1 ತಿಮೊಥೆಯ 5:14 - ಕೊಡವ ಬೈಬಲ್

¹⁴ ಅದ್ಂಗಾಯಿತ್, ಚೆರಿಯ ವಯಸ್ಸುಳ್ಳ ವಿದವೆಯಂಗ ಪುನಃ ಮಂಗಲ ಕಯಿಚಿತ್, ಮಕ್ಕಳ ಪೆತ್ತಿತ್, ಮನೆರ ಜವಾಬ್ದಾರಿನ ಎಡ್‍ತಂಡ್ ಇರಂಡೂಂದ್ ನಾನ್ ಅಯಿಂಗಕ್ ಬುದ್ದಿ ಎಣ್ಣ್‌ವಿ. ಅನ್ನನೆ ಮಾಡ್‍ನಕ ವಿರೋದಿಯಾನಂವೊ ಕುತ್ತ ಪರಿಯುವಕ್ ಬಟ್ಟೆ ಕ್‍ಟ್ಟ್‌ಲೆ.

1 ತಿಮೊಥೆಯ 5:14 Iomraidhean Croise

ಆದ್ಯತ್‌ರ ಪುಸ್ತಕ 18:6

ಅಕ್ಕ ಅಬ್ರಹಾಮ ಬೆರಿಯ ಗುಡಾರಕ್‌ ಓಡಿಪೋಯಿತ್‌ ಸಾರಳಂಗ್: ನೀನ್‌ ಬೆರಿಯ ಮೂಂದ್‌ ಸೇರ್‌ ಚಾಯಿ ಉಳ್ಳ ಪೊಡಿನ ಎಡ್‌ತ್‌ ಕಲ್ಕಿತ್‌ ಒಟ್ಟಿ ತಯಾರ್‌ ಮಾಡ್‍ೕಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 18:9

ಅಲ್ಲಿಂಜ ಅಯಿಂಗ ಅಂವೊಂಗ್: ನೀಡ ಪೊಣ್ಣ್‌ ಸಾರಳ ಎಲ್ಲಿಯಾಂದ್‌ ಕ್‍ೕಪಕ, ಅದಾ, ಗುಡಾರತ್‌ಲ್‌ ಉಂಡ್‍ೕಂದ್‌ ಎಣ್ಣ್‌ಚಿ.

ಜ್ಞಾನತ್‌ರ ಪಡಿಮ 14:1

ಜ್ಞಾನವುಳ್ಳವ ತಾಂಡ ಮನೆನ ಕೆಟ್ಟುವ. ಆಚೇಂಗಿ ಜ್ಞಾನಯಿಲ್ಲತವ ತಾಂಡ ಕೈಯಿಂಜ ಅದ್‌ನ ನಾಶ ಮಾಡುವ.

ರೋಮ್ 14:13

ಆನಗುಂಡ್ ಇಂಞು ಮಿಂಞಕ್ ನಂಗ ದಾರ್‌ನು ತಪ್ಪ್ ಮಾಡ್‍ನಂವೋಂದ್ ತೀರ್ಪ್ ಮಾಡ್‌ವಕ್ಕಾಗ. ಒಬ್ಬನು ತಾಂಡ ಅಣ್ಣತಮ್ಮಣಂಗ ಬುದ್ದ್‌ಪೋಪನೆಕೆಯು, ಬೊಳಿಯುವದ್‍ನ ತಡ್‍ಪನೆಕೆ ಮಾಡ್‌ವಕ್ಕಾಗ.

2 ಕೊರಿಂಥ 11:12

ನನ್ನ ವಿರೋದಿಚಿಡುವಕ್ ಅವಕಾಶ ತ್‍ೕಡ್‌ವಯಿಂಗಕ್ ಅವಕಾಶ ಕ್‍ಟ್ಟತನೆಕೆ, ನಾನ್ ಮಾಡಿಯಂಡುಳ್ಳದ್‍ನ ಇಂಞು ಮಿಂಞಕ್ ಮಾಡ್‌ವಿ. ಅಯಿಂಗ ಹೆಮ್ಮೆ ಪಡ್‌ವ ವಿಷಯತ್‍ಲ್ ಅಯಿಂಗ ನಂಗಡನೆಕೆ ಇರಡ್.

1 ತಿಮೊಥೆಯ 2:8

ಅದಲ್ಲತೆ, ಎಲ್ಲಾ ಆಣಾಳ್‍ವ ಚೆಡಿ ಇಲ್ಲತೆ, ತರ್ಕ ಇಲ್ಲತೆ, ಪವಿತ್ರವಾನ ಕೈಯಿನ ನೇತಿತ್, ಎಲ್ಲಾ ಜಾಗತ್‍ಲು ಪ್ರಾರ್ಥನೆ ಮಾಡಂಡೂಂದ್ ನಾಕ್ ಆಸೆ ಉಂಡ್.

1 ತಿಮೊಥೆಯ 4:3

ಮಂಗಲ ಆಪಕ್ಕಾಗಾಂದ್ ಪಿಂಞ ಯೇಸುನ ನಂಬ್‍ನಯಿಂಗಳು, ಸತ್ಯತ್‍ನ ಗೊತ್ತುಳ್ಳಯಿಂಗಳು, ದೇವಕ್ ವಂದನೆ ಮಾಡಿತ್ ಕುಶೀಲ್ ತಿಂಗಂಡೂಂದ್ ದೇವ ಸೃಷ್ಟಿ ಮಾಡ್‍ನ ವಸ್ತುನೆಲ್ಲಾ, ತಿಂಬಕ್ಕಾಗಾಂದ್ ಆ ಪೊಟ್ಟ್‌ಮಾರಿಯಂಗ ಎಣ್ಣ್‌ವ.

1 ತಿಮೊಥೆಯ 5:11

ಆಚೇಂಗಿ ಚೆರಿಯ ವಯಸ್ಸುಳ್ಳ ವಿದವೆಯಳ ಈ ಕೂಟ್‍ಕ್ ಕೂಟತೆ. ಎನ್ನಂಗೆಣ್ಣ್‌ಚೇಂಗಿ, ಅಯಿಂಗಡ ತಡೀರ ಇಚ್ಛೆ, ಕ್ರಿಸ್ತಂಡ ಮೇಲೆ ಉಳ್ಳ ಅರ್ಪಣೆಕಿಂಜ ಜಾಸ್ತಿ ಆಯಿತ್, ಕ್ರಿಸ್ತಂಡ ಪಕ್ಕ ಮಾಡ್‍ನ ಒಪ್ಪಂದತ್‍ನ ಬುಟ್ಟಿತ್, ಪುನಃ ಮಂಗಲ ಮಾಡಂಡೂಂದ್ ಆಸೆ ಪಡುವ.

1 ತಿಮೊಥೆಯ 6:1

ದೇವಡ ಪೆದಕ್ ಪಿಂಞ ನಂಗ ಕೊಡ್‍ತ ಬೋದನೆಕ್, ದೂಷಣೆ ಬರತನೆಕೆ, ಅಡಿಯಾಳಂಗಳಾಯಿತ್ ಉಳ್ಳ ಎಲ್ಲಾರು ಅಯಿಂಗಡ ಎಜಮಾನಂಗಕ್ ಪೂರ್ತಿ ಮರ್ಯಾದೆ ಕೊಡ್‍ಕಂಡು.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:5

ಎಲ್ಲಾ ಬಾಲೆಕಾರ್ತಿಯಳು, ತನ್ನಡಕ್ಕ ಉಳ್ಳಯಿಂಗಳಾಯಿತ್, ವಡಿಯಂಗ್ ನೇರಾನಯಿಂಗಳಾಯಿತ್, ಅಯಿಂಗಡ ಮನೆನ ಚಾಯಿ ನೋಟ್‍ವಯಿಂಗಳಾಯಿತ್, ಅಯಿಂಗಡ ವಡಿಯಂಗಕ್ ತಗ್ಗಿತ್ ನಡ್‍ಪಯಿಂಗಳಾಯಿತ್, ಪ್ರೀತಿಯುಳ್ಳಯಿಂಗಳಾಯಿತ್, ಇರಂಡೂಂದ್ ಬುದ್ದಿ ಎಣ್ಣಿ ಕೊಡ್. ಅಕ್ಕ ದೇವಡ ವಾಕ್ಯಕ್ ಅಯಿಂಗ ದೂಷಣೆ ಕೊಂಡ್ ಬಪ್ಪುಲೆ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:8

ದೇವಡ ಸೇವೇನ ವಿರೋದ ಮಾಡ್‌ವಯಿಂಗ, ನಿನ್ನ ಕುತ್ತಪರಿವಕ್ ಒಂದು ಇಲ್ಲತೆ, ಅಯಿಂಗ ಞಾಣ ಪಡ್‌ವನೆಕೆ, ನೀಡ ಬೋದನೆ ಸತ್ಯವಾಯಿತ್ ಇರಂಡು.

ಇಬ್ರಿಯ 13:4

ಮಂಗಲತ್‍ನ ಎಲ್ಲಾರು ಗನಪಡ್‌ತಂಡು, ಮಂಗಲ ಕಯಿಚಯಿಂಗ ಅಯಿಂಗಯಿಂಗಡ ವಡಿಯ ಪೊಣ್ಣ್‌ಕ್ ನಂಬಿಕಸ್ತಯಿಂಗಳಾಯಿತ್ ಇಕ್ಕಂಡು; ವೇಶಿಯಳ ಪಿಂಞ ವ್ಯಬಿಚಾರ ಮಾಡ್‌ವಯಿಂಗಳ ದೇವ ನ್ಯಾಯತೀರ್ಪ.