1 ಥೆಸಲೊನೀಕ 1:10 - ಕೊಡವ ಬೈಬಲ್

¹⁰ ಇದ್‍ಲ್ಲತೆ, ಚತ್ತಯಿಂಗಡ ಮದ್ಯತ್ಂಜ ಜೀವವಾಯಿತ್ ಪುನಃ ಎಪ್ಪ್‌ಚಿಟ್ಟಂವೊನು, ಮನುಷ್ಯಂಗಕ್ ದೇವ ತಪ್ಪ ಶಿಕ್ಷೆಯಿಂಜ ನಂಗಳ ಕಾಪಾಡ್‌ವಂವೊನು ಆಯಿತುಳ್ಳ ದೇವಡ ಮೋಂವೊನಾನ ಯೇಸು ಪರಲೋಕತ್ಂಜ ಪುನಃ ಬಪ್ಪಾನ ನೋಟಿಯಂಡ್ ಪಾರಕಾತಂಡ್ ಉಳ್ಳಿರಾಂದ್ ಸಹ ಅಯಿಂಗ ನಂಗಕ್ ಎಣ್ಣಿಯಂಡುಂಡ್.

1 ಥೆಸಲೊನೀಕ 1:10 Iomraidhean Croise

ಆದ್ಯತ್‌ರ ಪುಸ್ತಕ 49:18

ಯೆಹೋವನೇ, ನಾನ್‌ ನೀಡ ರಕ್ಷಣೆಕಾಯಿತ್‌ ಪಾರಕಾತಂಡುಳ್ಳ.

ಮತ್ತಾಯ 1:21

ಅವ ಒರ್ ಕ್‍ಣ್ಣ ಕುಂಞಿನ ಪೆರ್‌ವ. ಅಂವೊಂಗ್ ಯೇಸೂಂದ್ ಪೆದ ಇಡಂಡು. ಎನ್ನಂಗೆಣ್ಣ್‌ಚೇಂಗಿ ಅಂವೊ ತಾಂಡ ಜನಳ ಪಾಪತ್ಂಜ ಕಾಪಾಡ್‌ವಾಂದ್ ದೇವದೂತ ಎಣ್ಣ್‌ಚಿ.

ಮತ್ತಾಯ 16:27

ಮನುಷ್ಯಕುಮಾರನಾನ ನಾನ್ ನಾಡ ಅಪ್ಪಂಡ ದುಂಬ್‍ನ ಮಹಿಮೆಲ್ ನಾಡ ದೂತಂಗಡ ಕೂಡೆ ಬಪ್ಪಿ; ಆ ಸಮಯತ್‍ಲ್ ನಾನ್ ಒಬ್ಬೊಬ್ಬಂಗ್ ಅಯಿಂಗಯಿಂಗ ಮಾಡ್‍ನ ಕೆಲಸಕ್ ಆನ ಇನಾಮ್‍ನ ಕೊಡ್‍ಪಿ.

ಮತ್ತಾಯ 16:28

ಇಲ್ಲಿ ಉಳ್ಳ ಚೆನ್ನ ಜನ ಮನುಷ್ಯಕುಮಾರ ತಾಂಡ ರಾಜ್ಯತ್‍ಲ್ ಆಳುವಕಾಯಿತ್ ಬಪ್ಪದ್‍ನ ಕಾಂಬಕತ್ತನೆ ಚಾವ್‍ಲೇಂದ್ ನೇರಾಯಿತು ನಿಂಗಕ್ ಎಣ್ಣ್‌ವಿ.

ಮತ್ತಾಯ 3:7

ದುಂಬ ಫರಿಸಾಯಂಗ ಪಿಂಞ ಸದ್ದುಕಾಯಂಗ, ಯೋಹಾನಂಡ ಪಕ್ಕ ದೀಕ್ಷಾಸ್ನಾನ ಎಡ್‌ಪಕಾಯಿತ್ ಬಂದಂಡುಳ್ಳದ್‌ನ ಕಂಡಿತ್: ಕ್ಯಾರೆಬಳೆ ಮುರಿಪಾಂಬ್ ಜಾತಿಯಳೇ! ದೇವಡ ಚೆಡಿಯಿಂಜ ಬಚಾವಾಪಕ್ ಕಯ್ಯೂಂದ್ ನಿಂಗಕ್ ದಾರ್ ಎಣ್ಣಿ ಕೊಡ್‍ತತ್?

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:25

ಆ ಸಮಯತ್‍ಲ್ ಯೆರೂಸಲೇಮ್‍ಲ್ ಸಿಮೆಯೋನ ಎಣ್ಣುವ ಒರ್ ಮನುಷ್ಯ ವಾಸ ಮಾಡಿಯಂಡ್ ಇಂಜತ್. ಅಂವೊ ನೀತಿವಂತನು, ದೇವಡ ಬಕ್ತನು ಆಯಿತ್ಂಜತ್. ಅಂವೊ ಇಸ್ರಾಯೇಲ್ ಜನಡ ರಕ್ಷಣೆಕಾಯಿತ್ ಪಾರಕಾತಂಡಿಂಜತ್. ಅಂವೊ ಪವಿತ್ರಾತ್ಮ ದುಂಬಿತ್ಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:7

ಅಂವೊ ತಾಂಡ ಪಕ್ಕ ದೀಕ್ಷಾಸ್ನಾನ ಎಡ್‍ಪಕ್ ಕೂಡಿ ಬಂದ ಗುಂಪ್‍ನ ನೋಟಿತ್: ಕ್ಯಾರೆಬಳೆ ಮುರಿಪಾಂಬ್ ಜಾತಿಯಳೇ! ದೇವಡ ಚೆಡಿಯಿಂಜ ಬಚಾವಾಪಕ್ ಕಯ್ಯೂಂದ್ ನಿಂಗಕ್ ದಾರ್ ಎಣ್ಣಿ ಕೊಡ್‍ತತ್?

ಅಪೊಸ್ತಲ 1:11

ಅಯಿಂಗ ಅಲ್ಲಿ ಇಂಜಯಿಂಗಳ ನೋಟಿತ್: ಗಲಿಲಾಯತ್‍ರ ಜನಳೇ, ಎನ್ನಂಗ್ ನಿಂಗ ಬಾನತ್‍ನ ನೋಟಿಯಂಡ್ ಉಳ್ಳಿರ? ನಿಂಗಡ ಕಣ್ಣ್‌ರ ಮಿಂಞ ಎನ್ನನೆ ಯೇಸು ಪರಲೋಕಕ್ ಪೋಚೋ, ಅನ್ನನೆ ಯೇಸು ಪರಲೋಕತ್ಂಜ ಬಯ್ಯ ಬಪ್ಪಾಂದ್ ಎಣ್ಣ್‌ಚಿ.

ಅಪೊಸ್ತಲ 17:31

ದೇವ ಒರ್ ದಿವಸತ್‍ನ ಗೊತ್ತ್ ಮಾಡಿತುಂಡ್; ಅಂವೊ ನೇಮಿಚಿಟ್ಟಂವೊಂಡ ಮೂಲಕ, ಈ ಲೋಕತ್‍ನ ಸರಿಯಾಯಿತ್ ನ್ಯಾಯತೀರ್ಪ್ ಮಾಡ್‌ವ; ಆ ಮನುಷ್ಯನ ಚತ್ತಯಿಂಗಡ ಮದ್ಯತ್ಂಜ ಜೀವವಾಯಿತ್ ಎಪ್ಪ್‌ನಗುಂಡ್, ಅನ್ನನೆ ಮಾಡ್‌ವಾಂದ್ ಅಂವೊ ಎಲ್ಲಾ ಜನಕು ಸಾಕ್ಷಿಯಾಯಿತ್ ಮಾಡ್‍ಚೀಂದ್ ಪೌಲ ಎಣ್ಣ್‌ಚಿ.

ಅಪೊಸ್ತಲ 2:24

ಆಚೇಂಗಿ ದೇವ ಅಂವೊನ ಮರಣತ್‌ರ ಅದಿಕಾರತ್ಂಜ ಬಲಿಪಂಜಿ, ಚಾವ್‍ಯಿಂಜ ಎಪ್ಪ್‌ಚಿ. ಎನ್ನಂಗೆಣ್ಣ್‌ಚೇಂಗಿ ಚಾವ್‍ಕ್ ಅಂವೊನ ಪುಡ್‌ಚಿತ್ ಬೆಪ್ಪಕ್ ಕಯಿಂಜಿತ್ತ್‌ಲ್ಲೆ.

ಅಪೊಸ್ತಲ 2:32

ಈ ಯೇಸುನ ದೇವ ಚಾವ್‍ಯಿಂಜ ಎಪ್ಪ್‌ಚಿಟ್ಟತ್; ಇದ್ಂಗ್ ನಂಗ ಎಲ್ಲಾರು ಸಾಕ್ಷಿಯಾಯಿತ್ ಉಂಡ್.

ಅಪೊಸ್ತಲ 3:15

ಮನುಷ್ಯಂಗಕ್ ನಿತ್ಯ ಜೀವತ್‍ನ ತಪ್ಪಕ್ ಅದಿಕಾರ ಉಳ್ಳಂವೊನ ನಿಂಗ ಕೊಂದಿರ; ಆಚೇಂಗಿ, ದೇವ ಅಂವೊನ ಚಾವ್‍ಯಿಂಜ ಜೀವವಾಯಿತ್ ಎಪ್ಪ್‌ಚಿ. ಈ ವಿಷಯಕ್ ನಂಗ ಸಾಕ್ಷಿಯಳಾಯಿತುಂಡ್.

ಅಪೊಸ್ತಲ 3:21

ಅಂವೊಂಡ ಪವಿತ್ರವಾನ ಪ್ರವಾದಿಯಂಗಡ ಮೂಲಕ, ಪಂಡೇ ವಾಗ್ದಾನ ಮಾಡ್‍ನನೆಕೆ, ದೇವ ಎಲ್ಲಾನ ಸರಿಮಾಡ್‍ವಾಂದ್ ಎಣ್ಣ್‌ನ ವಿಷಯನೆಲ್ಲ ನೆರೆವೇರುವ ಕಾಲಕತ್ತನೆ, ಈ ಕ್ರಿಸ್ತ, ಪರಲೋಕತ್‍ಲ್ ಇಕ್ಕಂಡು.

ಅಪೊಸ್ತಲ 4:10

ನಿಂಗಕ್ ಪಿಂಞ ಇಸ್ರಾಯೇಲ್ ಜನ ಎಲ್ಲಾರ್‌ಕು ಅರಿಚಿಡುವದ್ ಎಂತ ಎಣ್ಣ್‌ಚೇಂಗಿ: ನಿಂಗಡಗುಂಡ್ ಶಿಲುಬೇಕ್ ಇಟ್ಟಿತ್ ಪಿಂಞ ದೇವ ಚತ್ತಯಿಂಗಡ ಮದ್ಯತ್ಂಜ ಎಪ್ಪ್‌ನ ನಜರೇತ್‍ರ ಯೇಸು ಕ್ರಿಸ್ತಂಡ ಪೆದತ್ಂಜಲೇ ಈ ಮನುಷ್ಯ ವಾಸಿಯಾಯಿತ್ ನಿಂಗಡ ಮಿಂಞತ್ ನಿಂದಿತುಂಡ್‍ೕಂದ್ ಎಣ್ಣುವೀಂದ್ ಎಣ್ಣ್‌ಚಿ.

ರೋಮ್ 1:4

ಅಂವೊನ ದೇವ ಚತ್ತಯಿಂಗಡ ಮದ್ಯತ್ಂಜ ಪವಿತ್ರಾತ್ಮಂಡ ಶಕ್ತಿಲ್ ಜೀವವಾಯಿತ್ ಎಪ್ಪ್‌ಚಿಟ್ಟಗುಂಡ್, ಅಂವೊ ದೇವಡ ಮೋಂವೋಂದ್ ದೃಡವಾಯಿತ್ ಅರಿಚಿಟ್ಟತ್.

ರೋಮ್ 2:7

ಎಲ್ಲಾನ ತಾಳ್ಮೆಲ್ ಸಹಿಸಿಯಂಡ್, ನಲ್ಲ ಕೆಲಸ ಮಾಡಿಯಂಡ್ ಮಹಿಮೆನ, ಗನತ್‍ನ ಪಿಂಞ ಪಾಳಾಯಿ ಪೋಕತದ್‍ನ ತ್‍ೕಡಿಯಂಡುಳ್ಳಯಿಂಗಕ್ ದೇವ ನಿತ್ಯ ಜೀವ ತಪ್ಪ.

ರೋಮ್ 4:25

ನಂಗ ನೀತಿವಂತಯಿಂಗಳಾಯಿತ್ ಆಂಡೂಂದ್, ನಂಗಡ ಪಾಪಕಾಯಿತ್ ಅಂವೊನ ಚಾವ್‍ಕ್ ಒಪ್ಪ್‌ಚಿಟ್ಟಿತ್, ಅಂವೊನ ಚಾವ್‍ಯಿಂಜ ಎಪ್ಪ್‌ಚಿಟ್ಟತ್.

ರೋಮ್ 8:34

ಅಕ್ಕ, ತೀರ್ಪ್ ಮಾಡ್‌ವಯಿಂಗ ದಾರ್? ಕ್ರಿಸ್ತನೇ ನಂಗಕಾಯಿತ್ ಚತ್ತಂವೊ. ಅಲ್ಲತೆ, ಅಂವೊನೇ ನಂಗಕಾಯಿತ್ ಚಾವ್‍ಯಿಂಜ ಜೀವವಾಯಿತ್ ಎದ್ದಿತ್ ಬಂದಂವೊ. ಅಂವೊನೇ ದೇವಡ ಬಲ್‌ತೆ ಬರಿಲ್ ಅಳ್‌ತಂಡಿಪ್ಪಂವೊ, ನಂಗಕಾಯಿತ್ ದೇವಡ ಪಕ್ಕ ಬೋಡುವಂವೊನು ಅಂವೊನೇ.

1 ಕೊರಿಂಥ 1:7

ಆನಗುಂಡ್ ನಿಂಗ ದೇವಡ ಏದ್ ವರತ್‍ಲೂ ಕಮ್ಮಿಯಿಲ್ಲತಯಿಂಗಳಾಯಿತ್, ನಂಗಡ ಒಡೆಯನಾನ ಯೇಸು ಕ್ರಿಸ್ತ ಪುನಃ ಬಪ್ಪಕಾಯಿತ್ ಪಾರಕಾತಂಡುಳ್ಳಿರ.

ಗಲಾತ್ಯ 3:13

ಮರತ್‍ಲ್ ತೂಂಗಿತ್ ಚತ್ತ್‌ಪೋನ ಏದ್ ಮನುಷ್ಯನು ಶಾಪ ಪಡ್ಂದವೋಂದ್ ದೇವಡ ವಾಕ್ಯತ್‍ಲ್ ಉಂಡ್. ಅನ್ನನೆ, ಕ್ರಿಸ್ತ ನಂಗಕಾಯಿತ್ ಶಾಪವಾಯಿತ್, ನ್ಯಾಯಪ್ರಮಾಣತ್‍ರ ಶಾಪತ್ಂಜ ನಂಗಳ ಬುಡುಗಡೆ ಮಾಡಿತ್ ಕಾಪಾಡ್‍ಚಿ.

ಫಿಲಿಪ್ಪಿ 3:20

ಆಚೇಂಗಿ, ನಂಗಡ ಪೌರತ್ವ ಪರಲೋಕತ್‍ಲ್ ಉಂಡ್, ಅಲ್ಲಿಯಿಂಜ ನಂಗಳ ಕಾಪಾಡ್‌ವ ಒಡೆಯನಾನ ಕ್ರಿಸ್ತ ಯೇಸು ಬಪ್ಪಾಂದ್ ನಂಗ ಪಾರಕಾತಂಡುಂಡ್.

ಕೊಲೊಸ್ಸೆ 1:18

ತಡಿರನೆಕೆ ಉಳ್ಳ ಸಬೇಕ್ ಅಂವೊನೇ ಮಂಡೆಯಾಯಿತ್ ಉಂಡ್, ಅಂವೊ ಎಲ್ಲಾಂಗು ಆದ್ಯವಾಯಿತ್ ಇಪ್ಪಕಾಯಿತ್, ಅಂವೊನೇ ಚತ್ತಯಿಂಗಡ ಮದ್ಯತ್ಂಜ ಜೀವವಾಯಿತ್ ಬಂದಂವೊ.

1 ಥೆಸಲೊನೀಕ 1:7

ಇನ್ನನೆ ನಿಂಗ ಮಕೆದೋನ್ಯ ಪಟ್ಟಣತ್‍ಲ್ ಪಿಂಞ ಅಖಾಯ ಪ್ರಾಂತ್ಯತ್‍ಲ್ ಉಳ್ಳ ಯೇಸುನ ನಂಬ್‍ನಯಿಂಗಕ್ ಒರ್ ಉದಾರಣೆಯಾಯಿತುಳ್ಳಿರ.

1 ಥೆಸಲೊನೀಕ 2:16

ಯೆಹೂದ್ಯ ಅಲ್ಲತಯಿಂಗ ಯೇಸುನ ನಂಬಿತ್ ದೇವಡ ಮಕ್ಕಳಾಪಕ್ಕಾಗಾಂದ್ ಅಯಿಂಗ ಇನ್ನನೆ ಪ್ರಯತ್ನಪಟ್ಟಂಡುಂಡ್. ಆನಗುಂಡ್, ನಂಗ ಎಲ್ಲಿಕು ಪೋಯಿತ್ ದೇವಡ ತಕ್ಕ್ ಪರಿಯತನೆಕೆ ತಡೆ ಮಾಡಿಯಂಡುಂಡ್. ಅನ್ನನೆ ಅಯಿಂಗ ಅಯಿಂಗಡ ಪಾಪ ಪೂರ್ತಿ ಆಪನೆಕೆ ಮಾಡಿಯಂಡುಂಡ್; ದೇವಡ ಬಲ್ಯ ಚೆಡಿ ಅಯಿಂಗಡ ಮೇಲೆ ದುಂಬ ಬಂದಿತುಂಡ್.

1 ಥೆಸಲೊನೀಕ 2:7

ಆಚೇಂಗಿಯು ನಂಗ ನಿಂಗಡ ಕೂಡೆ ದುಂಬ ಸಾದುವಾಯಿತ್ ಒರ್ ಅವ್ವ ಅವಡ ಕುಂಞಿನ ಎನ್ನನೆ ಚಾಕ್‌ವ ಅನ್ನನೆ ಸಮಾದಾನತ್‍ಲ್ ಕಾಪಾಡಿಯಂಡ್ ಇಂಜತ್.

1 ಥೆಸಲೊನೀಕ 5:9

ದೇವ ಅಂವೊಂಡ ಚೆಡಿರ ತೀರ್ಪ್‌ಕಾಯಿತ್ ನಂಗಳ ನೇಮಿಚಿಟ್ಟಿತ್‌ಲ್ಲೆ. ಅದ್ಂಡ ಬದ್‍ಲ್ ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಮೂಲಕ ನಂಗ ಬಚಾವಾಪಕ್ ನೇಮಿಚಿಟ್ಟತ್.

2 ತಿಮೊಥೆಯ 4:1

ದೇವಡ ಮಿಂಞತ್, ಪಿಂಞ ಬದ್‍ಕಿತುಳ್ಳಯಿಂಗಳ ಪಿಂಞ ಚತ್ತಯಿಂಗಳ ತೀರ್ಪ್ ಮಾಡ್‌ವಕುಳ್ಳ ಯೇಸು ಕ್ರಿಸ್ತಂಡ ಮಿಂಞತ್, ಪಿಂಞ ಅಂವೊ ಪುನಃ ಆಳುವಕ್ ರಾಜಾನಾಯಿತ್ ಬಪ್ಪಕುಳ್ಳ ಪ್ರಸನ್ನತ್‌ಲ್ ನಾನ್ ಇದ್‍ನ ನೀಕ್ ಆಜ್ಞೆ ಮಾಡ್‌ವಿ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:13

ಅನ್ನನೆ ಇಪ್ಪಕ, ನಂಗಡ ರಕ್ಷಕನಾನ ಯೇಸು ಕ್ರಿಸ್ತ ಎಣ್ಣುವ ಬಲ್ಯ ದೇವಡ ಮಹಿಮೆಲ್ ಬಪ್ಪ ಆ ಕುಶೀರ ದಿನಕಾಯಿತ್, ನಂಗ ಬಾರಿ ಕುಶೀಲ್, ಮಹಿಮೇರ ನಿರಿಕ್ಷೇಲ್ ಪಾರಕಾತಂಡ್ ಉಂಡ್.

ಇಬ್ರಿಯ 10:27

ಆನಗುಂಡ್, ದೇವಡ ನ್ಯಾಯತೀರ್ಪ್ ಬಪ್ಪಾಂದ್ ಪೋಡಿಲ್ ನೋಟಿಯಂಡ್ ಮಾತ್ರ ಬದ್‍ಕಂಡು. ಅಯಿಂಗಕ್, ವಿರೋದಿಯಳ ಕತ್ತ್‌ಚಿಡುವ ದೇವಡ ಚೆಡಿರ ತಿತ್ತ್ ಉಂಡ್‍ೕಂದ್ ಗೊತ್ತಿರಡ್.

ಇಬ್ರಿಯ 9:28

ಅನ್ನನೆ ಕ್ರಿಸ್ತ ಸಹ, ದುಂಬ ಜನತ್‍ರ ಪಾಪತ್‍ನ ತಾಂಡ ಮೇಲೆ ಎಡ್‍ತಿತ್ ಕಳೆಯುವಕಾಯಿತ್ ಒರೇ ಕುರಿ ಬಲಿಯಾಚಿ. ತಾಂಗಾಯಿತ್ ಪಾರಕಾತಂಡ್ ಉಳ್ಳಯಿಂಗಕ್ ರಕ್ಷಣೆನ ದಾನ ಮಾಡ್‌ವಕಾಯಿತ್ ಪಾಪ ಇಲ್ಲತಂವೊನಾಯಿತ್ ದಂಡನೆ ಕುರಿ ಪ್ರತ್ಯಕ್ಷ ಆಪ.

1 ಪೇತ್ರ 1:21

ಅಂವೊಂಡ ಮೂಲಕ ನಿಂಗ ದೇವಡ ಮೇಲೆ ನಂಬಿಕೆ ಬೆಪ್ಪನೆಕೆ ಮಾಡಿಯತ್. ದೇವ ಅಂವೊನ ಚತ್ತಯಿಂಗಡ ಮದ್ಯತ್ಂಜ ಪುನಃ ಜೀವವಾಯಿತ್ ಎಪ್ಪ್‌ಚಿಟ್ಟಿತ್, ಅಂವೊಂಗ್ ಬಲ್ಯ ಮಹಿಮೆನ ಕೊಡ್‍ತತ್. ಆನಗುಂಡ್, ನಿಂಗ ದೇವಡ ಮೇಲೆ ನಂಬಿಕೆಯು ನಿರೀಕ್ಷೇಯು ಬೆಚ್ಚಿತುಳ್ಳಿರ.

1 ಪೇತ್ರ 1:3

ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಅಪ್ಪನಾನ ದೇವಕ್ ತುದಿ ಆಡ್. ಯೇಸು ಕ್ರಿಸ್ತ ಚತ್ತಯಿಂಗಡ ಮದ್ಯತ್ಂಜ ಪುನಃ ಜೀವವಾಯಿತ್ ಎದ್ದಿತ್ ಬಂದಗುಂಡ್, ಅಂವೊಂಡ ಬಲ್ಯ ಕನಿಕರತ್‍ರನೆಕೆ ನಂಗಕ್ ಪುನಃ ಜೀವ ಕೊಡ್‌ತಿತ್, ಜೀವವಾಯಿತುಳ್ಳ ನಿರಿಕ್ಷೇನ ತಂದಿಯತ್.

1 ಪೇತ್ರ 2:21

ಇದ್ಂಗಾಯಿತೇ ದೇವ ನಿಂಗಳ ಕಾಕಿಯತ್, ಎನ್ನಂಗೆಣ್ಣ್‌ಚೇಂಗಿ, ಕ್ರಿಸ್ತನು ನಿಂಗಕಾಯಿತ್ ಪಾಡ್‍ಪಟ್ಟಿತ್ ನಿಂಗ ಅಂವೊಂಡ ಬಟ್ಟೇಲ್ ಬಪ್ಪಕಾಯಿತ್ ಅಂವೊನ ಒರ್ ಉದಾರಣೆಯಾಯಿತ್ ಮಾಡ್‍ಚಿ.

1 ಪೇತ್ರ 3:18

ಎನ್ನಂಗೆಣ್ಣ್‌ಚೇಂಗಿ, ಕ್ರಿಸ್ತ ಸಹ ನಂಗಳ ದೇವಡ ಪಕ್ಕ ಕೊಂಡ್ ಬಪ್ಪಕಾಯಿತ್, ಅನೀತಿ ಉಳ್ಳಯಿಂಗಕ್ ಬದ್‍ಲಾಯಿತ್ ನೀತಿಯುಳ್ಳಂವೊನಾಯಿತ್ ಒರೇ ಕುರಿ ಪಾಪತ್‍ರಗುಂಡ್ ಕಷ್ಟಪಟ್ಟತ್; ಅಂವೊ ತಡೀಲ್ ಚತ್ತತ್, ಆತ್ಮತ್‍ಲ್ ಜೀವವಾಯಿತ್ ಬಾತ್.

2 ಪೇತ್ರ 3:12

ಅನ್ನನೆ ನಿಂಗ ಬದ್‍ಕಿಯಂಡ್, ಅಂವೊಂಗಾಯಿತ್ ಎಲ್ಲಾನ ಮಾಡಿಯಂಡ್ ಪಾರಕಾತಂಡ್ ಇರಿ. ಅಕ್ಕ, ದೇವಡ ದಿವಸ ಬೆರಿಯ ಬಂದ್‍ರ್‍ವ; ಆ ದಿವಸತ್‍ಲ್ ಬಾನ ತಿತ್ತ್‌ಲ್ ಬೆಂಜಿತ್ ಪೋಪ ಅದ್ಂಡ ಉರಿಲ್ ಪಂಚಬೂತಂಗ ಎಲ್ಲಾ ಉರುಗಿ ಪೋಪ.

2 ಪೇತ್ರ 3:14

ಆನಗುಂಡ್ ನಾಡ ಪ್ರೀತಿರ ಜನಳೇ, ಇನ್ನತದೆಲ್ಲ ಬಪ್ಪಾಂದ್ ಪಾರಕಾತಂಡ್ ಉಳ್ಳಾಂಗ್, ನಿಂಗ ಏದ್ ತಪ್ಪಿಲ್ಲತಯಿಂಗಳಾಯಿತು, ಕುತ್ತ ಇಲ್ಲತಯಿಂಗಳಾಯಿತು, ಅಂವೊಂಡ ಕೂಡೆ ಸಮಾದಾನತ್‍ಲ್ ಇಪ್ಪಯಿಂಗಳಾಯಿತ್ ಎಚ್ಚರತ್‍ಲ್ ಇರಂಡು.

ಪ್ರಕಟನೆ 1:18

ನಾನ್ ಚತ್ತ್‌ಪೋನ, ಆಚೇಂಗಿಯು ಇದಾ, ನಾನ್ ಎಕ್ಕಾಲು ಬದ್‍ಕಿಯಂಡುಳ್ಳ. ಚಾವ್ ಪಿಂಞ ಪಾತಾಳತ್‍ರ ಬೀತ್‍ಕೈ ನಾಡ ಪಕ್ಕ ಉಂಡ್.

ಪ್ರಕಟನೆ 1:7

ಇದಾ, ಅಂವೊ ಮೋಡತ್‍ರ ಕೂಡೆ ಬಂದಂಡುಂಡ್! ಎಲ್ಲಾರು ಅಂವೊನ ಕಾಂಬ. ಅಂವೊನ ಕುತ್ತ್‌ನಯಿಂಗ ಸಹ ಅಂವೊನ ಕಾಂಬ. ಈ ಲೋಕತ್‍ರ ಎಲ್ಲಾ ಕುಲತ್‍ರ ಜನವು ಅಂವೊನ ಕಾಂಬಕ ಗೋಳಾಡುವ. ಅದ್ ಅನ್ನನೆ ಆಪ, ಆಮೆನ್.