1 ತಿಮೊಥೆಯ 1:19 - ಕೊಡವ ಬೈಬಲ್

¹⁹ ನೀನ್ ನಂಬಿಕೆಯು, ನಲ್ಲ ಮನಸಾಕ್ಷಿಯು ಉಳ್ಳಂವೊನಾಯಿತಿರ್. ಚೆನ್ನ ಜನ ಈ ನಲ್ಲ ಮನಸಾಕ್ಷಿನ ಕ್‍ೕಕತೆ, ಕ್ರಿಸ್ತಂಡ ಮೇಲೆ ಉಳ್ಳ ನಂಬಿಕೇನ, ಒಡಂದ್ ಪೋನ ಹಡ್‍ಗ್‍ರನೆಕೆ ಮಾಡಿತ್‌ಪ್ಪ.

1 ತಿಮೊಥೆಯ 1:19 Iomraidhean Croise

ಮತ್ತಾಯ 6:27

ವ್ಯಸನ ಪಟ್ಟಂಡ್ ನಿಂಗಡಲ್ಲಿ ದಾರ್ ಅಯಿಂಗಡ ಬದ್‍ಕ್‍ಲ್ ಒರ್ ಕ್ಷಣತ್‌ನ ಕೂಟ್‌ವಕಯ್ಯು?

1 ಕೊರಿಂಥ 11:19

ನಿಂಗಡಲ್ಲಿ ಬೋರೆ ಬೋರೆ ಅಬಿಪ್ರಾಯ ಬೋಂಡು, ಅನ್ನನೆ ಇಂಜತೇಂಗಿ ದಾರ್ ದೇವಡ ವಿಷಯತ್‍ಲ್ ನೇರಾನಯಿಂಗಾಂದ್ ಜನಕ್ ಗೊತ್ತಾಪ.

ಗಲಾತ್ಯ 5:4

ಯೆಹೂದ್ಯಂಗಡ ನ್ಯಾಯಪ್ರಮಾಣತ್‍ರಗುಂಡ್ ನೀತಿವಂತಯಿಂಗಳಾಯಿತ್ ಆಪಕ್ ಕುಶಿಯುಳ್ಳ ನಿಂಗೆಲ್ಲಾರು ಯೇಸು ಕ್ರಿಸ್ತಂಡಿಂಜ ದೂರ ಆಯಿತುಳ್ಳಿರ ಪಿಂಞ ದೇವಡ ಕೃಪೆಯಿಂಜ ಬುದ್ದ್‌ಪೋಯಿತುಳ್ಲಿರ.

1 ತಿಮೊಥೆಯ 1:5

ಈ ಆಜ್ಞೆರ ಉದ್ದೇಶ ಎಂತ ಎಣ್ಣ್‌ಚೇಂಗಿ, ಶುದ್ದವಾನ ಹೃದಯತ್‍ಲ್, ನಲ್ಲ ಮನಸಾಕ್ಷಿಲ್, ಕಪಟ ಇಲ್ಲತ ನಂಬಿಕೆಯಿಂಜ ಬಪ್ಪ ನೇರಾನ ಪ್ರೀತಿಲ್ ದುಂಬಿತಿರಂಡೂಂದ್ ಎಣ್ಣ್‌ವದೇ.

1 ತಿಮೊಥೆಯ 3:9

ನಂಗಕ್ ಕಾಟಿಕೊಡ್‍ತಿತುಳ್ಳ ನಂಬಿಕೇರ ಆಳವಾನ ಸತ್ಯತ್‍ರ ಗುಟ್ಟ್‌ನ, ಶುದ್ದ ಮನಸಾಕ್ಷಿಲ್ ಕಾಪಾಡ್‌ವಯಿಂಗಳಾಯಿತ್ ಇರಂಡು.

1 ತಿಮೊಥೆಯ 6:12

ನಂಬಿಕೇರ ನಲ್ಲ ಪೋರಾಟತ್‍ನ ಪೋರಾಡ್, ನಿತ್ಯ ಜೀವತ್‍ನ ಗಟ್ಟಿಯಾಯಿತ್ ಪುಡ್‌ಚ; ಇದ್ಂಗಾಯಿತ್ ದೇವ ನಿನ್ನ ಕಾಕಿತುಂಡ್; ಅಕ್ಕ, ನೀನ್ ದುಂಬ ಜನಡ ಮಿಂಞತ್‍ಲ್ ನೀಡ ನಂಬಿಕೇರ ವಿಷಯತ್ ನೇರಾನ ಸಾಕ್ಷಿ ಕೊಡ್‍ತಿತುಳ್ಳಿಯ.

1 ತಿಮೊಥೆಯ 6:21

ಚೆನ್ನ ಜನ ಅದ್‍ನ ಸ್ವೀಕಾರ ಮಾಡಿತ್, ಕ್ರಿಸ್ತಂಡ ಮೇಲೆ ಬೆಚ್ಚ ನಂಬಿಕೇನ ಬುಟ್ಟಿತ್ ದೂರ ಪೋಯಿತುಂಡ್. ದೇವಡ ಕೃಪೆ ನೀಡ ಕೂಡೆ ಇರಡ್.

1 ತಿಮೊಥೆಯ 6:9

ಪಣಕಾರಂಗಳಾಂಡೂಂದ್ ಆಸೆ ಉಳ್ಳಯಿಂಗ ಸೋದನೆರ ಕೆಣಿಕ್ ಚಿಕ್ಕಿತ್, ಅಯಿಂಗ, ಮನುಷ್ಯಂಗಳ ಕ್‍ೕಡಾನ, ಪಾಳಾನ ಕುಂಡ್‍ಲ್ ಬೂವನೆಕೆ ಮಾಡ್‌ವ, ಬೆಲೆಯಿಲ್ಲತ ಪಿಂಞ ಪಾಳಾನ ಇಚ್ಛೆಲ್ ಬುದ್ದ್ ಪೋಪ.

2 ತಿಮೊಥೆಯ 2:18

ಅಯಿಂಗ, ಅಕ್ಕಲೆ ಚತ್ತಯಿಂಗ ಪುನಃ ಜೀವತ್‍ಲ್ ಬಾತ್‍ೕಂದ್ ಬೋದನೆ ಮಾಡಿಯಂಡ್ ಸತ್ಯತ್ಂಜ ದೂರ ಆಯಿರ್‌ತ್. ಅಯಿಂಗ ಇನ್ನನೆ ಬೋದನೆ ಮಾಡ್‍ನಗುಂಡ್ ಚೆನ್ನ ಜನಡ ನಂಬಿಕೇನ ಪಾಳ್ ಮಾಡಿರ್‌ತ್.

2 ತಿಮೊಥೆಯ 4:4

ಅಯಿಂಗ, ಸತ್ಯಕ್ ಕೆಮಿ ಕೊಡ್‍ಕತೆ, ಕಟ್ಟ್‌ಕಥೇನ ಕ್‍ೕಪಕ್ ಪೋಪ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:9

ಅಂವೊ, ನೇರಾನ ಸತ್ಯ ಉಪದೇಶತ್‍ನ ಚಾಯಿತೆ ಬೋದನೆ ಮಾಡಿತ್, ಜನಕ್ ಪುರ್‌ಡ್ ಕೊಡ್‌ತಿತ್, ದೇವಡ ವಾಕ್ಯಕ್ ವಿರೋದವಾಯಿತ್ ಬೋದನೆ ಮಾಡ್‌ವಯಿಂಗಕ್ ತಕ್ಕ ಉತ್ತರ ಕೊಡ್‍ಪಕ್ ಅಂವೊ ಪಡಿಚಿತುಳ್ಳ ಸತ್ಯವಂತ ಬೋದನೆಲ್ ಸ್ತಿರವುಳ್ಳಂವೊನಾಯಿತು ಇರಂಡು.

ಇಬ್ರಿಯ 3:14

ನಂಗಕ್ ಸುರುಲ್ ಇಂಜ ದೈರ್ಯತ್‍ನ ಆಕೀರ್‍ಕತ್ತನೆ ಪುಡ್‍ಚಂಡ್ ಇಂಜತೇಂಗಿ, ಕ್ರಿಸ್ತಂಡಲ್ಲಿ ನಂಗಳು ಪಾಲ್‍ದಾರಂಗಳಾಯಿತ್ ಉಂಡಲ್ಲಾ!

1 ಯೋಹಾನ 2:19

ಈ ಜನ ನಂಗಡ ಕೂಡೆ ಐಕ್ಯ ಉಳ್ಳಯಿಂಗಳಾಯಿತ್ ಇಂಜಿತಿಲ್ಲೆ, ಅದ್ಂಗೇ ಅಯಿಂಗ ನಂಗಳ ಬುಟ್ಟಿತ್ ಪೋಚಿ. ಅಯಿಂಗ ನಂಗಡ ಜನಾಂಗಾಯಿತ್ ಇಂಜಿತೇಂಗಿ ಅಯಿಂಗ ನಂಗಡ ಕೂಡೆ ಇಪ್ಪಕಿಂಜತ್. ಆಚೇಂಗಿ ಅಯಿಂಗ ನಂಗಳ ಬುಟ್ಟಿತ್ ಪೋನಗುಂಡ್, ಒಬ್ಬ ಕೂಡೆ ನಂಗಡ ಜನ ಇಲ್ಲೇಂದ್ ಗೊತ್ತಾಚಿ.

ಪ್ರಕಟನೆ 3:10

ನಾನ್ ಎಣ್ಣ್‌ನ ಆಜ್ಞೇರಗುಂಡ್ ಬಂದ ಕಷ್ಟತ್‍ನ ಪೊರುಮೇಲ್ ಸಹಿಸಿಯಂಡ್ ಕಾಪಾಡಿತುಳ್ಳಿಯ. ಆನಗುಂಡ್, ಈ ಲೋಕತ್‍ಲ್ ವಾಸಮಾಡಿಯಂಡುಳ್ಳಯಿಂಗಳ ಸೋದನೆ ಮಾಡ್‌ವಕಾಯಿತ್ ಈ ಬೂಮಿಲ್ ಎಲ್ಲಾ ಜಾಗತ್‍ಲು ಬಪ್ಪಕುಳ್ಳ ಸೋದನೆರ ಕಾಲತ್‍ಲ್ ನಾನ್ ನಿನ್ನ ಕಾಪಾಡ್‍ವಿ.

ಪ್ರಕಟನೆ 3:3

ಆನಗುಂಡ್, ನೀನ್ ನನ್ನಿಂಜ ಎಂತದ್‍ನ ಪಡ್ಂದಿತುಳ್ಳಿಯ, ಎಂತಾನ ಕ್‍ೕಟಿತುಳ್ಳಿಯ ಅದ್‍ನ ಗೇನ ಮಾಡ್. ಅದ್ಂಗ್ ತಗ್ಗಿತ್ ನಡ್‌ಂದಿತ್, ಪಶ್ಚಾತಾಪ ಪಡ್. ನೀನ್ ಎಚ್ಚರ ಎಡ್‍ಕತೆ ಪೋನಕ, ಒರ್ ಕಳ್ಳ ಬಪ್ಪನೆಕೆ ನಾನ್ ನೀಡ ಮೇಲೆ ಬಪ್ಪಿ; ನಾನ್ ಬಪ್ಪ ಸಮಯ ನೀಕ್ ಗೊತ್ತಾಪುಲೆ.

ಪ್ರಕಟನೆ 3:8

ನೀಡ ಕ್ರಿಯೆ ನಾಕ್ ಗೊತ್ತುಂಡ್. ಇದಾ, ನಾನ್ ನೀಡ ಮಿಂಞತ್ ದಾರೂ ಮುಚ್ಚ್‌ವಕ್ ಕಯ್ಯತೆ ಒರ್ ತೊರ್‌ಂದ ಪಡಿನ ಬೆಚ್ಚಿತುಳ್ಳ. ಎನ್ನಂಗೆಣ್ಣ್‌ಚೇಂಗಿ, ನೀಕ್ ಚೆನ್ನಂಗೇ ಬಲ ಇಂಜತೇಂಗಿಯು, ನೀನ್ ನಾಡ ತಕ್ಕ್‌ಕ್ ಬಗ್ಗಿತ್, ನನ್ನ ಅಲ್ಲಗೆಳೆಯತೆ ಇಂಜಿಯ.