1 ಥೆಸಲೊನೀಕ 4:11 - ಕೊಡವ ಬೈಬಲ್

¹¹ ಇದ್ ನಿಂಗಡ ನೋಕವಾಯಿತ್ ಇರಂಡು. ನಿಂಗ ಸಮಾದಾನತ್‍ರ ಬದ್‍ಕ್ ಬದ್‍ಕ್‍ವಕ್, ಪೊರಮೆ ಉಳ್ಳಯಿಂಗಡ ಬದ್‍ಕ್‍ರ ವಿಷಯತ್ ನುಗ್ಗ್‌ವಕ್ಕಾಗ. ನಿಂಗ ನಿಂಗಡ ಸ್ವಂತ ಕೆಲಸ ಮಾಡಂಡೂಂದ್ ನಿಂಗಕ್ ನಂಗ ಮಿಂಞಲೇ ಎಣ್ಣಿತುಂಡ್.

1 ಥೆಸಲೊನೀಕ 4:11 Iomraidhean Croise

ಜ್ಞಾನತ್‌ರ ಪಡಿಮ 17:1

ಜಗಳ ದುಂಬ್‌ನ ಮನೆಲ್ ಬಲ್ಯ ಊಟ ಉಂಬಕಿಂಜಿ ಸಮಾದಾನತ್‌ ತಿಂಬ ಚೆರಿಯ ತುಂಡ್‌ ಒಟ್ಟಿಯೇ ಮೇಲ್.

ಜ್ಞಾನತ್‌ರ ಪಡಿಮ 17:14

ವಿವಾದತ್‌ನ ಸುರುಮಾಡ್‌ವದ್‌ ನೀರ್‌ಕಟ್ಟೆನ ತೊರ್‌ಂದನೆಕೆ. ಆನಗುಂಡ್‌ ಅದ್‌ ಬಲ್ಯದಾಪಕ್‌ ಮಿಂಞಲೇ ನಿಪ್ಪ್‌ಚಿಡ್.

ಮಾರ್ಕ 13:34

ಒರ್ ಮನುಷ್ಯ ಅಂವೊಂಡ ಮನೆನ ಬುಟ್ಟಿತ್ ದೂರ ದೇಶಕ್ ಪೋಪಕ, ಅಂವೊಂಡ ಆಳ್ಂಗಕ್ ಅದಿಕಾರ ಕೊಡ್‌ತಿತ್, ಅಯಿಂಗಯಿಂಗಕ್ ಕೆಲಸತ್‍ನ ಪಾಲ್ ಮಾಡಿ ಕೊಡ್‌ತಿತ್, ಎಚ್ಚರತ್‍ಲ್ ಇರ್‍ೕಂದ್ ಮನೆನ ಕಾಪಂವೊಂಗ್ ಎಣ್ಣಿತ್ ಪೋಪ.

ಅಪೊಸ್ತಲ 18:3

ಅಯಿಂಗ ಗುಡಾರ ಕೆಲಸ ಮಾಡ್‌ವಯಿಂಗಳಾಯಿತ್ಂಜತ್. ಪೌಲ ಸಹ ಗುಡಾರ ಮಾಡ್‍ಂವವೊನಾಯಿತ್ಂಜಗುಂಡ್, ಅಂವೊ ಅಯಿಂಗಡ ಪಕ್ಕ ಪೋಯಿತ್, ಕೆಲಸ ಮಾಡಿಯಂಡ್ ಅಲ್ಲಿಯೇ ವಾಸ ಮಾಡಿಯಂಡ್ ಇಂಜತ್.

ಅಪೊಸ್ತಲ 20:35

ಇನ್ನನೆ ಕಷ್ಟಪಟ್ಟಿತ್, ಇಲ್ಲತಯಿಂಗಕ್ ಸಹಾಯ ಮಾಡ್‌ವಕು, ಪಿಂಞ ಎಡ್‍ಪಕಿಂಜ ಕೊಡ್‌ಪದೇ ಬಲ್ಯ ಆಶೀರ್ವಾದಾಂದ್ ಒಡೆಯನಾನ ಯೇಸು ಎಣ್ಣ್‌ನನೆಕೆ, ಗೇನಮಾಡಂಡೂಂದ್ ಎಲ್ಲಾ ವಿಷಯತ್‍ಲ್ ನಾನ್ ನಿಂಗಕ್ ಉದರಾಣೆಯಾಯಿತ್ ಇಂಜ.

ರೋಮ್ 12:11

ಸೋಮಾರಿಯಾಯಿತ್ ಇಕ್ಕತೆ, ದುಂಬ ಜಾಗ್ರತೆಲ್ ಇರಿ; ಆತ್ಮತ್‍ಲ್ ಕಮ್ಮಿ ಆಕತಿ, ಒಡೆಯಂಗ್ ಸೇವ ಮಾಡಿ.

ರೋಮ್ 15:20

ನಾನ್ ಬೋರೆ ಒಬ್ಬ ಇಟ್ಟಿತುಳ್ಳ ಅಡಿಪಾಯತ್‍ರ ಮೇಲೆ ಕೆಟ್ಟತನೆಕೆ, ನಲ್ಲ ಸುದ್ದಿ ಅರಿಚಿಡತ ಜಾಗತ್‍ಲ್ ಕ್ರಿಸ್ತಂಡ ಪೆದತ್‍ನ ಪ್ರಚಾರ ಮಾಡ್‍ವದ್ ನಾಡ ಆಸೆ.

1 ಕೊರಿಂಥ 4:12

ನಂಗ ನಂಗಡ ಕೈಯಿಂಜ ಕಷ್ಟಪಟ್ಟಿತ್ ಕೆಲಸ ಮಾಡ್‌ವ. ನಂಗಳ ದಾರ್ ಅವಮಾನ ಮಾಡ್‍ಚೇಂಗಿಯು ನಂಗ ಅಯಿಂಗಳ ಆಶೀರ್ವಾದ ಮಾಡ್‌ವ. ನಂಗಳ ಹಿಂಸೆ ಮಾಡ್‌ವಯಿಂಗಡ ಮೇಲೆ ನಂಗ ತಾಳ್ಮೆನ ಕಾಟುವ.

2 ಕೊರಿಂಥ 5:9

ಆನಗುಂಡ್, ನಂಗ ತಡೀಲ್ ವಾಸಮಾಡಿಯಂಡಿಂಜತೇಂಗಿಯು ಸರಿ, ವಾಸ ಮಾಡತೆ ಇಂಜತೇಂಗಿಯು ಸರಿ, ಒಡೆಯನ ಕುಶಿಪಡ್‍ತ್‍ವಯಿಂಗಳಾಯಿತ್ ಇಪ್ಪಕ್ ಪ್ರಯತ್ನಪಟ್ಟಂಡುಂಡ್.

ಎಫೆಸ 4:28

ಕಳ್ಳತನ ಮಾಡ್‌ವಯಿಂಗ ಇಂಞು ಮಿಂಞಕ್ ಕಕ್ಕತೆ, ತಾಂಡ ಕೈಯಿನಗುಂಡ್ ನಲ್ಲ ಕೆಲಸ ಮಾಡಿತ್, ಬೋಂಡಿಯಾನಯಿಂಗಕ್ ಕೊಡ್‍ಕಂಡು.

1 ತಿಮೊಥೆಯ 2:2

ನಂಗೆಲ್ಲಾ ಬಕ್ತಿಲ್, ಮರ್ಯಾದೆಲ್, ಏದ್ ತೊಂದರೆ ಇಲ್ಲತೆ, ಸುಕ ಸಮಾದಾನತ್‍ಲ್ ಬದ್‍ಕ್‍ವಕಾಯಿತ್ ನಂಗಡ ರಾಜಂಗಕು ಅದಿಕಾರಿಯಂಗಕು ಪ್ರಾರ್ಥನೆ ಮಾಡಂಡು.

1 ತಿಮೊಥೆಯ 5:13

ಅದೂ ಅಲ್ಲತೆ ಅಯಿಂಗ ಸೋಮಾರಿಯಾಯಿತ್, ಮನೆಮನೆಕ್ ಸುತ್ತಿಯಂಡಿಪ್ಪ. ಸೋಮಾರಿಯಾಯಿತ್ ಮಾತ್ರ ಅಲ್ಲತೆ, ಬೋರೆಯಿಂಗಡ ಕೆಲಸತ್‍ಲ್ ಬಂತ್, ಎಣ್ಣುವಕ್ಕಾಗಾಂತ ವಿಷಯತ್‍ನ ಪರ್‌ದಂಡ್, ಹರಟೆ ಪೊಯ್ಯುವ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:14

ನಂಗಡ ಜನ, ನೇರಾಯಿತ್ ಕೊರತೆ ಉಳ್ಳಯಿಂಗಕ್ ಬೋಂಡಿಯಾನದ್‍ನ ಪೂರೈಚಿಡುವ ನಲ್ಲ ಕಾರ್ಯತ್‍ನ ಮಾಡ್‌ವಕ್ ಪಡಿಕಡ್. ಅಕ್ಕ ಅಯಿಂಗಡ ಬದ್‍ಕ್ ಪ್ರಯೋಜನ ಇಲ್ಲತೆ ಪೋಪುಲೆ.

1 ಪೇತ್ರ 3:4

ಅದ್ಂಡ ಬದ್‍ಲ್, ನಿಂಗಡ ಬೋಜ ನಿಂಗಡ ಒಳ್‍ಲಿಂಜ ಬಪ್ಪದಾಯಿತ್ ಇರಂಡು. ಅದ್ ಎಂತ ಎಣ್ಣ್‌ಚೇಂಗಿ: ಪಾಳಾಯಿ ಪೋಕತ ಅಲಂಗಾರವಾನ ಶಾಂತ ಮನಸ್ಸ್‌ಲ್ ನಿಂಗಡ ಹೃದಯತ್‍ಲ್ ಮುಚ್ಚಿತಿಪ್ಪ ಗುಣವೇ. ಅದ್ ದೇವಡ ನೋಟತ್‌ಲ್ ದುಂಬ ಬೆಲೆಯುಳ್ಳದಾಯಿತುಂಡ್.

1 ಪೇತ್ರ 4:15

ಆನಗುಂಡ್, ನಿಂಗಡಲ್ಲಿ ಒಬ್ಬ ಸಹ, ಕೊಲೆಗಾರನಾಯಿತ್, ಕಳ್ಳನಾಯಿತ್, ಕೆಟ್ಟದ್ ಮಾಡ್‌ಂವೊನಾಯಿತ್, ಬೋರೆಯಿಂಗಡ ವಿಷಯತ್ ನುಗ್ಗಿತ್ ಗಲಾಟೆ ಮಾಡ್‌ವಂವೊನಾಯಿತ್, ನಿಂಗ ದಾರೂ ಕಷ್ಟಪಡ್‌ವಕ್ಕಾಗ.