1 ಥೆಸಲೊನೀಕ 1:6 - ಕೊಡವ ಬೈಬಲ್

⁶ ಇದ್‍ಲ್ಲತೆ, ನಿಂಗ ಯೇಸುನ ನಂಬ್‍ನಗುಂಡ್, ನಿಂಗಳ ಜನ ದುಂಬ ಹಿಂಸೆ ಮಾಡ್‍ಚಿ. ಆಚೇಂಗಿಯು, ಪವಿತ್ರಾತ್ಮ ತಪ್ಪ ಕುಶೀನ ನಿಂಗ ಎಡ್‍ತಂಡ್, ದೇವಡ ವಾಕ್ಯತ್‍ನ ಸ್ವೀಕಾರ ಮಾಡಿತ್, ನಂಗ ನಡ್‍ಪನೆಕೆ ನಡ್‌ಂದಿತ್, ಕ್ರಿಸ್ತಂಡನೆಕೆ ಹಿಂಸೆನ ಸಹಿಸಿರ.

1 ಥೆಸಲೊನೀಕ 1:6 Iomraidhean Croise

ಮತ್ತಾಯ 16:24

ಅಕ್ಕ, ಯೇಸು ಅಂವೊಂಡ ಶಿಷ್ಯಂಗಳ ನೋಟುವಂಜಿ: ನಿಂಗಡಲ್ಲಿ ದಾರ್‌ಕೇಂಗಿ ನಾಡ ಶಿಷ್ಯನಾಯಿತ್ ಇಪ್ಪಕ್ ಕುಶಿ ಇಂಜತೇಂಗಿ, ಅಂವೊ ಅಂವೊಂಡ ಆಸೆನೆಲ್ಲಾ ಬುಟ್ಟಿತ್, ತಾಂಡ ಶಿಲುಬೇನ ನೇತಿಯಂಡ್ ನಾಡ ಬಯ್ಯತ್ ಬರಡ್.

ಯೋಹಾನ 8:12

ಯೇಸು ಜನಳ ನೋಟಿತ್: ನಾನ್ ಲೋಕಕ್ ಬೊಳಿಯಾಯಿತ್ ಉಂಡ್, ದಾರ್ ನಾಡ ಬಯ್ಯಕ್ ಬಪ್ಪ, ಅಯಿಂಗ ಇರ್‌ಟ್‌ಲ್ ನಡ್‍ಪ್‍ಲೆ, ಆಚೇಂಗಿ ಜೀವ ತಪ್ಪ ಬೊಳಿಲ್ ನಡ್‌ಪಾಂದ್ ಎಣ್ಣ್‌ಚಿ.

ಅಪೊಸ್ತಲ 13:52

ಅಂತಿಯೋಕ್ಯ ಪಟ್ಟಣತ್‍ಲ್ ಇಂಜ ಯೇಸುನ ನಂಬ್‍ನಯಿಂಗ ಕುಶೀಲ್ ಪಿಂಞ ಪವಿತ್ರಾತ್ಮತ್‍ಲ್ ದುಂಬಿತ್ ಇಂಜತ್.

ಅಪೊಸ್ತಲ 5:41

ಯೇಸುರ ಪೆದಕಾಯಿತ್ ಅವಮಾನ ಪಡುವಕ್ ದೇವ ಅಯಿಂಗಳ ಯೋಗ್ಯ ಉಳ್ಳಯಿಂಗಳಾಯಿತ್ ನೋಟ್‍ನಗುಂಡ್, ಅಪೊಸ್ತಲಂಗ ಅಲ್ಲಿಂಜ ಕುಶೀಲ್ ಪೊರಟಿತ್ ಪೋಚಿ.

ಅಪೊಸ್ತಲ 9:31

ಇನ್ನನೆ ಇಪ್ಪಕ ಯೂದಾಯ ಗಲಿಲಾಯ ಸಮಾರ್ಯ ಪ್ರಾಂತ್ಯತ್‍ಲ್ ಉಳ್ಳ ಸೆಬೇಕೆಲ್ಲ ಸಮಾದಾನ ಕ್‍ಟ್ಟ್‌ಚಿ; ಅನ್ನನೆ ಅಯಿಂಗ ಒಡೆಯಂಡ ಬಕ್ತಿಲ್ ಪಿಂಞ ಪವಿತ್ರಾತ್ಮ ತಪ್ಪ ಪುರಡ್‍ಲ್ ಬದ್‍ಕಿಯಂಡ್, ಬೊಳ್ಂದಂಡ್ ಬಲಪಟ್ಟಂಡ್ ಇಂಜತ್.

ರೋಮ್ 15:13

ಪವಿತ್ರಾತ್ಮತ್‍ರ ಶಕ್ತಿರಗುಂಡ್ ನಿಂಗಡ ನಿರೀಕ್ಷೆ ಬಲ್ಯದಾಪಕಾಯಿತ್, ನಿರಿಕ್ಷೇರ ದೇವ, ನಂಬಿಕೇರ ಮೂಲಕ ಕ್‍ಟ್ಟುವ ಎಲ್ಲಾ ಕುಶೀರಗುಂಡ್ ಸಮಾದಾನತ್‍ರಗುಂಡ್ ನಿಂಗಳ ದುಂಬ್‌ಚಿಡಡ್.

1 ಕೊರಿಂಥ 11:1

ಕ್ರಿಸ್ತ ಎಣ್ಣ್‌ವಾನ ನಾನ್ ಮಾಡ್‌ವನೆಕೆ ನಿಂಗ ನಾನ್ ಮಾಡ್‌ವದ್‍ನ ಮಾಡಿ.

1 ಕೊರಿಂಥ 11:2

ನಿಂಗ ನನ್ನ, ನಿಂಗಡ ಗೇನತ್‍ಲ್ ಬೆಚ್ಚಿತ್, ನಿಂಗಡ ಎಲ್ಲಾ ವಿಷಯತ್‍ಲ್, ನಾನ್ ನಿಂಗಕ್ ಬೋದನೆ ಮಾಡ್‍ನದ್‍ನ ಗೇನ ಮಾಡಿಯಂಡ್, ನಾನ್ ನಿಂಗಕ್ ಒಪ್ಪ್‌ಚಿಟ್ಟದ್‍ನ ಮಾಡಿಯಂಡ್ ಉಳ್ಳಗುಂಡ್ ನಿಂಗಳ ನಾನ್ ಕೊಂಡಾಡುವಿ.

1 ಕೊರಿಂಥ 4:16

ಆನಗುಂಡ್ ನಿಂಗ ನಾಡನೆಕೆ ಆಂಡೂಂದ್ ನಿಂಗಕ್ ಪುರ್‌ಡ್ ಕೊಡ್‍ಪಿ.

2 ಕೊರಿಂಥ 6:10

ದುಃಖತ್‍ಲ್ ಇಂಜತೇಂಗಿಯು, ಎಕ್ಕಾಲು ಕುಶೀಲ್ ಉಳ್ಳಯಿಂಗಳಾಯಿತು, ಗರಿಬಂಗಳಾಯಿತ್ ಇಂಜತೇಂಗಿಯು, ದುಂಬ ಜನಳ ಐಶ್ವರ್ಯವಂತಯಿಂಗಳಾಯಿತ್ ಮಾಡ್‌ವಯಿಂಗಳಾಯಿತು, ಒಂದು ಇಲ್ಲತಯಿಂಗಳಾಯಿತ್ ಇಂಜತೇಂಗಿಯು, ಎಲ್ಲಾ ಉಳ್ಳಯಿಂಗಡನೆಕೆ ನಂಗಳ ಕಾಂಬ್‍ಚಿಟ್ಟಂಡುಂಡ್.

2 ಕೊರಿಂಥ 8:5

ಅದಲ್ಲತೆ, ನಂಗ ಗೇನಮಾಡ್‍ನನೆಕೆ ಮಾತ್ರ ಮಾಡತೆ, ದೇವಡ ಚಿತ್ತತ್‍ರನೆಕೆ, ಆದ್ಯವಾಯಿತ್ ಅಯಿಂಗಳ ಒಡೆಯಂಗು, ಬಯ್ಯ ಅಯಿಂಗಳ ನಂಗಕು ಒಪ್ಪ್‌ಚಿಟ್ಟತ್.

ಗಲಾತ್ಯ 5:22

ಪವಿತ್ರಾತ್ಮತ್‍ರ ಫಲ ಎಂತ ಎಣ್ಣ್‌ಚೇಂಗಿ, ಪ್ರೀತಿ, ಸಂತೋಷ, ಸಮಾದಾನ, ಸಹಿಸುವ ಶಕ್ತಿ, ಕರುಣೆ, ನಲ್ಲರಿಕೆ, ನಂಬಿಕೆ,

ಎಫೆಸ 5:1

ಆನಗುಂಡ್, ನಿಂಗ ಇಕ್ಕ ದೇವಡ ಪ್ರೀತಿರ ಮಕ್ಕಳಾಯಿತ್ ಉಳ್ಳಾಂಗ್, ನಿಂಗ ಮಾಡ್‌ವ ಎಲ್ಲಾ ವಿಷಯತ್‍ಲು, ದೇವನ ಉದಾರಣೆಯಾಯಿತ್ ಬೆಚ್ಚೊಳಿ.

ಫಿಲಿಪ್ಪಿ 3:17

ನಾಡ ಅಣ್ಣತಮ್ಮಣಂಗಳೇ, ನಾನ್ ಎನ್ನನೆ ಬದ್‍ಕಿಯಂಡುಂಡೋ ಅನ್ನನೆ ನಿಂಗಳು ಬದ್‍ಕ್‍ವಿರ. ನಾನ್ ನಿಂಗಕ್ ಎಣ್ಣಿತಂದನೆಕೆ ಬದ್‍ಕಿಯಂಡುಳ್ಳಯಿಂಗಡ ಬದ್‍ಕ್‍ನ ಚಾಯಿ ನೋಟಿತ್, ನಿಂಗ ಬದ್‍ಕ್‍ವಿರ.

2 ಥೆಸಲೊನೀಕ 1:4

ಆನಗುಂಡ್, ನಿಂಗಕ್ ಬಪ್ಪ ಎಲ್ಲಾ ಹಿಂಸೆನೆ ಪಿಂಞ ತೊಂದರೇನ ಸಹಿಸಿಯಂಡ್, ನಿಂಗಡ ತಾಳ್ಮೆನ ಪಿಂಞ ದೇವಡ ಮೇಲೆ ಬೆಚ್ಚಿತುಳ್ಳ ನಂಬಿಕೇನ ಗಟ್ಟಿಯಾಯಿತ್ ಪುಡ್‌ಚಂಡುಳ್ಳಾಂಗ್, ನಿಂಗಡ ವಿಷಯತ್‍ನ ಬೋರೆ ಜಾಗತ್‍ಲ್ ಉಳ್ಳ ದೇವಡ ಸಬೇಲ್ ಎಣ್ಣಿತ್ ನಂಗ ಹೊಗಳಿಯಂಡ್ ಉಂಡ್.

2 ಥೆಸಲೊನೀಕ 3:7

ನಂಗಳ ಉದಾರಣೆಯಾಯಿತ್ ಬೆಚ್ಚಂಡ್ ನಿಂಗ ಎನ್ನನೆ ನಡ್‍ಕಂಡೂಂದ್ ನಿಂಗಕ್ ಗೊತ್ತುಂಡಲ್ಲ! ನಂಗ ನಿಂಗಡ ಪಕ್ಕ ಇಪ್ಪಕ, ಸೋಮಾರಿಯಾಯಿತ್ ಇಂಜಿತ್‌ಲ್ಲೆ.

2 ಥೆಸಲೊನೀಕ 3:9

ನಿಂಗಡ ಮೇಲೆ ಬಾರತ್‍ನ ಬೆಪ್ಪಕ್ ನಂಗಕ್ ಅದಿಕಾರ ಉಂಡ್, ಆಚೇಂಗಿ ನಂಗ ಅನ್ನನೆ ಮಾಡಿತ್‌ಲ್ಲೆ. ನಿಂಗಳು ಇನ್ನನೆ ಮಾಡಂಡೂಂದ್, ನಿಂಗಕ್ ಒರ್ ಉದಾರಣೆಯಾಯಿತ್ ಇಪ್ಪಕ್ ನಂಗ ಅನ್ನನೆ ಮಾಡಿಯೆ.

2 ತಿಮೊಥೆಯ 4:2

ಅನುಕೂಲವಾನ ಸಮಯತ್‍ಲು, ಅನುಕೂಲಯಿಲ್ಲತ ಸಮಯತ್‍ಲು ನಲ್ಲ ಸುದ್ದಿನ ಬೋದನೆ ಮಾಡ್‌ವಕ್ ತಯಾರಾಯಿತ್ ಇರ್; ತ್‍ೕರ ತಾಳ್ಮೆಯಿಂಜ, ಅಯಿಂಗ ಮಾಡ್‍ನ ತಪ್ಪ್‌ನ ಎಣ್ಣಿ ಕೊಡ್‌ತಿತ್, ಕಂಡನೆ ಮಾಡಿತ್, ಪುರ್‌ಡ್ ಕೊಡ್‌ತಿತ್ ಎಚ್ಚರವಾಯಿತ್ ಬೋದನೆ ಮಾಡ್.

ಇಬ್ರಿಯ 10:34

ಕ್ರಿಸ್ತಂಗಾಯಿತ್ ಜೈಲ್‍ಲ್ ಕೈದಿಯಾಯಿತ್ ಇಂಜಯಿಂಗಕ್ ಕನಿಕರ ಕಾಟಿತುಳ್ಳಿರ, ನಿಂಗಡ ಆಸ್ತಿ ನಿಂಗಳ ಬುಟ್ಟಿತ್ ಪೋಪಕ, ನಿಂಗಕ್ ಪರಲೋಕತ್‍ಲ್ ಇದ್‌ಂಗಿಂಜ ಚಾಯಾನದು, ಪಾಳಾಯಿ ಪೋಕತದುವಾಯಿತುಳ್ಳ ಆಸ್ತಿ ಉಂಡ್‍ೕಂದ್ ಗೊತ್ತಾನಗುಂಡ್, ಸುಲ್‌ಗೆ ಮಾಡ್‌ವಕ್ ಕುಶೀಲ್ ಬುಟ್ಟಿರ.

1 ಪೇತ್ರ 1:6

ಇದ್‍ನ ಗೇನ ಮಾಡಿತ್ ದುಂಬ ಕುಶೀಲ್ ಇರಿ. ಆಚೇಂಗಿಯು, ಇಂಞು ಚೆನ್ನ ಕಾಲಕ್ ಕಷ್ಟತ್‍ನ ಅನುಬವಿಚಿಡುವಕ್ ಅವಸ್ಯ ಉಳ್ಳಾಂಗ್, ಇಕ್ಕ ನಾನಾತರ ಸೋದನೆಲ್ ಕಷ್ಟಪಡ್‌ವಿರ.

1 ಪೇತ್ರ 1:8

ನಿಂಗ ಅಂವೊನ ಕಂಡಿತಿಲ್ಲೆ, ಆಚೇಂಗಿಯು ನಿಂಗ ಅಂವೊನ ಪ್ರೀತಿ ಮಾಡ್‌ವಿರ; ಇಕ್ಕ ನಿಂಗ ಅಂವೊನ ಕಾಂಗತ ಪೋನಕ ಸಹ, ನಿಂಗ ಅಂವೊನ ನಂಬುವಿರ. ನಿಂಗ ಎಣ್ಣುವಕಯ್ಯತನೆಕೆ, ಮಹಿಮೆಲ್ ದುಂಬ್‍ನ ಅಚ್ಚಕ್ ಕುಶೀಲ್ ಇಪ್ಪಿರ.

1 ಪೇತ್ರ 3:13

ನಿಂಗ ನಲ್ಲದ್ ಮಾಡಂಡೂಂದ್ ಅರ್ಪಿಚಿಟ್ಟಯಿಂಗಳಾಯಿತ್ ಇಂಜತೇಂಗಿ, ನಿಂಗಕ್ ಕ್‍ೕಡ್ ಮಾಡ್‍ವದ್ ದಾರ್?

3 ಯೋಹಾನ 1:11

ನಾಡ ಪ್ರೀತಿರ ಕೂಟ್‌ಕಾರನೇ, ಬೋರೆಯಿಂಗ ಪೋಪ ಕೆಟ್ಟ ಬಟ್ಟೇಲ್ ನೀನು ಪೋಕತೆ, ನಲ್ಲ ಬಟ್ಟೇಲ್ ನಡ್‌ದಂಡ್ ಪೋ. ನಲ್ಲದ್ ಮಾಡ್‌ವಂವೊ ದೇವಡಯಿಂಜ ಪುಟ್ಟ್‌ನಂವೊ. ಕೆಟ್ಟದ್ ಮಾಡ್‌ವಂವೊ ದೇವನ ಕಂಡಿತ್‌ಲ್ಲೆ.