎಂತದ್‍ನ ಪಡ್ಂದಿತುಳ್ಳಿಯ, ಎಂತಾನ ಕ್‍ೕಟಿತುಳ್ಳಿಯ ಅದ್‍ನ ಗೇನ ಮಾಡ್. ಅದ್ಂಗ್ ತಗ್ಗಿತ್ ನಡ್‌ಂದಿತ್, ಪಶ್ಚಾತಾಪ ಪಡ್. ನೀನ್ ಎಚ್ಚರ ಎಡ್‍ಕತೆ ಪೋನಕ, ಒರ್ ಕಳ್ಳ ಬಪ್ಪನೆಕೆ ನಾನ್ ನೀಡ ಮೇಲೆ ಬಪ್ಪಿ; ನಾನ್ ಬಪ್ಪ ಸಮಯ ನೀಕ್ ಗೊತ್ತಾಪುಲೆ.