1 ತಿಮೊಥೆಯ 2:10 - ಕೊಡವ ಬೈಬಲ್

¹⁰ ಆಚೇಂಗಿ, ದೇವಡ ಮೇಲೆ ಬಕ್ತಿ ಉಂಡ್‍ೕಂದ್ ಎಣ್ಣುವ ಪೊಣ್ಣಾಳ್, ಅಯಿಂಗ ಮಾಡ್‌ವ ನಲ್ಲ ಕೆಲಸತ್‍ಲ್ ಅಲಂಕಾರ ಮಾಡಂಡು.

1 ತಿಮೊಥೆಯ 2:10 Iomraidhean Croise

ಜ್ಞಾನತ್‌ರ ಪಡಿಮ 31:25

ಬಲವು ಗೌರವು ಅವಡ ಉಡ್‌ಪ ಆಯಿತುಂಡ್. ಮಿಂಞತ್‌ರ ಬದ್‌ಕ್‌ರ ವಿಷಯತ್‌ ಪೋಡಿಯಿಲ್ಲತೆ ಕುಶೀಲ್‌ ಇಪ್ಪ.

ಜ್ಞಾನತ್‌ರ ಪಡಿಮ 31:31

ಅವಡ ಎಲ್ಲಾ ಕೈಕೆಲಸಕ್‌ ಸೆರಿಯಾನ ಪ್ರತಿಫಲ ಕೊಡಿ. ಅವ ಮಾಡುವ ಕಾರ್ಯಕೆಲ್ಲಾ ಊರ್‌ರ ಜನ ಅವಳ ಕೊಂಡಾಡಡ್.

ಅಪೊಸ್ತಲ 9:36

ಯೊಪ್ಪ ಎಣ್ಣುವ ಒರ್ ಊರ್‌ಲ್ ತಬಿಥಾ ಎಣ್ಣುವ ಒಬ್ಬ ಯೇಸುನ ನಂಬ್‍ನವಳಾಯಿತ್ ಇಂಜತ್. ಗ್ರೀಕ್ ತಕ್ಕ್‌ಲ್ ಅವಡ ಪೆದಕ್ ದೊರ್ಕ. ಅವ ಎಕ್ಕಲೂ ನಲ್ಲ ಕ್ರಿಯೆ ಮಾಡಿಯಂಡ್ ಗರೀಬಯಿಂಗಕ್ ಸಹಾಯ ಮಾಡಿಯಂಡಿಂಜತ್.

ಅಪೊಸ್ತಲ 9:39

ಪೇತ್ರ ಈ ದಂಡಾಳ್‌ರ ಕೂಡೆ ಪೋಚಿ. ಅಂವೊ ಅಲ್ಲಿ ಪೋಯಿತ್ ಎತ್ತ್‌ನ ಪಿಂಞ ಅಯಿಂಗ ಪೇತ್ರನ ಕೊಡಿಲ್ ಉಳ್ಳ ಕೋಂಬರೇಕ್ ಕಾಕಿಯಂಡ್ ಪೋಚಿ. ಅಲ್ಲಿ ವಿದವೆಯಂಗ ಮೊರಟಂಡ್, ದೊರ್ಕ ಅಯಿಂಗಡ ಕೂಡೆ ಇಪ್ಪಕ ಅಯಿಂಗಕ್ ಮಾಡಿಕೊಡ್‌ತಿತ್ಂಜ ಒಳ್‍ಲ್ ಪಿಂಞ ಪೊರಮೆ ಇಡ್‌ವ ಬಟ್ಟೇನ ಕಾಟಿತ್ ಅಂವೊಂಡ ಸುತ್ತ್‌ಲ್ ನಿಂದತ್.

ಎಫೆಸ 2:10

ಎನ್ನನೆ ಎಣ್ಣ್‌ಚೇಂಗಿ, ನಲ್ಲ ಕೆಲಸ ಮಾಡ್‌ವಕಾಯಿತ್ ನಂಗಳ ಪುದಿಯದಾಯಿತ್ ಕ್ರಿಸ್ತ ಯೇಸುರಲ್ಲಿ ಸೃಷ್ಟಿ ಮಾಡ್‍ನ ದೇವಡ ಕ್ರಿಯೇಯಾಯಿತುಂಡ್; ಅದ್‍ಲ್ ನಂಗ ನಡ್‍ಕಂಡೂಂದ್ ದೇವ ಮಿಂಞಲೇ ತಯಾರ್ ಮಾಡಿತುಂಡ್.

1 ತಿಮೊಥೆಯ 2:11

ಪೊಣ್ಣಾಳ್‍ವ ಎಲ್ಲಾ ವಿಷಯತ್‍ಲ್ ಮೌನವಾಯಿತ್ಂಜಿತ್ ಅಡಕತ್‍ಲ್ ಪಡಿಕಂಡು.

1 ತಿಮೊಥೆಯ 2:9

ಅನ್ನನೆ ಪೊಣ್ಣಾಳ್‍ವ ಸಹ ಯೋಗ್ಯವಾನ ಪಿಂಞ ಮರ್ಯಾದೆರ ಬಟ್ಟೆ ಇಡಂಡು. ಅಯಿಂಗ ತಲ್‌ಮಿನ ಸಿಂಗಾರ ಮಾಡಿಯಂಡ್, ಪೊನ್ನ್, ಮುತ್ತ್ ಪಿಂಞ ಬೆಲೆ ಉಳ್ಳ ಬಟ್ಟೇಲ್ ಅಲಂಕಾರ ಮಾಡ್‌ವಕ್ಕಾಗ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:14

ಅಂವೊ, ನಂಗಳ, ನಂಗಡ ಎಲ್ಲಾ ಪಾಪತ್ಂಜ ಬುಡ್‍ಗಡೆ ಮಾಡಿತ್, ಅಂವೊಂಡ ಸ್ವಂತ ಜನವಾಯಿತ್ ಮಾಡ್‌ವಕಾಯಿತ್, ಎಲ್ಲಾ ನಲ್ಲ ಕೆಲಸತ್‍ನ ಕುಶೀಲ್ ಮಾಡ್‌ವಕ್ ಅರ್ಪಿಚಿಟ್ಟಯಂಗಳಾಯಿತ್ ಪಿಂಞ ನಂಗಳ ಶುದ್ದ ಮಾಡ್‌ವಕಾಯಿತ್ ಅಂವೊನ ಅಂವೊನೇ ನಂಗಕಾಯಿತ್ ಒಪ್ಪ್‌ಚಿಟ್ಟತ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:8

ಇಲ್ಲಿಕತ್ತನೆ ನಾನ್ ಎಣ್ಣ್‌ನದ್ ಸತ್ಯತ್‍ರ ತಕ್ಕ್. ದೇವಡ ಮೇಲೆ ನಂಬಿಕೆ ಉಳ್ಳಯಿಂಗ, ನಲ್ಲ ಕೆಲಸ ಮಾಡ್‌ವಕ್ ಅರ್ಪಿಚಿಟ್ಟಯಿಂಗಳಾಯಿತ್ ಇರಂಡೂಂದ್ ಉಳ್ಳ ಈ ತಕ್ಕ್‌ನ ನೀನ್ ಕಂಡಿತವಾಯಿತ್ ಬೋದನೆ ಮಾಡಂಡೂಂದ್ ನಾಡ ಆಸೆ. ಈ ತರ ಬೋದನೆ ಸರಿಯಾನದು, ಎಲ್ಲಾರ್‌ಕು ಪ್ರಯೋಜನವಾಯಿತು ಉಂಡ್.

1 ಪೇತ್ರ 2:12

ದೇವಡ ಮೇಲೆ ನಂಬಿಕೆ ಇಲ್ಲತ ಜನ, ನಿಂಗ ತಪ್ಪ್ ಮಾಡ್‌ನಯಿಂಗಾಂದ್ ಕುತ್ತ ಪರ್ಂದತೇಂಗಿಯು, ಅಯಿಂಗ ನಿಂಗಡ ನಲ್ಲ ಕ್ರಿಯೇನ ಕಂಡಿತ್, ಅಂವೊ ನಂಗಳ ಕಾಂಬ ದಿವಸತ್‍ಲ್ ಅಯಿಂಗ ದೇವನ ತುದಿಪನೆಕೆ, ಅಯಿಂಗಡ ಮದ್ಯತ್‍ಲ್ ನಲ್ಲ ನಡತೆ ಉಳ್ಳಯಿಂಗಳಾಯಿತ್ ಬದ್‍ಕಂಡು.

2 ಪೇತ್ರ 3:11

ಎಲ್ಲಾ ಇನ್ನನೆ ನಾಶ ಆಯಿ ಪೋಪಗುಂಡ್, ನಿಂಗ ಎನ್ನನೆ ಉಳ್ಳಯಿಂಗಳಾಯಿತ್ ಇಕ್ಕಂಡು? ನಿಂಗ ಪವಿತ್ರವಾಯಿತ್, ಬಕ್ತಿ ಉಳ್ಳಯಿಂಗಳಾಯಿತ್ ಬದ್‍ಕಂಡು.

ಪ್ರಕಟನೆ 2:19

ನೀಡ ಕ್ರಿಯೇನ, ನೀಡ ಪ್ರೀತಿನ, ನೀಡ ಸೇವೇನ, ನೀಡ ನಂಬಿಕೇನ, ನೀಡ ಪೊರುಮೆನ, ನೀನ್ ಮಿಂಞ ಮಾಡಿಯಂಡಿಂಜ ಕ್ರಿಯೇಕಿಂಜ ಇಕ್ಕ ಮಾಡ್‍ನ ಕ್ರಿಯೆ ದುಂಬ ಉಂಡ್‍ೕಂದ್ ನಾಕ್ ಗೊತ್ತುಂಡ್.