1 ತಿಮೊಥೆಯ 3:4 - ಕೊಡವ ಬೈಬಲ್

⁴ ಅಂವೊ ಅಂವೊಂಡ ಸಂಸಾರತ್‌ನ ಚಾಯಿತೆ ನೋಟಿಯಂಡ್, ಅಂವೊಂಡ ಮಕ್ಕ ಅಂವೊಂಗ್ ಮರ್ಯಾದೆ ಕೊಡ್‍ಪಯಿಂಗಳಾಯಿತ್, ಅಂವೊಂಡ ತಕ್ಕ್‌ಕ್ ತಗ್ಗಿತ್ ನಡ್‍ಪಯಿಂಗಳಾಯಿತ್ ಇಪ್ಪನೆಕೆ ಅಯಿಂಗಳ ನಡ್‍ತಂಡು.

1 ತಿಮೊಥೆಯ 3:4 Iomraidhean Croise

ಆದ್ಯತ್‌ರ ಪುಸ್ತಕ 18:19

ಯೆಹೋವ ಅಬ್ರಹಾಮಂಗ್‌ ಎಣ್ಣ್‌ನದ್‌ನ ನೆರವೇರಿಚಿಡುವಕಾಯಿತ್‌ ಅಂವೊ ತಾಂಡ ಮಕ್ಕಕು, ಅಂವೊಂಡ ಬಯ್ಯ ಬಪ್ಪ ಅಂವೊಂಡ ಮನೆಕಾರಕು ಇನ್ನನೆ ಎಣ್ಣುವಕ್‌ ಗೊತ್ತ್‌ಮಾಡಿಯೆ: ಅದ್‌ ಎನ್ನನೆ ಎಣ್ಣ್‌ಚೇಂಗಿ, ನಿಂಗ ನೀತಿರ ಪಿಂಞ ನ್ಯಾಯತ್‌ರ ಪ್ರಕಾರ ನಡ್‌ಕಂಡೂಂದ್‌ ಆಜ್ಞೆ ಮಾಡುವಾಂದ್‌ ನಾಕ್‍ ಗೊತ್ತುಂಡ್‍ೕಂದ್‌ ಎಣ್ಣ್‌ಚಿ.

ಅಪೊಸ್ತಲ 10:2

ಅಂವೊನು ಅಂವೊಂಡ ಮನೆಕಾರಳು ದೇವಡ ಬಕ್ತಿಲ್ ಪಿಂಞ ದೇವಕ್ ಬೊತ್ತಿತ್ ಬದ್‍ಕಿಯಂಡಿಂಜತ್. ಅಂವೊ ಗರೀಬಂಗಕ್ ದುಂಬ ದಾನ ಮಾಡ್‍ವಂವೊನಾಯಿತು ಎಕ್ಕಾಲು ಪ್ರಾರ್ಥನೆ ಮಾಡ್‍ವಂವೊನಾಯಿತು ಇಂಜತ್.

ಎಫೆಸ 5:24

ಆನಗುಂಡ್, ಸಬೆ ಕ್ರಿಸ್ತಂಗ್ ತಗ್ಗಿತ್ ನಡ್‍ಪನೆಕೆ, ಪೊಣ್ಣಾಳುವಳೇ ನಿಂಗಡ ಸ್ವಂತ ವಡಿಯಂಗಕ್ ಎಲ್ಲಾ ವಿಷಯತ್‍ಲು ತಗ್ಗಿತ್ ನಡ್‌ಕಂಡು.

ಫಿಲಿಪ್ಪಿ 4:8

ಆಕೀರ್‌ಕ್, ನಾಡ ಅಣ್ಣತಮ್ಮಣಂಗಳೇ, ಏದೆಲ್ಲಾ ಸತ್ಯವೊ, ಏದೆಲ್ಲಾ ಯೋಗ್ಯವೊ, ಏದೆಲ್ಲಾ ನೀತಿಯುಳ್ಳದೋ, ಏದೆಲ್ಲಾ ಶುದ್ದವಾನದೋ, ಏದೆಲ್ಲಾ ನಲ್ಲದೋ, ಏದೆಲ್ಲಾ ಬಾರಿ ಚಾಯಿ ಉಂಡೋ, ಎದಂಗೆಲ್ಲಾ ನಲ್ಲ ಪೆದ ಉಂಡೋ, ಏದೆಲ್ಲಾ ಹೊಗಳುವನಕೆ ಉಂಡೋ ಅಂತ ವಿಷಯತ್‍ನ ನಿಂಗ ಎಕ್ಕಾಲು ಗೇನ ಮಾಡಿಯಂಡಿರಿ.

1 ತಿಮೊಥೆಯ 3:12

ಅದಲ್ಲತೆ, ಸಬೇಲ್ ಸಹಾಯ ಮಾಡ್‌ವಂವೊ ಒರೇ ಪೊಣ್ಣ್‌ರ ವಡಿಯನಾಯಿತ್, ಅಂವೊಂಡ ಮಕ್ಕಳ ಪಿಂಞ ಅಂವೊಂಡ ಮನೆನ ಚಾಯಿತೆ ನಡ್‍ತ್‍ವಂವೊನಾಯಿತಿರಂಡು.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:6

ನೀನ್ ನೇಮಿಚಿಡುವ ಸಬೆರ ಪೆರಿಯಯಿಂಗ ಎನ್ನನೆ ಇರಂಡೂಂದ್ ಎಣ್ಣ್‌ಚೇಂಗಿ: ಅಂವೊ ದಾರೂ ಕುತ್ತ ಪರಿಯತನೆಕೆ ಇಕ್ಕಂಡು, ಅಂವೊ ಒರೇ ಒರ್ ಪೊಣ್ಣ್‌ರ ವಡಿಯನಾಯಿತ್ ಇರಂಡು, ಅಂವೊಂಡ ಮಕ್ಕ ದೇವಡ ಮೇಲೆ ನಂಬಿಕೆ ಉಳ್ಳಯಿಂಗಳಾಯಿತ್ ಇರಂಡು. ಅಯಿಂಗ ತನ್ನಡಕ್ಕ ಇಲ್ಲತಯಿಂಗ ಪಿಂಞ ಅಪ್ಪವ್ವಂಗಡ ತಕ್ಕ್ ಕೇಕತಯಿಂಗಾಂದ್ ದಾರೂ ಎಣ್ಣತ ಮಕ್ಕ ಉಳ್ಳ ಒಬ್ಬನಾಯಿತ್ ಇರಂಡು.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:2

ವಯಸ್ಸಾನ ಆಣಾಳ್‍ವ ಅಯಿಂಗಡ ಆಸೇನ ಅಡಕತ್‍ಲ್ ಬೆಪ್ಪಯಿಂಗಳಾಯಿತ್, ಮರ್ಯಾದಸ್ತಂಗಳಾಯಿತ್, ತನ್ನಡಕ್ಕ ಉಳ್ಳಯಿಂಗಳಾಯಿತ್ ಇಪ್ಪಕ್ ಎಣ್ಣಂಡು. ಇಂಞು, ದೇವಡ ಮೇಲೆ ಉಳ್ಳ ನಂಬಿಕೆ, ಪ್ರೀತಿ ಪಿಂಞ ತಾಳ್ಮೆಲ್ ಆರೋಗ್ಯ ಉಳ್ಳಯಿಂಗಳಾಯಿತ್ ಇರಂಡೂಂದ್ ಬುದ್ದಿ ಎಣ್ಣಿ ಕೊಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:7

ನೀನ್ ನಲ್ಲದ್ ಮಾಡಿತ್, ಎಲ್ಲಾ ವಿಷಯತ್‍ಲ್ ಉದಾರಣೆಯಾಯಿತ್ ಅಯಿಂಗಕ್ ಇರಂಡು. ನೀನ್ ಬೋದನೆ ಮಾಡ್‌ವಕ ನೇರಾನ ಸತ್ಯವಾನ ಬೋದನೆನ ನೇರಾನಂವೊನಾಯಿತ್, ಗೌರವತ್‍ಲ್ ಮಾಡ್‌ವಂವೊನಾಯಿತ್ ಇರಂಡು.