1 ತಿಮೊಥೆಯ 5:13 - ಕೊಡವ ಬೈಬಲ್

¹³ ಅದೂ ಅಲ್ಲತೆ ಅಯಿಂಗ ಸೋಮಾರಿಯಾಯಿತ್, ಮನೆಮನೆಕ್ ಸುತ್ತಿಯಂಡಿಪ್ಪ. ಸೋಮಾರಿಯಾಯಿತ್ ಮಾತ್ರ ಅಲ್ಲತೆ, ಬೋರೆಯಿಂಗಡ ಕೆಲಸತ್‍ಲ್ ಬಂತ್, ಎಣ್ಣುವಕ್ಕಾಗಾಂತ ವಿಷಯತ್‍ನ ಪರ್‌ದಂಡ್, ಹರಟೆ ಪೊಯ್ಯುವ.

1 ತಿಮೊಥೆಯ 5:13 Iomraidhean Croise

ಜ್ಞಾನತ್‌ರ ಪಡಿಮ 11:13

ಬೋರೆಯಿಂಗಡ ಮೇಲೆ ಕುತ್ತ ಪರ್‌ಂದಿತ್‌ ತಿರಿಗಿಯಂಡ್‌ ಇಪ್ಪಂವೊ ಗುಟ್ಟ್‌ನ ಬಾಯಿಬುಟ್ಟ್‌ರ್‌ವ. ಆಚೇಂಗಿ ನಂಬಿಕಸ್ತ ವಿಷಯತ್‌ನ ಅಡಕಿ ಬೆಪ್ಪ.

ಜ್ಞಾನತ್‌ರ ಪಡಿಮ 20:19

ಬೋರೆಯಿಂಗಡ ಮೇಲೆ ಕುತ್ತ ಪರ್‌ಂದಿತ್‌ ತಿರಿಗಿಯಂಡ್‌ ಇಪ್ಪಂವೊ ಗುಟ್ಟ್‌ನ ಬಾಯಿಬುಟ್ಟ್‌ರ್‌ವ. ಆನಗುಂಡ್‌ ಮಿತಿಮೀರಿತ್‌ ತಕ್ಕ್‌ ಪರಿಯುವಂವೊಂಡ ಸಹವಾಸ ಮಾಡತೆ.

ಜ್ಞಾನತ್‌ರ ಪಡಿಮ 31:27

ಅವ ಸೋಮಾರಿತನತರ್‌ ಆಹಾರತ್‌ನ ಉಂಗತೆ, ತಾಂಡ ಮನೆರ ಎಲ್ಲಾ ಕಾರ್ಯತ್‌ನ ಎಚ್ಚರತ್‌ಲ್‌ ನೋಟಿಯೊವ.

ಜ್ಞಾನತ್‌ರ ಪಡಿಮ 7:11

ಅವ ದುಂಬ ತಕ್ಕ್‌ ಪರಿಯುವವಳು, ಹಠಮಾರಿಯು ಆಯಿತ್ತಿಂಜತ್. ಅವಡ ಕಾಲ್‌ ಮನೆಲ್ ನಿಪ್ಪಯಿಂಜಿತ್‌ಲ್ಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:7

ಅದೇ ಮನೆಲ್ ಇಂಜಂಡ್, ಅಯಿಂಗ ತಪ್ಪದ್‍ನ ತಿಂದಂಡ್ ಕುಡ್‌ಚಂಡ್ ಇರಿ; ಒರ್ ಕೆಲಸಕಾರ ಅಂವೊಂಡ ಕೂಲಿಕ್ ಯೋಗ್ಯನಾಯಿತುಂಡ್. ಮನೆಮನೆಕ್ ಸುತ್ತ್‌ವಕ್ ಪೋಕತಿ.

ಅಪೊಸ್ತಲ 20:20

ನಿಂಗಕ್ ಪ್ರಯೋಜನವಾನದ್‍ನ ಒಂದು ಒಳ್‌ಪ್‍ಚೆಡತೆ, ಎಲ್ಲಾನ ಎಲ್ಲಾಡ ಮಿಂಞತ್, ಮನೆ ಮನೆಲ್ ಬೋದನೆ ಮಾಡಿತ್, ಪ್ರಸಂಗ ಮಾಡಿಯೆ.

ಅಪೊಸ್ತಲ 20:30

ನಿಂಗಡ ಮದ್ಯತ್ಂಜಲು ಚೆನ್ನ ಜನ ಎದ್ದಿತ್ ಸತ್ಯ ಬೋದನೆನ ತಿರಿತ್ ಯೇಸುನ ನಂಬ್‍ನಯಿಂಗಳ ಅಯಿಂಗಡ ಕಡೇಕ್ ಬಲ್‍ಚಿರುವಾಂದ್ ನಾಕ್ ಗೊತ್ತುಂಡ್.

1 ತಿಮೊಥೆಯ 5:12

ಅನ್ನನೆ ಮಾಡ್‌ವಯಿಂಗ, ಆದ್ಯ ಕೊಡ್‍ತ ವಾಕ್ಯತ್ಂಜ ತಪ್ಪ್‌ನಗುಂಡ್, ಅಯಿಂಗ ತೀರ್ಪ್‌ಕ್ ಒಳಪಡ್‌ವ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:11

ಅಯಿಂಗ ಬೋದನೆ ಮಾಡತನೆಕೆ ಅಯಿಂಗಳ ನಿಪ್ಪ್‌ಚಿಡಂಡು. ಎನ್ನಂಗೆಣ್ಣ್‌ಚೇಂಗಿ, ಅಯಿಂಗ ದುಡ್ಡ್ ಮಾಡ್‌ವಕಾಯಿತ್, ಸತ್ಯ ಅಲ್ಲತ ಬೋದನೆನ ಸರಿಯಾನ ಬೋದನೇಂದ್ ಎಣ್ಣಿತ್, ದುಂಬ ಕುಟಂಬತ್‍ನ ಪಾಳ್‍ಮಾಡಿಯಂಡುಂಡ್.

ಯಾಕೋಬ 3:10

ತುದಿ ಪಿಂಞ ಶಾಪ, ದಂಡು ಒರೇ ನಾವ್ಂಜ ಬಪ್ಪ. ನಾಡ ಅಣ್ಣತಮ್ಮಣಂಗಳೇ, ಇನ್ನನೆ ಇಪ್ಪಕ್ಕಾಗ.

1 ಪೇತ್ರ 4:15

ಆನಗುಂಡ್, ನಿಂಗಡಲ್ಲಿ ಒಬ್ಬ ಸಹ, ಕೊಲೆಗಾರನಾಯಿತ್, ಕಳ್ಳನಾಯಿತ್, ಕೆಟ್ಟದ್ ಮಾಡ್‌ಂವೊನಾಯಿತ್, ಬೋರೆಯಿಂಗಡ ವಿಷಯತ್ ನುಗ್ಗಿತ್ ಗಲಾಟೆ ಮಾಡ್‌ವಂವೊನಾಯಿತ್, ನಿಂಗ ದಾರೂ ಕಷ್ಟಪಡ್‌ವಕ್ಕಾಗ.

3 ಯೋಹಾನ 1:10

ಅದ್ಂಗಾಯಿತ್ ನಾನ್ ನಿಂಗಡ ಪಕ್ಕ ಬಂದತೇಂಗಿ ಅಂವೊ ಮಾಡ್‌ವ ಕೆಟ್ಟ ಕೆಲಸತ್‍ನ ನಿಂಗಕ್ ಕಾಟಿತಪ್ಪಿ. ನಂಗಡ ವಿಷಯತ್‍ಲ್, ಎಣ್ಣುವಕ್ಕಾಗತ ಕೆಟ್ಟ ತಕ್ಕ್‌ನ ಅಂವೊ ಪರ್ಂದಂಡುಂಡ್. ಅದ್‍ಲ್ ಅಯಿಂಗ ತೃಪ್ತಿ ಆಕತನೆಕೆ, ಯೇಸುನ ನಂಬ್‍ನಯಿಂಗಳ ಸಬೇಕ್ ಸತ್ಕಾರ ಮಾಡತೆ, ಪಿಂಞ ಬೋರೆ ದಾರೇಂಗಿಯು ಅಯಿಂಗಳ ಸತ್ಕಾರ ಮಾಡ್‍ಚೇಂಗಿ ಅಯಿಂಗಳ ಸಹ ಸಬೇಕ್ ಪೊರಮೆ ಇಟ್ಟಂಡುಂಡ್.