1 ತಿಮೊಥೆಯ 1:1 - ಕೊಡವ ಬೈಬಲ್

¹ ನಂಗಡ ರಕ್ಷಕನಾನ ದೇವ ಪಿಂಞ ನಂಗಡ ನಿರೀಕ್ಷೆಯಾಯಿತುಳ್ಳ ಒಡೆಯನಾನ ಯೇಸು ಕ್ರಿಸ್ತಂಡ ಆಜ್ಞೆರ ಪ್ರಕಾರ, ಯೇಸು ಕ್ರಿಸ್ತಂಡ ಅಪೊಸ್ತಲನಾಯಿತುಳ್ಳ ಪೌಲನಾನ ನಾನ್,

1 ತಿಮೊಥೆಯ 1:1 Iomraidhean Croise

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:47

ನಾಡ ರಕ್ಷಕನಾನ ದೇವಡಲ್ಲಿ ನಾಡ ಹೃದಯ ಕುಶಿ ಪಟ್ಟಡುಂಡ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:11

ಇಂದ್ ದೇವ ಗೊತ್ತ್ ಮಾಡಿತ್ ಅಯಿಚ ಒಡೆಯನಾನ ಕ್ರಿಸ್ತ ಎಣ್ಣುವ ರಕ್ಷಕ ನಿಂಗಕಾಯಿತ್ ದಾವೀದಂಡ ಊರ್‌ಲ್ ಪುಟ್ಟಿತುಂಡ್.

ಅಪೊಸ್ತಲ 9:15

ಆಚೇಂಗಿ ಒಡೆಯ ಅಂವೊಂಗ್: ನೀನ್ ಪೋ; ಎನ್ನಂಗೆಣ್ಣ್‌ಚೇಂಗಿ ಆ ಮನುಷ್ಯನ ಯೆಹೂದ್ಯರಲ್ಲತ ಜನಕು ರಾಜಂಗಕೂ ಪಿಂಞ ಇಸ್ರಾಯೇಲ್ ಜನಾಂಗಕು ನಾಡ ಪೆದತ್‍ನ ಅರಿಚಿಡ್‍ವಕಾಯಿತ್ ನಾನ್ ಆಯ್ಕೆ ಮಾಡ್‍ನ ಪಾತ್ರವಾಯಿತುಂಡ್.

ರೋಮ್ 1:1

ಯೇಸು ಕ್ರಿಸ್ತಂಡ ಸೇವಕನು, ಅಪೊಸ್ತಲನಾಯಿತ್‌ಪ್ಪಕ್ ದೇವ ಕಾಕ್‌ನಂವೊನು, ದೇವಡ ನಲ್ಲ ಸುದ್ದಿನ ಅರಿಚಿಡುವಕಾಯಿತ್ ದೇವ ಗೊತ್ತ್ ಮಾಡ್‍ನ ಪೌಲನಾನ ನಾನ್ ಒಳ್‍ದ್‍ವ ಕಾಗದ ಇದ್.

1 ಕೊರಿಂಥ 1:1

ಕ್ರಿಸ್ತ ಯೇಸುರ ಅಪೊಸ್ತಲನಾಯಿತ್, ದೇವ ಅಂವೊಂಡ ಚಿತ್ತತ್‍ರನೆಕೆ ಕಾಕ್‍ನ ಪೌಲನಾನ ನಾನ್ ಪಿಂಞ ತಮ್ಮಣನಾನ ಸೊಸ್ಥೆನನೂ ಕೂಡಿತ್,

1 ಕೊರಿಂಥ 9:17

ನಾನ್ ನಾಡ ಕುಶೀಲ್ ಈ ಸೇವೇನ ಮಾಡ್‍ಚೇಂಗಿ, ನಾಕ್ ಫಲ ಉಂಡ್; ಆಚೇಂಗಿ ಇದ್‍ನ ಮಾಡಂಡೂಂದ್ ನಾನ್ ತೀರ್ಮಾನ ಮಾಡಿತ್ತ್‌ಲ್ಲೆ. ನನ್ನ ನಂಬಿತ್, ಈ ಜವಾಬ್ದಾರಿನ ದೇವ ನಾಕ್ ಕೊಡ್‌ತಿತುಂಡ್. ನಾನ್ ಇದ್‍ಯಿಂಜ ತಪ್ಪಿಚಿಡ್‌ವಕ್ ಕಯ್ಯುಲೆ.

2 ಕೊರಿಂಥ 1:1

ದೇವಡ ಚಿತ್ತತ್‍ರನೆಕೆ ಯೇಸು ಕ್ರಿಸ್ತಂಡ ಅಪೊಸ್ತಲನಾನ ಪೌಲ ಪಿಂಞ ನಂಗಡ ತಮ್ಮಣನಾನ ತಿಮೊಥೆಯ ಕೂಡಿತ್, ಕೊರಿಂಥ ಪಟ್ಟಣತ್‍ಲ್ ಉಳ್ಳ ಸಬೇಕ್ ಪಿಂಞ ಅಖಾಯ ಪ್ರಾಂತ್ಯತ್‍ರ ಎಲ್ಲಾ ಜಾಗತ್‍ಲ್ ಉಳ್ಳ ಯೇಸುನ ನಂಬ್‍ನ ಎಲ್ಲಾ ಜನಕ್ ಒಳ್‍ದ್‍ವ ಕಾಗದ ಇದ್.

ಗಲಾತ್ಯ 1:1

ಮುನುಷ್ಯನಗುಂಡ್ ಅಲ್ಲ, ಮನುಷ್ಯಂಡ ಮೂಲಕವು ಅಲ್ಲ, ಯೇಸು ಕ್ರಿಸ್ತನಗುಂಡ್, ಅಂವೊನ ಚತ್ತಯಿಂಗಡ ಮದ್ಯತ್ಂಜ ಜೀವವಾಯಿತ್ ಎಪ್ಪ್‌ಚಿಟ್ಟ ಅಪ್ಪನಾನ ದೇವಡಗುಂಡ್ ಅಪೊಸ್ತಲನಾನ ಪೌಲ,

ಗಲಾತ್ಯ 1:11

ನಾಡ ಅಣ್ಣತಮ್ಮಣಂಗಳೇ, ನಾನ್ ನಿಂಗಕ್ ಪ್ರಚಾರ ಮಾಡ್‍ನ ನಲ್ಲ ಸುದ್ದಿರ ಬೋದನೆ ಒರ್ ಮನುಷ್ಯಂಡ ಗೇನತ್‍ರಗುಂಡ್ ಕ್‍ಟ್ಟ್‌ನದ್ ಅಲ್ಲಾಂದ್ ನಿಂಗಕ್ ಚಾಯಿತೆ ಗೊತ್ತಾಂಡೂಂದ್ ನಿಂಗಕ್ ಎಣ್ಣ್‌ವಿ.

ಕೊಲೊಸ್ಸೆ 1:27

ಯೆಹೂದ್ಯಂಗಲ್ಲತ ಜನಕಾಯಿತ್ ಅಂವೊ ಬೆಚ್ಚಿತುಳ್ಳ ಈ ಐಶ್ವರ್ಯವಾನ ಮಹಿಮೇರ ಗುಟ್ಟ್‌ನ, ದೇವ ತಾಂಡ ಮಕ್ಕಕ್ ಕಾಂಬ್‍ಚಿಡಂಡೂಂದ್ ಉಳ್ಳದೇ ಅಂವೊಂಡ ಚಿತ್ತ. ಆ ಗುಟ್ಟ್ ಎಂತ ಎಣ್ಣ್‌ಚೇಂಗಿ, ಕ್ರಿಸ್ತ ನಿಂಡಗಲ್ಲಿ ಉಂಡ್, ಅದ್ ಮಹಿಮೇರೆ ನಿರೀಕ್ಷೆಯೇ.

2 ಥೆಸಲೊನೀಕ 2:16

ನಂಗಡ ಒಡೆಯನಾನ ಯೇಸು ಕ್ರಿಸ್ತನು, ನಂಗಡ ಮೇಲೆ ಪ್ರೀತಿ ಬೆಚ್ಚಿತ್ ನಂಗಡ ಹೃದಯತ್‍ಲ್ ನಿತ್ಯ ಒತ್ತಾಸೆನೆ, ಕುಶೀರ ನಿರಿಕ್ಷೇನ, ನಂಗಕ್ ಕೃಪೆಯಾಯಿತ್ ದಾನಮಾಡ್‍ನ ಅಪ್ಪನಾನ ದೇವನು,

1 ತಿಮೊಥೆಯ 1:12

ದೇವಡ ಸೇವೇನ ಮಾಡ್‌ವಕಾಯಿತ್ ನಾಕ್ ಶಕ್ತಿ ತಂದ ಒಡೆಯನಾನ ಯೇಸು ಕ್ರಿಸ್ತಂಗ್ ವಂದನೆ ಎಣ್ಣ್‌ವಿ. ಅಂವೊಂಗ್ ಸೇವೆ ಮಾಡ್‌ವಕ್ ನನ್ನ ಯೋಗ್ಯನಾಯಿತ್ ಗೇನ ಮಾಡಿತ್, ಅದ್ಂಗ್ ನನ್ನ ನೇಮಿಚಿಟ್ಟಾಂಗ್ ವಂದನೆ ಮಾಡ್‌ವಿ.

1 ತಿಮೊಥೆಯ 2:3

ಇನ್ನನೆ ಮಾಡ್‍ವದ್ ನಂಗಡ ರಕ್ಷಕನಾನ ದೇವಡ ಮಿಂಞತ್‍ಲ್ ನಲ್ಲದಾಯಿತು ಕುಶಿ ಆಯಿತು ಉಂಡ್.

1 ತಿಮೊಥೆಯ 2:7

ಈ ನಲ್ಲ ಸುದ್ದಿಕಾಯಿತೇ ದೇವ ನನ್ನ ಒರ್ ಬೋದಕನಾಯಿತ್ ಪಿಂಞ ಒರ್ ಅಪೊಸ್ತಲನಾಯಿತ್ ನೇಮಿಚಿಟ್ಟತ್. ನಂಬಿಕೇರ ವಿಷಯತ್‍ನ, ಸತ್ಯತ್‍ರ ವಿಷಯತ್‍ನ ಅನ್ಯ ಜನಕ್ ಬೋದನೆ ಮಾಡ್‌ವಕಾಯಿತ್ ನನ್ನ ಅಯಿಚತ್. ನಾನ್ ಪೊಟ್ಟ್ ಪರಿಯತೆ ಯೇಸು ಕ್ರಿಸ್ತಂಡ ಪೆದತ್‍ಲ್ ಸತ್ಯತ್‍ನ ಎಣ್ಣಿಯಂಡುಂಡ್.

1 ತಿಮೊಥೆಯ 4:10

ಇದ್ಂಗಾಯಿತ್ ನಂಗ ನಯಿಪ ಪಿಂಞ ನೊಂಬಲ ತಿಂಬ; ಎನ್ನಂಗೆಣ್ಣ್‌ಚೇಂಗಿ ಎಲ್ಲಾ ಜನಕ್, ಮುಕ್ಯವಾಯಿತ್ ಯೇಸುನ ನಂಬ್‍ನಯಿಂಗಕ್, ಜೀವವುಳ್ಳ ದೇವಡ ಮೇಲೆ ನಂಬಿಕೆ ಬೆಚ್ಚಿತುಂಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:3

ದೇವ ಗೊತ್ತ್ ಮಾಡ್‍ನಯಿಂಗಡ ನಂಬಿಕೇನ ಸ್ತಿರಪಡ್‌ತ್‍ವಕ್ ಪಿಂಞ ಸತ್ಯತ್‍ರ ಮೂಲಕ ಅಯಿಂಗಕ್ ದೇವಡ ಮೇಲೆ ಬಕ್ತಿನ ಬೊಳ್‍ತ್‍ವಕ್ ದೇವ ನನ್ನ ಗೊತ್ತ್ ಮಾಡ್‍ಚಿ. ಪೊಟ್ಟ್ ಪರಿಯತ ದೇವ, ಪಂಡಿಂಜೇ ನಿತ್ಯ ಜೀವತ್‍ನ ವಾಗ್ದಾನ ಮಾಡಿತ್, ಅದ್ಂಡ ಮೂಲಕ ನಿರೀಕ್ಷೆ ಬಪ್ಪನೆಕೆ ಮಾಡ್‍ಚಿ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:10

ಎಜಮಾನಂಡ ಮನೆಲ್ ಒಂದು ಕಳ್ಳತ್ತನ ಮಾಡತೆ, ಎಲ್ಲಾ ವಿಷಯತ್‍ಲು ಎಜಮಾನಂಗ್ ನಂಬಿಕಸ್ತಂಗಳಾಯಿತ್ ಇಪ್ಪಕ್ ಅಯಿಂಗಕ್ ಬುದ್ದಿ ಎಣ್ಣ್. ಅನ್ನನೆ ಇಂಜತೇಂಗಿ, ನಂಗಡ ರಕ್ಷಕನಾನ ದೇವಡ ಬೋದನೆನ ಕ್‍ೕಪಯಿಂಗ ಎಲ್ಲಾರು ಅದ್ಂಗ್ ಕೆಮಿ ಕೊಡ್‌ತಿತ್ ಮರ್ಯಾದೆ ತಪ್ಪ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:13

ಅನ್ನನೆ ಇಪ್ಪಕ, ನಂಗಡ ರಕ್ಷಕನಾನ ಯೇಸು ಕ್ರಿಸ್ತ ಎಣ್ಣುವ ಬಲ್ಯ ದೇವಡ ಮಹಿಮೆಲ್ ಬಪ್ಪ ಆ ಕುಶೀರ ದಿನಕಾಯಿತ್, ನಂಗ ಬಾರಿ ಕುಶೀಲ್, ಮಹಿಮೇರ ನಿರಿಕ್ಷೇಲ್ ಪಾರಕಾತಂಡ್ ಉಂಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:4

ಆಚೇಂಗಿ, ನಂಗಡ ರಕ್ಷಕನಾನ ದೇವಡ ದಯೆ ಪಿಂಞ ಅಂವೊಂಗ್ ಜನಡಮೇಲೆ ಉಳ್ಳ ಪ್ರೀತಿ ಪೊರಮೆ ಕಾಂಬನೆಕೆ ಪ್ರತ್ಯಕ್ಷ ಆಪಕ,

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:6

ದೇವ ನಂಗಡ ರಕ್ಷಕನಾನ ಯೇಸು ಕ್ರಿಸ್ತಂಡ ಮೂಲಕ ನಂಗಕ್ ಅಂವೊಂಡ ಪವಿತ್ರಾತ್ಮತ್‍ನ ದಾರಾಳವಾಯಿತ್ ಕೊಡ್‌ತಿತುಂಡ್.

1 ಪೇತ್ರ 1:21

ಅಂವೊಂಡ ಮೂಲಕ ನಿಂಗ ದೇವಡ ಮೇಲೆ ನಂಬಿಕೆ ಬೆಪ್ಪನೆಕೆ ಮಾಡಿಯತ್. ದೇವ ಅಂವೊನ ಚತ್ತಯಿಂಗಡ ಮದ್ಯತ್ಂಜ ಪುನಃ ಜೀವವಾಯಿತ್ ಎಪ್ಪ್‌ಚಿಟ್ಟಿತ್, ಅಂವೊಂಗ್ ಬಲ್ಯ ಮಹಿಮೆನ ಕೊಡ್‍ತತ್. ಆನಗುಂಡ್, ನಿಂಗ ದೇವಡ ಮೇಲೆ ನಂಬಿಕೆಯು ನಿರೀಕ್ಷೇಯು ಬೆಚ್ಚಿತುಳ್ಳಿರ.

1 ಪೇತ್ರ 1:3

ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಅಪ್ಪನಾನ ದೇವಕ್ ತುದಿ ಆಡ್. ಯೇಸು ಕ್ರಿಸ್ತ ಚತ್ತಯಿಂಗಡ ಮದ್ಯತ್ಂಜ ಪುನಃ ಜೀವವಾಯಿತ್ ಎದ್ದಿತ್ ಬಂದಗುಂಡ್, ಅಂವೊಂಡ ಬಲ್ಯ ಕನಿಕರತ್‍ರನೆಕೆ ನಂಗಕ್ ಪುನಃ ಜೀವ ಕೊಡ್‌ತಿತ್, ಜೀವವಾಯಿತುಳ್ಳ ನಿರಿಕ್ಷೇನ ತಂದಿಯತ್.

2 ಪೇತ್ರ 1:1

ನಂಗಡ ದೇವನು ರಕ್ಷಕನು ಆನ ಯೇಸು ಕ್ರಿಸ್ತಂಡ ನೀತಿರಗುಂಡ್ ನಂಗಡನೆಕೆ ಬೆಲೆಯುಳ್ಳ ನಂಬಿಕೆ ಕ್‍ಟ್ಟ್‌ನ ನಿಂಗಕ್, ಯೇಸು ಕ್ರಿಸ್ತಂಡ ಅಪೊಸ್ತಲನು ಸೇವಕನು ಆಯಿತುಳ್ಳ ಸೀಮೋನ ಪೇತ್ರ ಒಳ್‍ದ್‍ವ ಕಾಗದ ಇದ್.

1 ಯೋಹಾನ 4:14

ದೇವ ತಾಂಡ ಮೋಂವೊನ ಲೋಕತ್‍ನ ಕಾಪಾಡ್‌ವಕಾಯಿತ್ ಅಯಿಚತ್. ಇದ್‍ನ ನಂಗ ನೋಟಿತ್ ಅದ್ಂಡ ವಿಷಯತ್ ನಿಂಗಕ್ ಇಕ್ಕ ಸಾಕ್ಷಿ ಕೊಡ್‍ಪ.

ಯೂದ ಒಳ್‍ದ್‍ನ ಕಾಗದ 1:25

ನಂಗಡ ರಕ್ಷಕನಾನ ದೇವಕ್ ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಮೂಲಕ ಮಹಿಮೆ, ಮಹತ್ವ, ಶಕ್ತಿ ಪಿಂಞ ಅದಿಕಾರವೆಲ್ಲ ಆದಿಯಿಂಜಲೆ, ಇಕ್ಕಲು, ಎಕ್ಕಾಲು ಇರಡ್. ಆಮೆನ್.