1 ತಿಮೊಥೆಯ 3:3 - ಕೊಡವ ಬೈಬಲ್

³ ಅಂವೊ ಕುಡ್‌ಕನಾಯಿತ್, ಹಿಂಸೆ ಮಾಡ್‌ವಂವೊನಾಯಿತ್, ಜಗಳ ಮಾಡ್‌ವಂವೊನಾಯಿತ್, ದುಡ್ಡ್‌ರ ಮೇಲೆ ಆಸೆ ಉಳ್ಳಂವೊನಾಯಿತ್ ಇಪ್ಪಕ್ಕಾಗ. ಅಂವೊ ಶಾಂತ ಗುಣ ಉಳ್ಳಂವೊನಾಯಿತ್ ಇರಂಡು.

1 ತಿಮೊಥೆಯ 3:3 Iomraidhean Croise

ಜ್ಞಾನತ್‌ರ ಪಡಿಮ 1:19

ಐಷ್ವರ್ಯತ್‌ರ ಮೇಲೆ ಬೋಂಡತ ಆಸೆ ಬೆಚ್ಚಿತುಳ್ಳಯಿಂಗಡ ಗತಿ ಇನ್ನನೆ ಇಪ್ಪ; ಅಯಿಂಗಡ ಜೀವತ್‌ನ ಅದೇ ಎಡ್‌ತ್‌ರ್‌ವ.

ಜ್ಞಾನತ್‌ರ ಪಡಿಮ 15:27

ಅತಿ ಆಸೆ ಉಳ್ಳಂವೊ ತಾಂಡ ಮನೆಕಾರಕ್‌ ತೊಂದರೆ ಎಡ್‌ತಂಡ್‌ ಬಪ್ಪ. ಆಚೇಂಗಿ ಲಂಚತ್‌ನ ದ್ವೇಷ ಮಾಡ್‌ವಂವೊ ದುಂಬ ಕಾಲ ಬದ್‌ಕ್‌ವ.

ಮಲಾಕಿ 1:10

ಪ್ರಯೋಜನ ಇಲ್ಲತೆ, ದಾರು ನಾಡ ಬಲಿಪೀಠತ್‌ರ ಮೇಲೆ ತಿತ್ತ್‌ನ ಕತ್ತ್‌ಚಿಡತೆ ಇಪ್ಪಕ್‌ ನಿಂಗಡಲ್ಲಿ ಒಬ್ಬ ದೇವಾಲಯತ್‌ರ ಪಡಿನ ಮಚ್ಚಿರ್ತೇಂಗಿ, ಅದ್‌ ಎಚ್ಚಕೋ ನಲ್ಲದಾಯಿತ್‌ಪ್ಪ. ನಿಂಗಡ ಮೇಲೆ ನಾಕ್‍ ಕುಶಿ ಇಲ್ಲೇಂದ್‌ ಸೈನ್ಯತ್‌ರ ಒಡೆಯನಾನ ಯೆಹೋವ ಎಣ್ಣಿಯಂಡುಂಡ್. ನಿಂಗಡ ಕೈಯಿಂಜ ಇಡುವ ಕಾಣಿಕೆನ ಸತ ನಾನ್‌ ಸ್ವೀಕಾರ ಮಾಡುಲೆ.

ಮತ್ತಾಯ 21:13

ನಾಡ ಮನೆ ಪ್ರಾರ್ಥನೆರ ಮನೆಯಾಯಿತ್ ಇಪ್ಪಾಂದ್ ಒಳ್‌ದಿತುಂಡಲ್ಲಾ, ಆಚೇಂಗಿ ನಿಂಗ ಅದ್‍ನ ಕಳ್ಳಂಗಡ ಗುಹೆರನೆಕೆ ಮಾಡಿರಾಂದ್ ಎಣ್ಣ್‌ಚಿ.

ಅಪೊಸ್ತಲ 20:33

ನಿಂಗಡ ಬೊಳ್ಳಿ, ಪೊನ್ನ್, ಅಥವ ಉಡ್‍ಪ್ ತೊಡ್‍ಪ್‍ೕಂದ್ ಏದ್ ವಿಷಯತ್‍ಲು ನಾನ್ ಆಸೆ ಪಟ್ಟಿತ್‌ಲ್ಲೆ.

ರೋಮ್ 16:18

ಅನ್ನನೆ ಉಳ್ಳಯಿಂಗ, ನಂಗಡ ಒಡೆಯನಾನ ಯೇಸು ಕ್ರಿಸ್ತಂಗ್ ಸೇವೆ ಮಾಡತೆ, ಅಯಿಂಗಡ ಕೆಲಕಾಯಿತ್ ಸೇವೆ ಮಾಡಿಯಂಡುಂಡ್. ಅಯಿಂಗ ಅಯಿಂಗಡ ಮದುರವಾನ ತಕ್ಕ್‌ನ ಪರ್ಂದಿತ್ ಪಿಂಞ ಕುಶಿಪಡ್‌ತ್‌ವನೆಕೆ ತಕ್ಕ್ ಪರ್ಂದಿತ್, ಒಂದು ಅರಿಯತ ಜನಡ ಹೃದಯತ್‍ನ ವಂಚನೆ ಮಾಡ್‌ವಯಿಂಗಳಾಯಿತುಂಡ್.

ಎಫೆಸ 5:18

ನಿಂಗಳ ಪಾಳ್ ಮಾಡ್‌ವ ಕಳ್ಳ್‌ನ ಕುಡಿಚಿತ್ ಕುಡ್‍ಕಂಗಳಾಯಿತ್ ಇರತಿ. ಅದ್ಂಡ ಬದ್‍ಲ್ ಪವಿತ್ರಾತ್ಮತ್‍ಲ್ ದುಂಬಿತ್,

1 ಥೆಸಲೊನೀಕ 5:14

ನಂಗಡ ಅಣ್ಣತಮ್ಮಣಂಗಳೇ, ಇಂಞು ನಂಗ ನಿಂಗಕ್ ಎಣ್ಣುವ ಆಲೋಚನೆ ಎಂತ ಎಣ್ಣ್‌ಚೇಂಗಿ, ಕೆಲಸ ಮಾಡತ ಇಪ್ಪಯಿಂಗಳ ಎಚ್ಚರ ಮಾಡಿ. ಒತ್ತಾಸೆ ಇಲ್ಲತಯಿಂಗಕ್ ಒತ್ತಾಸೆ ಕೊಡಿ, ಬಲ ಇಲ್ಲತಯಿಂಗಕ್ ಸಹಾಯ ಮಾಡಿ, ಎಲ್ಲಾಡ ಕೂಡೆ ಶಾಂತವಾಯಿತ್ ಇರಿ.

1 ತಿಮೊಥೆಯ 3:8

ಅನ್ನನೆ ಸಬೇಲ್ ಸಹಾಯ ಮಾಡ್‌ವಯಿಂಗಳು ಮರ್ಯಾದಸ್ತಂಗಳಾಯಿತ್ ಪಿಂಞ ನೇರಾನಯಿಂಗಳಾಯಿತ್ ಇರಂಡು; ಕುಡ್‍ಕಂಗಳಾಯಿತ್, ಕಳ್ಳತನತ್‌ಲ್ ಸಂಪಾದನೆ ಮಾಡ್‌ವಯಿಂಗಳಾಯಿತ್ ಇಪ್ಪಕ್ಕಾಗ.

2 ತಿಮೊಥೆಯ 3:2

ಜನ ಅಯಿಂಗಯಿಂಗಳ ಕುಶಿಪಡ್‌ತ್‌ವ ಸ್ವಾರ್ತಂಗಳಾಯಿತ್, ದುಡ್ಡ್‌ರ ಮೇಲೆ ಅತಿ ಆಸೆ ಉಳ್ಳಯಿಂಗಳಾಯಿತ್, ಅಯಿಂಗಳ ಅಯಿಂಗಳೇ ಹೊಗಳ್‌ವಯಿಂಗಳಾಯಿತ್, ಆಂಗಾರ ಉಳ್ಳಯಿಂಗಳಾಯಿತ್, ಮರ್ಯಾದೆ ಕೊಡ್‍ಕತಯಿಂಗಳಾಯಿತ್, ಅಯಿಂಗಡ ಅಪ್ಪವ್ವಂಡ ತಕ್ಕ್‌ನ ಕ್‍ೕಕತಯಿಂಗಳಾಯಿತ್, ಸಹಾಯ ಮಾಡ್‍ನಯಿಂಗಳ ಗೇನ ಮಾಡತಯಿಂಗಳಾಯಿತ್, ಅಪವಿತ್ರಯಿಂಗಳಾಯಿತ್,

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:11

ಅಯಿಂಗ ಬೋದನೆ ಮಾಡತನೆಕೆ ಅಯಿಂಗಳ ನಿಪ್ಪ್‌ಚಿಡಂಡು. ಎನ್ನಂಗೆಣ್ಣ್‌ಚೇಂಗಿ, ಅಯಿಂಗ ದುಡ್ಡ್ ಮಾಡ್‌ವಕಾಯಿತ್, ಸತ್ಯ ಅಲ್ಲತ ಬೋದನೆನ ಸರಿಯಾನ ಬೋದನೇಂದ್ ಎಣ್ಣಿತ್, ದುಂಬ ಕುಟಂಬತ್‍ನ ಪಾಳ್‍ಮಾಡಿಯಂಡುಂಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:7

ಸಬೆರ ಪೆರಿಯಯಿಂಗ ದೇವಡ ಮಕ್ಕಳ ಚಾಯಿತೆ ನಡ್‍ತಿಯಂಡ್ ಪೋಪ ಜವಾಬ್ದಾರಿ ಉಳ್ಳಂವೊನಾಯಿತ್ ಇಪ್ಪ. ಆನಗುಂಡ್, ದಾರೂ ಕುತ್ತ ಪರಿಯುವಕ್ ಕಯ್ಯತನೆಕೆ ಅಂವೊಂಡ ಬದ್‍ಕ್ ಇರಂಡು. ಅಂವೊಂಡ ಕುಶೀರನೆಕೆ ಮಾಡ್‍ವಂವೊನಾಯಿತು, ಬೆರಿಯ ಚೆಡಿ ಬಪ್ಪಂವೊನಾಯಿತು, ಕುಡಿಪಂವೊನಾಯಿತು, ಜಗಳ ಮಾಡ್‌ವಕ್ ಕುಶಿಯುಳ್ಳಂವೊನಾಯಿತು, ದುಡ್ಡ್‌ರ ಮೇಲೆ ಆಸೆ ಉಳ್ಳಂವೊನಾಯಿತು ಇಪ್ಪಕ್ಕಾಗ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:3

ಅನ್ನನೆ ವಯಸ್ಸಾನ ಪೊಣ್ಣಾಳ್‍ವಳು, ದೇವಡ ಮೇಲೆ ಪ್ರೀತಿ ಉಳ್ಳಯಿಂಗ ನಡ್‍ಪನೆಕೆ ನಡ್‌ಕಂಡು. ಕುತ್ತ ಪರಿಯತಯಿಂಗಳಾಯಿತ್, ಕಳ್ಳ್ ಕುಡಿಚಂಡ್ ಇಪ್ಪಕ್ಕಾಗ. ಏದ್ ನಲ್ಲದೋ, ಅದ್‍ನ ಅಯಿಂಗ ಬೋರೆಯಿಂಗಕ್ ಪಡಿಪ್‍ಚಿಡಂಡು.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:2

ಅಯಿಂಗ ದಾರ್‌ನು ಕೆಟ್ಟಯಿಂಗಾಂದ್ ಎಣ್ಣತೆ, ದಾಡ ಕೂಡೆಯು ಜಗಳ ಮಾಡತೆ, ಎಕ್ಕಾಲು ಬೋರೆಯಿಂಗಡ ವಿಷಯತ್‍ನ ಬಲ್ಯದಾಯಿತ್ ನೋಟ್‌ವಯಿಂಗಳಾತು, ನೇರಾನ ತಾಳ್ಮೆನ ಎಲ್ಲಾ ಜನಕ್ ಕಾಟಂಡೂಂದ್ ಗೇನ ಮಾಡ್‍ಚಿಡ್.

ಇಬ್ರಿಯ 13:5

ನಿಂಗ ಪಣ ಆಸೆ ಇಲ್ಲತಯಿಂಗಳಾಯಿತ್ ಬದ್‌ಕಿತ್, ನಿಂಗಕ್ ಉಳ್ಳದ್ ಮದೀಂದ್ ಗೇನ ಮಾಡಂಡು; ನಾನ್ ನಿನ್ನ ಬುಟ್ಟಿತ್ ಪೋಪದು ಇಲ್ಲೆ, ನಿನ್ನ ಕೈ ಬುಡ್‍ವದು ಇಲ್ಲೇಂದ್ ದೇವ ಎಣ್ಣಿಯಂಡುಂಡಲ್ಲ!

ಯಾಕೋಬ 4:1

ನಿಂಗಡಲ್ಲಿ ಎನ್ನಂಗಾಯಿತ್ ಯುದ್ದ ಮಾಡ್‌ವಿರ? ಜಗಳ ಮಾಡ್‌ವಿರ? ನಿಂಗಡ ಶರೀರತ್‌ನ ಅದಿಕಾರ ಮಾಡ್‌ವಕಾಯಿತ್ ನಿಂಗಡಲ್ಲಿ ಯುದ್ದ ಮಾಡ್‌ವ ಇಚ್ಛೆರಗುಂಡಲ್ಲ?

1 ಪೇತ್ರ 5:2

ನಿಂಗಡಲ್ಲಿ ಉಳ್ಳ ದೇವಡ ಮಕ್ಕಳ ನಿಂಗ ಚಾಯಿತೆ ಒರ್ ಕೊರಿ ಗುಂಪ್‍ನ ನೋಟ್‍ವನೆಕೆ ಪೆರಿಯಯಿಂಗಡ ಸೇವೇನ ಮಾಡಂಡು. ಒತ್ತಾಯತ್‌ಲ್ ಅಲ್ಲ, ದೇವ ಕುಶಿಪಡ್‌ವನೆಕೆ ಮನಪೂರ್ವವಾಯಿತ್ ಪಿಂಞ ಕೆಟ್ಟ ಆದಾಯಕಾಯಿತ್ ಅಲ್ಲ, ಪುರ್‌ಡುಳ್ಳ ಮನಸ್ಸ್‌ಲ್ ಮಾಡಂಡು.

2 ಪೇತ್ರ 2:3

ದುರಾಸೇಲ್, ಅಯಿಂಗಳೇ ಮಾಡ್‍ನ ಕಥೇರ ಬೋದನೆರ ಮೂಲಕ ನಿಂಗಡಿಂಜ ಅಯಿಂಗಕ್ ಆದಾಯ ಆಪನೆಕೆ ವಂಚನೆ ಮಾಡ್‌ವ. ದೇವ ಅಯಿಂಗಳ ಪಂಡೇ ನ್ಯಾಯತೀರ್ಪ್ ಮಾಡಿರ್‌ತ್, ಅಯಿಂಗಡ ಮೇಲೆ ಬಪ್ಪ ಶಿಕ್ಷೆ ಬೆರಿಯ ಬಪ್ಪ.

ಯೂದ ಒಳ್‍ದ್‍ನ ಕಾಗದ 1:11

ಕಳ್ಳ ಬೋದನೆ ಮಾಡ್‌ವಯಿಂಗಕ್ ಅಯ್ಯೋ! ಈಂಗ ತಮ್ಮಣನ ಕೊಂದ ಕಾಯಿನ ಎಣ್ಣ್‌ವಂವೊಂಡ ಬಟ್ಟೇಲ್ ನಡ್ಂದಂಡುಂಡ್. ಪಣಕಾಯಿತ್ ದೇವಡ ಮಕ್ಕಳ ಬಿಳಾಮ ಎಣ್ಣ್‌ವಂವೊ ಮೋಸ ಮಾಡ್‍ನನೆಕೆ ಈಂಗಳು ದುಡ್‍ಕಿಯಂಡ್ ಓಡ್‍ವ. ಪಿಂಞ ಕೋರಹ ಎಣ್ಣ್‌ವಂವೊ ಎದ್‍ರ್ ತಕ್ಕ್ ಪರ್ಂದಿತ್ ಎನ್ನನೆ ಪಾಳಾಯಿ ಪೋಚೋ, ಅನ್ನನೆ ಈಂಗಳು ಪಾಳಾಯಿ ಪೋಪ.

ಪ್ರಕಟನೆ 1:9

ನಿಂಗಡ ಅಣ್ಣನು, ಯೇಸುಕಾಯಿತ್ ಬಪ್ಪ ಹಿಂಸೆಕು, ಅಂವೊಂಡ ರಾಜ್ಯಕು, ಅಂವೊಂಡ ಪೊರುಮೆಕು ನಿಂಗಡ ಕೂಡೆ ಪಾಲ್‍ದಾರನಾಯಿತುಳ್ಳ ಯೋಹಾನನಾನ ನಾನ್ ದೇವಡ ವಾಕ್ಯಕಾಯಿತು, ಯೇಸುರ ವಿಷಯತ್ ಸಾಕ್ಷಿಕಾಯಿತು ಪತ್ಮೊಸ್ ಎಣ್ಣುವ ದ್ವೀಪತ್‍ಲ್ ಇಂಜ.