1 ಥೆಸಲೊನೀಕ 5:1 - ಕೊಡವ ಬೈಬಲ್

¹ ನಂಗಡ ಅಣ್ಣತಮ್ಮಣಂಗಳೇ, ಇದೆಲ್ಲಾ ಎಕ್ಕ ಆಪಾಂದು, ಎನ್ನನೆ ಆಪಾಂದು ನಾನ್ ನಿಂಗಕ್ ಒಳ್‍ದ್‍ವಕ್ ಅವಸ್ಯ ಇಲ್ಲೆ.

1 ಥೆಸಲೊನೀಕ 5:1 Iomraidhean Croise

ಮತ್ತಾಯ 24:3

ಯೇಸು ಆಲಿವ್ ಕುಂದ್‌ರ ಕೊಡಿಲ್ ಅಳ್‌ತಿತಿಪ್ಪಕ, ಅಂವೊಂಡ ಶಿಷ್ಯಂಗ ಯೇಸುರ ಪಕ್ಕ ಬೋರೆಯಾಯಿತ್ ಬಂತ್: ಇದೆಲ್ಲಾ ಎಕ್ಕ ಆಪಾಂದ್ ಗುಟ್ಟಾಯಿತ್ ಕ್‍ೕಟತ್. ನೀನ್ ಇಂಞೊಮ್ಮ ಬಪ್ಪಕೂ, ಈ ಯುಗತ್‌ರ ಅಂತ್ಯಕೂ ಗುರ್‌ತ್ ಎಂತ್‍ೕಂದ್ ನಂಗಕ್ ಎಣ್ಣಂಡೂಂದ್ ಕ್‍ೕಟತ್.

ಮತ್ತಾಯ 24:36

ಆ ದಿನವು, ಆ ಸಮಯವು ನಾಡ ಅಪ್ಪನಾನ ದೇವ ಒಬ್ಬನ ಬುಟ್ಟಿತ್ ಬೋರೆ ದಾರ್‌ಕು ಗೊತ್ತ್‌ಲ್ಲೆ. ಪರಲೋಕತ್‍ಲ್ ಉಳ್ಳ ದೇವದೂತಂಗಕೂ ಪಿಂಞ ಅಂವೊಂಡ ಮೋಂವೊಂಗೂ ಸಹ ಗೊತ್ತಿಪ್ಪುಲೆ.

ಅಪೊಸ್ತಲ 1:7

ಅಕ್ಕ ಯೇಸು: ನಾಡ ಅಪ್ಪ, ಅಂವೊಂಡ ಅದಿಕಾರತ್‍ಲ್ ಗೊತ್ತ್ ಮಾಡಿತುಳ್ಳ ಸಮಯವು ದಿನವು ಗೊತ್ತಾಪಕ್ ನಿಂಗಕ್ ಅನುಮತಿ ಇಲ್ಲೆ.

2 ಕೊರಿಂಥ 9:1

ದೇವಡ ಮಕ್ಕಕ್ ಮಾಡ್‌ವಕುಳ್ಳ ಪಣ ಸಹಾಯತ್‍ರ ವಿಷಯತ್ ನಿಂಗಕ್ ನಾನ್ ದುಂಬ ಒಳ್‍ದಂಡೂಂದ್ ಇಲ್ಲೆ.

1 ಥೆಸಲೊನೀಕ 4:18

ಇದ್ ಸತ್ಯವಾಯಿತ್ ಆಪಗುಂಡ್, ಈ ತಕ್ಕ್‌ನ ನಿಂಗ ಎಲ್ಲಾರ್‌ಕು ಎಣ್ಣಿಯಂಡ್ ಪುರ್‌ಡ್ ಕೊಡ್‌ತಂಡ್ ಇರಿ.

1 ಥೆಸಲೊನೀಕ 4:9

ಯೇಸುನ ನಂಬ್‍ನಯಿಂಗಳ ಪ್ರೀತಿ ಮಾಡ್‌ವ ವಿಷಯತ್‍ನ ನಾನ್ ನಿಂಗಕ್ ಒಳ್‍ದ್‍ವಕ್ ಅವಸ್ಯ ಇಲ್ಲೆ; ಎಲ್ಲಾರು ಒಬ್ಬೊಬ್ಬನ ಎನ್ನನೆ ಪ್ರೀತಿ ಮಾಡಂಡೂಂದ್ ದೇವ ನಿಂಗಕೇ ಪಡಿಪ್‌ಚಿಟ್ಟಿತಲ್ಲ.

ಯೂದ ಒಳ್‍ದ್‍ನ ಕಾಗದ 1:3

ನಾಡ ಪ್ರೀತಿರ ಜನಳೇ, ನಂಗಕೆಲ್ಲಾರ್‌ಕು ಕ್‍ಟ್ಟ್‌ನ ರಕ್ಷಣೆರ ವಿಷಯತ್‍ನ ನೇರಾಯಿತ್ ಒಳ್‍ದ್‍ವಕ್ ಇಂಜ, ಆಚೇಂಗಿ ಇಕ್ಕ, ದೇವ ಅಂವೊಂಡ ಮಕ್ಕಳಾಯಿತ್ ಮಾಡ್‍ನಯಿಂಗಕ್ ಒಮ್ಮಕೆ ಒಪ್ಪ್‌ಚಿಟ್ಟ ನಂಬಿಕೆಕಾಯಿತ್ ನಿಂಗ ದೈರ್ಯತ್‍ಲ್ ಪೊರಾಡಂಡೂಂದ್ ಎಚ್ಚರ ಮಾಡಿತ್ ಒಳ್‍ದ್‍ವಕ್ ಅವಸ್ಯ ಉಂಡ್‍ೕಂದ್ ನಾಕ್ ತೋಂದ್‍ಚಿ.