1 ತಿಮೊಥೆಯ 6:11 - ಕೊಡವ ಬೈಬಲ್

¹¹ ಆಚೇಂಗಿ, ದೇವಡ ಮನುಷ್ಯನಾನ ನೀನ್ ಇದ್‍ನೆಲ್ಲಾ ಬುಟ್ಟಿತ್ ಓಡಿ ಪೋಯಿತ್, ನೀತಿನ, ದೇವಡ ಬಕ್ತಿನ, ನಂಬಿಕೇನ, ಪ್ರೀತಿನ, ತಾಳ್ಮೆನ, ಶಾಂತ ಗುಣತ್‍ನ ಸಂಪಾದನೆ ಮಾಡ್‌ವಕ್ ಪೇಚಾಡ್.

1 ತಿಮೊಥೆಯ 6:11 Iomraidhean Croise

ಜ್ಞಾನತ್‌ರ ಪಡಿಮ 15:9

ದುಷ್ಟಂಗಡ ಬದ್‌ಕ್‌ ಯೆಹೋವಂಗ್‌ ಅಸಹ್ಯ. ಆಚೇಂಗಿ ನೀತಿರ ಬಟ್ಟೆಲ್‌ ನಡ್‌ಪಂವೊನ ಅಂವೊ ಪ್ರೀತಿಚಿಡುವ.

ರೋಮ್ 14:19

ಆನಗುಂಡ್, ಸಮಾದಾನ ತಪ್ಪ ವಿಷಯತ್‍ನ ಪಿಂಞ, ಒಬ್ಬೊಬ್ಬನು ಆತ್ಮೀಯ ವಿಷಯತ್‍ಲ್ ಬೊಳ್‍ತ್‍ವಕ್ ಸಹಾಯ ಮಾಡ್‌ವ ವಿಷಯತ್‍ನ ಮಾಡ್‌ವಕ್ ಪ್ರಯತ್ನ ಪಡಂಡು.

1 ಕೊರಿಂಥ 10:14

ಆನಗುಂಡ್ ನಾಡ ಪ್ರೀತಿರ ಜನಳೇ, ವಿಗ್ರಹ ಆರಾದನೆ ಮಾಡ್‌ವದ್‍ನ ಬುಟ್ಟಿತ್ ಓಡಂಡು.

1 ಕೊರಿಂಥ 14:1

ಪ್ರೀತಿನ ತ್‍ೕಡಂಡು; ಆತ್ಮೀಯ ವರಕ್ ಕುಶೀಲ್ ಆಸೆ ಪಡಂಡು. ವಿಶೇಷವಾಯಿತ್ ಪ್ರವಾದನೆ ಎಣ್ಣುವ ವರ ಬೋಂಡೂಂದ್ ನಿಂಗ ಆಸೆ ಪಡಂಡು.

1 ಕೊರಿಂಥ 6:18

ಲೈಂಗಿಕ ಪಾಪತ್ಂಜ ಓಡಿ ಪೋಯಿ! ಒರ್ ಮನುಷ್ಯ ಮಾಡ್‌ವ ಬೋರೆ ಏದ್ ಪಾಪವು ಅಂವೊಂಡ ತಡಿಕ್ ಪೊರಮೆ ಆಯಿತಿಪ್ಪ, ಆಚೇಂಗಿ ಲೈಂಗಿಕ ಪಾಪ ಮಾಡ್‌ವಂವೊ ತಾಂಡ ಸ್ವಂತ ತಡಿಕ್ ವಿರೋದವಾಯಿತ್ ಪಾಪ ಮಾಡ್‌ವ.

1 ತಿಮೊಥೆಯ 1:14

ನಂಗಡ ಒಡೆಯಂಡ ಕೃಪೆ, ಯೇಸು ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ರ ನಂಬಿಕೆ ಪಿಂಞ ಪ್ರೀತಿನ ನಾಡ ಮೇಲೆ ಪೂರ್ತಿಯಾಯಿತ್ ದುಂಬ್‍ಚಿಟ್ಟತ್.

1 ತಿಮೊಥೆಯ 4:12

ನೀನ್ ಬಾಲೆಕಾರೆನಾನಗುಂಡ್ ದಾರೂ ನಿನ್ನ ಕ್‍ೕಳಾಯಿತ್ ನೋಟತನೆಕೆ, ನೀಡ ತಕ್ಕ್‌ಲ್, ನಡತೇಲ್, ಪ್ರೀತಿಲ್, ನಂಬಿಕೇಲ್ ಪಿಂಞ ಶುದ್ದತ್‍ಲ್ ಯೇಸುನ ನಂಬ್‍ನಯಿಂಗಕ್ ಉದಾರಣೆಯಾಯಿತ್‌ರ್.

1 ತಿಮೊಥೆಯ 5:10

ಮಕ್ಕಳ ಚಾಯಿತೆ ಚಾಕ್‍ನವ, ಮನೆಕ್ ಬಂದಯಿಂಗಳ ಚಾಯಿತೆ ಸತ್ಕಾರ ಮಾಡ್‍ನವ, ಯೇಸುನ ನಂಬ್‍ನಯಿಂಗಕ್ ಸೇವೆ ಮಾಡ್‍ನವ, ಕಷ್ಟತ್‍ಲ್ ಉಳ್ಳಯಿಂಗಕ್ ಸಹಾಯ ಮಾಡ್‍ನವ, ಎಲ್ಲಾ ನಲ್ಲ ಕೆಲಸತ್‍ನ ಎಚ್ಚರತ್‍ಲ್ ಮಾಡ್‍ನವ, ನಲ್ಲ ಕೆಲಸ ಮಾಡ್‍ನವ, ಈ ಎಲ್ಲಾಂಗು ನಲ್ಲ ಪೆದ ಎಡ್‍ತವಳಾಯಿತ್ ಉಳ್ಳವಳ ನೀನ್ ಈ ಕೂಟ್‍ಕ್ ಕೂಟಂಡು.

1 ತಿಮೊಥೆಯ 6:20

ಓ ತಿಮೊಥೆಯನೇ, ನೀಡ ಪಕ್ಕ ಒಪ್ಪ್‌ಚಿಟ್ಟಾನೆಲ್ಲ ಬದ್ರವಾಯಿತ್ ಕಾಪಾಡ್. ದೇವಬಕ್ತಿಕ್ ಆಕತ ಒರ್ ಪ್ರಯೋಜನವಿಲ್ಲತ ಹರಟೆ ತಕ್ಕ್‌ಕ್ ಪಿಂಞ ಜ್ಞಾನಾಂದ್ ಜನ ನಂಬಿತುಳ್ಳ ಪೊಟ್ಟ್ ತಕ್ಕ್‌ರ ಬೋದನೆಕ್ ನೀನ್ ದೂರ ಇರ್.

2 ತಿಮೊಥೆಯ 2:21

ಆನಗುಂಡ್, ಒರ್ ಮನುಷ್ಯ ಪಾಪತ್‍ರ ಕೆಲಸತ್‍ನ ಬುಟ್ಟಿತ್ ಅಂವೊನ ಪವಿತ್ರವಾಯಿತ್ ಮಾಡ್‍ಚೇಂಗಿ, ಅಂವೊಂಡ ಎಜಮಾನಂಡ ಗೌರವ ಕಾರ್ಯಕ್ ಉಪಯೋಗಿಚಿಡುವ ಪಾತ್ರವಾಯಿತ್ ಇಪ್ಪ. ಅಂವೊ ಪವಿತ್ರವಾಯಿತ್ ಪಿಂಞ ಏದ್ ನಲ್ಲ ಕೆಲಸಕೂ ಉಪಯೋಗಿಚಿಡುವಕ್ ತಯಾರಾಯಿತ್‌ಪ್ಪ.

2 ತಿಮೊಥೆಯ 2:22

ಬಾಲ್ಯ ವಯಸ್ಸ್‌ಲ್ ಬಪ್ಪ ಇಚ್ಛೆಯಿಂಜ ನೀ ಓಡಿ ಪೋ. ನೀತಿ, ನಂಬಿಕೆ, ಪ್ರೀತಿ, ಸಮಾದಾನತ್‍ನ ಪಡೆಯುವಕ್ ಶುದ್ದ ಹೃದಯತ್ಂಜ ಒಡೆಯನ ಆರಾದನೆ ಮಾಡ್‌ವಯಿಂಗಡ ಕೂಡೆ ಅದ್‍ನ ಪಡೆಯುವಕ್ ಪೇಚಾಡ್.

2 ತಿಮೊಥೆಯ 3:10

ಆಚೇಂಗಿ ತಿಮೊಥೆಯ, ನಾಡ ಬೋದನೆ, ಬದ್‍ಕ್‍ರ ಬಟ್ಟೆ, ನಾಡ ಬದ್‍ಕ್‍ರ ನೋಕ, ನಾಡ ನಂಬಿಕೆ, ದೀರ್ಗ ಸಮಾದಾನ, ಪ್ರೀತಿ, ಪೊರುಮೆನ,

2 ತಿಮೊಥೆಯ 3:17

ಬೋದನೆ ಕೊಡ್‍ಪಕ್, ಕಂಡನೆ ಮಾಡ್‌ವಕ್, ತಪ್ಪ್‌ನ ಸರಿಪಡ್‍ತ್‍ವಕ್, ನೀತಿನ ಪಡಿಪ್‍ಚಿಡ್‍ವಕ್ ಪ್ರಯೋಜನವಾಯಿತುಂಡ್.

ಇಬ್ರಿಯ 12:14

ಎಕ್ಕಾಲು ಎಲ್ಲಾ ಜನಡ ಕೂಡೆಯು ಸಮಾದಾನತ್‍ಲ್ ಬದ್‌ಕಿತ್ ಪವಿತ್ರವಾಯಿತ್ ಇಪ್ಪಕ್ ಪ್ರಯತ್ನ ಪಡಿ; ಪವಿತ್ರವಾಯಿತ್ ಇಲ್ಲತ ಒಬ್ಬನು ಒಡೆಯನ ಕಾಂಬಕ್ ಕಯ್ಯುಲೆ.

1 ಪೇತ್ರ 3:11

ಕೆಟ್ಟದ್‍ನ ಬುಟ್ಟಿತ್, ನಲ್ಲದ್ ಮಾಡಂಡು; ಸಮಾದಾನತ್‍ನ ತ್‍ೕಡಿತ್ ಅದ್ಂಡ ಬಯ್ಯಕ್ ಪೋಂಡು.