1 ಥೆಸಲೊನೀಕ 4:7 - ಕೊಡವ ಬೈಬಲ್

⁷ ಈ ತರ ಪವಿತ್ರ ಇಲ್ಲತ ಕೆಲಸ ಮಾಡ್‌ವಕ್ ದೇವ ನಂಗಳ ಕಾಕಿತ್‌ಲ್ಲೆ, ದೇವ ನಂಗಳ ಪವಿತ್ರವಾಯಿತ್ ಪಾಪ ಇಲ್ಲತೆ ಬದ್‍ಕಂಡೂಂದ್ ಕಾಕಿತುಂಡ್.

1 ಥೆಸಲೊನೀಕ 4:7 Iomraidhean Croise

ರೋಮ್ 1:7

ದೇವ ನಿಂಗಳ ಪ್ರೀತಿ ಮಾಡಿತ್, ಪವಿತ್ರವಾನಯಿಂಗಳಾಯಿತ್ ಇಪ್ಪಕ್ ಕಾಕ್‍ಚಿ. ನಂಗಡ ಅಪ್ಪನಾನ ದೇವಡ ಪಿಂಞ ಒಡೆಯನಾನ ಯೇಸು ಕ್ರಿಸ್ತಂಡ ಕೃಪೆಯು ಸಮಾದಾನವು ನಿಂಗಕ್ ಕ್‍ಟ್ಟಡ್.

1 ಕೊರಿಂಥ 1:2

ಕೊರಿಂಥ ಪಟ್ಟಣತ್‍ಲ್ ಉಳ್ಳ ಸಬೇಲ್ ಯೇಸು ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ಮಿಂಞಲೇ ದೇವಡ ಮಕ್ಕಳಾಯಿತ್ ಆನಯಿಂಗಕ್ ಪಿಂಞ ಅಯಿಂಗಕು ನಂಗಕು ಒಡೆಯನಾನ ಯೇಸು ಕ್ರಿಸ್ತಂಡ ಪೆದತ್‍ಲ್, ಎಲ್ಲಾ ಜಾಗತ್‍ಲ್ ಆರಾದನೆ ಮಾಡ್‌ವ ಜನತ್‍ರಕೂಡೆ, ಪವಿತ್ರವಾಯಿತ್ ಇಪ್ಪಕ್ ಕಾಕ್‍ಚಿಟ್ಟ ನಿಂಗಕ್, ಒಳ್‍ದ್‍ವ ಕಾಗದ ಇದ್.

ಗಲಾತ್ಯ 5:19

ಮನುಷ್ಯಂಡ ಪಾಪತ್‍ರ ಗುಣ ಮಾಡ್‌ವ ಕಾರ್ಯವೆಲ್ಲಾ ಪೊರಮೆ ಕಾಂಬಕ್ ಕಯ್ಯು. ಅದೆಲ್ಲ ಎಂತ ಎಣ್ಣ್‌ಚೇಂಗಿ: ಲೈಂಗಿಕ ಪಾಪ, ನೀತಿಯಿಲ್ಲತ ಕಾರ್ಯ, ತಡೀರ ಮೋಹ,

ಎಫೆಸ 1:4

ತಾಂಡ ಮಿಂಞತ್, ನಂಗ ಪ್ರೀತಿಲ್ ಪವಿತ್ರವಾನಯಿಂಗಳಾಯಿತು, ಒರ್ ಕುತ್ತ ಇಲ್ಲತಯಿಂಗಳಾಯಿತು ಇಪ್ಪಕ್, ಲೋಕ ಉಂಟಾಪಕ್ ಮಿಂಞಲೇ ದೇವ ನಂಗಳ ಅಂವೊಂಡ ಜನವಾಯಿತ್ ಇಪ್ಪಕ್ ಕ್ರಿಸ್ತಂಡಲ್ಲಿ ಗೊತ್ತ್ ಮಾಡಿರ್‌ತ್.

ಎಫೆಸ 2:10

ಎನ್ನನೆ ಎಣ್ಣ್‌ಚೇಂಗಿ, ನಲ್ಲ ಕೆಲಸ ಮಾಡ್‌ವಕಾಯಿತ್ ನಂಗಳ ಪುದಿಯದಾಯಿತ್ ಕ್ರಿಸ್ತ ಯೇಸುರಲ್ಲಿ ಸೃಷ್ಟಿ ಮಾಡ್‍ನ ದೇವಡ ಕ್ರಿಯೇಯಾಯಿತುಂಡ್; ಅದ್‍ಲ್ ನಂಗ ನಡ್‍ಕಂಡೂಂದ್ ದೇವ ಮಿಂಞಲೇ ತಯಾರ್ ಮಾಡಿತುಂಡ್.

ಎಫೆಸ 4:1

ಆನಗುಂಡ್, ದೇವ ನಿಂಗಳ ಕಾಕ್‍ನನೆಕೆ, ನಿಂಗ ಅದ್ಂಗ್ ಯೋಗ್ಯವಾನ ಬದ್‍ಕ್‍ನ ಬಾಳಡೂಂದ್ ಒಡೆಯಂಗಾಯಿತ್ ಕೈದಿಯಾಯಿತ್ ಉಳ್ಳ ನಾನ್, ನಿಂಗಳ ಬೋಡುವಿ.

ಎಫೆಸ 4:19

ಸೊಯ ತಪ್ಪಿತ್, ಎಲ್ಲಾ ಅಶುದ್ದ ಕ್ರಿಯೇನ ಕುಶೀಲ್ ಮಾಡಿಯಂಡಿಪ್ಪಕಾಯಿತ್, ಲೈಂಗಿಕ ಪಾಪಕ್ ಅಯಿಂಗಳ ಅಯಿಂಗ ಒಪ್ಪ್‌ಚಿಟ್ಟಯಿಂಗಾಳಾಯಿತುಂಡ್.

1 ಥೆಸಲೊನೀಕ 2:3

ನಂಗಡ ಬೋದನೆರ ಮೂಲಕ ನಿಂಗಳ ನಂಗ ಬೋಡ್‍ನದ್, ನಿಂಗಳ ವಂಚನೆ ಮಾಡ್‌ವಕೋ, ತಪ್ಪಾನ ಉದ್ದೇಶತ್‍ಲೋ, ಕಪಟತ್ಂಜೋ ಎಣ್ಣ್‌ನದ್ ಅಲ್ಲ.

2 ತಿಮೊಥೆಯ 1:9

ಎನ್ನಂಗೆಣ್ಣ್‌ಚೇಂಗಿ ದೇವ ನಂಗಳ ರಕ್ಷಣೆ ಮಾಡಿತ್, ಪವಿತ್ರವಾನ ಬದ್‍ಕ್ ಬಾಳ್‌ವಕ್ ನಂಗಳ ಕಾಕಿತುಂಡ್. ನಂಗಕ್ ಇದ್ ಕ್‍ಟ್ಟ್‌ವಕ್ ಒರ್ ಯೊಗ್ಯತೆಯು ಇಲ್ಲೆ. ಆಚೇಂಗಿ, ಕಾಲ ಸುರ್ ಆಪಕ್ ಮಿಂಞಲೇ, ಈ ಕೃಪೆ ಯೇಸು ಕ್ರಿಸ್ತನಗುಂಡ್ ನಂಗಕ್ ಕ್‍ಟ್ಟಂಡೂಂದ್ ದೇವಡ ಚಿತ್ತವಾಯಿತ್ಂಜತ್.

ಇಬ್ರಿಯ 12:14

ಎಕ್ಕಾಲು ಎಲ್ಲಾ ಜನಡ ಕೂಡೆಯು ಸಮಾದಾನತ್‍ಲ್ ಬದ್‌ಕಿತ್ ಪವಿತ್ರವಾಯಿತ್ ಇಪ್ಪಕ್ ಪ್ರಯತ್ನ ಪಡಿ; ಪವಿತ್ರವಾಯಿತ್ ಇಲ್ಲತ ಒಬ್ಬನು ಒಡೆಯನ ಕಾಂಬಕ್ ಕಯ್ಯುಲೆ.

2 ಪೇತ್ರ 2:10

ಎಲ್ಲಾಕಿಂಜ, ಅಯಿಂಗಡ ಸ್ವಂತ ಮೋಸವಾನ ಲೈಂಗಿಕ ಪಾಪತ್‍ರ ಗುಣತ್‍ರ ಆಸೆರನೆಕೆ ಬದ್‍ಕ್‍ವಕ್ ಬಗ್ಗ್‌ಚಿಟ್ಟಿತ್ ನಡ್ಂದಂಡ್, ಒಡೆಯಂಡ ಅದಿಕಾರತ್‍ನ ಅಲ್ಲಗೆಳೆಯುವಯಿಂಗಕ್ ಕಂಡಿತವಾಯಿತ್ ಇನ್ನನೆ ಮಾಡ್‌ವ. ಈಂಗ, ದಾರ್ ಎಣ್ಣ್‌ಚೇಂಗಿಯು ತಗ್ಗಿತ್‌ ನಡ್‌ಕತಯಿಂಗಳು, ಆಂಗಾರಿಯಳು, ದೇವಡ ಸನ್ನಿದಾನತ್‍ಲ್ ಪರಲೋಕತ್‍ಲ್ ಮಹಿಮೆ ಪಡ್ಂದಯಿಂಗಳ ದೂಷಣೆ ಮಾಡ್‌ವಕ್ ಪೋಡಿಯಿಲ್ಲತಯಿಂಗಳು ಆಯಿತುಂಡ್.