1 ಥೆಸಲೊನೀಕ 4:8 - ಕೊಡವ ಬೈಬಲ್

⁸ ಆನಗುಂಡ್, ಈ ಬೋದನೆನ ದಾರೇಂಗಿ ಅಲ್ಲಗೆಳೆದ್‌ಚೇಂಗಿ, ಅಯಿಂಗ ಮನುಷ್ಯನ ಅಲ್ಲ, ನಂಗಕ್ ಪವಿತ್ರಾತ್ಮತ್‍ನ ತಂದ ದೇವನ ಅಲ್ಲಗೆಳ್ಂದನೆಕೆ ಆಪ.

1 ಥೆಸಲೊನೀಕ 4:8 Iomraidhean Croise

ಜ್ಞಾನತ್‌ರ ಪಡಿಮ 1:7

ಯೆಹೋವಂಗ್‌ ಬೊತ್ತಿತ್‌ ನಡ್‌ಪದೇ ಜ್ಞಾನತ್‌ರ ತೊಡಕ; ಆಚೇಂಗಿ ಮೂಡಂಗ ಜ್ಞಾನತ್‌ನ ಪಿಂಞ ಬೋದನೇನ ಕಡೆಗಟ್ಟ್‌ವ.

ಜ್ಞಾನತ್‌ರ ಪಡಿಮ 23:9

ಮೂಡಂಡ ಕೆಮಿ ಕ್‍ೕಪನೆಕೆ ಪರಿಯತೆ. ಅಂವೊ ನೀಡ ಜ್ಞಾನತ್‌ರ ತಕ್ಕ್‌ನ ತ್‌ಕ್ಕಾರ ಮಾಡುವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:16

ಶಿಷ್ಯಂಗಳ ನೋಟಿತ್: ನಿಂಗಡ ತಕ್ಕ್‌ನ ಕ್‍ೕಪಯಿಂಗ ನಾಡ ತಕ್ಕ್‌ನ ಕ್‍ೕಟನೆಕೆ. ನಿಂಗಳ ತಿರಸ್ಕಾರ ಮಾಡ್‌ವಯಿಂಗ, ನನ್ನ ತಿರಸ್ಕಾರ ಮಾಡ್‍ನನೆಕೆ, ನನ್ನ ತಿರಸ್ಕಾರ ಮಾಡ್‌ವಯಿಂಗ ನನ್ನ ಅಯಿಚ ದೇವನ ತಿರಸ್ಕಾರ ಮಾಡ್‌ನನೆಕೇಂದ್ ಎಣ್ಣ್‌ಚಿ.

ಯೋಹಾನ 12:48

ನನ್ನ ಅಲ್ಲಗೆಳೆದಿತ್, ನಾಡ ವಾಕ್ಯತ್‍ನ ಸ್ವೀಕಾರ ಮಾಡತಯಿಂಗಳ ನಾನ್ ನ್ಯಾಯತೀರ್ಪ್ ಮಾಡುಲೆ, ನಾನ್ ಎಣ್ಣ್‌ನ ದೇವಡ ವಾಕ್ಯವೇ ಆಕೀರ್ ದಿವಸತ್‍ಲ್ ಅಂವೊನ ನ್ಯಾಯತೀರ್ಪ್ ಮಾಡ್‌ವ.

ಅಪೊಸ್ತಲ 13:41

ತಿರಸ್ಕಾರ ಮಾಡ್‍ವಯಿಂಗಳೇ, ನೋಟಿ, ಆಶ್ಚರ್ಯ ಪಡಿರಿ, ನಾಶವಾಯಿತ್ ಪೋಯಿರಿ. ನಿಂಗಡ ಕಾಲತ್‍ಲ್ ನಾನ್ ಒರ್ ಕಾರ್ಯತ್‍ನ ಮಾಡ್‌ವಿ; ಆ ಕಾರ್ಯತ್‍ನ ಒಬ್ಬ ನಿಂಗಕ್ ವಿವರಿಚಿಟ್ಟತೇಂಗಿಯು ನಿಂಗ ನಂಬುಲೇಂದ್ ಎಣ್ಣ್‌ವದೇ.

ರೋಮ್ 5:5

ಈ ನಿರೀಕ್ಷೆ ನಂಗಳ ನಿರಾಶೆ ಮಾಡುಲೆ, ಎನ್ನಂಗೆಣ್ಣ್‌ಚೇಂಗಿ, ನಂಗಕ್ ತಂದಿತುಳ್ಳ ಪವಿತ್ರಾತ್ಮತ್‍ರಗುಂಡ್ ದೇವಡ ಪ್ರೀತಿ ನಂಗಡ ಹೃದಯತ್‍ಲ್ ಬೂಕಿತುಂಡ್.

1 ಕೊರಿಂಥ 2:10

ಆಚೇಂಗಿ ನಂಗಕ್ ದೇವ ಅದ್‍ನ ತಾಂಡ ಆತ್ಮತ್‍ರಗುಂಡ್ ಕಾಂಬ್‍ಚಿಟ್ಟತ್. ಆ ಆತ್ಮ ದೇವಡ ಆಳವಾನ ವಿಷಯತ್‍ನೆಲ್ಲಾ ತ್‍ೕಡ್‌ವ.

1 ಕೊರಿಂಥ 7:40

ನಾಡ ಅಬಿಪ್ರಾಯತ್‌ರನೆಕೆ, ಅವ ಪುನಃ ಮಂಗಲ ಕಯಿಕತೆ ಇಂಜತೇಂಗಿ, ಅದ್ ನಲ್ಲದ್‍ೕಂದ್ ನಾಕ್ ಆಪ. ನಾನ್ ಇನ್ನನೆ ಎಣ್ಣ್‌ವಕ್ ದೇವಡ ಆತ್ಮವೇ ನನ್ನ ನಡ್‍ತಿಯಂಡುಂಡ್‍ೕಂದ್ ನಂಬ್‌ವಿ.

2 ಕೊರಿಂಥ 1:22

ಅಂವೊನೇ ನಂಗಕ್ ಮುದ್ರೆ ಇಟ್ಟಿತ್, ನಂಗಡ ಹೃದಯತ್‍ಲ್ ಪವಿತ್ರಾತ್ಮತ್‍ನ ಬಪ್ಪಕುಳ್ಳ ವಿಷಯಕ್ ಸಂಚಕಾರವಾಯಿತ್ ತಂದಿತುಂಡ್.

ಗಲಾತ್ಯ 4:6

ನಂಗ ದೇವಡ ಮಕ್ಕಳಾನಗುಂಡ್, ದೇವ ಅಂವೊಂಡ ಮೋಂವೊಂಡ ಆತ್ಮತ್‌ನ ನಂಗಡ ಹೃದಯತ್‍ಲ್ ಅಯಿಚಿತ್, ಅಂವೊನ ಪ್ರೀತಿರ ಅಪ್ಪಾ ಪಪ್ಪಾಂದ್ ಕಾಕ್‍ವನೆಕೆ ಮಾಡ್‍ಚಿ.

1 ಪೇತ್ರ 1:12

ಅಯಿಂಗಕಾಯಿತ್ ಅಲ್ಲತೆ, ನಂಗಕಾಯಿತೇ ಇನ್ನನೆ ಅಯಿಂಗ ಪ್ರವಾದನೆ ಎಣ್ಣ್‌ಚೀಂದ್ ಅಯಿಂಗಕ್ ಗೊತ್ತಾಚಿ. ಪರಲೋಕತ್ಂಜ ಈ ಲೋಕಕ್ ದೇವ ಅಯಿಚ ಪವಿತ್ರಾತ್ಮತ್‍ರಗುಂಡ್, ನಿಂಗಕ್ ದೇವಡ ನಲ್ಲ ಸುದ್ದಿನ ಎಣ್ಣ್‌ನಯಿಂಗಡ ಮೂಲಕ, ಈ ವಿಷಯತ್‌ನೆಲ್ಲ ಇಕ್ಕ ನಿಂಗಕ್ ಎಣ್ಣಿಯಂಡುಂಡ್. ಇದ್‍ನ ದೇವದೂತಂಗ ಸಹ ಚಾಯಿ ನೋಟ್‍ವಕ್ ಕುಶೀಲ್ ಉಂಡ್.

2 ಪೇತ್ರ 1:21

ಅಥವ, ಏದ್ ಪ್ರವಾದನೆಯು ಮನುಷ್ಯಂಗಡ ಚಿತ್ತತ್‍ರನೆಕೆ ಬಂದದ್ ಅಲ್ಲ; ದೇವಡ ಪವಿತ್ರವಾನ ಮನುಷ್ಯಂಗ ಪವಿತ್ರಾತ್ಮ ಎಣ್ಣುವಕ, ಅದ್ಂಗ್ ತಕ್ಕಂತದಾಯಿತ್ ಪರ್ಂದತ್.

1 ಯೋಹಾನ 3:24

ಅಂವೊಂಡ ಆಜ್ಞೆರ ಪ್ರಕಾರ ನಡ್‌ಪಂವೊ, ದೇವಡ ಕೂಡೆ ಇಪ್ಪ, ದೇವನು ಅಂವೊಂಡ ಕೂಡೆ ಇಪ್ಪ. ಅಂವೊ ನಂಗಡ ಕೂಡೆ ಉಂಡ್‍ೕಂದ್ ಉಳ್ಳದ್ ಅಂವೊ ನಂಗಕ್ ಕೊಡ್‍ತ ಪವಿತ್ರತ್ಮಾತ್ಂಜಲೇ ನಂಗಕ್ ಗೊತ್ತಾಪ.

ಯೂದ ಒಳ್‍ದ್‍ನ ಕಾಗದ 1:8

ಅದೇ ತರತ್‍ಲ್ ದೇವಡ ಮೇಲೆ ಬಕ್ತಿ ಇಲ್ಲತ ಜನಳು, ದೇವ ಅಯಿಂಗಕ್ ಸ್ವಪ್ನತ್‌ಲ್ ಅನ್ನನೆ ಮಾಡ್‌ವಕ್ ಅದಿಕಾರ ತಾತ್‍ೕಂದ್ ಎಣ್ಣಿಯಂಡ್, ಅಯಿಂಗಡ ಶರೀರತ್‌ನ ಅಶುದ್ದ ಮಾಡಿಯಂಡ್, ದೇವಡ ಅದಿಕಾರ ಅಯಿಂಗಡ ಮೇಲೆ ಇಲ್ಲತನೆಕೆ ಮಾಡಿಯಂಡ್, ದೇವದೂತಂಗಡ ಅದಿಕಾರತ್‍ನ ಅಲ್ಲಗೆಳೆಯುವ.