1 ತಿಮೊಥೆಯ 1:4 - ಕೊಡವ ಬೈಬಲ್

⁴ ಅರ್ಥ ಇಲ್ಲತ ಕಥೇನ ಪರ್ಂದಂಡ್, ಪಂಡತ್‌ರ ಜನಡ ವಿಷಯತ್‍ನ ತಕ್ಕ್ ಪರ್ಂದಂಡ್ ಇಪ್ಪಯಿಂಗಳ ಸಹ ನೀನ್ ಎಚ್ಚರ ಮಾಡ್. ಎನ್ನಂಗೆಣ್ಣ್‌ಚೇಂಗಿ ಈ ತಕ್ಕೆಲ್ಲಾ ವಾದ ಮಾಡ್‌ವಕ್ ಬಟ್ಟೆ ಕೊಡ್‍ಪದ್‍ನ ಬುಟ್ಟಿತ್ ನಂಬಿಕೆಯಿಂಜ ಮಾಡ್‍ವಕ್ಕುಳ್ಳ ದೇವಡ ಕೆಲಸತ್‍ನ ಮಾಡ್‌ವಕ್ ಬಟ್ಟೆ ಕಾಟುಲೆ.

1 ತಿಮೊಥೆಯ 1:4 Iomraidhean Croise

2 ಕೊರಿಂಥ 1:12

ನಂಗ ಮನುಷ್ಯಂಗಡಿಂಜ ಬಂದ ಜ್ಞಾನತ್‍ಲ್ ನಡ್‍ಕತೆ, ದೇವಡ ಕೃಪೇರಗುಂಡ್, ಈ ಲೋಕತ್‌ಲು, ಮುಕ್ಯವಾಯಿತ್ ನಿಂಗಡ ಕೂಡೆಯು, ಕಪಟ ಇಲ್ಲತ ಪವಿತ್ರವಾನ ಸತ್ಯತ್‍ಲ್ ನಡ್ಂದತ್‍ೕಂದ್, ನಂಗಡ ಮನಸಾಕ್ಷಿ ನಂಗಕ್ ಎಣ್ಣುವ ಸಾಕ್ಷಿಯೇ ನಂಗಡ ಹೆಮ್ಮೆ ಆಯಿತುಂಡ್.

ಎಫೆಸ 3:2

ಯೆಹೂದ್ಯಂಗಲ್ಲತ ನಿಂಗಕ್ ದೇವಡ ಸುದ್ದಿನ ಅರಿಚಿಡುವಕುಳ್ಳ ಜವಾಬ್ದಾರಿನ ನಾಡ ಮೇಲೆ ದೇವ ಕೃಪೆಯಾಯಿತ್ ದಾನಮಾಡ್‌ಚೀಂದ್ ನಿಂಗ ನೇರಾಯಿತು ಕ್‍ೕಟಿತುಳ್ಳಿರ.

1 ತಿಮೊಥೆಯ 3:16

ಏದ್ ಅನುಮಾನವು ಇಲ್ಲತನೆಕೆ, ನಂಗಕ್ ಕಾಂಬ್‍ಚಿಟ್ಟಿತುಳ್ಳ ಸತ್ಯತ್‍ರ ಗುಟ್ಟ್ ದುಂಬ ಬಲ್ಯದ್. ಅದ್ ಎಂತ ಎಣ್ಣ್‌ಚೇಂಗಿ: ಕ್ರಿಸ್ತ, ತಡೀಲ್ ಪುಟ್ಟ್‌ಚಿ. ಪವಿತ್ರಾತ್ಮ ಅಂವೊನ ನೀತಿ ಉಳ್ಳಂವೋಂದ್ ಎಣ್ಣ್‌ಚಿ. ದೇವದೂತಂಗ ಅಂವೊನ ಕಂಡತ್. ಅನ್ಯ ಜನ ಅಂವೊಂಡ ವಿಷಯತ್‍ನ ಕ್‍ೕಟತ್. ಲೋಕತ್‍ರ ಜನ ಅಂವೊನ ನಂಬ್‍ಚಿ. ಮಹಿಮೆಲ್ ಪರಲೋಕಕ್ ಪೋಚಿ.

1 ತಿಮೊಥೆಯ 4:7

ಪ್ರಯೋಜನವಿಲ್ಲತ ವಿಷಯತ್ ತರ್ಕ ಮಾಡಿಯಂಡ್, ಸತ್ಯ ಇಲ್ಲತ ಅಜ್ಜಿಯಡ ಕಥೇನ ಕ್‍ೕಟಂಡ್ ಸಮಯ ಕಳೆಯಂಡ. ಅದ್ಂಡ ಬದ್‍ಲ್ ದೇವಬಕ್ತಿಲ್ ಇಪ್ಪಕ್ ಪ್ರಯತ್ನಪಡ್.

1 ತಿಮೊಥೆಯ 6:11

ಆಚೇಂಗಿ, ದೇವಡ ಮನುಷ್ಯನಾನ ನೀನ್ ಇದ್‍ನೆಲ್ಲಾ ಬುಟ್ಟಿತ್ ಓಡಿ ಪೋಯಿತ್, ನೀತಿನ, ದೇವಡ ಬಕ್ತಿನ, ನಂಬಿಕೇನ, ಪ್ರೀತಿನ, ತಾಳ್ಮೆನ, ಶಾಂತ ಗುಣತ್‍ನ ಸಂಪಾದನೆ ಮಾಡ್‌ವಕ್ ಪೇಚಾಡ್.

1 ತಿಮೊಥೆಯ 6:20

ಓ ತಿಮೊಥೆಯನೇ, ನೀಡ ಪಕ್ಕ ಒಪ್ಪ್‌ಚಿಟ್ಟಾನೆಲ್ಲ ಬದ್ರವಾಯಿತ್ ಕಾಪಾಡ್. ದೇವಬಕ್ತಿಕ್ ಆಕತ ಒರ್ ಪ್ರಯೋಜನವಿಲ್ಲತ ಹರಟೆ ತಕ್ಕ್‌ಕ್ ಪಿಂಞ ಜ್ಞಾನಾಂದ್ ಜನ ನಂಬಿತುಳ್ಳ ಪೊಟ್ಟ್ ತಕ್ಕ್‌ರ ಬೋದನೆಕ್ ನೀನ್ ದೂರ ಇರ್.

2 ತಿಮೊಥೆಯ 2:14

ಈ ವಿಷಯತ್‍ನ ಎಕ್ಕಾಲು ಅಯಿಂಗಕ್ ನೀನ್ ಞಾಪಕ ಮಾಡಿಯಂಡಿರ್. ಒಂದಾಂಗು ಪ್ರಯೋಜನವಿಲ್ಲತ ಪಿಂಞ ಕ್‍ೕಪಯಿಂಗಳ ಪಾಳ್ ಮಾಡ್‌ವಂತ ಅರ್ಥ ಇಲ್ಲತ ತಕ್ಕ್‌ಲ್ ಮಾಡ್‌ವ ತರ್ಕತ್‍ನ ಮಾಡತನೆಕೆ, ದೇವಡ ಮಿಂಞತ್ ಅಯಿಂಗಕ್ ಎಚ್ಚರ ಮಾಡ್.

2 ತಿಮೊಥೆಯ 2:22

ಬಾಲ್ಯ ವಯಸ್ಸ್‌ಲ್ ಬಪ್ಪ ಇಚ್ಛೆಯಿಂಜ ನೀ ಓಡಿ ಪೋ. ನೀತಿ, ನಂಬಿಕೆ, ಪ್ರೀತಿ, ಸಮಾದಾನತ್‍ನ ಪಡೆಯುವಕ್ ಶುದ್ದ ಹೃದಯತ್ಂಜ ಒಡೆಯನ ಆರಾದನೆ ಮಾಡ್‌ವಯಿಂಗಡ ಕೂಡೆ ಅದ್‍ನ ಪಡೆಯುವಕ್ ಪೇಚಾಡ್.

2 ತಿಮೊಥೆಯ 2:23

ಮೂಡ ತಕ್ಕ್ ಪಿಂಞ ಪ್ರಯೋಜನ ಇಲ್ಲತ ಚರ್ಚೆ, ಬರಿ ಜಗಳಕ್ ಬಟ್ಟೆ ಕೊಡ್‍ಪಾಂದ್ ಗೊತ್ತಾನಗುಂಡ್, ಅದ್‍ಂಜ ನೀನ್ ದೂರ ಇರ್.

2 ತಿಮೊಥೆಯ 4:4

ಅಯಿಂಗ, ಸತ್ಯಕ್ ಕೆಮಿ ಕೊಡ್‍ಕತೆ, ಕಟ್ಟ್‌ಕಥೇನ ಕ್‍ೕಪಕ್ ಪೋಪ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:1

ದೇವಡ ಸೇವಕನಾಯಿತು, ಯೇಸು ಕ್ರಿಸ್ತಂಡ ಅಪೊಸ್ತಲನಾಯಿತು ಉಳ್ಳ ಪೌಲನಾನ ನಾನ್, ನಂಗಕುಳ್ಳ ಒರೇ ತರ ನಂಬಿಕೇರೆ ಮೂಲಕ ಕ್ರಿಸ್ತನಗುಂಡ್ ನಾಕ್ ನೇರಾನ ಮೋಂವೊನಾಯಿತ್ ಉಳ್ಳ ತೀತಂಗ್ ಒಳ್‍ದ್‍ವ ಕಾಗದ ಇದ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:14

ಅಯಿಂಗ ಯೆಹೂದ್ಯಂಗಡ ಕಟ್ಟ್‌ಕಥೆಕು, ಸತ್ಯತ್‍ರ ಬೋದನೆನ ತಿರಸ್ಕಾರ ಮಾಡ್‌ವ ಜನತ್‍ರ ಬೋದನೆಕ್ ಕೆಮಿ ಕೊಡ್‍ಕಂಡಾಂದು ಎಚ್ಚರ ಮಾಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:9

ಬುದ್ದಿಯಿಲ್ಲತ ತರ್ಕ, ವಂಶಾವಳಿರ ವಿಷಯತ್‍ರ ತರ್ಕ, ಜಗಳ ಮಾಡ್‍ವದ್ ಪಿಂಞ ನ್ಯಾಯಪ್ರಮಾಣಕ್ ಒಳಪಡಂಡೂಂದ್ ಎಣ್ಣುವ ವಿಷಯತ್‍ರ ಚರ್ಚೆನೆಲ್ಲ ನಿಪ್ಪ್‌ಚಿಡ್. ಇನ್ನನೆ ಮಾಡ್‌ವಗುಂಡ್ ಒರ್ ಪ್ರಯೋಜನ ಇಲ್ಲತದು ಒರ್ ನಲ್ಲದ್ ಮಾಡ್‌ವಕ್ ಕಯ್ಯತದು ಆಯಿತುಂಡ್.

ಇಬ್ರಿಯ 13:9

ಬೋರೆ ಬೋರೆ ಬೋದನೆಲ್ ಚಿಕ್ಕಿತ್ ಬಟ್ಟೆ ತಪ್ಪಿ ಪೋಕತಿ. ಏದ್ ತರ ಕೂಳ್ ಎನ್ನನೆ ತಿಂಗಂಡೂಂದ್ ತಿಂಬಗುಂಡ್ ಅಲ್ಲ, ಕೃಪೇರ ಮೂಲಕ ಹೃದಯ ಸ್ತಿರವಾಪದ್ ನಲ್ಲದ್. ಕೂಳ್‍ರ ವಿಷಯತ್ ಆಚಾರ ವಿಚಾರ ಮಾಡ್‌ವಗುಂಡ್ ಒರ್ ಪ್ರಯೋಜನವು ಇಲ್ಲೆ.

2 ಪೇತ್ರ 1:16

ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಶಕ್ತಿನ ಪಿಂಞ ಅಂವೊ ಪುನಃ ಬಪ್ಪದ್‍ನ ನಂಗ ನಿಂಗಕ್ ಎಣ್ಣುವಕ, ತಂತ್ರವಾನ ಕಥೇನ ಕಂಡ್‍ಪುಡ್‌ಚಿತ್ ನಿಂಗಕ್ ಎಣ್ಣಿತ್‌ಲ್ಲೆ. ಆಚೇಂಗಿ ಅಂವೊಂಡ ಮಹತ್ವತ್‌ನ ನಂಗಳೇ ಕಂಡಿತುಳ್ಳಯಿಂಗಳಾಯಿತ್ ಎಣ್ಣಿಯೆ.