1 ಥೆಸಲೊನೀಕ 2:11 - ಕೊಡವ ಬೈಬಲ್

¹¹ ಒರ್ ಅಪ್ಪ ತಾಂಡ ಸ್ವಂತ ಮಕ್ಕಳ ಎನ್ನನೆ ನಡ್‍ತ್‍ವ, ಅನ್ನನೆ ನಂಗ ನಿಂಗಳ ನಡ್‌ತ್‌ಚೀಂದ್ ನಿಂಗಕ್ ಗೊತ್ತುಂಡ್.

1 ಥೆಸಲೊನೀಕ 2:11 Iomraidhean Croise

ಜ್ಞಾನತ್‌ರ ಪಡಿಮ 1:10

ನಾಡ ಮೋನೇ, ಪಾಪಿಯ ನೀಕ್‌ ಸನ್ನ ಕಾಟ್‌ಚೇಂಗಿಯು ಅದಂಗ್‌ ನೀನ್‌ ಒತ್ತೊತೆ.

ಜ್ಞಾನತ್‌ರ ಪಡಿಮ 1:15

ನಾಡ ಮೋನೇ, ಅಯಿಂಗಡ ಬಟ್ಟೆಲ್‌ ಪೋಕತೆ. ಅಯಿಂಗ ಪೋಪ ಬಟ್ಟೆಯಿಂಜ ನೀಡ ಕಾಲ್‌ನ ದೂರ ಬೆಚ್ಚ.

ಜ್ಞಾನತ್‌ರ ಪಡಿಮ 2:1

ನಾಡ ಮೋನೇ, ನಾನ್‌ ಎಣ್ಣುವ ತಕ್ಕ್‌ನ ಕ್‍ೕಟಿತ್, ನಾಡ ಆಜ್ಞೆನ ಒರ್‌ ಬಂಡಾರನೆಕೆ ಕಾಪಾಡಿತ್,

ಜ್ಞಾನತ್‌ರ ಪಡಿಮ 3:1

ನಾಡ ಮೋನೇ, ನಾಡ ಬೋದನೆನ ಮರ್‌ಕತೆ. ನಾಡ ಆಜ್ಞೆನ ನೀಡ ಹೃದಯತ್‌ಲ್‌ ಗೇನ ಬೆಚ್ಚ.

ಜ್ಞಾನತ್‌ರ ಪಡಿಮ 6:1

ನಾಡ ಮೋನೇ, ಒರ್‌ ಸಮಯ, ನೀನ್‌ ನೀಡ ಸ್ನೇಹಿತ ಎಡ್‌ತ ಸಾಲಕ್‌ ಜಾಮೀನ್‌ ಕೊಡ್‌ತಿತ್, ನೀಕ್‌ ಅರಿಯತಂವೊಂಡ ಪಕ್ಕ ತಕ್ಕ್‌ ಕೊಡ್‌ತ್ತಿಂಜತೇಂಗಿ,

ಜ್ಞಾನತ್‌ರ ಪಡಿಮ 7:1

ನಾಡ ಮೋನೇ, ನಾಡ ತಕ್ಕ್‌ನ ಜಾಗ್‌ರತೆಲ್‌ ಕ್‍ೕಳ್. ನಾಡ ಆಜ್ಞೆನ ಬಂಡಾರತ್‌ರನೆಕೆ ಕಾಪಾಡಿಯ.

ಜ್ಞಾನತ್‌ರ ಪಡಿಮ 7:24

ಆನಗುಂಡ್‌ ಮಕ್ಕಳೇ, ನಾಡ ತಕ್ಕ್‌ನ ಕ್‍ೕಳಿ, ನಾನ್‌ ಎಣ್ಣುವ ತಕ್ಕ್‌ಕ್‌ ಕೆಮಿ ಕೊಡಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:28

ಅಲ್ಲಿ ನಾಕ್ ಅಂಜ್ ಅಣ್ಣತಮ್ಮಣಂಗ ಉಂಡ್, ಅಯಿಂಗ ಈ ಉರಿವ ಜಾಗಕ್ ಬಕ್ಕತನೆಕೆ ನಡ್‍ಪಕ್ ಅಂವೊ ಎಚ್ಚರ ಮಾಡ್‌ವಕ್ ನಾನ್ ನಿನ್ನ ಬೋಡ್‌ವೀಂದ್ ಎಣ್ಣ್‌ಚಿ.

ಅಪೊಸ್ತಲ 20:2

ಅಂವೊ ಆ ಸೀಮೆಕ್ ಪೋಯಿತ್ ಅಲ್ಲಿಯತ್‍ರ ಜನಕ್ ದುಂಬ ಪುರ್‌ಡ್ ಕೊಡ್‌ತಿತ್, ಆಕೀರ್‌ಕ್ ಗ್ರೀಕ್ ದೇಶಕ್ ಬಾತ್.

ಎಫೆಸ 4:17

ಆನಗುಂಡ್, ಒಡೆಯಂಡಲ್ಲಿ ನಾನ್ ನಿಂಗಕ್ ಸಾಕ್ಷಿಯಾಯಿತ್ ಎಚ್ಚರ ಮಾಡಿತ್ ಎಣ್ಣುವದ್ ಎಂತ ಎಣ್ಣ್‌ಚೇಂಗಿ, ಯೆಹೂದ್ಯಂಗಲ್ಲತ ಬೋರೆ ಜನ ಪ್ರಯೋಜನ ಇಲ್ಲತ ಗೇನತ್‍ಲ್ ಬದ್‍ಕ್‍ವನೆಕೆ ನಿಂಗ ಇಂಞು ಮಿಂಞಕ್ ಬದ್‍ಕಂಡ.

1 ಥೆಸಲೊನೀಕ 2:7

ಆಚೇಂಗಿಯು ನಂಗ ನಿಂಗಡ ಕೂಡೆ ದುಂಬ ಸಾದುವಾಯಿತ್ ಒರ್ ಅವ್ವ ಅವಡ ಕುಂಞಿನ ಎನ್ನನೆ ಚಾಕ್‌ವ ಅನ್ನನೆ ಸಮಾದಾನತ್‍ಲ್ ಕಾಪಾಡಿಯಂಡ್ ಇಂಜತ್.

1 ಥೆಸಲೊನೀಕ 4:1

ನಂಗಡ ಅಣ್ಣತಮ್ಮಣಂಗಳೇ, ಆಕೀರಾಯಿತ್ ನಾನ್ ಎಣ್ಣ್‌ವದ್ ಎಂತ ಎಣ್ಣ್‌ಚೇಂಗಿ: ದೇವನ ಕುಶಿಪಡ್‌ತ್‌ವಕಾಯಿತ್ ನಿಂಗ ಎನ್ನನೆಯೆಲ್ಲಾ ಬದ್‍ಕಂಡೂಂದ್ ನಂಗ ಎಣ್ಣಿತಂದದ್‍ನ ನಿಂಗ ಸ್ವೀಕಾರ ಮಾಡ್‍ನನೆಕೆ, ಇಂಞು ಅದ್‍ಲ್ ದುಂಬ ಬೊಳಿಯುವಕ್ ಒಡೆಯನಾನ ಯೇಸುರಗುಂಡ್ ನಿಂಗಳ ಬೋಡಿತ್, ನಿಂಗಕ್ ಬುದ್ದಿ ಎಣ್ಣಿಯಂಡ್ ಉಂಡ್.

1 ಥೆಸಲೊನೀಕ 4:6

ಈ ವಿಷಯತ್‍ಲ್ ಯೇಸುನ ನಂಬ್‍ನ ನಿಂಗಡ ಅಣ್ಣತಮ್ಮಣಂಗಳ ವಂಚನೆ ಮಾಡ್‌ವಕ್ಕಾಗ; ಮಿಂಞಲೇ ನಂಗ ನಿಂಗಕ್ ಎಣ್ಣಿತ್ ಸಾಕ್ಷಿಯಾಯಿತ್ ಎಚ್ಚರ ಮಾಡ್‍ನನೆಕೆ, ಇನ್ನನೆ ಮಾಡ್‌ವಯಿಂಗಕ್ ದೇವ ಕಂಡಿತವಾಯಿತ್ ಶಿಕ್ಷೆ ತಪ್ಪ.

1 ಥೆಸಲೊನೀಕ 5:11

ಅದ್ಂಗಾಯಿತ್, ನಿಂಗ ಇಕ್ಕ ಮಾಡಿಯಂಡಿಪ್ಪನೆಕೆ, ಒಬ್ಬೊಬ್ಬಂಗ್ ಒತ್ತಾಸೆ ಕೊಡಿ. ನಿಂಗ ಅನ್ನನೆ ಮಾಡಿತ್ ಒಬ್ಬೊಬ್ಬಂಗಳ ಬೊಳಿಯುವಕ್ ಸಹಾಯ ಮಾಡಿ.

1 ಥೆಸಲೊನೀಕ 5:14

ನಂಗಡ ಅಣ್ಣತಮ್ಮಣಂಗಳೇ, ಇಂಞು ನಂಗ ನಿಂಗಕ್ ಎಣ್ಣುವ ಆಲೋಚನೆ ಎಂತ ಎಣ್ಣ್‌ಚೇಂಗಿ, ಕೆಲಸ ಮಾಡತ ಇಪ್ಪಯಿಂಗಳ ಎಚ್ಚರ ಮಾಡಿ. ಒತ್ತಾಸೆ ಇಲ್ಲತಯಿಂಗಕ್ ಒತ್ತಾಸೆ ಕೊಡಿ, ಬಲ ಇಲ್ಲತಯಿಂಗಕ್ ಸಹಾಯ ಮಾಡಿ, ಎಲ್ಲಾಡ ಕೂಡೆ ಶಾಂತವಾಯಿತ್ ಇರಿ.

2 ಥೆಸಲೊನೀಕ 2:5

ನಾನ್ ನಿಂಗಡ ಕೂಡೆ ಇಪ್ಪಕಾಪಕ, ನಿಂಗಕ್ ಈ ವಿಷಯ ಎಣ್ಣ್‌ನದ್ ನಿಂಗಕ್ ಗೇನ ಇಲ್ಲೆಯಾ?

2 ಥೆಸಲೊನೀಕ 3:12

ಇನ್ನನೆ ಉಳ್ಳಯಿಂಗ, ಎಂತಾಚು ಕೆಲಸ ಮಾಡಿತ್, ಅಯಿಂಗಡ ಸಂಪಾದೆನೆಲ್ ಬದ್‍ಕಂಡೂಂದ್ ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಪೆದತ್‍ಲ್ ಹುಕುಮ್ ಕೊಡ್‌ತಿತ್ ಬೋಡಿಯಂಡುಂಡ್.

1 ತಿಮೊಥೆಯ 5:21

ನೀನ್ ದಾರ್‌ನು ಮೂಡ್ ನೋಟಿತ್ ನ್ಯಾಯಮಾಡತ, ಪಕ್ಷಪಾತ ಮಾಡತೆ, ನೀನ್ ಇದ್‍ನೆಲ್ಲಾ ಮಾಡಿಯಂಡಿರ್‍ೕಂದ್ ದೇವಡ ಮಿಂಞತ್, ಯೇಸು ಕ್ರಿಸ್ತಂಡ ಪ್ರಸನ್ನತ್‌ಲ್ ಪಿಂಞ ಗೊತ್ತ್ ಮಾಡಿತುಳ್ಳ ದೂತಂಗಡ ಮಿಂಞತ್ ಆಜ್ಞೆ ಮಾಡ್‌ವಿ.

1 ತಿಮೊಥೆಯ 5:7

ದಾರೂ ಅಯಿಂಗಳ ಕುತ್ತ ಪರಿಯತನೆಕೆ, ಈ ತಕ್ಕ್‌ನ ಎಲ್ಲಾರ್‌ಕು ಎಣ್ಣಿ ಕೊಡ್.

1 ತಿಮೊಥೆಯ 6:13

ಎಲ್ಲಾಂಗ್ ಜೀವ ತಪ್ಪ ದೇವಡ ಮಿಂಞತ್, ಪಿಂಞ ಪೊಂತ್ಯ ಪಿಲಾತಂಡ ಮಿಂಞ ನಿಂದಿತ್ ನೇರಾನ ಸಾಕ್ಷಿನ ಗೊತ್ತ್ ಮಾಡ್‍ನ ಯೇಸು ಕ್ರಿಸ್ತನಗುಂಡ್ ನಾನ್ ನೀಕ್ ಆಜ್ಞೆ ಮಾಡ್‍ವದ್ ಎಂತ ಎಣ್ಣ್‌ಚೇಂಗಿ:

1 ತಿಮೊಥೆಯ 6:17

ಈ ಲೋಕತ್‍ಲ್ ಐಶ್ವರ್ಯತ್‍ಲ್ ಉಳ್ಳಯಿಂಗ ಗರ್ವತ್‍ಲ್ ಇಕ್ಕತನೆಕೆ ಪಿಂಞ ಸ್ತಿರಯಿಲ್ಲತ ಅಯಿಂಗಡ ಐಶ್ವರ್ಯತ್‍ರ ಮೇಲೆ ನಂಬಿಕೆ ಬೆಕ್ಕತನೆಕೆ ಅಯಿಂಗಕ್ ಆಜ್ಞೆ ಮಾಡ್. ಅದ್ಂಡ ಬದ್‍ಲ್, ನಂಗ ಅನುಬವಿಚಿಡ್‍ವಕ್, ಎಲ್ಲಾ ನಲ್ಲದ್‍ನ ನಂಗಕ್ ಪೂರ್ತಿಲ್ ಕೊಡ್‍ಪ ಜೀವವುಳ್ಳ ದೇವಡ ಮೇಲೆ ನಂಬಿಕೆ ಬೆಪ್ಪಕ್ ಎಚ್ಚರ ಮಾಡ್.

1 ತಿಮೊಥೆಯ 6:2

ದೇವಡ ಮೇಲೆ ನಂಬಿಕೆ ಬೆಚ್ಚಿತುಳ್ಳ ಎಜಮಾನಂಗ ಇಂಜತೇಂಗಿ, ಅಯಿಂಗಕ್ ನಿಂಗ ಕಮ್ಮಿ ಮರ್ಯಾದೆ ಕೊಡ್‍ಪಕ್ಕಾಗ. ಎನ್ನಂಗೆಣ್ಣ್‌ಚೇಂಗಿ ಅಯಿಂಗಳು ನಿಂಗಳು ದೇವಡ ಮಿಂಞತ್‍ಲ್ ಅಣ್ಣತಮ್ಮಣಂಗಳಾಯಿತುಳ್ಳಿರ. ಅಡಿಯಾಳನಾನ ನಿಂಗ ನಿಂಗಡ ಎಜಮಾನಂಗ ಇಂಞು ದುಂಬ ಕಷ್ಟಪಟ್ಟಿತ್ ನಯಿಕಂಡು. ಎನ್ನಂಗೆಣ್ಣ್‌ಚೇಂಗಿ ದೇವಡ ಪ್ರೀತಿ ನಿಂಗ ದಂಡಾಳ್‍ಕು ಕ್‍ಟ್ಟಿತುಂಡ್. ತಿಮೊಥೆಯ, ಇದ್‍ನೆಲ್ಲ ಎಲ್ಲಾರ್‌ಕು ಎಣ್ಣಿ ಕೊಡ್‌ತಿತ್ ಅನ್ನನೆ ನಡ್‍ಪಕ್ ಪುರ್‌ಡ್ ಕೊಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:15

ಇದ್‍ನೆಲ್ಲಾ ನೀನ್ ಅಯಿಂಗಕ್ ಬೋದನೆ ಮಾಡಿತ್, ಎಲ್ಲಾ ಅದಿಕಾರತ್‍ಲ್ ಎಚ್ಚರ ಮಾಡ್ ಪಿಂಞ ಪುರ್‌ಡ್ ಕೊಡ್. ದಾರೂ ನೀಡ ಅದಿಕಾರತ್‍ನ ಅಲ್ಲಗೆಳೆಯುವನೆಕೆ ಬುಡತೆ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:6

ಅನ್ನನೆ, ಬಾಲೆಕಾರಂಗಳು ಎಲ್ಲಾ ವಿಷಯತ್ ತನ್ನಡಕ್ಕ ಉಳ್ಳಯಿಂಗಾಳಾಯಿತ್ ಇಕ್ಕಂಡೂಂದ್ ಎಣ್ಣಿ ಕೊಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:9

ಆಳುವ, ಅಯಿಂಗಡ ಎಜಮಾನಂಗ್ ತಗ್ಗಿತ್ ನಡ್‌ಂದಿತ್, ಎಲ್ಲಾ ವಿಷಯತ್‍ಲು ಕುಶಿ ಪಡ್‍ತಿತ್, ಎದ್‍ರ್ ತಕ್ಕ್ ಪರಿಯತೆ,

ಇಬ್ರಿಯ 13:22

ನಾಡ ಅಣ್ಣತಮ್ಮಣಂಗಳೇ, ನಾನ್ ಚೆರಿಯದಾಯಿತ್ ಒಳ್‍ದ್‍ನ ಈ ಬುದ್ದಿ ತಕ್ಕ್‌ನ ನಿಂಗ ಪೊರುಮೆಯಾಯಿತ್ ಎಡ್‍ತೊಳೀಂದ್ ಬೋಡುವಿ.

3 ಯೋಹಾನ 1:4

ನಾಡ ಮಕ್ಕ ಸತ್ಯತ್‍ಲ್ ನಡ್‍ದಂಡುಂಡ್‍ೕಂದ್ ಕ್‍ೕಪಕಿಂಜ ಬಲ್ಯ ಕುಶಿ ನಾಕ್ ಬೋರೆ ಏದು ಇಲ್ಲೆ.