1 ತಿಮೊಥೆಯ 5:6 - ಕೊಡವ ಬೈಬಲ್

⁶ ಆಚೇಂಗಿ ಸುಕ ಬೋಗತ್‍ಲ್ ಬದ್‍ಕ್‍ವಕ್ ಕುಶಿ ಪಡುವ ಒರ್ ವಿದವೆ ಜೀವವಾಯಿತ್ ಉಂಡೇಂಗಿಯು, ಆತ್ಮೀಯ ಬದ್‍ಕ್‍ಲ್, ಅವ ಚತ್ತನೆಕೆ.

1 ತಿಮೊಥೆಯ 5:6 Iomraidhean Croise

ಆದ್ಯತ್‌ರ ಪುಸ್ತಕ 2:17

ಆಚೇಂಗಿ ನಲ್ಲದ್‌ ಪಿಂಞ ಕೆಟ್ಟದ್‌ ಏದ್‌ಂದ್‌ ಅರಿವ್‌ ತಪ್ಪ ಮರತ್‌ರ ಪಣ್ಣ್‌ನ ಮಾತ್‌ರ ನೀನ್‌ ತಿಂಬಕ್ಕಾಗ. ಆ ಪಣ್ಣ್‌ನ ತಿಂದ ಅದೇ ಗಳಿಗೇಲ್‌ ನೀನ್‌ ಚತ್ತ್‌ ಪೋಪಿಯಾಂದ್‌ ಎಚ್ಚರಿಕೆ ಮಾಡ್‌ಚಿ.

ಜ್ಞಾನತ್‌ರ ಪಡಿಮ 29:21

ಒಬ್ಬ ತಾಂಡ ಗುಲಾಮನ ಚುಮ್ಮಿಯಿಂಜಲೇ ದುಂಬ ಕೊದೀಲ್‌ ಚಾಕ್‌ಚೇಂಗಿ, ಕಡೇಕ್‌ ಅಂವೊ ನೀಡ ಮೋಂವೊನಾಕೊಂಡೂಂದ್‌ ನೀಕ್‌ ಎದ್‌ರ್ ನಿಪ್ಪ.

ಮತ್ತಾಯ 8:22

ಅಕ್ಕ ಯೇಸು, ಚತ್ತಯಿಂಗ ಚತ್ತಯಿಂಗಳ ಪೂಕಡ್, ನೀನ್ ನಾಡ ಬಯ್ಯ ಬಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:19

ನಾಕ್ ದುಂಬ ಕಾಲಕ್ ಬೋಂಡಿಯಚ್ಚಕ್ ಬೆಚ್ಚಿತುಳ್ಳ. ಆನಗುಂಡ್, ಚಾಯಿತೆ ಉಂಡಿತ್, ಕುಡಿಚಿತ್, ಚಾಯಿತೆ ಬದ್‌ಕ್‍ೕಂದ್ ಅಂವೊ ಅಂವೊಂಗೇ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:13

ಚೆನ್ನ ದಿವಸ ಆನ ಪಿಂಞ ಅಂವೊ ತಾಂಡ ಎಲ್ಲಾ ಆಸ್ತಿನ ಎಡ್‍ತಂಡ್ ದೂರ ದೇಶಕ್ ಪೋಯಿತ್ ಎಲ್ಲಾ ಪಣತ್‍ನ, ಮನಸ್ಸ್ ಬಂದನೆಕೆ ಖರ್ಚಿಮಾಡಿತ್ ಸೂರೆ ಮಾಡಿಯಂಡಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:24

ನಾಡ ಈ ಕುಂಞಿ ಇಚ್ಚಕ್ ದಿವಸ ಚತ್ತ್ ಪೋಯಿತ್ಂಜತ್, ಆಚೇಂಗಿ ಪುನಃ ಜೀವವಾಯಿತ್ ಬಂದತ್, ಇಕ್ಕಣಕೆ ಕಾಂಗತೆ ಪೋಯಿತ್ಂಜತ್, ಇಕ್ಕ ಇಂವೊ ಕ್‍ಟ್ಟ್‌ಚೀಂದ್ ಅಪ್ಪ ಎಣ್ಣಿತ್, ಗದ್ದಾಳ ಮಾಡ್‌ವಕು, ಆಟ್‌ಪಾಟ್ ನಡ್‍ಪಕ್ ಸುರು ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:32

ಆಚೇಂಗಿ ಇಕ್ಕ ಕುಶಿಪಡ್‍ವದ್ ನ್ಯಾಯ, ಎನ್ನಂಗೆಣ್ಣ್‌ಚೇಂಗಿ ನೀಡ ತಮ್ಮಣ ಚತ್ತ್ ಪೋಯಿತ್ಂಜತ್, ಪುನಃ ಎದ್ದಿತ್ ಬಾತ್, ಅಂವೊ ಕಾಂಗತೆ ಪೋಯಿತ್ಂಜತ್, ಆಚೇಂಗಿ ಇಕ್ಕ ಕ್‍ಟ್ಟ್‌ಚೀಂದ್ ಅಂವೊಂಡ ಅಪ್ಪ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:19

ಇಂಞು ಯೇಸು ಎಣ್ಣ್‌ಚಿ: ದುಂಬ ಐಶ್ವರ್ಯ ಉಳ್ಳ ಒರ್ ಮನುಷ್ಯ ಇಂಜತ್. ಅಂವೊ ಎಕ್ಕಾಲು ನಲ್ಲ ಬೆಲೆ ಬಾಳುವ ಬಟ್ಟೆ ಇಟ್ಟಂಡ್, ಎಕ್ಕಾಲು ಐಶ್ವರ್ಯವಂತನಾಯಿತ್ ಬದ್‍ಕಿಯಂಡಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:25

ಇಲ್ಲತಪೋಚೇಂಗಿ, ಎಂತದ್‍ನ ನಿಂಗ ಕಾಂಬಕ್ ಪೋಯಿತ್ಂಜಿರ? ನಲ್ಲ ಚಾಯುಳ್ಳ ಬಟ್ಟೇನ ಇಟ್ಟಂಡುಳ್ಳ ಒರ್ ಮನುಷ್ಯನ ಕಾಂಬಕ್ ಪೋಯಿರ? ಅಲಂಕಾರತ್‍ರ ಬಟ್ಟೆ ಇಟ್ಟಿತ್ ಆಡಂಬರತ್‌ಲ್ ಬದ್‍ಕ್‍ವ ಜನಯೆಲ್ಲ ಅರಮನೇಲ್ ಉಂಡಲ್ಲ.

ಎಫೆಸ 2:1

ಪಂಡ್ ನಿಂಗ ನಿಂಗಡ ಅಪರಾದತ್‍ಲ್ ಪಿಂಞ ಪಾಪತ್‍ಲ್ ಚತ್ತ್ ಪೋಯಿತ್ಂಜಿರ.

ಎಫೆಸ 2:5

ಅಪರಾದತ್‍ಲ್ ಚತ್ತ್ ಪೋಯಿತ್ಂಜ ನಂಗಳ ಕ್ರಿಸ್ತಂಡ ಕೂಡೆ ಜೀವವಾಯಿತ್ ಎಪ್ಪ್‌ಚಿಟ್ಟತ್; ಕೃಪೇರ ಮೂಲಕ ನಿಂಗಕ್ ರಕ್ಷಣೆ ಕ್‍ಟ್ಟ್‌ಚಿ.

ಎಫೆಸ 5:14

ಆನಗುಂಡ್, ವರಿಯಂಡ್ ಉಳ್ಳ ನೀ, ಎಚ್ಚರ ಎಡ್‌ತ, ಚತ್ತಯಿಂಗಡ ಮದ್ಯತ್ಂಜ ಏಳ್, ಅಕ್ಕ, ನೀಡ ಮೇಲೆ ಕ್ರಿಸ್ತಂಡ ಬೊಳಿ ಮಿನ್ನುವಾಂದ್ ಎಣ್ಣಿತುಂಡ್.

ಕೊಲೊಸ್ಸೆ 2:13

ನಿಂಗ, ನಿಂಗಡ ಪಾಪತ್‍ರಗುಂಡ್ ಪಿಂಞ ನಿಂಗಡ ಪಾಪತ್‍ರ ಗುಣ ನಿಂಗಳ ಬುಟ್ಟಿತ್ ಪೋಕತಗುಂಡ್ ಆತ್ಮೀಯ ಸುನ್ನತಿ ಮಾಡತಯಿಂಗಳಾಯಿತ್ ಚತ್ತ್ ಪೋಯಿತ್ಂಜಿರ. ಆಚೇಂಗಿ, ಕ್ರಿಸ್ತಂಡ ಕೂಡೆ ದೇವ ನಿಂಗಳ ಎಪ್ಪಿತ್ ಬದ್‍ಕ್‍ವಕ್ ಮಾಡಿತ್, ನಿಂಗಡ ಎಲ್ಲಾ ಪಾಪತ್‍ನ ಮನ್ನಿಚಿಟ್ಟಿತ್,

2 ತಿಮೊಥೆಯ 3:6

ಈ ಜನ, ಪಾಪತ್‍ಲ್ ದುಂಬಿತ್ ಬೋರೆ ಬೋರೆ ಇಚ್ಛೆಲ್ ಚಿಕ್ಕಿತ್, ಎಕ್ಕಾಲು ಓದಿಯಂಡ್ ಉಂಡೇಂಗಿಯು ಸತ್ಯತ್‍ನ ಅರ್ಥ ಮಾಡ್‍ವಕಯ್ಯತ ಗಟ್ಟಿಯಿಲ್ಲತ ಮನಸ್ಸ್ ಉಳ್ಳ ಪೊಣ್ಣಾಳ್‍ರ ಮನೆಕ್ ನುಗ್ಗಿತ್, ಅಯಿಂಗಳ ಅಯಿಂಗಡ ಪುಡ್‍ತತ್‍ಲ್ ಬೆಚ್ಚಿತ್‌ಪ್ಪ.

ಯಾಕೋಬ 5:5

ನಿಂಗ ಈ ಬೂಲೋಕತ್‍ಲ್ ಇಪ್ಪಕ, ನಿಂಗಡ ಕೆಲತ್‍ನ ದುಂಬ್‍ಚಿಡ್‍ವಕ್ ಪಿಂಞ ಆಡಿಕಳಿಪಕೇ ಗೇನಮಾಡಿಯಂಡಿಂಜಿರ. ಆಚೇಂಗಿ ಇಕ್ಕ ಗದ್ದಾಳ ದಿವಸಕಾಯಿತ್ ತಯಾರ್ ಮಾಡ್‍ನ ಬೊಳ್ಂದ ಎತ್ತ್‌ರನೆಕೆ ನಿಂಗ ಉಳ್ಳಿರ.

ಪ್ರಕಟನೆ 18:7

ಅವ ಅವಕ್ ಮಹಿಮೆ ಕೊಡ್‌ತಿತ್, ಎಚ್ಚಕ್ ಐಶ್ವರ್ಯವಂತವಳಾಯಿತ್ ಬದ್‍ಕ್‍ಚೋ, ಅಚ್ಚಕ್ ಬಾದೇನ, ದುಃಖತ್‍ನ ಅವಕ್ ಕೊಡಿ. ಅವ ಅವಡ ಹೃದಯತ್‍ಲ್ ನಾನ್ ರಾಣಿಯಾಯಿತ್ ಅಳ್‌ತಿತ್ ಉಳ್ಳ, ನಾನ್ ವಡಿಯ ಚತ್ತ ಪೊಣ್ಣಾಳ್ ಅಲ್ಲ, ನಾಕ್ ದುಃಖ ಬಪ್ಪದೇ ಇಲ್ಲೇಂದ್ ಅವ ಗೇನ ಮಾಡ್‍ಚಿ.

ಪ್ರಕಟನೆ 3:1

ಸಾರ್ದಿಸಿ ಪಟ್ಟಣತ್‍ಲ್ ಉಳ್ಳ ಸಬೆರ ದೂತಂಗ್ ಒಳ್‍ದ್‍ವಕುಳ್ಳದ್ ಎಂತ ಎಣ್ಣ್‌ಚೇಂಗಿ: ದೇವಡ ಏಳ್ ಆತ್ಮತ್‌ನ ಪಿಂಞ ಏಳ್ ನಕ್ಷತ್ರತ್‍ನ ಪುಡ್‌ಚಂಡುಳ್ಳಂವೊ ಇದ್‍ನ ಎಣ್ಣಿಯಂಡುಳ್ಳ. ನೀಡ ಕ್ರಿಯೆ ನಾಕ್ ಗೊತ್ತುಂಡ್, ನೀನ್ ಬದ್‍ಕಿಯಂಡ್ ಉಂಡ್‍ೕಂದ್‌ ಎಲ್ಲಾರು ಎಣ್ಣಿಯಂಡಿಂಜತೇಂಗಿಯು ನೀನ್ ಚತ್ತ್ ಪೋನಂವೊಂಡನೆಕೆ ಉಳ್ಳಿಯ.