1 ತಿಮೊಥೆಯ 1:7 - ಕೊಡವ ಬೈಬಲ್

⁷ ಅಯಿಂಗ ಅಚ್ಚಕ್ ದೃಡವಾಯಿತ್ ಗತ್ತ್‌ಲ್ ತಕ್ಕ್ ಪರ್ಂದತೇಂಗಿಯು, ಅಯಿಂಗ ಪರಿಯುವ ತಕ್ಕ್‌ರ ಅರ್ಥ ಎಂತ್‍ೕಂದ್ ಅಯಿಂಗಕೇ ಗೊತ್ತಿಲ್ಲತೆ ಪೋಚೇಂಗಿಯು, ಅಯಿಂಗ ನ್ಯಾಯಪ್ರಮಾಣತ್‍ರ ಉಪಾದ್ಯಂಗಳಾಯಿತ್ ಇರಂಡೂಂದ್ ಕುಶಿ ಪಡುವ.

1 ತಿಮೊಥೆಯ 1:7 Iomraidhean Croise

ಮತ್ತಾಯ 15:14

ಅಯಿಂಗ ಎಣ್ಣ್‌ವಾಂಗ್ ಕೆಮಿ ಕೊಡ್‌ಕತಿ. ಅಯಿಂಗ ಕುರ್‌ಡಂಗಕ್ ಬಟ್ಟೆ ಕಾಟುವ ಕುರ್‌ಡಂಗಳಾಯಿತುಂಡ್. ಒರ್ ಕುರ್‌ಡ ಇಂಞೊರ್ ಕುರ್‌ಡಂಗ್ ಬಟ್ಟೆ ಕಾಟ್‍ಚೇಂಗಿ, ದಂಡಾಳು ಕುಂಡ್‌ಕ್ ಬೂವಲ್ಲಾಂದ್ ಎಣ್ಣ್‌ಚಿ.

ಮತ್ತಾಯ 21:27

ಮನುಷ್ಯಡಿಂಜ ಬಂದದ್‌ೕಂದ್ ಎಣ್ಣ್‌ನಕ ಜನಕೆಲ್ಲ ಯೋಹಾನ ಒರ್ ಪ್ರವಾದೀಂದ್ ಗೊತ್ತುಂಡ್, ಪಿಂಞ ಅಯಿಂಗ ನಂಗಳ ಎಂತ ಮಾಡ್‌ವಾಂದ್ ಗೇನ ಮಾಡಿತ್, ನಂಗಕ್ ಗೊತ್ತ್‌ಲೇಂದ್ ಉತ್ತರ ಕೊಡ್‍ತತ್. ಅಕ್ಕ ಯೇಸು: ಅನ್ನನಾಚೇಂಗಿ ನಾನು ಇದ್‍ನೆಲ್ಲ ಏದ್ ಅದಿಕಾರತ್‍ಲ್ ಮಾಡಿಯಂಡುಳ್ಳ್‌ಂದ್ ನಿಂಗಕ್ ಎಣ್ಣುಲೇಂದ್ ಉತ್ತರ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:46

ಮೂಂದ್ ದಿವಸ ಆನ ಪಿಂಞ ಅಂವೊ ದೇವಾಲಯತ್‍ಲ್ ಉಪಾದ್ಯಂಗಡ ಮದ್ಯತ್‍ಲ್ ಅಳ್‌ತಂಡ್ ಅಯಿಂಗ ಎಣ್ಣುವಾನ ಕ್‍ೕಟಂಡ್ ಅಯಿಂಗಕ್ ಪ್ರಶ್ನೆ ಇಟ್ಟಂಡ್ ಅಯಿಂಗಡ ಕೂಡೆ ಇಂಜಾನ ಕಂಡತ್.

ಅಪೊಸ್ತಲ 15:1

ಪೌಲ ಪಿಂಞ ಬಾರ್ನಬ ಅಂತಿಯೋಕ್ಯ ಪಟ್ಟಣತ್‍ಲ್ ಇಂಜ ಸಮಯತ್‍ಲ್, ಚೆನ್ನ ಯೆಹೂದ್ಯ ಜನ ಯೂದಾಯತ್ಂಜ ಅಂತಿಯೋಕ್ಯಕ್ ಬಂದಿತ್: ನಿಂಗ ನ್ಯಾಯಪ್ರಮಾಣತ್‍ಲ್ ಎಣ್ಣ್‌ನ ಪ್ರಕಾರ ಸುನ್ನತಿ ಮಾಡತೆ ಪೋಚೇಂಗಿ ನಿಂಗಕ್ ರಕ್ಷಣೆ ಕ್‍ಟ್ಟ್‌ಲೇಂದ್ ಅಲ್ಲಿಯತ್‍ರ ಯೇಸುನ ನಂಬ್‍ನ ಜನಕ್ ಉಪದೇಶ ಮಾಡಿಯಂಡ್ ಇಂಜತ್.

ರೋಮ್ 1:22

ಅಯಿಂಗಳ ಅಯಿಂಗಳೇ ಬುದ್ದಿವಂತಯಿಂಗಾಂದ್ ಎಣ್ಣಿಯಂಡ್ ಇಂಜತೇಂಗಿಯು, ಅಯಿಂಗ ಮುಠಾಳಂಗ ಆಚಿ.

ಗಲಾತ್ಯ 3:2

ನಾನ್ ನಿಂಗಳ ಒಂದ್ ಕ್‍ೕಪಿ; ನಿಂಗ ನ್ಯಾಯಪ್ರಮಾಣತ್‍ರ ಪ್ರಕಾರ ನಡ್ಂದಗುಂಡ್ ನಿಂಗಕ್ ಪವಿತ್ರಾತ್ಮ ಕ್‍ಟ್ಟ್‌ಚಾ ಅಥವ ನಿಂಗ ಯೇಸು ಕ್ರಿಸ್ತಂಡ ವಿಷಯ ಕ್‍ೕಟಿತ್ ಅದ್‍ನ ನಂಬ್‍ನಗುಂಡ್ ಕ್‍ಟ್ಟ್‌ಚಾ?

ಗಲಾತ್ಯ 3:5

ಅದಲ್ಲತೆ, ನಿಂಗಕ್ ಪವಿತ್ರಾತ್ಮತ್‍ನ ತಂದಿತ್, ನಿಂಗಡ ಮದ್ಯತ್‍ಲ್ ಅದ್ಬುತ ಕಾರ್ಯತ್‍ನ ಮಾಡ್‍ಚಿ. ನಿಂಗ ನ್ಯಾಯಪ್ರಮಾಣಕ್ ಬಗ್ಗಿತ್ ನಡ್‍ಪಗುಂಡ್ ಅನ್ನನೆ ಮಾಡ್‍ಚಾ? ಅನ್ನನೆ ಅಲ್ಲ. ನಿಂಗ ಯೇಸು ಕ್ರಿಸ್ತಂಡ ನಲ್ಲ ಸುದ್ದಿನ ಕ್‍ೕಟಿತ್ ಅದ್‍ನ ನಂಬ್‍ನಗುಂಡ್ ಮಾತ್ರ ಅನ್ನನೆ ಮಾಡ್‍ಚಿ.

ಗಲಾತ್ಯ 4:21

ನ್ಯಾಯಪ್ರಮಾಣ ಎಣ್ಣ್‌ವನಕೆ ನಡ್‍ಪಕ್ ಕುಶೀಲುಳ್ಳ ನಿಂಗ, ಅದ್ ಎಂತ ಎಣ್ಣಿಯಂಡ್ ಉಂಡ್‍ೕಂದ್ ಕ್‍ೕಪ್‌ಲೆಯಾ? ಇದ್‍ನ ನಿಂಗ ನಾಕ್ ಎಣ್ಣಿ.

1 ತಿಮೊಥೆಯ 6:4

ಅಂವೊ ಪೆರ್‌ಮೆ ಉಳ್ಳಂವೊನು, ಒಂದು ಅರ್ಥ ಆಕತಂವೊನಾಯಿತ್‌ಪ್ಪ. ಅನ್ನನೆ ಮಾಡ್‌ವಂವೊ, ಆಂಗಾರತ್‍ಲ್ ಕಳಿಪ ಸೊಮಾರಿಯನೆಕೆ ಮುಂಡತೆ ತರ್ಕ ಮಾಡ್‌ವಕು, ವಾಕ್ಯತ್‍ರ ಮೇಲೆ ಜಗಳ ಕಳಿಪಕೇ ಕುಶಿ ಪಡುವ. ಇದೆಲ್ಲ ವಾದ ಮಾಡ್‌ವಕ್, ಒಟ್ಟೆಕಿಚ್ಚ್, ಜಗಳ, ದೂಷಣೆ ಪಿಂಞ ಬೋಂಡತ ಕೆಟ್ಟ ಸಂಶಯತ್‍ನ ಉಂಟ್ ಮಾಡ್‌ವ.

ಯಾಕೋಬ 3:1

ನಾಡ ಅಣ್ಣತಮ್ಮಣಂಗಳೇ, ದೇವ ನಿಂಗಕ್ ಕಠಿಣ ತೀರ್ಪ್ ತಪ್ಪಾಂದ್ ಗೊತ್ತಾನಗುಂಡ್ ನಿಂಗ ಎಲ್ಲಾರು ಬೋದನೆಕಾರಂಗಳಾಯಿತ್ ಆಕತಿರಿ.

2 ಪೇತ್ರ 2:12

ಆಚೇಂಗಿ, ಈ ಕಳ್ಳ ಬೋದನೆ ಮಾಡ್‌ವಯಿಂಗ ಅಯಿಂಗಕ್ ಗೊತ್ತಿಲ್ಲತ ವಿಷಯತ್‍ಲ್ ದೇವ ದೂಷಣೆ ಎಣ್ಣಿಯಂಡುಂಡ್. ಈಂಗ ಮುಠಾಳರನೆಕೆ ಉಳ್ಳ ಪ್ರಾಣಿಯರನೆಕೆ, ಬುದ್ದಿಯಿಲ್ಲತ ಸೂನ್ಯ ಮೃಗತ್‍ರನೆಕೆ, ಪುಡ್‌ಚಿತ್ ಪಾಳಾಪಕಾಯಿತೇ ಪುಟ್ಟ್‌ನಯಿಂಗ. ಮೃಗತ್‍ರನೆಕೆ ಈಂಗಳು ಪಾಳಾಯಿ ಪೋಪ.