1 ತಿಮೊಥೆಯ 3:7 - ಕೊಡವ ಬೈಬಲ್

⁷ ಸಬೆರ ಪೊರಮೆ ಉಳ್ಳಯಿಂಗಳು ಅಂವೊನ ನಲ್ಲಂವೋಂದ್ ಎಣ್ಣ್‌ವನೆಕೆ ಇರಂಡು. ಅಕ್ಕ ಅಂವೊ ಅವಮಾನತ್‍ಲ್, ಸೈತಾನಂಡ ಬಲೇಕ್ ಬೂವತನೆಕೆ ಇಪ್ಪ.

1 ತಿಮೊಥೆಯ 3:7 Iomraidhean Croise

ಮಾರ್ಕ 4:11

ದೇವಡ ರಾಜ್ಯತ್‍ರ ಗುಟ್ಟ್ ನಿಂಗಕ್ ಗೊತ್ತಾಪನೆಕೆ ಮಾಡಿತುಂಡ್. ಆಚೇಂಗಿ ಪರಲೋಕಕ್ ಪೊರಮೆವುಳ್ಳ ಜನ ಇದ್‍ನೆಲ್ಲಾ ಕಥೇರ ರೂಪತ್‌ಲ್ ಕ್‍ೕಪ.

ಅಪೊಸ್ತಲ 10:22

ಅದ್ಂಗ್ ಅಯಿಂಗ: ಕೊರ್ನೇಲ್ಯ ಎಣ್ಣಿತ್ ನೂರ್ ಸಿಪಾಯಿಯಂಗಕ್ ಅದಿಪತಿಯಾನ ಒಬ್ಬ ಉಂಡ್. ಅಂವೊ ನೀತಿವಂತವೊನು ದೇವಡ ಬಕ್ತಿ ಉಳ್ಳಂವೊನು ಯೆಹೂದ್ಯ ಜನಾಂಗಡಡೆಲ್ ನಲ್ಲರಿಕೆ ಪಡ್ಂದಂವೊನು ಆಯಿತುಂಡ್. ನಿನ್ನ ಅಂವೊಂಡ ಮನೆಕ್ ಕಾಕಿತ್, ನೀನ್ ಎಣ್ಣುವ ಬೋದನೆನ ಅಂವೊ ಕ್‍ೕಕಂಡೂಂದ್ ಒರ್ ದೇವದೂತಡಿಂಜ ಅಂವೊ ಅಪ್ಪಣೆ ಪಡ್ಂದತ್.

ಅಪೊಸ್ತಲ 22:12

ಅಲ್ಲಿ ನ್ಯಾಯಪ್ರಮಾಣತ್‍ರ ಪ್ರಕಾರ ದೇವಡ ಮೇಲೆ ಬಕ್ತಿಯುಳ್ಳಂವೊನು, ಆ ಜಾಗತ್‍ಲ್ ಎಲ್ಲಾ ಯೆಹೂದ್ಯಂಗಡಡೆ‍ಲ್ ಮರ್ಯಾದೆ ಪಡ್ಂದಂವೊನು ಆನ ಅನನೀಯ ಎಣ್ಣುವ ಒರ್ ಮನುಷ್ಯ ವಾಸ ಮಾಡಿಯಂಡಿಂಜತ್.

ಅಪೊಸ್ತಲ 6:3

ಆನಗುಂಡ್, ಅಣ್ಣತಮ್ಮಣಂಗಳೇ, ಇಕ್ಕ ನಿಂಗಡಲ್ಲಿ ಪವಿತ್ರಾತ್ಮತ್‍ಲ್ ಪಿಂಞ ಜ್ಞಾನತ್‍ಲ್ ದುಂಬ್‍ನ ನಲ್ಲರಿಕೆ ಪಡ್ಂದಿತುಳ್ಳ ಏಳ್ ಜನಳ ನಿಂಗ ಆಯ್ಕೆ ಮಾಡಿಯೊಳಿ, ಅಯಿಂಗಳ ಈ ಸೇವೆಕಾಯಿತ್ ನೇಮಿಚಿಡನ.

1 ಕೊರಿಂಥ 10:32

ನಾನ್ ನಾಕ್ ಪ್ರಯೋಜನ ಉಳ್ಳದ್‍ನ ಮಾಡತೆ, ಎಲ್ಲಾಡ ಪ್ರಯೋಜನತ್‍ನ ತ್‍ೕಡಿತ್, ಎನ್ನನೆ ಆಚೇಂಗಿಯು ದುಂಬ ಜನತ್‍ನ ಕುಶಿಪಡುತ್‌ವಕಾಯಿತ್ ನಾನ್ ಮಾಡ್‌ವನೆಕೆ,

1 ಕೊರಿಂಥ 5:12

ಸಬೆರ ಪೊರಮೆ ಉಳ್ಳಯಿಂಗಕ್ ತೀರ್ಪ್ ಕೊಡ್‍ಪಕ್ ನಾಕ್ ಒರ್ ಅದಿಕಾರವು ಇಲ್ಲೆ. ಸಬೇಲ್ ಇಂಜಂಡ್ ಪಾಪ ಮಾಡಿಯಂಡ್ ಉಳ್ಳಯಿಂಗಕ್ ತೀರ್ಪ್ ಕೊಡ್‍ಪದ್ ನಿಂಗಡ ಜವಾಬ್ದಾರಿಯಾಯಿತುಂಡಲ್ಲ. ಪೊರಮೆ ಉಳ್ಳಯಿಂಗಕ್ ದೇವ ತೀರ್ಪ್ ತಪ್ಪ.

2 ಕೊರಿಂಥ 6:3

ಈ ಸೇವೇನ ದಾರೂ ಕುತ್ತ ಪರಿಯತನೆಕೆ, ನಂಗಡಗುಂಡ್ ಒಬ್ಬನು ಬೂವತನೆಕೆ ಎಲ್ಲಾ ವಿಷಯತ್‍ಲು ದೇವಡ ಸೇವಕಂಗಳಾಯಿತ್ ಬದ್‍ಕಿಯಂಡುಂಡ್.

2 ಕೊರಿಂಥ 8:21

ಒಡೆಯಂಡ ಮಿಂಞತ್ ಮಾತ್ರ ಅಲ್ಲತೆ, ಮನುಷ್ಯಂಗಡ ಮಿಂಞತು ಯೋಗ್ಯವಾನ ವಿಷಯತ್‍ನ ಮಾಡ್‌ವಕ್ ಆಸೆ ಪಟ್ಟಂಡುಂಡ್.

ಕೊಲೊಸ್ಸೆ 4:5

ಸಬೇಕ್ ಪೊರಮೆ ಉಳ್ಳಯಿಂಗಡ ಮಿಂಞತ್ ಜ್ಞಾನತ್‍ಲ್ ನಡ್‌ಂದಿತ್, ಎಚ್ಚರತ್‍ಲ್ ಇರಿ. ನಿಂಗಕ್ ಕ್‍ಟ್ಟುವ ಸಮಯತ್‍ನ ಪ್ರಯೋಜನ ಮಾಡಿಯೊಳಿ.

1 ಥೆಸಲೊನೀಕ 4:12

ನಿಂಗ ಇನ್ನನೆ ಮಾಡ್‍ಚೇಂಗಿ, ನಿಂಗಡ ಪ್ರತಿ ದಿನ ಬದ್‍ಕ್‍ಲ್ ಚಾಯಿತೆ ಬದ್‍ಕಿಯಂಡ್ ಉಳ್ಳಾನ ಪೊರಮೆ ಉಳ್ಳಯಿಂಗ ಕಾಂಬ, ಪಿಂಞ ಎಲ್ಲಾರು ನಿಂಗಕ್ ಮರ್ಯಾದೆ ತಪ್ಪ. ಅಕ್ಕ ನಿಂಗ ದಾಡ ಮೇಲೆಯು ಬಾರ ಇಟ್ಟಿತ್ ಬದ್‌ಕುವನೆಕೆ ಇಪ್ಪುಲೆ.

1 ಥೆಸಲೊನೀಕ 5:22

ಕೆಟ್ಟದ್‍ನೆಲ್ಲಾ ಬುಟ್ಟಿತ್ ಪೋಯಿ.

1 ತಿಮೊಥೆಯ 3:6

ಇದ್ಂಗಾಯಿತ್ ಸಬೆರ ಪೆರಿಯಂವೊ, ಕ್ರಿಸ್ತ ನಂಬಿಕೇಲ್ ಬೊಳ್ಂದಂವೊನಾಯಿತ್ ಇರಂಡು. ಎನ್ನಂಗೆಣ್ಣ್‌ಚೇಂಗಿ ಅಂವೊಂಗ್ ದುಂಬ ಹಮ್ಮ್ ಬಂದಿತ್ ಸೈತಾನಂಗ್ ಕ್‍ಟ್ಟ್‌ನ ಅದೇ ತೀರ್ಪ್ ಇಂವೊಂಗೂ ಕ್‍ಟ್ಟಿ ಪೋಪ.

1 ತಿಮೊಥೆಯ 5:14

ಅದ್ಂಗಾಯಿತ್, ಚೆರಿಯ ವಯಸ್ಸುಳ್ಳ ವಿದವೆಯಂಗ ಪುನಃ ಮಂಗಲ ಕಯಿಚಿತ್, ಮಕ್ಕಳ ಪೆತ್ತಿತ್, ಮನೆರ ಜವಾಬ್ದಾರಿನ ಎಡ್‍ತಂಡ್ ಇರಂಡೂಂದ್ ನಾನ್ ಅಯಿಂಗಕ್ ಬುದ್ದಿ ಎಣ್ಣ್‌ವಿ. ಅನ್ನನೆ ಮಾಡ್‍ನಕ ವಿರೋದಿಯಾನಂವೊ ಕುತ್ತ ಪರಿಯುವಕ್ ಬಟ್ಟೆ ಕ್‍ಟ್ಟ್‌ಲೆ.

1 ತಿಮೊಥೆಯ 6:9

ಪಣಕಾರಂಗಳಾಂಡೂಂದ್ ಆಸೆ ಉಳ್ಳಯಿಂಗ ಸೋದನೆರ ಕೆಣಿಕ್ ಚಿಕ್ಕಿತ್, ಅಯಿಂಗ, ಮನುಷ್ಯಂಗಳ ಕ್‍ೕಡಾನ, ಪಾಳಾನ ಕುಂಡ್‍ಲ್ ಬೂವನೆಕೆ ಮಾಡ್‌ವ, ಬೆಲೆಯಿಲ್ಲತ ಪಿಂಞ ಪಾಳಾನ ಇಚ್ಛೆಲ್ ಬುದ್ದ್ ಪೋಪ.

2 ತಿಮೊಥೆಯ 2:26

ಅಕ್ಕ ಅಯಿಂಗಕ್ ಬುದ್ದಿ ಬಂದಿತ್, ಸೈತಾನಂಡ ಕೆಣಿಯಿಂಜ ಬಚಾವ್ ಆಪ. ಎನ್ನಂಗೆಣ್ಣ್‌ಚೇಂಗಿ, ಸೈತಾನ ಅಯಿಂಗಳ ಪುಡ್‌ಚಿತ್, ಅಂವೊಂಡ ಇಚ್ಛೆಕ್ ಬಗ್ಗ್‌ಚಿಡ್‍ವನೆಕೆ ಮಾಡಿತುಂಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:5

ಎಲ್ಲಾ ಬಾಲೆಕಾರ್ತಿಯಳು, ತನ್ನಡಕ್ಕ ಉಳ್ಳಯಿಂಗಳಾಯಿತ್, ವಡಿಯಂಗ್ ನೇರಾನಯಿಂಗಳಾಯಿತ್, ಅಯಿಂಗಡ ಮನೆನ ಚಾಯಿ ನೋಟ್‍ವಯಿಂಗಳಾಯಿತ್, ಅಯಿಂಗಡ ವಡಿಯಂಗಕ್ ತಗ್ಗಿತ್ ನಡ್‍ಪಯಿಂಗಳಾಯಿತ್, ಪ್ರೀತಿಯುಳ್ಳಯಿಂಗಳಾಯಿತ್, ಇರಂಡೂಂದ್ ಬುದ್ದಿ ಎಣ್ಣಿ ಕೊಡ್. ಅಕ್ಕ ದೇವಡ ವಾಕ್ಯಕ್ ಅಯಿಂಗ ದೂಷಣೆ ಕೊಂಡ್ ಬಪ್ಪುಲೆ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:8

ದೇವಡ ಸೇವೇನ ವಿರೋದ ಮಾಡ್‌ವಯಿಂಗ, ನಿನ್ನ ಕುತ್ತಪರಿವಕ್ ಒಂದು ಇಲ್ಲತೆ, ಅಯಿಂಗ ಞಾಣ ಪಡ್‌ವನೆಕೆ, ನೀಡ ಬೋದನೆ ಸತ್ಯವಾಯಿತ್ ಇರಂಡು.

3 ಯೋಹಾನ 1:12

ಎಲ್ಲಾಡಿಂಜ ದೇಮೇತ್ರಿಯಂಗ್ ನಲ್ಲ ಸಾಕ್ಷಿ ಉಂಡ್; ಸತ್ಯತ್‍ಲು ಅಂವೊಂಗ್ ನಲ್ಲ ಸಾಕ್ಷಿ ಉಂಡ್. ನಂಗ ಸಹ ಅಂವೊಂಡ ವಿಷಯತ್‍ಲ್ ಸಾಕ್ಷಿ ತಪ್ಪ, ನಂಗಡ ಸಾಕ್ಷಿ ಸತ್ಯಾಂದ್ ನಿಂಗಕ್ ಗೊತ್ತುಂಡ್.