1 ತಿಮೊಥೆಯ 1:10 - ಕೊಡವ ಬೈಬಲ್

¹⁰ ವೇಶಿಯಂಗಕು, ಆಣಾಳ್‍ಗಾಮಿಕಂಗಕು, ಅಥವ ಮನುಷ್ಯಂಗಳ ಕಟ್ಟಂಡ್ ಪೋಪಯಿಂಗಕು, ಪೊಟ್ಟ್ ಪರಿಯುವಯಿಂಗಕು, ಪೊಟ್ಟ್ ಸಾಕ್ಷಿ ಕೊಡ್‍ಪಯಿಂಗಕು, ಪಿಂಞ

1 ತಿಮೊಥೆಯ 1:10 Iomraidhean Croise

ಆದ್ಯತ್‌ರ ಪುಸ್ತಕ 19:5

ಅಯಿಂಗೆಲ್ಲಾರು ಲೋಟನ ಜೋರಾಯಿತ್‌ ಕಾಕಿತ್: ಇಂದ್‌ ಬಯಿಟ್ ನೀಡ ಮನೆಲ್ ಒಳಿಯೊಕ್‌ ಬಂದಿತುಳ್ಳ ಆಣಾಳ್‌ವ ಎಲ್ಲಿ? ಅಯಿಂಗಳ ಪೊರಮೆ ಕಾಕಿಯಂಡ್‌ ಬಾ, ಅಯಿಂಗಡ ಕೂಡೆ ನಂಗ ಬುದ್ದಂಡೂಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 37:27

ಅಂವೊನ ಈ ಇಷ್ಮಾಯೇಲರಯಿಂಗಕ್‌ ಮಾರನ ಬಾರಿ. ನಂಗ ಅಂವೊಂಡ ಮೇಲೆ ಕೈ ಬೆಕ್ಕತೆ ಇಕ್ಕನ. ಎಚ್ಚಕಾಚೇಂಗಿಯು ಅಂವೊ ನಂಗಡ ತಮ್ಮಣನು ನಂಗಡ ಸ್ವಂತ ಚೋರೆಯು ಯರ್ಚಿಯು ಆಯಿತುಂಡಲ್ಲಾಂದ್‌ ಎಣ್ಣ್‌ಚಿ. ಈ ತಕ್ಕ್‌ಕ್‌ ಅಯಿಂಗ ಒತ್ತಂಡತ್.

ಆದ್ಯತ್‌ರ ಪುಸ್ತಕ 40:15

ಎನ್ನಂಗೆಣ್ಣ್‌ಚೇಂಗಿ ನಾನ್‌ ಇಬ್ರಿಯ ದೇಶಕ್‌ ಕೂಡ್‌ನಂವೊ. ಚೆನ್ನ ಜನ ನನ್ನ ಅಲ್ಲಿಂಜ ಕಟ್ಟಂಡ್‌ ಬಂದಿಯೆ. ಇಲ್ಲಿ ಸೆಹ ಜೈಲ್‌ಲ್‌ ಇಪ್ಪಂತ ತಪ್ಪ್‌ನ ನಾನ್‌ ಮಾಡಿತ್‌ಲ್ಲೆ. ಆಚೇಂಗಿಯು ಇಕ್ಕ ನಾನ್‌ ಜೈಲ್‌ಲ್‌ ಉಳ್ಳ್ಂದ್‌ ಎಣ್ಣ್‌ಚಿ.

ಮಲಾಕಿ 3:5

ನಾನ್‌ ನ್ಯಾಯ ತೀರ್‌ಪ್‌ ಮಾಡುವಕಾಯಿತ್‌ ನಿಂಗಡ ಪಕ್ಕ ಬಪ್ಪಿ. ಬಂದಿತ್‌ ಮಂತ್‌ರವಾದಿಯಂಗಕು, ವ್ಯಬಿಚಾರಿಯಂಗಕು, ಪೊಟ್ಟ್‌ ಸಾಕ್ಷಿ ತಪ್ಪಯಿಂಗಕು, ಪಣಿಕಾರಂಗಕ್‌ ಅಯಿಂಗಡ ಕೂಲಿನ ಕೊಡ್‌ಕತೆ ಕಳಿಪ್‌ಚಿಡುವಯಿಂಗಕು, ವಡಿಯ ಚತ್ತ್‌ ಪೋನಯಿಂಗಕ್, ಅನಾತೆ ಕುಂಞಿಯಕ್, ಪರದೇಶಿಯಂಗಕ್‌ ಮೋಸ ಮಾಡುವಯಿಂಗಕು, ನಾಕ್‍ ಬೊತ್ತತೆ ಉಳ್ಳಯಿಂಗಕು ವಿರೋದವಾಯಿತ್‌ ನಾನ್‌ ಸಾಕ್ಷಿಯಾಯಿತ್‌ಪ್ಪೀಂದ್‌ ಸೇನೆರ ಯೆಹೋವ ಎಣ್ಣಿಯಂಡುಂಡ್.

ಯೋಹಾನ 8:44

ನಿಂಗ ನಿಂಗಡ ಅಪ್ಪನಾನ ಸೈತಾನಂಡ ಮಕ್ಕಳಾಯಿತುಳ್ಳಿರ; ನಿಂಗಡ ಅಪ್ಪಂಡ ಇಚ್ಛೆರ ಪ್ರಕಾರ ನಿಂಗ ಮಾಡ್‌ವಿರ; ನಿಂಗಡ ಅಪ್ಪನಾನ ಸೈತಾನ ಪಂಡಿಂಜೇ ಕೊಲ್ಲ್‌ವಂವೊನಾಯಿತುಂಡ್; ಅಂವೊಂಡ ಪಕ್ಕ ಸತ್ಯ ಇಲ್ಲತಗುಂಡ್, ಅಂವೊ ಸತ್ಯತ್‍ಲ್ ನಿಂದಿತ್‌ಲ್ಲೆ. ಅಂವೊ ಪೊಟ್ಟ್ ಪರಿಯುವಂವೊನು, ಎಲ್ಲಾ ಪೊಟ್ಟ್‌ಕ್ ಅಪ್ಪನಾಯಿತು ಉಂಡ್. ಅಂವೊ ಪೊಟ್ಟ್ ಪರಿಯುವಕ, ತಾಂಡ ಸ್ವಂತ ಗುಣತ್ಂಜ ಪೊಟ್ಟ್ ಪರ್ಂದಂಡುಂಡ್.

ರೋಮ್ 1:26

ಇನ್ನನೆ ಮಾಡ್‌ನಾನಗುಂಡ್ ದೇವ ಅಯಿಂಗಳ ಅಸಹ್ಯ ಕಾರ್ಯಕ್ ಒಪ್ಪ್‌ಚಿಟ್ಟ್‌ರ್‌ತ್; ಪೊಣ್ಣಾಳ್‍ವ ಕೂಡೆ ಸ್ವಬಾವಿಕ ಸಂಬಂದತ್‍ನ, ಸ್ವಬಾವಕ್ ವಿರೋದವಾಯಿತ್ ಮೋಹಕ್ ಪಾಚೆಪಣೆ ಮಾಡಿರ್‌ತ್.

1 ತಿಮೊಥೆಯ 4:6

ನೀನ್ ಇದ್‍ನೆಲ್ಲ ಯೇಸುನ ನಂಬ್‍ನಯಿಂಗಕ್ ಬೋದನೆ ಮಾಡಿಯಂಡ್ ಬಾತೇಂಗಿ, ನಂಬಿಕೇಕ್ ಉಳ್ಳ ತಕ್ಕ್‌ಲು ನೀನ್ ಮಾಡಿಯಂಡುಳ್ಳ ನಲ್ಲ ಬೋದನೆಲು ಬೊಳ್ಂದಿತ್, ಯೇಸು ಕ್ರಿಸ್ತಂಗ್ ನಲ್ಲ ಸೇವಕನಾಯಿತ್ ಇಪ್ಪಿಯ.

1 ತಿಮೊಥೆಯ 6:3

ದಾರಾಚೇಂಗಿ ಕಳ್ಳ ಬೋದನೆ ಮಾಡಿಯಂಡ್, ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಆರೋಗ್ಯವಾನ ಬೋದನೆನ ಪಿಂಞ ದೇವ ಬಕ್ತಿರ ಬೋದನೆನ ಒತ್ತತೆ ಪೋಚೇಂಗಿ,

2 ತಿಮೊಥೆಯ 1:13

ನೀನ್ ಯೇಸು ಕ್ರಿಸ್ತಂಡ ಮೇಲೆ ಉಳ್ಳ ನಂಬಿಕೆಯಿಂಜ, ಪ್ರೀತಿಯಿಂಜ, ನಾಡ ಪಕ್ಕ ಕ್‍ೕಟಿತ್ತುಳ್ಳ ಆರೋಗ್ಯವಾನ ಬೋದನೆನ ಒರ್ ಉದಾರಣೆಯಾಯಿತ್ ಬೆಚ್ಚಂಡ್, ಅನ್ನನೆ ಮಾಡ್.

2 ತಿಮೊಥೆಯ 4:3

ಎನ್ನಂಗೆಣ್ಣ್‌ಚೇಂಗಿ, ಅಯಿಂಗ ಆರೋಗ್ಯವಾನ ಬೋದನೆನ ಕ್‍ೕಪಕ್ ಮನಸ್ಸಿಲ್ಲತೆ, ಅಯಿಂಗಡ ಸ್ವಾರ್ಥ ಆಸೆಕ್ ತಕ್ಕಂತ, ಅಯಿಂಗಡ ಕೆಮಿಕ್ ಎಂತ ಕುಶಿಯುಂಡೋ ಅದ್‍ನ ತಕ್ಕ್ ಪರಿಯುವಂತ ಬೋದನೆಕಾರಂಗಳ ದುಂಬ ಕೂಟಿಯಂಡ್ ಬಪ್ಪ ಕಾಲ ಬಪ್ಪ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:13

ಇನ್ನನೆ ಅಂವೊ ಎಣ್ಣ್‌ನದ್ ಸತ್ಯವಾಯಿತುಂಡ್. ಆನಗುಂಡ್ ಅಯಿಂಗಳ ಜೋರ್ ಮಾಡಿತ್, ಅಯಿಂಗಡ ನಂಬಿಕೇನ ಸ್ತಿರಪಡ್‍ತ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:9

ಅಂವೊ, ನೇರಾನ ಸತ್ಯ ಉಪದೇಶತ್‍ನ ಚಾಯಿತೆ ಬೋದನೆ ಮಾಡಿತ್, ಜನಕ್ ಪುರ್‌ಡ್ ಕೊಡ್‌ತಿತ್, ದೇವಡ ವಾಕ್ಯಕ್ ವಿರೋದವಾಯಿತ್ ಬೋದನೆ ಮಾಡ್‌ವಯಿಂಗಕ್ ತಕ್ಕ ಉತ್ತರ ಕೊಡ್‍ಪಕ್ ಅಂವೊ ಪಡಿಚಿತುಳ್ಳ ಸತ್ಯವಂತ ಬೋದನೆಲ್ ಸ್ತಿರವುಳ್ಳಂವೊನಾಯಿತು ಇರಂಡು.

ಇಬ್ರಿಯ 13:4

ಮಂಗಲತ್‍ನ ಎಲ್ಲಾರು ಗನಪಡ್‌ತಂಡು, ಮಂಗಲ ಕಯಿಚಯಿಂಗ ಅಯಿಂಗಯಿಂಗಡ ವಡಿಯ ಪೊಣ್ಣ್‌ಕ್ ನಂಬಿಕಸ್ತಯಿಂಗಳಾಯಿತ್ ಇಕ್ಕಂಡು; ವೇಶಿಯಳ ಪಿಂಞ ವ್ಯಬಿಚಾರ ಮಾಡ್‌ವಯಿಂಗಳ ದೇವ ನ್ಯಾಯತೀರ್ಪ.

ಯೂದ ಒಳ್‍ದ್‍ನ ಕಾಗದ 1:7

ಅನ್ನನೆ ಸೊದೋಮ್ ಗೊಮೋರ ಪಟ್ಟಣತ್‍ರ ಜನ ಪಿಂಞ ಅದ್ಂಡ ಸುತ್ತ್‌ಮುತ್ತ್‌ಲ್ ಇಂಜ ಪಟ್ಟಣತ್‍ರ ಜನಳು ಅಯಿಂಗಡನೆಕೆ ಲೈಂಗಿಕ ಪಾಪತ್‍ನ ಮಾಡಿತ್, ಮನುಷ್ಯಂಗಡ ಸರಿಯಾನ ಆಸೇನ ಅಯಿಂಗಡ ಆಸೆರನೆಕೆ ತಿರಿಕಿತ್ ಪೋಚಿ. ದೇವ ಈ ಪಟ್ಟಣತ್‍ನ ತಿತ್ತ್‌ಕ್ ಇಟ್ಟಿತ್ ನಾಶ ಮಾಡ್‍ಚಿ. ಅನ್ನನೆ ಈಂಗ ದೇವ ತಪ್ಪ ನಿತ್ಯ ತಿತ್ತ್‌ರ ದಂಡೆನೆಕ್ ಉದಾರಣೆಯಾಯಿತ್ ಉಂಡ್.

ಪ್ರಕಟನೆ 18:13

ಏಲ, ಲವಂಗ ಪಟ್ಟೆ, ದೂಪ, ಸಾಂಬ್ರಾಣಿ, ತೈಲ, ಸುಗಂದ ವಾಸನೆರ ಸಾಂಬ್ರಾಣಿ, ದ್ರಾಕ್ಷಿರಸ, ಆಲಿವ್ ಎಣ್ಣೆ, ನಲ್ಲ ಒಂತ್‍ನ ಪೊಡಿ, ಗೋದಿ, ಅತ್ತ, ಆಡ್ ಪಿಂಞ ಕೊರಿ, ಕುದ್‌ರೆ, ರಥ, ಅಡಿಯಾಳ್‍ರ, ಮನುಷ್ಯಂಡ ಪ್ರಾಣ ಇದೆಲ್ಲಾ ಎಡ್‍ಪಯಿಂಗ ದಾರೂ ಇಲ್ಲತಗುಂಡ್ ಅವಕಾಯಿತ್ ಮೊರಟಂಡ್ ಗೋಳಾಡುವ.

ಪ್ರಕಟನೆ 21:27

ಕೊರಿಕುಟ್ಟಿಯಾನವೊಂಡ ಜೀವ ಪುಸ್ತಕತ್‍ಲ್ ಪೆದ ಒಳ್‍ದಿತುಳ್ಳಯಿಂಗ ಅಲ್ಲತೆ ಬೋರೆ ದಾರೂ ಅದ್ಂಡ ಒಳ್‍ಕ್ ಪೋಪಕ್ ಕಯ್ಯುಲೆ; ಅಶುದ್ದವಾನದ್ ಒಂದು ಅಲ್ಲಿಕ್ ಪೋಪುಲೆ, ಹೇಸಿಗೆಯಾನದ್‌ನ ಅಥವ ಕಳ್ಳತನ ಮಾಡ್‌ವ ದಾರೂ ಅಲ್ಲಿಕ್ ಎತ್ತುಲೆ.

ಪ್ರಕಟನೆ 21:8

ಆಚೇಂಗಿ, ಬೊತ್ತಿಯಂಡುಳ್ಳಯಿಂಗಳು, ನಂಬಿಕೆ ಇಲ್ಲತಯಿಂಗಳು, ಅಶುದ್ದವಾಯಿತುಳ್ಳಯಿಂಗಳು, ಕೊಲೆ ಮಾಡ್‌ವಯಿಂಗಳು, ವ್ಯಬಿಚಾರ ಮಾಡ್‌ವಯಿಂಗಳು, ಮಾಟಮಂತ್ರ ಮಾಡ್‌ವಯಿಂಗಳು, ವಿಗ್ರಹ ಆರಾದನೆ ಮಾಡ್‌ವಯಿಂಗಳು, ಪೊಟ್ಟ್ ಪರಿಯುವ ಎಲ್ಲಾರು ದಂಡನೆ ಚಾವಾಯಿತುಳ್ಳ ಗಂಧಕತ್‍ಲ್ ತಿತ್ತ್ ಕತ್ತಿಯಂಡಿಪ್ಪ ಕಡಲ್‍ಲ್ ಪಾಲ್‍ದಾರಂಗಳಾಪಾಂದ್ ಎಣ್ಣ್‌ಚಿ.

ಪ್ರಕಟನೆ 22:15

ನಾಯಿಂಗ, ಮಾಟಮಂತ್ರ ಮಾಡ್‌ವಯಿಂಗ, ವ್ಯಬಿಚಾರ ಮಾಡ್‌ವಯಿಂಗ, ಕೊಲೆಮಾಡ್‍ವಯಿಂಗ, ವಿಗ್ರಹ ಆರಾದನೆ ಮಾಡ್‌ವಯಿಂಗ, ಪೊಟ್ಟ್ ಪರಿಯುವಕ್ ಕುಶಿಪಟ್ಟಿತ್, ಅದ್ಂಡ ಪ್ರಕಾರ ಮಾಡ್‌ವಯಿಂಗ ಎಲ್ಲಾರು ಪಟ್ಟಣತ್‍ರ ಪೊರಮೆ ಇಪ್ಪ.