1 ತಿಮೊಥೆಯ 3:1 - ಕೊಡವ ಬೈಬಲ್

¹ ಸಬೆರ ಪೆರಿಯಯಿಂಗಳಾಯಿತ್ ಇಪ್ಪಕ್ ಒಬ್ಬಂಗ್ ಮನಸ್ಸ್ ಉಂಡೇಂಗಿ, ಅಂವೊ ಒರ್ ಗೌರವ ಪದವಿಕ್ ಕುಶಿಪಟ್ಟಂಡುಂಡ್‍ೕಂದ್ ಎಣ್ಣುವ ತಕ್ಕ್ ನೇರಾನದ್.

1 ತಿಮೊಥೆಯ 3:1 Iomraidhean Croise

ಜ್ಞಾನತ್‌ರ ಪಡಿಮ 11:30

ನೀತಿವಂತಂವೊಂಡ ಫಲ ಜೀವ ತಪ್ಪ ಮರ. ಜನಳ ಗೆಲ್ಲುವಂಚೊ ಜ್ಞಾನ ಉಲ್ಳಂವೊ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:10

ಅನ್ನನೆ ಒರೇ ಒರ್ ಪಾಪ ಮಾಡ್‍ನ ಮನುಷ್ಯ ದೇವಡ ಕಡೇಕ್ ತಿರ್‌ಗ್‍ಚೇಂಗಿ ಪರಲೋಕತ್‍ಲ್ ಉಳ್ಳ ದೇವದೂತಂಗಡ ಮಿಂಞತ್‍ಲ್ ಸಂತೋಷ ಉಂಟಾಪಾಂದ್ ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಅಪೊಸ್ತಲ 1:20

ದೇವಡ ಪಾಟ್ ಪುಸ್ತಕತ್‍ಲ್: ಅಂವೊಂಡ ಮನೆ ನಾಶ ಆಡ್, ಅಲ್ಲಿ ದಾರೂ ವಾಸ ಮಾಡತೆ ಇರಡ್, ಅಂವೊಂಡ ಪದವಿ ಬೋರೆ ಒಬ್ಬಂಗ್ ಕ್‍ಟ್ಟಡ್‍ೕಂದ್ ಒಳ್‍ದಿ ಬೆಚ್ಚಿತುಂಡ್.

ಅಪೊಸ್ತಲ 20:28

ಆನಗುಂಡ್, ನಿಂಗಡ ವಿಷಯತ್‍ಲ್ ಪಿಂಞ ದೇವ ತಾಂಡ ಸ್ವಂತ ಚೋರೆಯಿಂಜ ಸಂಪಾದನೆ ಮಾಡ್‍ನ, ಸಬೇನ ನಡ್‍ತುವ ವಿಷಯತ್‍ಲು ಎಚ್ಚರತ್‍ಲ್ ಇರಿ. ಪವಿತ್ರಾತ್ಮ, ಅಂವೊಂಡ ಕೊರಿರ ಗುಂಪ್‍ರನೆಕೆ ಉಳ್ಳ ಸಬೆರ ಜನಕ್ ಸಬೆರ ಪೆರಿಯಯಿಂಗಳಾಯಿತ್ ನಿಂಗಳ ನೇಮಿಚಿಟ್ಟತ್.

ರೋಮ್ 11:13

ಯೆಹೂದ್ಯಂಗಲ್ಲತ ನಿಂಗಡ ಕೂಡೆ ಇಕ್ಕ ನಾನ್ ತಕ್ಕ್ ಪರಿವಿ; ಯೆಹೂದ್ಯಂಗಲ್ಲತ ನಿಂಗಕಾಯಿತ್ ನಾನ್ ಅಪೊಸ್ತಲನಾಯಿತ್ ಉಳ್ಳಾಂಗ್, ನಾಡ ಸೇವೇನೆ ಬಲ್ಯದಾಯಿತ್ ಎಣ್ಣ್‌ವಿ.

ಎಫೆಸ 4:12

ಈಂಗಡಗುಂಡ್, ದೇವಡ ಮಕ್ಕ ಬೊಳ್ಂದಿತ್ ಅಂವೊಂಡ ಸೇವೇರ ಜವಾಬ್ದಾರಿನ ಮಾಡ್‌ವಕಾಯಿತು, ಪಿಂಞ ಅಂವೊಂಡ ತಡಿಯಾನ ಸಬೇನ ಕೆಟ್ಟ್‌ವಕಾಯಿತು ಮಾಡ್‍ಚಿ.

ಫಿಲಿಪ್ಪಿ 1:1

ಯೇಸು ಕ್ರಿಸ್ತಂಡ ಸೇವಕನಾನ ಪೌಲ ಪಿಂಞ ತಿಮೊಥೆಯ, ಫಿಲಿಪ್ಪಿ ಪಟ್ಟಣತ್‍ಲ್ ಕ್ರಿಸ್ತ ಯೇಸುರ ಕೂಡೆ ಉಳ್ಳ ಐಕ್ಯತ್‍ಲ್ ದೇವಡ ಮಕ್ಕಳಾಯಿತುಳ್ಳ ಎಲ್ಲಾ ಜನಕು, ನಿಂಗಡ ಮೇಲೆ ಜವಾಬ್ದಾರಿಯಾಯಿತುಳ್ಳ ಸಬೆರ ಪೆರಿಯಯಿಂಗಕು ಪಿಂಞ ಅಯಿಂಗಕ್ ಸಹಾಯ ಮಾಡ್‌ವ ಪೆರಿಯಯಿಂಗಕು ಒಳ್‍ದ್‍ವ ಕಾಗದ ಇದ್.

1 ಥೆಸಲೊನೀಕ 5:14

ನಂಗಡ ಅಣ್ಣತಮ್ಮಣಂಗಳೇ, ಇಂಞು ನಂಗ ನಿಂಗಕ್ ಎಣ್ಣುವ ಆಲೋಚನೆ ಎಂತ ಎಣ್ಣ್‌ಚೇಂಗಿ, ಕೆಲಸ ಮಾಡತ ಇಪ್ಪಯಿಂಗಳ ಎಚ್ಚರ ಮಾಡಿ. ಒತ್ತಾಸೆ ಇಲ್ಲತಯಿಂಗಕ್ ಒತ್ತಾಸೆ ಕೊಡಿ, ಬಲ ಇಲ್ಲತಯಿಂಗಕ್ ಸಹಾಯ ಮಾಡಿ, ಎಲ್ಲಾಡ ಕೂಡೆ ಶಾಂತವಾಯಿತ್ ಇರಿ.

1 ತಿಮೊಥೆಯ 1:15

ಪಾಪಿಯಳ ರಕ್ಷಣೆ ಮಾಡ್‌ವಕ್ ಯೇಸು ಬೂಲೋಕಕ್ ಬಾತ್. ಇದ್ ನೇರಾನ ತಕ್ಕ್ ಪಿಂಞ ಎಲ್ಲಾ ಅಂಗಿಕಾರಕೂ ಯೋಗ್ಯವುಳ್ಳದ್; ಎಲ್ಲಾ ಪಾಪಿಯಂಗಕಿಂಜ ಮುಕ್ಯಪಟ್ಟ ಪಾಪಿ ನಾನೇ.

1 ತಿಮೊಥೆಯ 4:9

ಈ ತಕ್ಕ್ ಸತ್ಯ, ಪಿಂಞ ಎಲ್ಲಾ ಅಂಗಿಕಾರಕೂ ಯೋಗ್ಯವಾಯಿತುಂಡ್.

2 ತಿಮೊಥೆಯ 2:11

ಇದ್ ಒರ್ ಸತ್ಯವಾನ ತಕ್ಕ್. ಯೇಸುರ ಕೂಡೆ ನಂಗ ಚತ್ತಿತುಂಡೇಂಗಿ ನಂಗ ಸಹ ಅಂವೊಂಡ ಕೂಡೆ ಬದ್‍ಕ್‍ವ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:7

ಸಬೆರ ಪೆರಿಯಯಿಂಗ ದೇವಡ ಮಕ್ಕಳ ಚಾಯಿತೆ ನಡ್‍ತಿಯಂಡ್ ಪೋಪ ಜವಾಬ್ದಾರಿ ಉಳ್ಳಂವೊನಾಯಿತ್ ಇಪ್ಪ. ಆನಗುಂಡ್, ದಾರೂ ಕುತ್ತ ಪರಿಯುವಕ್ ಕಯ್ಯತನೆಕೆ ಅಂವೊಂಡ ಬದ್‍ಕ್ ಇರಂಡು. ಅಂವೊಂಡ ಕುಶೀರನೆಕೆ ಮಾಡ್‍ವಂವೊನಾಯಿತು, ಬೆರಿಯ ಚೆಡಿ ಬಪ್ಪಂವೊನಾಯಿತು, ಕುಡಿಪಂವೊನಾಯಿತು, ಜಗಳ ಮಾಡ್‌ವಕ್ ಕುಶಿಯುಳ್ಳಂವೊನಾಯಿತು, ದುಡ್ಡ್‌ರ ಮೇಲೆ ಆಸೆ ಉಳ್ಳಂವೊನಾಯಿತು ಇಪ್ಪಕ್ಕಾಗ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:8

ಇಲ್ಲಿಕತ್ತನೆ ನಾನ್ ಎಣ್ಣ್‌ನದ್ ಸತ್ಯತ್‍ರ ತಕ್ಕ್. ದೇವಡ ಮೇಲೆ ನಂಬಿಕೆ ಉಳ್ಳಯಿಂಗ, ನಲ್ಲ ಕೆಲಸ ಮಾಡ್‌ವಕ್ ಅರ್ಪಿಚಿಟ್ಟಯಿಂಗಳಾಯಿತ್ ಇರಂಡೂಂದ್ ಉಳ್ಳ ಈ ತಕ್ಕ್‌ನ ನೀನ್ ಕಂಡಿತವಾಯಿತ್ ಬೋದನೆ ಮಾಡಂಡೂಂದ್ ನಾಡ ಆಸೆ. ಈ ತರ ಬೋದನೆ ಸರಿಯಾನದು, ಎಲ್ಲಾರ್‌ಕು ಪ್ರಯೋಜನವಾಯಿತು ಉಂಡ್.

ಇಬ್ರಿಯ 12:15

ದಾರ್ ಒಬ್ಬನು ದೇವಡ ಕೃಪೇನ ಕಳೆಂದ್ ಪೋಕತನೆಕೆ, ಏದ್ ಒರ್ ವಿಷವುಳ್ಳ ಬೇರೂ ಮೊಳಕೆ ಬುಟ್ಟಿತ್, ಜಗಳ ಉಂಟ್ ಮಾಡಿ ದುಂಬ ಜನ ಪಾಳಾಯಿ ಪೋಕತನೆಕೆ ನೋಟಿಯೊಳಿ.

1 ಪೇತ್ರ 2:25

ಚದ್‌ರಿ ಪೋಯಿತ್ಂಜ ಕೊರಿರನೆಕೆ ಇಂಜಿರ; ಆಚೇಂಗಿ ಇಕ್ಕ ಕೊರಿ ಕಾಪಂವೊನೆಕೆ ನಿಂಗಡ ಆತ್ಮತ್‌ನ ನಡ್‍ತಿಯಂಡ್ ಪೋಪಂವೊಂಡ ಪಕ್ಕ, ಪಿಂಞ ನಿಂಗಳ ನೋಟುವ ಪೆರಿಯಂವೊಂಡ ಪಕ್ಕವು ಬಂದಿತುಳ್ಳಿರ.

1 ಪೇತ್ರ 4:15

ಆನಗುಂಡ್, ನಿಂಗಡಲ್ಲಿ ಒಬ್ಬ ಸಹ, ಕೊಲೆಗಾರನಾಯಿತ್, ಕಳ್ಳನಾಯಿತ್, ಕೆಟ್ಟದ್ ಮಾಡ್‌ಂವೊನಾಯಿತ್, ಬೋರೆಯಿಂಗಡ ವಿಷಯತ್ ನುಗ್ಗಿತ್ ಗಲಾಟೆ ಮಾಡ್‌ವಂವೊನಾಯಿತ್, ನಿಂಗ ದಾರೂ ಕಷ್ಟಪಡ್‌ವಕ್ಕಾಗ.

1 ಪೇತ್ರ 5:2

ನಿಂಗಡಲ್ಲಿ ಉಳ್ಳ ದೇವಡ ಮಕ್ಕಳ ನಿಂಗ ಚಾಯಿತೆ ಒರ್ ಕೊರಿ ಗುಂಪ್‍ನ ನೋಟ್‍ವನೆಕೆ ಪೆರಿಯಯಿಂಗಡ ಸೇವೇನ ಮಾಡಂಡು. ಒತ್ತಾಯತ್‌ಲ್ ಅಲ್ಲ, ದೇವ ಕುಶಿಪಡ್‌ವನೆಕೆ ಮನಪೂರ್ವವಾಯಿತ್ ಪಿಂಞ ಕೆಟ್ಟ ಆದಾಯಕಾಯಿತ್ ಅಲ್ಲ, ಪುರ್‌ಡುಳ್ಳ ಮನಸ್ಸ್‌ಲ್ ಮಾಡಂಡು.