1 ತಿಮೊಥೆಯ 1:15 - ಕೊಡವ ಬೈಬಲ್

¹⁵ ಪಾಪಿಯಳ ರಕ್ಷಣೆ ಮಾಡ್‌ವಕ್ ಯೇಸು ಬೂಲೋಕಕ್ ಬಾತ್. ಇದ್ ನೇರಾನ ತಕ್ಕ್ ಪಿಂಞ ಎಲ್ಲಾ ಅಂಗಿಕಾರಕೂ ಯೋಗ್ಯವುಳ್ಳದ್; ಎಲ್ಲಾ ಪಾಪಿಯಂಗಕಿಂಜ ಮುಕ್ಯಪಟ್ಟ ಪಾಪಿ ನಾನೇ.

1 ತಿಮೊಥೆಯ 1:15 Iomraidhean Croise

ಮತ್ತಾಯ 1:21

ಅವ ಒರ್ ಕ್‍ಣ್ಣ ಕುಂಞಿನ ಪೆರ್‌ವ. ಅಂವೊಂಗ್ ಯೇಸೂಂದ್ ಪೆದ ಇಡಂಡು. ಎನ್ನಂಗೆಣ್ಣ್‌ಚೇಂಗಿ ಅಂವೊ ತಾಂಡ ಜನಳ ಪಾಪತ್ಂಜ ಕಾಪಾಡ್‌ವಾಂದ್ ದೇವದೂತ ಎಣ್ಣ್‌ಚಿ.

ಮತ್ತಾಯ 18:10

ಈ ಚೆರಿಯಯಿಂಗಡಡೆಲ್ ಒಬ್ಬನನೂ ಕಮ್ಮಿಯಾಯಿತ್ ನೋಟತೆ ಇಪ್ಪಕ್ ಎಚ್ಚರತ್‍ಲ್ ಇರಿ. ಅಯಿಂಗಡ ದೇವದೂತಂಗ ನಾಡ ಪರಲೋಕತುಲುಳ್ಳ ಅಪ್ಪಂಡ ಮೂಡ್‍ನ ಎಕ್ಕಲೂ ಅಯಿಂಗಕಾಯಿತ್ ನೋಟಿಯಂಡ್ ಇಪ್ಪ.

ಮತ್ತಾಯ 18:11

ಪಾಪತ್‍ರಗುಂಡ್ ದೇವಡಯಿಂಜ ಕಳೆಂದ್ ಪೋನ ಜನಳ ಕಾಪಾಡ್‌ವಕಾಯಿತ್ ಮನುಷ್ಯಕುಮಾರ ಬಾತ್.

ಮತ್ತಾಯ 20:28

ಅನ್ನನೆ, ಮನುಷ್ಯಕುಮಾರ ಸಹ ಬೋರೆಯಿಂಗಡಿಂಜ ಸೇವೆ ಮಾಡ್‌ಚಿಟ್ಟ್‌ವಕಾಯಿತ್ ಬಂದಿತ್ತ್‌ಲ್ಲೆ. ಆಚೇಂಗಿ ಸೇವೆ ಮಾಡ್‌ವಕಾಯಿತು, ದುಂಬ ಜನಳ ಬುಡ್‍ಗಡೆ ಮಾಡ್‌ವಕ್ ತಾಂಡ ಜೀವತ್‍ನ ಕೊಡ್‍ಪಕಾಯಿತು ಬಂದಿಯೇಂದ್ ಎಣ್ಣ್‌ಚಿ.

ಮತ್ತಾಯ 9:13

ನಿಂಗ ದೇವಕ್ ಕೊಡ್‍ಪ ಬಲೀಲ್ ನಾಕ್ ಕುಶಿ ಇಲ್ಲೆ. ಆಚೇಂಗಿ ನಿಂಗ ಜನಡಮೇಲೆ ಕಾಟುವ ಕರುಣೇಲ್ ನಾಕ್ ದುಂಬ ಕುಶಿ ಉಂಡ್‍ೕಂದ್ ಎಣ್ಣುವ ದೇವಡ ವಾಕ್ಯಕ್‍ತ್‍ರ ಅರ್ಥ ಎಂತ್‍ೕಂದ್ ಪೋಯಿತ್ ಪಡಿರೀಂದ್ ಎಣ್ಣ್‌ಚಿ. ನೀತಿವಂತಯಿಂಗಳ ಅಲ್ಲ, ಆಚೇಂಗಿ ಪಾಪಿಯಳ ಕಾಕಿಯಂಡ್ ಪೋಪಕಾಯಿತೇ ನಾನ್ ಬಂದಿಯೇಂದ್ ಎಣ್ಣ್‌ಚಿ.

ಮಾರ್ಕ 2:17

ಯೇಸು ಅಯಿಂಗಡ ತಕ್ಕ್‌ನ ಕ್‍ೕಟಿತ್, ಅಂತು, ದಾರ್ ಸೌಕ್ಯತ್‌ಲ್ ಉಂಡೋ ಅಯಿಂಗಕ್ ವೈದ್ಯ ಬೋಂಡ, ದಾರ್‌ಕ್ ಸೌಕ್ಯ ಇಲ್ಲತೆ ಉಂಡೋ ಅಯಿಂಗಕ್ ಮಾತ್ರ ವೈದೈಂಗ ಬೋಂಡಿಯೆ. ನೀತಿವಂತಯಿಂಗಳ ಅಲ್ಲ, ಆಚೇಂಗಿ ಪಾಪಿಯಳ ಕಾಕಿಯಂಡ್ ಪೋಪಕಾಯಿತೇ ನಾನ್ ಬಂದಿಯೇಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:2

ಫರಿಸಾಯಂಗ ಪಿಂಞ ನ್ಯಾಯಪ್ರಮಾಣತ್‍ರ ಉಪಾದ್ಯಂಗ ಇದ್‍ನ ನೋಟ್‌ವಂಜಿ: ಈ ಮನುಷ್ಯ ಕೆಟ್ಟ ಜನಡ ಕೂಡೆ ಕೂಟ್‍ಕೂಡಿಯಂಡ್ ಅಯಿಂಗಡ ಕೂಡೆ ಉಂಬಲ್ಲಾಂದ್ ಗೊಣಗ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:10

ಪಾಳಾಯಿ ಪೋನದ್‍ನ ತ್‍ೕಡ್‍ವಕು ಅದ್‍ನ ಕಾಪಾಡ್‌ವಕು ಮನುಷ್ಯಕುಮಾರ ಬಾತ್‍ೕಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:32

ನೀತಿವಂತಯಿಂಗಳ ಅಲ್ಲ, ಆಚೇಂಗಿ ಪಾಪಿಯಂಗ ಪಾಪತ್ಂಜ ಪಶ್ಚಾತಾಪ ಪಡ್‌ವಕಾಯಿತೇ ನಾನ್ ಬಂದಿಯೇಂದ್ ಎಣ್ಣ್‌ಚಿ.

ಯೋಹಾನ 1:12

ಆಚೇಂಗಿಯು, ದಾರೆಲ್ಲಾ ಅಂವೊಂಡ ಪೆದತ್‍ರ ಮೇಲೆ ನಂಬಿಕೆ ಬೆಚ್ಚಿತ್ ಅಂವೊನ ಸ್ವೀಕಾರ ಮಾಡ್‍ಚೋ ಅಯಿಂಗಕೆಲ್ಲ ದೇವಡ ಮಕ್ಕ ಆಪಕುಳ್ಳ ಹಕ್ಕ್‌ನ ಅಂವೊ ಕೊಡ್‍ತತ್.

ಯೋಹಾನ 1:29

ಪಿತ್ಯಾಂದ್ ಯೇಸು ಅಂವೊಂಡ ಪಕ್ಕ ಬಪ್ಪದ್‍ನ ಯೋಹಾನ ಕಾಂಬಕ: ನೋಟಿ, ಈ ಲೋಕತ್‍ರ ಪಾಪತ್‍ನ ಪೊರ್‌ತ್ ತ್‍ೕಪ ದೇವಡ ಕೊರಿಕುಟ್ಟಿ.

ಯೋಹಾನ 12:47

ಒಬ್ಬ ನಾಡ ತಕ್ಕ್‌ನ ಕ್‍ೕಟಿತ್ ಅದ್‍ನ ನಂಬತೆ ಪೋನಕ, ಅಂವೊನ ನಾನ್ ನ್ಯಾಯತೀರ್ಪ್ ಮಾಡುಲೆ, ನಾನ್ ಈ ಲೋಕಕ್ ನ್ಯಾಯತೀರ್ಪ್ ಕೊಡ್‍ಪಕಾಯಿತ್ ಬಂದಿತ್‌ಲ್ಲೆ, ಅದ್‍ನ ಕಾಪಾಡ್‌ವಕಾಯಿತೇ ಬಂದಿಯೆ.

ಯೋಹಾನ 3:36

ದೇವಡ ಮೋಂವೊನ ನಂಬುವಯಿಂಗಕ್ ನಿತ್ಯ ಜೀವ ಉಂಡ್; ಅಂವೊನ ನಂಬತಯಿಂಗಕ್ ನಿತ್ಯ ಜೀವ ಕ್‍ಟ್ಟುಲೆ. ಅದ್ಂಡ ಬದ್‍ಲ್, ದೇವಡ ನ್ಯಾಯತೀರ್ಪ್ ಪಿಂಞ ಬಲ್ಯ ಚೆಡಿ ಅಯಿಂಗಡ ಮೇಲೆ ಎಕ್ಕಾಲು ಇಪ್ಪಾಂದ್ ಎಣ್ಣ್‌ಚಿ.

ಅಪೊಸ್ತಲ 11:1

ಯೆಹೂದ್ಯ ಜನ ಅಲ್ಲತೆ ಬೋರೆ ಜನಳು ದೇವಡ ವಾಕ್ಯತ್‍ನ ಸ್ವೀಕಾರ ಮಾಡ್‌ಚೀಂದ್ ಉಳ್ಳ ಸುದ್ದಿ ಅಪೊಸ್ತಲಂಗಕು, ಯೂದಾಯತ್‍ಲ್ ಉಳ್ಳ ಯೇಸುನ ನಂಬ್‍ನಯಿಂಗಕು ಕ್‍ಟ್ಟ್‌ಚಿ.

ಅಪೊಸ್ತಲ 11:18

ಇದ್‍ನೆಲ್ಲ ಅಯಿಂಗ ಕ್‍ೕಪಕ: ಅನ್ನನೆ ಆಚೇಂಗಿ, ದೇವ ಯೆಹೂದ್ಯರಲ್ಲತ ಬೋರೆ ಜಾತಿಯಂಗಕು, ಅಯಿಂಗ ತಂಗಡ ಪಾಪತ್ಂಜ ತಿರ್‌ಗಿತ್, ಯೇಸುನ ನಂಬ್‍ಚೇಂಗಿ, ನಿತ್ಯ ಜೀವತ್‍ನ ಪಡೆಯುವಕ್ ಒರ್ ಅವಕಾಶ ಕೊಡ್‍ತಿತುಂಡ್‍ೕಂದ್ ಎಣ್ಣಿತ್ ಒಂದು ಎಣ್ಣತೆ ದೇವನ ತುದಿಚತ್.

ಅಪೊಸ್ತಲ 3:26

ದೇವ ನಿಂಗಳ ನಿಂಗಡ ಕೆಟ್ಟ ಗುಣತ್ಂಜ ತಿರಿಕಿತ್ ಬಪ್ಪ್‌ಚಿಡುವಕಾಯಿತ್ ಪಿಂಞ ನಿಂಗಳ ಆಶೀರ್ವಾದ ಮಾಡ್‌ವಕಾಯಿತ್, ದೇವ ಅಂವೊಂಡ ಮೋಂವೊನಾನ ಯೇಸುನ, ನಿಂಗಡ ಕಡೆಯೇ ಆದ್ಯವಾಯಿತ್ ಕೊಂಡ್ ಬಾತ್‍ೕಂದ್ ಪೇತ್ರ ಎಣ್ಣ್‌ಚಿ.

ರೋಮ್ 11:14

ಅನ್ನನೆ ಆಚೇಂಗಿಯು, ನಾಡ ಜನವಾಯಿತುಳ್ಳ ಯೆಹೂದ್ಯಂಗಕ್ ಒಟ್ಟೆಕಿಚ್ಚ್ ಬಪ್ಪನೆಕೆ ಮಾಡಿತ್, ಚೆನ್ನ ಜನಕ್ ರಕ್ಷಣೆ ಕ್‍ಟ್ಟ್‌ವನೆಕೆ ಆಡ್.

ರೋಮ್ 5:6

ನಂಗ ಶಕ್ತಿ ಇಲ್ಲತಯಿಂಗಳಾಯಿತಿಪ್ಪಕಲೇ, ನೇಮಿಚಿಟ್ಟ ಕಾಲತ್‍ಲ್, ಕ್ರಿಸ್ತ ಅಕ್ರಮಕಾರಂಗಕಾಯಿತ್ ಚತ್ತತ್.

1 ಕೊರಿಂಥ 15:9

ನಾನ್ ಎಲ್ಲಾ ಅಪೊಸ್ತಲಂಗಕಿಂಜ ಕಮ್ಮಿಯಾನಂವೊ. ದೇವಡ ಸಬೇಕ್ ನಾನ್ ದುಂಬ ಕಷ್ಟ ಕೊಡ್‌ತಗುಂಡ್, ಅಪೊಸ್ತಲಾಂದ್ ನನ್ನ ಕಾಕ್‍ವಕ್ ನಾನ್ ಯೋಗ್ಯನಲ್ಲ.

ಎಫೆಸ 3:8

ದೇವಡ ಮಕ್ಕಡಲ್ಲಿ ಎಲ್ಲಾಡಕಿಂಜ ಚೆರಿಯಂವೊನಾನ ನಾಕ್, ಕ್ರಿಸ್ತಂಡ ಲೆಕ್ಕ ಮಾಡ್‌ವಕ್ ಕಯ್ಯತಚ್ಚಕ್ ಉಳ್ಳ ಐಶ್ವರ್ಯತ್‍ನ ಯೆಹೂದ್ಯಂಗಲ್ಲತ ಜನಕ್ ಅರಿಚಿಡುವಕುಳ್ಳ ಈ ಕೃಪೆ ನಾಕ್ ಕ್‍ಟ್ಟ್‌ಚಿ.

1 ತಿಮೊಥೆಯ 1:13

ಮಿಂಞ, ನಾನ್ ಅಂವೊನ ಎಚ್ಚಕೋ ದೇವ ದೂಷಣೆ ಮಾಡಿತ್, ಅಂವೊಂಡ ಜನಳ ಹಿಂಸೆ ಮಾಡಿತ್, ಕ್ರೂರವಾಯಿತ್ ಇಂಜ. ಆಚೇಂಗಿಯು, ನಾಕ್ ಅಂವೊಂಡ ಮೇಲೆ ನಂಬಿಕೆ ಇಲ್ಲತೆ, ಗೊತ್ತಿಲ್ಲತೆ ಇನ್ನನೆ ಮಾಡ್‌ನಾಂಗ್ ಯೇಸು ಕ್ರಿಸ್ತ ನಾಡ ಮೇಲೆ ಕನಿಕರ ಕಾಟ್‍ಚಿ.

1 ತಿಮೊಥೆಯ 1:19

ನೀನ್ ನಂಬಿಕೆಯು, ನಲ್ಲ ಮನಸಾಕ್ಷಿಯು ಉಳ್ಳಂವೊನಾಯಿತಿರ್. ಚೆನ್ನ ಜನ ಈ ನಲ್ಲ ಮನಸಾಕ್ಷಿನ ಕ್‍ೕಕತೆ, ಕ್ರಿಸ್ತಂಡ ಮೇಲೆ ಉಳ್ಳ ನಂಬಿಕೇನ, ಒಡಂದ್ ಪೋನ ಹಡ್‍ಗ್‍ರನೆಕೆ ಮಾಡಿತ್‌ಪ್ಪ.

1 ತಿಮೊಥೆಯ 3:1

ಸಬೆರ ಪೆರಿಯಯಿಂಗಳಾಯಿತ್ ಇಪ್ಪಕ್ ಒಬ್ಬಂಗ್ ಮನಸ್ಸ್ ಉಂಡೇಂಗಿ, ಅಂವೊ ಒರ್ ಗೌರವ ಪದವಿಕ್ ಕುಶಿಪಟ್ಟಂಡುಂಡ್‍ೕಂದ್ ಎಣ್ಣುವ ತಕ್ಕ್ ನೇರಾನದ್.

1 ತಿಮೊಥೆಯ 4:9

ಈ ತಕ್ಕ್ ಸತ್ಯ, ಪಿಂಞ ಎಲ್ಲಾ ಅಂಗಿಕಾರಕೂ ಯೋಗ್ಯವಾಯಿತುಂಡ್.

1 ತಿಮೊಥೆಯ 6:13

ಎಲ್ಲಾಂಗ್ ಜೀವ ತಪ್ಪ ದೇವಡ ಮಿಂಞತ್, ಪಿಂಞ ಪೊಂತ್ಯ ಪಿಲಾತಂಡ ಮಿಂಞ ನಿಂದಿತ್ ನೇರಾನ ಸಾಕ್ಷಿನ ಗೊತ್ತ್ ಮಾಡ್‍ನ ಯೇಸು ಕ್ರಿಸ್ತನಗುಂಡ್ ನಾನ್ ನೀಕ್ ಆಜ್ಞೆ ಮಾಡ್‍ವದ್ ಎಂತ ಎಣ್ಣ್‌ಚೇಂಗಿ:

2 ತಿಮೊಥೆಯ 2:11

ಇದ್ ಒರ್ ಸತ್ಯವಾನ ತಕ್ಕ್. ಯೇಸುರ ಕೂಡೆ ನಂಗ ಚತ್ತಿತುಂಡೇಂಗಿ ನಂಗ ಸಹ ಅಂವೊಂಡ ಕೂಡೆ ಬದ್‍ಕ್‍ವ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:8

ಇಲ್ಲಿಕತ್ತನೆ ನಾನ್ ಎಣ್ಣ್‌ನದ್ ಸತ್ಯತ್‍ರ ತಕ್ಕ್. ದೇವಡ ಮೇಲೆ ನಂಬಿಕೆ ಉಳ್ಳಯಿಂಗ, ನಲ್ಲ ಕೆಲಸ ಮಾಡ್‌ವಕ್ ಅರ್ಪಿಚಿಟ್ಟಯಿಂಗಳಾಯಿತ್ ಇರಂಡೂಂದ್ ಉಳ್ಳ ಈ ತಕ್ಕ್‌ನ ನೀನ್ ಕಂಡಿತವಾಯಿತ್ ಬೋದನೆ ಮಾಡಂಡೂಂದ್ ನಾಡ ಆಸೆ. ಈ ತರ ಬೋದನೆ ಸರಿಯಾನದು, ಎಲ್ಲಾರ್‌ಕು ಪ್ರಯೋಜನವಾಯಿತು ಉಂಡ್.

ಇಬ್ರಿಯ 7:25

ಆನಗುಂಡ್, ತಾಂಡ ಮೂಲಕ ದೇವಡ ಪಕ್ಕ ಬಪ್ಪಯಿಂಗಕಾಯಿತ್ ಎಕ್ಕಾಲು ದೇವಡ ಮಿಂಞತ್ ಬೋಡ್‌ವನೆಕೆ ಬದ್‍ಕಿಯಂಡಿಪ್ಪಗುಂಡ್, ಅಯಿಂಗಳ ಪೂರ್ತಿಯಾಯಿತ್ ರಕ್ಷಣೆ ಮಾಡ್‌ವಕ್ ಶಕ್ತಿ ಉಳ್ಳಂವೊನಾಯಿತುಂಡ್.

1 ಯೋಹಾನ 3:5

ನಂಗಡ ಪಾಪತ್‍ನ ಎಡ್‌ತ್‌ ಕಳೆಯುವಕಾಯಿತ್ ಕ್ರಿಸ್ತ ಈ ಲೋಕಕ್ ಬಾತ್‍ೕಂದ್ ನಿಂಗಕ್ ಗೊತ್ತುಂಡ್. ಅಂವೊಂಡ ಪಕ್ಕ ಪಾಪ ಇಲ್ಲೆ.

1 ಯೋಹಾನ 3:8

ಆಚೇಂಗಿ, ಪಾಪ ಮಾಡಿಯಂಡೇ ಇಪ್ಪಯಿಂಗ ಸೈತಾನಂಗ್ ಕೂಡ್‍ನಯಿಂಗ, ಎನ್ನಂಗೆಣ್ಣ್‌ಚೇಂಗಿ ಸೈತಾನ ಆದಿಯಿಂಜಲೆ ಪಾಪ ಮಾಡಿಯಂಡುಂಡ್. ದೇವಕುಮಾರ ಸೈತಾನಂಡ ಕೆಲಸತ್‍ನ ಪಾಳ್ ಮಾಡ್‌ವಕಾಯಿತೇ ಈ ಲೋಕಕ್ ಬಾತ್.

1 ಯೋಹಾನ 5:11

ಆ ಸಾಕ್ಷಿ ಎಂತ್‍ೕಂದ್ ಎಣ್ಣ್‌ಚೇಂಗಿ ದೇವ ನಂಗಕ್ ನಿತ್ಯ ಜೀವತ್‍ನ ತಾತ್. ಈ ಜೀವ ದೇವಡ ಮೋಂವೊಂಡಿಂಜ ಬಂದದ್.

ಪ್ರಕಟನೆ 21:5

ಸಿಂಹಾಸನತ್‍ಲ್ ಅಳ್‌ತಿತ್ ಇಂಜಂವೊ: ನೋಟಿ, ನಾನ್ ಎಲ್ಲಾನ ಪುದಿಯದಾಯಿತ್ ಮಾಡಿಯಂಡುಳ್ಳ್‌ಂದ್ ಎಣ್ಣ್‌ಚಿ, ಪುನಃ ಅಂವೊ: ಈ ತಕ್ಕ್ ಎಲ್ಲಾ ಸತ್ಯವು ನೇರಾನದು ಆಯಿತುಳ್ಳಗುಂಡ್ ಒಳ್‌ದ್‍ೕಂದ್ ಎಣ್ಣ್‌ಚಿ.

ಪ್ರಕಟನೆ 22:6

ಪಿಂಞ ಆ ದೇವದೂತ ನಾಕ್: ಈ ತಕ್ಕ್ ನೇರಾಯಿತು ಸತ್ಯವಾಯಿತು ಉಂಡ್. ಪವಿತ್ರವಾನ ಪ್ರವಾದಿಯಂಗಡ ಒಡೆಯನಾನ ದೇವ, ಬೆರಿಯ ನಡ್‍ಪಕುಳ್ಳ ಗಟನೆಯನೆಲ್ಲ ತಾಂಡ ಸೇವಕಂಗಕ್ ಕಾಂಬ್‍ಚಿಡುವಕ್ ತಾಂಡ ದೂತನ ಅಯಿಚತ್‍ೕಂದ್ ಎಣ್ಣ್‌ಚಿ.

ಪ್ರಕಟನೆ 5:9

ನೀನ್ ಈ ಪುಸ್ತಕತ್‍ನ ಎಡ್‍ಪಕು, ಅದ್ಂಡ ಮುದ್ರೆಯಳ ಪೊಳಿಪಕು ಯೋಗ್ಯನಾಯಿತುಳ್ಳಿಯ; ಎನ್ನಂಗೆಣ್ಣ್‌ಚೇಂಗಿ, ನೀನ್ ಮಿಂಞಲೇ ಬಲಿಯಾಯಿತ್, ಎಲ್ಲಾ ಕುಲತ್ಂಜ, ಎಲ್ಲಾ ತಕ್ಕ್‌ಯಿಂಜ, ಎಲ್ಲಾ ಜನತ್‍ಂಜ, ಎಲ್ಲಾ ಜಾತಿಯಿಂಜ ಜನಳ ದೇವಕಾಯಿತ್ ನೀಡ ಚೋರೆನಗುಂಡ್ ಬುಡ್‍ಗಡೆ ಮಾಡಿತ್,