1 ಥೆಸಲೊನೀಕ 3:11 - ಕೊಡವ ಬೈಬಲ್

¹¹ ನಂಗ ಎಲ್ಲಾಡ ಅಪ್ಪನಾನ ದೇವ ಪಿಂಞ ನಂಗ ಎಲ್ಲಾಡ ಒಡೆಯನಾನ ಯೇಸು ಕ್ರಿಸ್ತ ನಿಂಗಡ ಪಕ್ಕ ಬಪ್ಪಕಾಯಿತ್ ನಂಗಕ್ ಬಟ್ಟೆ ಕಾಟಿತರಡ್.

1 ಥೆಸಲೊನೀಕ 3:11 Iomraidhean Croise

ಮಲಾಕಿ 1:6

ಒರ್‌ ಮೋಂವೊ ತಾಂಡ ಅಪ್ಪನ ಪಿಂಞ ಒರ್‌ ಆಳ್‌ ತಾಂಡ ಎಜಮಾನನ ಗನ ಪಡುತುವಲ್ಲಾ; ನಾನ್‌ ಅಪ್ಪನಾಚೇಂಗಿ ನಾಕ್‍ ಕೊಡ್‌ಪಕುಳ್ಳ ಮರ್ಯಾದೆ ಎಲ್ಲಿ? ನಾನ್‌ ಎಜಮಾನನಾಚೇಂಗಿ ನಾಕ್‍ ಬೊತ್ತುವಕುಳ್ಳ ಪೋಡಿ ಎಲ್ಲೀಂದ್‌ ಸೈನ್ಯತ್‌ರ ಒಡೆಯನಾನ ಯೆಹೋವ, ತಾಂಡ ಪೆದತ್‌ನ ಅಲ್ಲಗೆಳಯುವ ಯಾಜಕಂಗಳಾನ ನಿಂಗಳ ಕೇಟಂಡುಂಡ್. ಅದಂಗ್‌ ಅಯಿಂಗ: ನೀಡ ಪೆದತ್‌ರ ಏದ್‌ ವಿಷಯತ್‌ಲ್‌ ಅಲ್ಲಗೆಳಿಚ್ಚತ್‌ಂದ್‌ ಕ್‌ಟ್ಟತ್.

ಮತ್ತಾಯ 6:14

ನಿಂಗಕ್ ವಿರೋದವಾಯಿತ್ ಪಾಪ ಮಾಡ್‍ನಯಿಂಗಳ ಮನ್ನಿಚಿಟ್ಟತೇಂಗಿ, ನಿಂಗಡ ಪರಲೋಕತ್‍ರ ಅಪ್ಪ ನಿಂಗಳ ಮನ್ನಿಚಿಡ್‌ವ.

ಮತ್ತಾಯ 6:18

ಅಕ್ಕ ನಿಂಗ ಗುಟ್ಟ್‌ಲ್ ಎಂತ ಮಾಡಿಯಂಡುಳ್ಳಿರಾಂದ್ ಗೊತ್ತುಳ್ಳ ನಿಂಗಡ ಅಪ್ಪನ ಬುಟ್ಟಿತ್, ಬೋರೆ ದಾರ್‌ಕು ನಿಂಗ ಪಟ್ಟಣಿ ನಿಂದಂಡುಳ್ಳದ್ ಗೊತ್ತಾಪುಲೆ. ಅಕ್ಕ, ಎಲ್ಲಾ ಗುಟ್ಟು ಗೊತ್ತುಳ್ಳ ನಿಂಗಡ ಅಪ್ಪ, ನಿಂಗಕ್ ಫಲ ತಪ್ಪ.

ಮತ್ತಾಯ 6:26

ಬಾನತ್‍ರ ಪಕ್ಷಿನ ನೋಟಿ, ಅಯಿಂಗ ಕುರುನ ಬಿತ್ತ್‌ವದು ಇಲ್ಲೆ, ಕೊಯಿಪಣಿ ಮಾಡ್‍ವುದು ಇಲ್ಲೆ, ಬೊಳೆನ ಪತ್ತಾಯಕ್ ಇಟ್ಟಿತ್ ಬೆಪ್ಪದು ಇಲ್ಲೆ. ಆಚೇಂಗಿಯು ನಿಂಗಡ ಪರಲೋಕತ್‍ರ ದೇವ ಅಯಿಂಗಳ ಉಂಬ್‍ಚಿಡ್‌ವ. ಅದ್ಂಗಿಂಜ ನಿಂಗ ಬೆಲೆ ಉಳ್ಳಯಿಂಗಲ್ಲಾ?

ಮತ್ತಾಯ 6:32

ದೇವಡ ಮೇಲೆ ನಂಬಿಕೆ ಇಲ್ಲತಯಿಂಗ ಇದ್‍ನೆಲ್ಲ ಗೇನ ಮಾಡಿಯಂಡ್, ಬೇಜಾರ್ ಮಾಡಿಯಂಡಿಪ್ಪ. ಇದೆಲ್ಲ ನಿಂಗಕ್ ಬೋಂಡೂಂದ್ ನಿಂಗಡ ಪರಲೋಕತ್‍ರ ಅಪ್ಪಂಗ್ ಗೊತ್ತುಂಡ್.

ಮತ್ತಾಯ 6:4

ನಿಂಗಡ ಇನಾಮ್‍ನ ಗುಟ್ಟಾಯಿತ್ ಕೊಡಿ, ಎಲ್ಲಾ ಒಳಗುಟ್ಟ್‌ನ ಗೊತ್ತುಳ್ಳ ನಿಂಗಡ ಅಪ್ಪ ನಿಂಗಕ್ ಫಲ ತಪ್ಪ.

ಮತ್ತಾಯ 6:6

ಆಚೇಂಗಿ ನಿಂಗ ಪ್ರಾರ್ಥನೆ ಮಾಡ್‌ವಕಾಪಕ ದಾರ್‌ಕು ಗೊತ್ತಿಲ್ಲತೆ ನಿಂಗಡ ಕೋಂಬರೇಕ್ ಪೋಯಿತ್, ಪಡಿ ಇಟ್ಟಂಡ್ ನಿಂಗಕ್ ಕಾಂಗತ ಅಪ್ಪನಾನ ದೇವನ ನೋಟಿತ್ ಪ್ರಾರ್ಥನೆ ಮಾಡಿ. ದಾರ್‌ಕು ಗೊತ್ತಿಲ್ಲತೆ ಮಾಡ್‌ವಾನೆಲ್ಲ ನೋಟುವ ನಿಂಗಡ ಅಪ್ಪ ನಿಂಗಕ್ ಫಲ ತಪ್ಪ.

ಮಾರ್ಕ 1:3

ದಾರೋ ಮಣಬೂಮಿಲ್, ಒಡೆಯ ಬಂದಂಡ್ ಉಂಡ್ ಅದ್ಂಗಾಯಿತ್ ದೇವ ಬಪ್ಪಕ್ ಉಳ್ಳ ಬಟ್ಟೇನ ನೇರೆ ಮಾಡಿತ್ ಚಾಯಿಮಾಡ್‍ೕಂದ್, ಯೆಶಾಯ ಎಣ್ಣುವ ಪ್ರವಾದಿ ಒಳ್‌ದ್‌ನನೆಕೆ;

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:30

ದೇವಡ ಮೇಲೆ ನಂಬಿಕೆ ಇಲ್ಲತ ಈ ಲೋಕತಯಿಂಗಳೇ ಇದ್‍ನೆಲ್ಲಾ ಗೇನ ಮಾಡಿಯಂಡ್, ಅದ್ಂಡ ಬೆಂಬರತ್ ಪೋಯಂಡುಂಡ್. ಆಚೇಂಗಿ, ಇದೆಲ್ಲಾ ನಿಂಗಕ್ ಬೋಂಡೂಂದ್ ನಿಂಗಡ ಅಪ್ಪನಾನ ದೇವಕ್ ಗೊತ್ತುಂಡ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:32

ನಾಡ ಶಿಷ್ಯಂಗಳೇ, ನಿಂಗ ಒಂದು ಇಲ್ಲತ ನಾಡ ಒರ್ ಚೆರಿಯ ಗುಂಪಾಯಿತ್ ಉಂಡೇಂಗಿಯು, ಬೊತ್ತತಿ, ಎನ್ನಂಗೆಣ್ಣ್‌ಚೇಂಗಿ ಅಪ್ಪನಾನ ದೇವ ಅಂವೊ ಆಳುವ ರಾಜ್ಯತ್‍ಲ್ ನಿಂಗ ಬದ್‍ಕ್‍ವಕಾಯಿತ್ ನಿಂಗಳ ಕುಶೀಲ್ ಗೊತ್ತ್ ಮಾಡಿತುಂಡ್.

ಯೋಹಾನ 20:17

ಯೇಸು ಅವಳ ನೋಟಿತ್: ನೀನ್ ನನ್ನ ಮುಟ್ಟತೆ, ಎನ್ನಂಗೆಣ್ಣ್‌ಚೇಂಗಿ, ನಾನ್ ನಾಡ ಅಪ್ಪಂಡ ಪಕ್ಕ ಇಂಞು ಪೋಯಿತ್‌ಲ್ಲೆ; ನೀನ್ ನಾಡ ತಮ್ಮಣಂಗಡ ಪಕ್ಕ ಪೋಯಿತ್, ನಾನ್ ನಾಡ ಅಪ್ಪಂಡ ಪಕ್ಕವು ನಿಂಗಡ ಅಪ್ಪಂಡ ಪಕ್ಕವು, ನಾಡ ದೇವಡ ಪಕ್ಕವು, ನಿಂಗಡ ದೇವಡ ಪಕ್ಕವು ಪೋಯಂಡುಳ್ಳ್‌ಂದ್ ಎಣ್ಣ್‍ೕಂದ್ ಎಣ್ಣ್‌ಚಿ.

ರೋಮ್ 1:3

ಅದ್ ದೇವಡ ಮೋಂವೊನಾನ ಯೇಸುರ ನಲ್ಲ ಸುದ್ದಿರ ವಿಷಯವೇ. ಅಂವೊ ಮನುಷ್ಯನಾಯಿತ್ ನಂಗಡ ಅಜ್ಜನಾನ ದಾವೀದ ರಾಜಂಡ ಸಂತಾನತ್‍ಲ್ ಪುಟ್ಟ್‌ಚಿ.

2 ಕೊರಿಂಥ 6:18

ಅಕ್ಕ ನಾನ್ ನಿಂಗಳ ಸ್ವೀಕಾರ ಮಾಡಿತ್, ನಿಂಗಡ ಅಪ್ಪನಾಯಿತಿಪ್ಪಿ, ನಿಂಗ ನಾಡ ಮೋನಿಯಂಗಳು ಮೋಳಿಯಂಗಳು ಆಯಿತಿಪ್ಪಿರಾಂದ್ ಸರ್ವ ಶಕ್ತಿವಂತನಾನ ಒಡೆಯ ಎಣ್ಣಿಯಂಡುಂಡ್.

ಗಲಾತ್ಯ 1:4

ಅಂವೊ ನಂಗಳ ಇಕ್ಕತ್‍ರ ಮೋಸವಾನ ಲೋಕತ್ಂಜ ಕಾಪಾಡ್‌ವಕಾಯಿತ್, ನಂಗಡ ಅಪ್ಪನಾನ ದೇವಡ ಚಿತ್ತತ್‍ರನೆಕೆ ನಂಗಡ ಪಾಪಕಾಯಿತ್ ಅಂವೊನ ಚಾವ್‍ಕ್ ಒಪ್ಪ್‌ಚಿಟ್ಟತ್.

ಕೊಲೊಸ್ಸೆ 1:2

ಕೊಲೊಸ್ಸೆ ಪಟ್ಟಣತ್‍ಲ್, ದೇವಡ ಮಕ್ಕಳಾಯಿತು, ನಂಬಿಕಸ್ತಯಿಂಗಳಾಯಿತು ಉಳ್ಳ ಕ್ರಿಸ್ತನ ನಂಬಿಯಂಡುಳ್ಳ ಅಣ್ಣತಮ್ಮಣಂಗಕ್ ಒಳ್‍ದ್‍ವ ಕಾಗದ ಇದ್. ನಂಗಡ ಅಪ್ಪನಾನ ದೇವಡ ಕೃಪೆ ಪಿಂಞ ಸಮಾದಾನ ನಿಂಗಕ್ ಕ್‍ಟ್ಟಡ್.

1 ಥೆಸಲೊನೀಕ 3:13

ಇನ್ನನೆ, ನಂಗಡ ಒಡೆಯನಾನ ಯೇಸು ಕ್ರಿಸ್ತ ತಾಂಡ ಪವಿತ್ರವಾನಯಿಂಗಡ ಕೂಡೆ ಪುನಃ ಬಪ್ಪಕಾಪಕ, ದೇವಡ ಸನ್ನಿದಾನತ್‍ಲ್ ನಿಂಗೆಲ್ಲಾರು ಒರ್ ತಪ್ಪಿಲ್ಲತನೆಕೆ, ಪವಿತ್ರವಾನಯಿಂಗಳಾಯಿತ್ ಇಪ್ಪಕ್ ನಿಂಗಡ ಹೃದಯತ್‍ನ ಸ್ತಿರಪಡ್‍ತಡ್.

1 ಥೆಸಲೊನೀಕ 4:16

ಎನ್ನಂಗೆಣ್ಣ್‌ಚೇಂಗಿ, ಅಕ್ಕ ಒಡೆಯನೇ ಪರಲೋಕತ್ಂಜ ಇಳಿಂಜಿತ್ ಬಪ್ಪ. ಅಕ್ಕ ಅಂವೊ ಬಲ್ಯ ಸ್ವರತ್‍ಲ್ ಹುಕುಮ್ ತಪ್ಪ, ದೇವಡ ಸೈನ್ಯತ್‍ರ ದೂತ ತಕ್ಕ್ ಪರಿಯುವ, ದೇವದೂತ ದೇವಡ ವಾಲಗತ್‌ನ ಊದ್‍ವ. ಆ ವಾಣಿನ ನಂಗ ಕ್‍ೕಪಕ, ಯೇಸುನ ನಂಬಿತ್ ಚತ್ತ್ ಪೋನಯಿಂಗ ಪುನಃ ಜೀವವಾಯಿತ್ ಆದ್ಯ ಎದ್ದಿತ್ ಬಪ್ಪ.

1 ಥೆಸಲೊನೀಕ 5:23

ಸಮಾದಾನತ್‍ರ ದೇವ ನಿಂಗಳ ಪರಿಪೂರ್ಣವಾಯಿತ್ ಪಿಂಞ ಅಂವೊಂಗಾಯಿತ್ ಬೋರೆ ಮಾಡಿತ್ ಪವಿತ್ರವಾನಯಿಂಗಳಾಯಿತ್ ಮಾಡಡ್. ನಿಂಗಡ ಗೇನ, ನಿಂಗಡ ಆಸೆ ಪಿಂಞ ನಿಂಗ ಮಾಡ್‍ವದ್ ನಂಗಡ ಒಡೆಯನಾನ ಯೇಸು ಕ್ರಿಸ್ತ ಬಪ್ಪಕತ್ತನೆ ಒರ್ ತಪ್ಪು ಇಲ್ಲತನೆಕೆ ಇಪ್ಪಕ್ ಅಂವೊ ನಿಂಗಳ ಕಾಪಾಡಡ್.

2 ಥೆಸಲೊನೀಕ 2:16

ನಂಗಡ ಒಡೆಯನಾನ ಯೇಸು ಕ್ರಿಸ್ತನು, ನಂಗಡ ಮೇಲೆ ಪ್ರೀತಿ ಬೆಚ್ಚಿತ್ ನಂಗಡ ಹೃದಯತ್‍ಲ್ ನಿತ್ಯ ಒತ್ತಾಸೆನೆ, ಕುಶೀರ ನಿರಿಕ್ಷೇನ, ನಂಗಕ್ ಕೃಪೆಯಾಯಿತ್ ದಾನಮಾಡ್‍ನ ಅಪ್ಪನಾನ ದೇವನು,

2 ಥೆಸಲೊನೀಕ 3:16

ಸಮಾದಾನತ್‍ರ ಒಡೆಯನೇ ಎಲ್ಲಾ ಸಮಯತ್‍ಲು ಎಲ್ಲಾ ವಿದತ್‌ಲು ನಿಂಗಕ್ ಸಮಾದಾನ ತರಡ್. ಒಡೆಯ ಎಕ್ಕಾಲು ನಿಂಗಡ ಕೂಡೆ ಇಕ್ಕಡ್.

2 ಥೆಸಲೊನೀಕ 3:5

ಒಡೆಯನಾನ ದೇವ ನಿಂಗಳ, ದೇವಡ ಪ್ರೀತಿರ ಬಟ್ಟೇಲ್, ಕ್ರಿಸ್ತಂಡ ತಾಳ್ಮೆರ ಬಟ್ಟೇಲ್ ಕಾಕಿಯಂಡ್ ಪೋಡ್.

1 ಯೋಹಾನ 3:1

ನಂಗಳ ದೇವಡ ಮಕ್ಕಾಂದ್ ಕಾಕ್‍ನಗುಂಡ್ ನಂಗಡ ದೇವನಾನ ಅಪ್ಪ ನಂಗಡ ಮೇಲೆ ಇಟ್ಟಿತ್ತುಳ್ಳ ಪ್ರೀತಿ ಎಚ್ಚಕ್ ಬಲ್ಯದ್‍ೕಂದ್ ನೋಟಿ! ಅಕ್ಕು, ನಂಗ ದೇವಡ ಮಕ್ಕಳೇ! ಆಚೇಂಗಿ, ಈ ಲೋಕತ್‍ರ ಜನ ನಂಗಳ ದೇವಡ ಮಕ್ಕಾಂದ್ ಅರಿಂಜಿತ್‌ಲ್ಲೆ, ಎನ್ನಂಗೆಣ್ಣ್‌ಚೇಂಗಿ ಅಯಿಂಗಕ್ ದೇವನ ಗೊತ್ತ್‌ಲ್ಲೆ.

ಪ್ರಕಟನೆ 21:3

ಸಿಂಹಾಸನತ್ಂಜ ಒರ್ ಬಲ್ಯ ಸದ್ದ್ ನಾಕ್ ಕ್‍ೕಟತ್: ನೋಟಿ, ಮನುಷ್ಯಂಡ ಮದ್ಯತ್‍ಲ್ ದೇವ ವಾಸ ಮಾಡ್‌ವ ಜಾಗ ಉಂಡ್, ಅಯಿಂಗಡಲ್ಲಿ ಅಂವೊ ವಾಸ ಮಾಡಿಯಂಡಿಪ್ಪ; ಅಯಿಂಗ ಅಂವೊಂಡ ಜನವಾಯಿತ್‌ಪ್ಪ, ದೇವ ತಾನೆ ಅಯಿಂಗಡ ಕೂಡೆ ಇಂಜಿತ್ ಅಯಿಂಗಡ ದೇವನಾಯಿತ್‌ಪ್ಪ.