1 ತಿಮೊಥೆಯ 1:5 - ಕೊಡವ ಬೈಬಲ್

⁵ ಈ ಆಜ್ಞೆರ ಉದ್ದೇಶ ಎಂತ ಎಣ್ಣ್‌ಚೇಂಗಿ, ಶುದ್ದವಾನ ಹೃದಯತ್‍ಲ್, ನಲ್ಲ ಮನಸಾಕ್ಷಿಲ್, ಕಪಟ ಇಲ್ಲತ ನಂಬಿಕೆಯಿಂಜ ಬಪ್ಪ ನೇರಾನ ಪ್ರೀತಿಲ್ ದುಂಬಿತಿರಂಡೂಂದ್ ಎಣ್ಣ್‌ವದೇ.

1 ತಿಮೊಥೆಯ 1:5 Iomraidhean Croise

ಮತ್ತಾಯ 12:35

ಒರ್ ನಲ್ಲ ಮನುಷ್ಯ ತಾಂಡ ನಲ್ಲ ಹೃದಯತ್‍ಲ್ ಕೂಟಿ ಬೆಚ್ಚಿತುಳ್ಳ ಬಂಡಾರತ್‍ಂಜ, ನಲ್ಲ ವಿಷಯತ್‍ನ ಎಡ್‌ತ್‌ ಕಾಟ್‍ವ, ಕೆಟ್ಟ ಮನುಷ್ಯ ಅಂವೊಂಡ ಕೆಟ್ಟ ಹೃದಯತ್‍ಲ್ ಕೂಟಿ ಬೆಚ್ಚಿತುಳ್ಳ ಬಂಡಾರತ್‍ಂಜ ಕೆಟ್ಟದ್‍ನ ಪರಿವ.

ಮತ್ತಾಯ 5:8

ಶುದ್ದ ಹೃದಯ ಉಳ್ಳಯಿಂಗ ಆಶೀರ್ವಾದ ಪಡ್ಂದಯಿಂಗ; ಅಯಿಂಗ ದೇವನ ಕಾಂಬ.

ಅಪೊಸ್ತಲ 15:9

ಇದ್‍ಲ್ಲತೆ ನಂಗಕು ಅಯಿಂಗಕು ಪಕ್ಷಪಾತ ಮಾಡತೆ, ಅಯಿಂಗಡ ಹೃದಯತ್‍ನ ನಂಬಿಕೇರ ಮೂಲಕ ಪವಿತ್ರ ಮಾಡ್‍ಚಿ.

ಅಪೊಸ್ತಲ 23:1

ಅಕ್ಕ ಪೌಲ: ಯೆಹೂದ್ಯಂಗಡ ಆಲೋಚನೆ ಸಬೆರ ಪೆರಿಯಯಿಂಗಡ ಮೂಡ್‍ಕ್ ನೋಟ್‌ವಂಜಿ: ನಾಡ ಅಣ್ಣತಮ್ಮಣಂಗಳೇ, ನಾನ್ ಈ ದಿವಸಕತ್ತನೆ ನಲ್ಲ ಮನಸಾಕ್ಷಿಯಿಂಜ ದೇವಡ ಮಿಂಞತ್‍ಲ್ ಬದ್‍ಕಿಯಂಡ್ ಬಂದಿಯೇಂದ್ ಎಣ್ಣ್‌ಚಿ.

ಅಪೊಸ್ತಲ 24:16

ಇದ್‍ನಗುಂಡ್, ದೇವಡ ವಿಷಯತ್‍ಲು ಮನುಷ್ಯಂಗಡ ವಿಷಯತ್‍ಲು ನಾನ್ ಕುತ್ತ ಇಲ್ಲತ ಮನಸಾಕ್ಷಿಲ್ ಇಪ್ಪಕ್ ಪ್ರಯತ್ನಪಟ್ಟಂಡುಳ್ಳ.

ರೋಮ್ 10:4

ನಂಬುವ ಏದ್ ಮನುಷ್ಯಂಗು, ನೀತಿ ಉಳ್ಳಯಿಂಗಳಾಪಕ್, ಕ್ರಿಸ್ತ ನ್ಯಾಯಪ್ರಮಾಣತ್‍ರ ಅಂತ್ಯವಾಯಿತುಂಡ್.

ರೋಮ್ 12:9

ನಿಂಗಡ ಪ್ರೀತಿ ಕಪಟ ಇ‍ಲ್ಲತದಾಯಿತ್ ಇರಡ್, ಕೆಟ್ಟದ್‍ನ ದ್ವೇಶ ಮಾಡಿತ್, ನಲ್ಲದ್‍ನ ಪುಡ್‍ಚೊಳಿ.

ರೋಮ್ 14:15

ನೀನ್ ಉಂಬ ಆಹಾರತ್ಂಜ ನೀಡ ಅಣ್ಣತಮ್ಮಣಂಗಕ್ ನೊಂಬಲ ಆಪದಾಚೇಂಗಿ, ನೀನ್ ಪ್ರೀತಿಲ್ ನಡ್ಂದಂಡಿಲ್ಲೆ; ಅಂವೊನ ನೀಡ ಆಹಾರತ್‍ರಗುಂಡ್ ಪಾಳ್ ಮಾಡತೆ. ಕ್ರಿಸ್ತ ಅಂವೊಂಗಾಯಿತ್ ಸಹ ಜೀವ ಕೊಡ್‍ತಿತುಂಡಲ್ಲ?

ರೋಮ್ 9:1

ನಾನ್ ಕ್ರಿಸ್ತಂಡಲ್ಲಿ ಸತ್ಯ ಎಣ್ಣಿಯಂಡುಂಡ್. ನಾನ್ ಪೊಟ್ಟ್‌ಪರ್ಂದಂಡಿಲ್ಲೆ.

1 ಕೊರಿಂಥ 13:1

ನಾನ್ ಮನುಷ್ಯಂಗಡ ಬಾಷೆಲ್ ತಕ್ಕ್ ಪರ್ಂದತೇಂಗಿಯು, ದೇವದೂತಂಗಡ ಬಾಷೆಲ್ ತಕ್ಕ್ ಪರ್ಂದತೇಂಗಿಯು, ನಾಕ್ ಜನಡಮೇಲೆ ಪ್ರೀತಿ ಇಲ್ಲತೆಪೋಚೇಂಗಿ, ಆ ತಕ್ಕ್, ಕಂಚ್ ಪಾತ್ರ ಮಾಡ್‌ವ ಸದ್ದ್‌ರನೆಕೆ, ಅಥವ ಗಂಟೆ ಪೊಜ್ಜನೆಕೆ ಇಪ್ಪ.

2 ಕೊರಿಂಥ 1:12

ನಂಗ ಮನುಷ್ಯಂಗಡಿಂಜ ಬಂದ ಜ್ಞಾನತ್‍ಲ್ ನಡ್‍ಕತೆ, ದೇವಡ ಕೃಪೇರಗುಂಡ್, ಈ ಲೋಕತ್‌ಲು, ಮುಕ್ಯವಾಯಿತ್ ನಿಂಗಡ ಕೂಡೆಯು, ಕಪಟ ಇಲ್ಲತ ಪವಿತ್ರವಾನ ಸತ್ಯತ್‍ಲ್ ನಡ್ಂದತ್‍ೕಂದ್, ನಂಗಡ ಮನಸಾಕ್ಷಿ ನಂಗಕ್ ಎಣ್ಣುವ ಸಾಕ್ಷಿಯೇ ನಂಗಡ ಹೆಮ್ಮೆ ಆಯಿತುಂಡ್.

ಗಲಾತ್ಯ 5:22

ಪವಿತ್ರಾತ್ಮತ್‍ರ ಫಲ ಎಂತ ಎಣ್ಣ್‌ಚೇಂಗಿ, ಪ್ರೀತಿ, ಸಂತೋಷ, ಸಮಾದಾನ, ಸಹಿಸುವ ಶಕ್ತಿ, ಕರುಣೆ, ನಲ್ಲರಿಕೆ, ನಂಬಿಕೆ,

ಗಲಾತ್ಯ 5:6

ನಂಗಡ ನಂಬಿಕೆ ಯೇಸು ಕ್ರಿಸ್ತಂಡ ಮೇಲೆ ಇಂಜತೇಂಗಿ, ಸುನ್ನತಿ ಮಾಡಿತ್ಂಜತೇಂಗಿಯು, ಮಾಡತ ಇಂಜತೇಂಗಿಯು, ಅದ್ ಒಂದು ಲೆಕ್ಕ ಆಪುಲೆ. ಅದ್ಂಡ ಬದ್‍ಲಾಯಿತ್ ನಂಬಿಕೇಲ್, ಪ್ರೀತಿರಗುಂಡ್ ನಂಗ ಮಾಡ್‌ವ ಕಾರ್ಯವೇ ಮುಕ್ಯವಾನದ್.

1 ತಿಮೊಥೆಯ 1:18

ನಾಡ ಮೋಂವೊನಾನ ತಿಮೊಥೆಯ, ನೀಡ ವಿಷಯತ್, ಪ್ರವಾದಿಯಂಗ ಮಿಂಞಲೇ ಎಣ್ಣ್‌ನ ಪ್ರವಾದನೆನ ಗೇನ ಮಾಡಿತ್ ಈ ಆಜ್ಞೆನ ನೀಡ ಮಿಂಞತ್ ಬೆಪ್ಪಿ. ಆನಗುಂಡ್, ಈ ಆಜ್ಞೆರನೆಕೆ ನೀನ್ ಮಾಡ್‍ಚೇಂಗಿ, ದೇವಡ ಪಡೆಲ್ ನೀನ್ ಚಾಯಿತೆ ಪೋರಾಡ್‍ವಕ್ ಸಹಾಯ ಆಪ.

1 ತಿಮೊಥೆಯ 1:19

ನೀನ್ ನಂಬಿಕೆಯು, ನಲ್ಲ ಮನಸಾಕ್ಷಿಯು ಉಳ್ಳಂವೊನಾಯಿತಿರ್. ಚೆನ್ನ ಜನ ಈ ನಲ್ಲ ಮನಸಾಕ್ಷಿನ ಕ್‍ೕಕತೆ, ಕ್ರಿಸ್ತಂಡ ಮೇಲೆ ಉಳ್ಳ ನಂಬಿಕೇನ, ಒಡಂದ್ ಪೋನ ಹಡ್‍ಗ್‍ರನೆಕೆ ಮಾಡಿತ್‌ಪ್ಪ.

1 ತಿಮೊಥೆಯ 3:9

ನಂಗಕ್ ಕಾಟಿಕೊಡ್‍ತಿತುಳ್ಳ ನಂಬಿಕೇರ ಆಳವಾನ ಸತ್ಯತ್‍ರ ಗುಟ್ಟ್‌ನ, ಶುದ್ದ ಮನಸಾಕ್ಷಿಲ್ ಕಾಪಾಡ್‌ವಯಿಂಗಳಾಯಿತ್ ಇರಂಡು.

2 ತಿಮೊಥೆಯ 1:3

ನಾನ್ ಬೈಟ್ ಪೋಲ್ ಪ್ರಾರ್ಥನೆ ಮಾಡ್‌ವಕ ನಿನ್ನ ಎಕ್ಕಾಲು ಗೇನ ಮಾಡ್‌ವಿ. ಅದಲ್ಲತೆ ನಾಡ ಮುತ್ತಜ್ಜಂಗ ದೇವಡ ಸೇವೇನೆ ಮಾಡ್‍ನನೆಕೆ, ನಲ್ಲ ಮನಸಾಕ್ಷಿಲ್, ನಾನು ಸೇವೆ ಮಾಡಿಯಂಡ್ ನೀಕಾಯಿತ್ ದೇವಕ್ ವಂದನೆ ಮಾಡ್‌ವಿ.

2 ತಿಮೊಥೆಯ 1:5

ನೀನ್ ದೇವಡ ಮೇಲೆ ಬೆಚ್ಚಿತುಳ್ಳ ಕಪಟ ಇಲ್ಲತ ನೇರಾನ ನಂಬಿಕೇನ ನಾನ್ ಇಕ್ಕ ಗೇನ ಮಾಡ್‌ವಿ. ಆ ನಂಬಿಕೆ ಆದ್ಯವಾಯಿತ್ ನೀಡ ಅವ್ವಯ್ಯ ಲೋವಿರ ಕೂಡೆ ಪಿಂಞ ನೀಡ ಅವ್ವ ಯೂನೀಕೆರ ಕೂಡೆಯು ಇಂಜತ್. ಅದ್ ನೀಕ್ ಸಹ ಉಂಡ್‍ೕಂದ್ ನಾನ್ ದೃಡವಾಯಿತ್ ನಂಬುವಿ.

2 ತಿಮೊಥೆಯ 2:22

ಬಾಲ್ಯ ವಯಸ್ಸ್‌ಲ್ ಬಪ್ಪ ಇಚ್ಛೆಯಿಂಜ ನೀ ಓಡಿ ಪೋ. ನೀತಿ, ನಂಬಿಕೆ, ಪ್ರೀತಿ, ಸಮಾದಾನತ್‍ನ ಪಡೆಯುವಕ್ ಶುದ್ದ ಹೃದಯತ್ಂಜ ಒಡೆಯನ ಆರಾದನೆ ಮಾಡ್‌ವಯಿಂಗಡ ಕೂಡೆ ಅದ್‍ನ ಪಡೆಯುವಕ್ ಪೇಚಾಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:15

ದೇವಡ ಮಕ್ಕಳಾಯಿತ್ ಹೃದಯತ್‍ಲ್ ಶುದ್ದವಾಯಿತುಳ್ಳಯಿಂಗಕ್ ಎಲ್ಲಾ ಶುದ್ದವಾಯಿತ್‌ಪ್ಪ. ಆಚೇಂಗಿ, ಹೃದಯತ್‍ಲ್ ಅಶುದ್ದವಾಯಿತ್ ದೇವಡ ಮೇಲೆ ನಂಬಿಕೆ ಬೆಕ್ಕತಯಂಗಕ್ ಏದು ಶುದ್ದವಾಯಿತ್ ಇಪ್ಪುಲೆ. ಅಯಿಂಗಡ ಬುದ್ದಿ ಪಿಂಞ ಮನಸಾಕ್ಷಿ ಅಶುದ್ದವಾಯಿತೇ ಇಪ್ಪ.

ಇಬ್ರಿಯ 10:22

ಆನಗುಂಡ್, ದೇವಡ ಪಕ್ಕ, ನೇರಾನ ಹೃದಯ ಉಳ್ಳಯಿಂಗಳಾಯಿತ್, ನಂಬಿಕೇರ ಪೂರ್ತಿ ನಿಶ್ಚಯ ಉಳ್ಳಯಿಂಗಳಾಯಿತ್ ಪೋಕ. ನಂಗಡ ಪಾಳಾಯಿ ಪೋನ ಮನಸಾಕ್ಷಿನ ಕಳೆಂದಿತ್ ಶುದ್ದ ಆಪಕಾಯಿತ್ ಕ್ರಿಸ್ತಂಡ ಚೋರೆನ ತಳಿಚತ್, ಶುದ್ದವಾನ ನೀರ್‌ಲ್ ನಂಗಡ ತಡೀನ ಕತ್ತ್‌ನಯಿಂಗಳಾಯಿತ್ ಪೋಕ.

ಇಬ್ರಿಯ 13:18

ನಂಗಕಾಯಿತ್ ಪ್ರಾರ್ಥನೆ ಮಾಡಿ; ನಂಗಕ್ ಶುದ್ದ ಮನಸಾಕ್ಷಿ ಉಂಡ್‍ೕಂದ್ ಗೊತ್ತುಂಡ್, ಪಿಂಞ ಎಲ್ಲಾ ವಿಷಯತ್‍ಲು ಯೋಗ್ಯವಾಯಿತ್ ನಡ್‍ಪಕ್ ನಂಗ ಕುಶೀಲ್ ಉಂಡ್.

ಇಬ್ರಿಯ 9:14

ಅನ್ನನೆ ಆಚೇಂಗಿ, ನಿತ್ಯ ಆತ್ಮತ್‍ರಗುಂಡ್, ಅಂವೊನ ಅಂವೊನಾಯಿತೇ ಒರ್ ಕುತ್ತವು ಇಲ್ಲತ ಬಲಿಯಾಯಿತ್ ದೇವಕ್ ಅರ್ಪಿಚಿಟ್ಟ ಕ್ರಿಸ್ತಂಡ ಚೋರೆ, ಜೀವವಾಯಿತುಳ್ಳ ದೇವಕ್ ಸೇವೆ ಮಾಡ್‌ವಕ್ ನಿಂಗಡ ಮನಸಾಕ್ಷಿನ ಪಾಪತ್‍ರ ಕ್ರಿಯೇಯಿಂಜ ಶುದ್ದ ಮಾಡ್‍ವದ್ ಎಚ್ಚಕ್ ನಿಶ್ಚಯವಾಯಿತುಂಡ್.

ಯಾಕೋಬ 4:8

ನಿಂಗ ದೇವಡ ಪಕ್ಕ ಬಾರಿ, ಅಕ್ಕ ದೇವ ನಿಂಗಡ ಪಕ್ಕ ಬಪ್ಪ. ಪಾಪಿಯಳೇ, ನಿಂಗಡ ಕೈಯಿನ ಕತ್ತಿಯೊಳಿ; ದೇವಡ ವಿಷಯತ್ ದಂಡ್ ಮನಸ್ಸ್ ಉಳ್ಳಯಿಂಗಳೇ, ನಿಂಗಡ ಹೃದಯತ್‍ನ ಶುದ್ದ ಮಾಡಿ.

1 ಪೇತ್ರ 1:22

ಆನಗುಂಡ್, ನಿಂಗ ಕಪಟ ಇಲ್ಲತ ಯೇಸುನ ನಂಬ್‍ನಯಿಂಗಡ ಪ್ರೀತಿಲ್ ಇಪ್ಪಕಾಯಿತ್ ಪಿಂಞ ಒಬ್ಬೊಬ್ಬಂಗಡ ಮೇಲೆ ನೇರಾಯಿತ್ ಹೃದಯತ್ಂಜ ಪ್ರೀತಿ ಮಾಡ್‌ವಕಾಯಿತ್, ಇಕ್ಕ ನಿಂಗ ಸತ್ಯಕ್ ಬಗ್ಗಿತ್ ನಡ್‍ಪನೆಕೆ ಇಕ್ಕ ನಿಂಗಳ ಶುದ್ದ ಮಾಡಿರ. ಶುದ್ದ ಹೃದಯತ್ಂಜ, ನಿಂಗ ನೇರಾಯಿತ್ ಒಬ್ಬೊಬ್ಬನ ಪ್ರೀತಿ ಮಾಡಿ.

1 ಪೇತ್ರ 3:16

ನಲ್ಲ ಮನಸಾಕ್ಷಿಲ್ ಇರಿ, ಅಕ್ಕ, ನಿಂಗಕ್ ಕ್ರಿಸ್ತಂಡ ಐಕ್ಯತ್‍ಲ್ ಉಳ್ಳ ನಲ್ಲ ನಡತೇನ ದೂಷಣೆ ಮಾಡಿತ್, ನಿಂಗಳ ಕೆಟ್ಟಯಿಂಗಾಂದ್ ಎಣ್ಣುವಯಿಂಗಕ್ ಞಾಣ ಆಪ.

1 ಪೇತ್ರ 3:21

ಅದ್ಂಗ್ ಸಮವಾನ ನಂಗಡ ರಕ್ಷಣೆಕಾಯಿತುಳ್ಳ ದೀಕ್ಷಾಸ್ನಾನ ಎಂತ ಎಣ್ಣ್‌ಚೇಂಗಿ, ಅದ್ ನಂಗಡ ತಡೀರ ಅಶುದ್ದತ್‍ನ ಕತ್ತುವ ವಿಷಯ ಅಲ್ಲ. ಆಚೇಂಗಿ, ದೇವಡ ವಿಷಯತ್ ನಂಗಡ ಮನಸಾಕ್ಷಿರ ಒಪ್ಪಂದವಾಯಿತ್, ಇಕ್ಕ ನಂಗಳ ಯೇಸು ಕ್ರಿಸ್ತ ಚಾವ್‍ಯಿಂಜ ಜೀವತ್‍ಲ್ ಬಂದ ಮೂಲಕ ರಕ್ಷಣೆ ಮಾಡಿಯೆ.

1 ಪೇತ್ರ 4:8

ಎಲ್ಲಾಕಿಂಜ ಜಾಸ್ತಿಯಾಯಿತ್, ಒಬ್ಬೊಬ್ಬಂಗಡ ಮೇಲೆ ಆಳವಾನ ಪ್ರೀತಿಲ್ ಇರಿ. ಎನ್ನಂಗೆಣ್ಣ್‌ಚೇಂಗಿ, ಪ್ರೀತಿ ದುಂಬ ಪಾಪತ್‍ನ ಮುಚ್ಚಿರ್‌ವ.

2 ಪೇತ್ರ 1:7

ದೇವ ಬಕ್ತಿರ ಕೂಡೆ ಯೇಸುನ ನಂಬ್‍ನಯಿಂಗಡ ಮೇಲೆ ಉಳ್ಳ ಪ್ರೀತಿನ, ಯೇಸುನ ನಂಬ್‍ನಯಿಂಗಡ ಮೇಲೆ ಉಳ್ಳ ಪ್ರೀತಿರ ಕೂಡೆ ಎಲ್ಲಾ ಜನಳ ಪ್ರೀತಿಚಿಡುವ ಪ್ರೀತಿನ ಕೂಟ್‍ವಕ್ ಪೇಚಾಡಿಯಂಡಿರಿ.

1 ಯೋಹಾನ 3:10

ಇನ್ನನೆ, ದೇವಡ ಮಕ್ಕ ದಾರ್, ಸೈತಾನಂಡ ಮಕ್ಕ ದಾರ್‍ೕಂದ್ ನಿಂಗಕ್ ಗೊತ್ತಾಪ. ನೇರಾನ ಬಟ್ಟೇಲ್ ನಡ್‍ಕತಯಿಂಗ ಪಿಂಞ ಅಣ್ಣತಮ್ಮಣಂಗಳ ಪ್ರೀತಿ ಮಾಡ್‍ತಯಿಂಗಳಾನ ಅಯಿಂಗ ದೇವಡ ಮಕ್ಕ ಅಲ್ಲ.

1 ಯೋಹಾನ 3:23

ದೇವಡ ಆಜ್ಞೆ ಎಂತ್‍ೕಂದ್ ಎಣ್ಣ್‌ಚೇಂಗಿ: ದೇವಡ ಮೋಂವೊನಾನ ಯೇಸು ಕ್ರಿಸ್ತಂಡ ಪೆದತ್‍ನ ನಂಬಿತ್ ಅಂವೊ ನಂಗಕ್ ಆಜ್ಞೆ ಮಾಡ್‍ನನೆಕೆ ನಂಗ ಒಬ್ಬೊಬ್ಬನ ಪ್ರೀತಿ ಮಾಡ್‌ವದೇ.

1 ಯೋಹಾನ 3:3

ಯೇಸುರ ಮೇಲೆ ನಂಬಿಕೆ ಉಳ್ಳ ಎಲ್ಲಾರು, ಕ್ರಿಸ್ತ ಶುದ್ದವಾಯಿತ್ ಉಳ್ಳನೆಕೆ ಅಯಿಂಗಳು ಅಯಿಂಗಳ ಶುದ್ದ ಮಾಡ್‌ವ.