1 ತಿಮೊಥೆಯ 1:12 - ಕೊಡವ ಬೈಬಲ್

¹² ದೇವಡ ಸೇವೇನ ಮಾಡ್‌ವಕಾಯಿತ್ ನಾಕ್ ಶಕ್ತಿ ತಂದ ಒಡೆಯನಾನ ಯೇಸು ಕ್ರಿಸ್ತಂಗ್ ವಂದನೆ ಎಣ್ಣ್‌ವಿ. ಅಂವೊಂಗ್ ಸೇವೆ ಮಾಡ್‌ವಕ್ ನನ್ನ ಯೋಗ್ಯನಾಯಿತ್ ಗೇನ ಮಾಡಿತ್, ಅದ್ಂಗ್ ನನ್ನ ನೇಮಿಚಿಟ್ಟಾಂಗ್ ವಂದನೆ ಮಾಡ್‌ವಿ.

1 ತಿಮೊಥೆಯ 1:12 Iomraidhean Croise

ಮತ್ತಾಯ 20:4

ನಾಡ ದ್ರಾಕ್ಷಿ ತೋಟಕ್ ಪೋಯಿತ್ ಕೆಲಸ ಮಾಡಿ ನಿಂಗಕ್ ತಕ್ಕಂತ ಕೂಲಿನ ತಪ್ಪೀಂದ್ ಎಣ್ಣಿತ್ ಅಯಿಂಗಳ ಅಯಿಚತ್.

ಯೋಹಾನ 5:23

ಮೋಂವೊನ ಗನ ಪಡ್‍ತತಯಿಂಗ, ಅಂವೊನ ಅಯಿಚ ಅಪ್ಪನ ಸಹ ಗನ ಪಡ್‍ತತಯಿಂಗಳಾಯಿತುಂಡ್.

ಅಪೊಸ್ತಲ 16:15

ಅವ ಪಿಂಞ ಅವಡ ಮನೆಕಾರಂಗೆಲ್ಲ ದೀಕ್ಷಾಸ್ನಾನ ಎಡ್‌ತ ಪಿಂಞ, ಅವ ನಂಗಳ ನೋಟಿತ್: ನಾನ್ ಕ್ರಿಸ್ತನ ನಂಬಿತುಳ್ಳ್‌ಂದ್ ನಿಂಗ ನಂಬ್‍ಚೇಂಗಿ, ನಾಡ ಮನೆಕ್ ಬಂದಿತ್ ಒಳಿಯಂಡೂಂದ್ ಒತ್ತಾಯ ಮಾಡ್‍ಚಿ.

ಅಪೊಸ್ತಲ 9:15

ಆಚೇಂಗಿ ಒಡೆಯ ಅಂವೊಂಗ್: ನೀನ್ ಪೋ; ಎನ್ನಂಗೆಣ್ಣ್‌ಚೇಂಗಿ ಆ ಮನುಷ್ಯನ ಯೆಹೂದ್ಯರಲ್ಲತ ಜನಕು ರಾಜಂಗಕೂ ಪಿಂಞ ಇಸ್ರಾಯೇಲ್ ಜನಾಂಗಕು ನಾಡ ಪೆದತ್‍ನ ಅರಿಚಿಡ್‍ವಕಾಯಿತ್ ನಾನ್ ಆಯ್ಕೆ ಮಾಡ್‍ನ ಪಾತ್ರವಾಯಿತುಂಡ್.

ಅಪೊಸ್ತಲ 9:22

ಆಚೇಂಗಿ ಸೌಲ ಇಂಞು ದುಂಬ ದೃಡವಾಯಿತ್ ಯೇಸುವೇ ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತಾಂದ್ ಎಣ್ಣ್‌ಚಿ. ಅಕ್ಕ ದಮಸ್ಕತ್‍ಲ್ ವಾಸಯಿಂಜ ಯೆಹೂದ್ಯಂಗಕ್ ಅಂವೊ ಎಣ್ಣ್‌ವದ್ ತಪ್ಪ್‍ೕಂದ್ ದೇವಡ ವಾಕ್ಯತ್ಂಜ ಕಾಟ್‍ವಕ್ ಕಯ್ಯತನೆಕೆ ಆಚಿ.

1 ಕೊರಿಂಥ 15:10

ಆಚೇಂಗಿ ನಾನ್ ಇಕ್ಕ ಇಪ್ಪದ್ ದೇವ ನಾಡ ಮೇಲೆ ಕಾಟ್‍ನ ಕೃಪೆ ಮಾತ್ರ. ಅಂವೊ ನಾಡ ಮೇಲೆ ಕಾಟ್‍ನ ಕನಿಕರ ಪಾಳಾಯಿ ಪೋಯಿತ್ತ್‌ಲ್ಲೆ. ಅದ್ಂಡ ಬದ್‍ಲ್ ಅಯಿಂಗ ಎಲ್ಲಾಕಿಂಜ ನಾನ್ ದುಂಬ ಕೆಲಸ ಮಾಡಿಯೆ, ಆಚೇಂಗಿಯು ನನ್ನಗುಂಡ್ ಅನ್ನನೆ ಆಪಕಿಂಜಿಲೆ. ನಾಡ ಮೇಲೆ ಉಳ್ಳ ದೇವಡ ಕೃಪೇನಗುಂಡ್ ನಾನ್ ಅನ್ನನೆ ಮಾಡ್‍ವಕಾಚಿ.

1 ಕೊರಿಂಥ 3:5

ಅಪೊಲ್ಲೋಸ ದಾರ್? ಪೌಲ ದಾರ್? ನಂಗ ದೇವಡ ಸೇವಕಂಗ ಮಾತ್ರ ಅಚ್ಚಕೆ. ನಿಂಗ ನಂಗಡ ಮೂಲಕ ಕ್ರಿಸ್ತಂಡ ಮೇಲೆ ನಂಬಿಕೆ ಇಡ್‍ವಕಾಚಿ. ದೇವ ನಂಗ ಒಬ್ಬೊಬ್ಬಂಗ್ ಕೊಡ್‍ತ ಕೆಲಸತ್‍ನ ನಂಗ ಮಾಡಿಯೆ.

1 ಕೊರಿಂಥ 7:25

ಇಕ್ಕ ಮಂಗಲ ಕಯಿಕತೆ ಉಳ್ಳ ಕನ್ನಿ ಮೂಡಿಯಂಗಡ ವಿಷಯತ್‍ಲ್, ನಾಕ್ ಒಡೆಯಂಡ ಆಜ್ಞೆ ಕ್‍ಟ್ಟಿತ್ತ್‌ಲ್ಲೆ. ಆಚೇಂಗಿ, ನಾನ್ ಎಣ್ಣ್‌ವದ್ ಸತ್ಯವಾಯಿತ್ ಇಪ್ಪನೆಕೆ, ನಾಕ್ ದೇವ ಕರುಣೆ ಕಾಟಿಯಂಡ್ ಉಳ್ಳಾಂಗ್, ನಾಡ ಅಬಿಪ್ರಾಯತ್‍ನ ಎಣ್ಣ್‌ವಿ.

2 ಕೊರಿಂಥ 4:1

ದೇವ ಅಂವೊಂಡ ಕರುಣೇಲ್ ಈ ಸೇವೇನ ನಂಗಕ್ ಕೊಡ್‍ತಿತುಳ್ಳಾಂಗ್, ನಂಗ ತಳ್ಂದ್ ಪೋಯಂಡಿಲ್ಲೆ.

ಗಲಾತ್ಯ 3:26

ಯೇಸು ಕ್ರಿಸ್ತಂಡ ಮೇಲೆ ನಿಂಗಕ್ ಉಳ್ಳ ನಂಬಿಕೇರಗುಂಡ್ ಇಕ್ಕ ನಿಂಗ ದೇವಡ ಮಕ್ಕಳಾಯಿತ್ ಉಳ್ಳಿರ.

ಗಲಾತ್ಯ 3:28

ಯೆಹೂದ್ಯಂಗಾಂದು ಇಲ್ಲೆ ಯೆಹೂದ್ಯಲ್ಲತಯಿಂಗಾಂದು ಇಲ್ಲೆ, ಅಡಿಯಾಳ್‍ೕಂದು ಇಲ್ಲೆ, ಎಜಮಾನಾಂದು ಇಲ್ಲೆ, ಆಣಾಳ್‍ೕಂದು ಇಲ್ಲೆ, ಪೊಣ್ಣಾಳ್‍ೕಂದು ಇಲ್ಲೆ. ನಿಂಗೆಲ್ಲಾರು ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ಒಂದಾಯಿತ್ ಉಂಡ್.

ಫಿಲಿಪ್ಪಿ 2:11

ಪ್ರತಿ ಒಬ್ಬನು ಯೇಸು ಕ್ರಿಸ್ತನೇ ಒಡೆಯಾಂದ್ ಎಣ್ಣಿತ್ ನಂಗಡ ಅಪ್ಪನಾನ ದೇವನ ಮಹಿಮೆ ಪಡ್‍ತ್‍ವ.

ಫಿಲಿಪ್ಪಿ 4:13

ನಾಕ್ ಶಕ್ತಿ ತಪ್ಪ ಕ್ರಿಸ್ತನಗುಂಡ್ ನಾಕ್ ಎಲ್ಲಾನ ಮಾಡ್‌ವಕಯ್ಯು.

ಕೊಲೊಸ್ಸೆ 1:25

ನಿಂಗಕ್ ನಲ್ಲದಾಂಡೂಂದ್, ದೇವ ನಾಕ್ ಅಪ್ಪಣೆ ತಂದಿತುಳ್ಳ ಆ ಸೇವೆಯಾನ ದೇವಡ ವಾಕ್ಯತ್‍ನ ಪೂರ್ತಿಯಾಯಿತ್ ಗೊತ್ತ್ ಮಾಡಿ ಕೊಡ್‍ಪಕ್ ನಾನ್ ಸೇವಕನಾಯಿತ್ ಆನ.

1 ತಿಮೊಥೆಯ 1:1

ನಂಗಡ ರಕ್ಷಕನಾನ ದೇವ ಪಿಂಞ ನಂಗಡ ನಿರೀಕ್ಷೆಯಾಯಿತುಳ್ಳ ಒಡೆಯನಾನ ಯೇಸು ಕ್ರಿಸ್ತಂಡ ಆಜ್ಞೆರ ಪ್ರಕಾರ, ಯೇಸು ಕ್ರಿಸ್ತಂಡ ಅಪೊಸ್ತಲನಾಯಿತುಳ್ಳ ಪೌಲನಾನ ನಾನ್,

1 ತಿಮೊಥೆಯ 1:11

ಆಶೀರ್ವಾದತ್‍ರ ದೇವಡ ಮಹಿಮೆಯಾನ ನಲ್ಲ ಸುದ್ದಿರನೆಕೆ ನಾಕ್ ತಂದ ನಲ್ಲ ಬೋದನೆಕ್ ವಿರೋದವಾಯಿತ್ ಮಾಡ್‌ವಯಿಂಗಕೇ ಅದ್‍ನ ಕೊಡ್‍ತತ್.

1 ತಿಮೊಥೆಯ 1:2

ದೇವಡ ನಂಬಿಕೇಲ್ ನಾಡ ನೇರಾನ ಮೋಂವೊನಾನ ತಿಮೊಥೆಯಂಗ್ ಒಳ್‍ದ್‍ವ ಕಾಗದ ಇದ್. ನಂಗಡ ಅಪ್ಪನಾನ ದೇವಡಯಿಂಜಲು, ನಂಗಡ ಒಡೆಯನಾನ ಯೇಸು ಕ್ರಿಸ್ತಡಿಂಜಲು ಕೃಪೆ, ಕರುಣೆ ಪಿಂಞ ಸಮಾದಾನ ಕ್‍ಟ್ಟಡ್.

1 ತಿಮೊಥೆಯ 6:13

ಎಲ್ಲಾಂಗ್ ಜೀವ ತಪ್ಪ ದೇವಡ ಮಿಂಞತ್, ಪಿಂಞ ಪೊಂತ್ಯ ಪಿಲಾತಂಡ ಮಿಂಞ ನಿಂದಿತ್ ನೇರಾನ ಸಾಕ್ಷಿನ ಗೊತ್ತ್ ಮಾಡ್‍ನ ಯೇಸು ಕ್ರಿಸ್ತನಗುಂಡ್ ನಾನ್ ನೀಕ್ ಆಜ್ಞೆ ಮಾಡ್‍ವದ್ ಎಂತ ಎಣ್ಣ್‌ಚೇಂಗಿ:

2 ತಿಮೊಥೆಯ 2:2

ಎಚ್ಚಕೋ ಸಾಕ್ಷಿರ ಮಿಂಞತ್, ನಾನ್ ಮಾಡ್‍ನ ಬೋದನೇನೆಲ್ಲ ಕ್‍ೕಟ ನೀನ್, ಅದ್‍ನ, ಬೋರೆಯಿಂಗಕ್ ಪಡಿಪ್‍ಚಿಡ್‍ವಕ್ ಯೋಗ್ಯವಾನ ನಂಬಿಕಸ್ತಂಡ ಪಕ್ಕ ಒಪ್ಪ್‌ಚಿಡ್.

2 ತಿಮೊಥೆಯ 4:17

ಆಚೇಂಗಿ ಒಡೆಯ ನಾಡ ಕೂಡೆ ನಿಂದಿತ್ ನನ್ನ ಬಲಪಡ್‍ತಿತ್, ನಾಡ ಮೂಲಕ ನಲ್ಲ ಸುದ್ದಿನ ಪೂರ್ತಿಯಾಯಿತ್ ಪ್ರಚಾರ ಮಾಡ್‌ವಕ್, ಯೆಹೂದ್ಯಂಗಲ್ಲತ ಜನ ಅದ್‍ನ ಕ್‍ೕಪನೆಕೆ ಮಾಡ್‍ಚಿ. ಇದ್ ಅಲ್ಲತೆ ಸಿಂಹತ್‍ರ ಬಾಯಿಯಿಂಜ ನನ್ನ ಬುಡ್‍ಗಡೆ ಮಾಡ್‍ಚಿ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:4

ತಕ್ಕ ಸಮಯತ್‍ಲ್ ನಂಗಡ ರಕ್ಷಕನಾನ ದೇವಡ ಆಜ್ಞೆರ ಪ್ರಕಾರ ನಾಕ್ ಒಪ್ಪ್‌ಚಿಟ್ಟ ಬೋದನೆರಗುಂಡ್ ಅಂವೊಂಡ ತಕ್ಕ್‌ನ ಕಾಂಬ್‍ಚಿಟ್ಟತ್.