1 ಥೆಸಲೊನೀಕ 5:8 - ಕೊಡವ ಬೈಬಲ್

⁸ ಆಚೇಂಗಿ, ನಂಗ ಪೋಲ್‍ಕ್ ಕೂಡ್‍ನಯಿಂಗ. ಆನಗುಂಡ್ ಎಚ್ಚರತ್‍ಲ್ ಬದ್‌ಕಿತ್, ಎದೆತಟ್ಟೆರನೆಕೆ ಉಳ್ಳ ನಂಬಿಕೆ ಪಿಂಞ ಪ್ರೀತಿನ ಎದೇಲ್ ಇಟ್ಟಂಡ್, ಇರ್‍ಂಬ್ ತೊಪ್ಪಿರನೆಕೆ ಉಳ್ಳ ರಕ್ಷಣೆರ ನಿರಿಕ್ಷೇನ ಮಂಡೆಕ್ ಇಟ್ಟಂಡ್ ಇರಂಡು.

1 ಥೆಸಲೊನೀಕ 5:8 Iomraidhean Croise

1 ಕೊರಿಂಥ 13:13

ಆನಗುಂಡ್, ಮೂಂದ್ ವಿಷಯ ಎಕ್ಕಾಲು ಇಪ್ಪ, ನಂಬಿಕೆ, ನಿರೀಕ್ಷೆ ಪಿಂಞ ಪ್ರೀತಿ. ಈ ಮೂಂದ್‍ಲ್ ಪ್ರೀತಿಯೇ ಬಲ್ಯದ್.

2 ಕೊರಿಂಥ 6:7

ನಂಗ ಸತ್ಯ ತಕ್ಕ್ ಪರ್ಂದಂಡುಂಡ್. ದೇವಡ ಶಕ್ತಿ ನಂಗಡಲ್ಲಿ ಕ್ರಿಯೆ ಮಾಡಿಯಂಡುಂಡ್. ನೀತಿಯಾಯಿತುಳ್ಳ ಬಲ್‌ತೆ ಬರಿ ಎಡ್‍ತೆ ಬರೀರ ಆಯುದತ್‍ನ ಇಡ್‌ವಯಿಂಗಳಾಯಿತುಂಡ್.

ಗಲಾತ್ಯ 5:5

ಆಚೇಂಗಿ ಪವಿತ್ರಾತ್ಮಂಡ ಸಹಾಯತ್‍ಲ್ ನಂಬಿಕೇರಗುಂಡ್, ಬದ್‍ಕಿಯಂಡುಳ್ಳ ನಂಗ, ನಂಬಿಕೇರಗುಂಡ್ ದೇವಡ ನೀತಿ ಎಕ್ಕ ಕ್‌ಟ್ಟುವಾಂದ್ ಕುಶೀಲ್ ಪಾರಕಾತಂಡ್ ಉಂಡ್.

ಎಫೆಸ 6:11

ನಿಂಗ ಸೈತಾನಂಡ ತಂತ್ರಕ್ ಎದ್‍ರ್ ನಿಪ್ಪಕ್ ಶಕ್ತಿ ಉಳ್ಳಯಿಂಗಳಾಯಿತ್ ಇಪ್ಪಕ್ ದೇವಡ ಸರ್ವ ಆಯುದತ್‍ನ ಇಟ್ಟೊಳಿ.

ಎಫೆಸ 6:23

ಅಪ್ಪನಾನ ದೇವಡ ಪಿಂಞ ಒಡೆಯನಾನ ಯೇಸು ಕ್ರಿಸ್ತಂಡ ಮೂಲಕ ಅಣ್ಣತಮ್ಮಣಂಗಕ್ ಸಮಾದಾನ ಪಿಂಞ ನಂಬಿಕೇರ ಕೂಡೆ ಪ್ರೀತಿಯು ಕ್‍ಟ್ಟಡ್.

1 ಥೆಸಲೊನೀಕ 5:5

ನಿಂಗೆಲ್ಲಾರು ಬೊಳಿರ ಮಕ್ಕಳಾಯಿತ್, ಪೋಲ್‍ರ ಮಕ್ಕಳಾಯಿತ್ ಉಳ್ಳಿರ; ನಂಗ ಬಯಿಟ್‌ಲ್ ಪಿಂಞ ಇರ್‌ಟ್‌ಲ್ ಬದ್‍ಕ್‍ವಯಿಂಗ ಅಲ್ಲ.

2 ಥೆಸಲೊನೀಕ 2:16

ನಂಗಡ ಒಡೆಯನಾನ ಯೇಸು ಕ್ರಿಸ್ತನು, ನಂಗಡ ಮೇಲೆ ಪ್ರೀತಿ ಬೆಚ್ಚಿತ್ ನಂಗಡ ಹೃದಯತ್‍ಲ್ ನಿತ್ಯ ಒತ್ತಾಸೆನೆ, ಕುಶೀರ ನಿರಿಕ್ಷೇನ, ನಂಗಕ್ ಕೃಪೆಯಾಯಿತ್ ದಾನಮಾಡ್‍ನ ಅಪ್ಪನಾನ ದೇವನು,

ಇಬ್ರಿಯ 6:19

ಆ ನಂಬಿಕೆ ನಂಗಡ ಆತ್ಮಕ್ ಬಲವುಳ್ಳದಾಯಿತು ಸ್ತಿರವಾಯಿತು ಉಂಡ್. ದೇವಡ ಆಲಯತ್‌ರ, ಪಡಿರ ಬಟ್ಟೇರ ಒಳ್‍ಕ್ ಉಳ್ಳ ಅತಿಪವಿತ್ರವಾನ ಜಾಗಕ್ ನಂಗ ಪೋಪನೆಕೆ ಮಾಡಿಯಂಡುಂಡ್.

1 ಪೇತ್ರ 1:13

ಅದ್ಂಗಾಯಿತ್, ನಿಂಗಡ ಮನಸ್ಸ್‌ನ ಗಟ್ಟಿಯಾಯಿತ್ ನಿಂಗಡ ಪುಡ್‍ತತ್‍ಲ್ ಬೆಚ್ಚೊಳಿ. ನಿಂಗ ಎಲ್ಲಾರು ತನ್ನಡಕತ್‍ಲ್ ನಿಂಗಡ ಮನಸ್ಸ್‌ನ ಎಚ್ಚರತ್‍ಲ್ ಬೆಚ್ಚಂಡ್, ಯೇಸು ಕ್ರಿಸ್ತ ಪುನಃ ಬಪ್ಪಕ, ನಿಂಗಕ್ ಕ್‍ಟ್ಟ್‌ವ ಕೃಪೇರ ಮೇಲೆ ಪೂರ್ತಿ ನಿರೀಕ್ಷೆ ಉಳ್ಳಯಿಂಗಳಾಯಿತಿರಿ.

1 ಪೇತ್ರ 2:9

ಆಚೇಂಗಿ ನಿಂಗ, ನಿಂಗಳ ಇರ್‌ಟ್‌ಂಜ ತಾಂಡ ಅದ್ಬುತವಾನ ಬೊಳಿಕ್ ಕಾಕ್‌ನಂವೊಂಡ ತುದಿನ ಅರಿಚಿಡ್‌ವಕ್, ದೇವ ಗೊತ್ತ್ ಮಾಡ್‍ನಯಿಂಗಳಾಯಿತ್, ರಾಜಕೀಯ ಯಾಜಕಂಗಳಾಯಿತ್, ಪವಿತ್ರವಾನ ರಾಜ್ಯತ್‍ರ ಮಕ್ಕಳಾಯಿತ್ ಪಿಂಞ ದೇವಡ ಸ್ವಂತ ಜನವಾಯಿತ್ ಉಳ್ಳಿರ.

1 ಯೋಹಾನ 1:7

ಆಚೇಂಗಿ, ದೇವ ಬೊಳಿಲ್ ಉಳ್ಳನೆಕೆ ನಂಗಳು ಬೊಳಿಳ್ ನಡ್ಂದತೇಂಗಿ, ಅಕ್ಕ ನಂಗ ಒಬ್ಬೊಬ್ಬಂಡ ಕೂಡೆ ಐಕ್ಯತ್‍ಲ್ ಉಂಡ್‍ೕಂದ್ ಆಪ; ದೇವಡ ಮೋಂವೊನಾನ ಯೇಸು ಕ್ರಿಸ್ತಂಡ ಚೋರೆ ನಂಗಡ ಸಕಲ ಪಾಪತ್‍ನ ಶುದ್ದ ಮಾಡ್‌ವ.