1 ಪೇತ್ರ 5:5 - ಕೊಡವ ಬೈಬಲ್

⁵ ಅನ್ನನೆ, ಬಾಲೆಕಾರಂಗಳೇ, ಪೆರಿಯಯಿಂಗಡ ತಕ್ಕ್‌ಕ್ ತಗ್ಗಿತ್ ನಡ್‌ಂದಂಡಿರಿ. ನಿಂಗ ಎಲ್ಲಾರು ಒಬ್ಬೊಬ್ಬಂಗ್ ಪೊರುಮೆನ ಬಟ್ಟೇರನೆಕೆ ಇಟ್ಟೊಳಿ. ಎನ್ನಂಗೆಣ್ಣ್‌ಚೇಂಗಿ, ಆಂಗಾರ ಉಳ್ಳಯಿಂಗಕ್ ದೇವ ಎದ್‍ರ್ ನಿಪ್ಪ, ಅಡಕ ಉಳ್ಳಯಿಂಗಕ್ ದೇವ ಕರುಣೆ ಕಾಟ್‍ವ.

1 ಪೇತ್ರ 5:5 Iomraidhean Croise

ಜ್ಞಾನತ್‌ರ ಪಡಿಮ 25:7

ನೀಡ ಕಣ್ಣ್‌ ಕಂಡ ಅದಿದತಿರ ಮಿಂಞತ್‌ ಅವಮಾನಪಡೊದ್‌ ನಲ್ಲದಿಲ್ಲೆ. ಅಂವೊ ನಿನ್ನ ನೋಟಿತ್: ಕೊಡಿಕ್‌ ಬಾಂದ್‌ ಕಾಕ್‌ವದೇ ನಲ್ಲದ್.

ಜ್ಞಾನತ್‌ರ ಪಡಿಮ 3:34

ಪರಿಹಾಸ ಮಾಡ್‌ವಂವೊನ ಯೆಹೋವ ಪರಿಹಾಸ ಮಾಡುವ. ತಗ್ಗಿತ್‌ ಉಳ್ಳಯಿಂಗಕ್‌ ಕರುಣೆ ಕಾಟುವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:26

ನಿಂಗಡಲ್ಲಿ ಅನ್ನನೆ ಇಪ್ಪಕ್ಕಾಗ; ನಿಂಗಡಲ್ಲಿ ಬಲ್ಯಂವೊ ಚೆರಿಯಂವೊನಾಯಿತು, ಅದಿಕಾರ ಉಳ್ಳಂವೊ ಪಣಿಕಾರನಾಯಿತು ಇರಂಡು.

ರೋಮ್ 12:10

ಅಣ್ಣತಮ್ಮಣಂಗ ಒಬ್ಬೊಬ್ಬಂಡ ಕೂಡೆ ಚಾಯಿ ಪ್ರೀತಿಲ್ ಇರಿ; ಗನ ಪಡ್‌ತ್‍ವದ್‍ಲ್ ಎಲ್ಲಾರ್ಕಿಂಜ ಮಿಂಞ ನಿಂಗಳೇ ಮಾಡ್‌ವಯಿಂಗಳಾಯಿತಿರಿ.

ರೋಮ್ 13:14

ಆಚೇಂಗಿ, ತಡೀರ ಮೋಹಕಾಯಿತ್ ತಡೀನ ನೋಟತೆ, ಒಡೆಯನಾನ ಯೇಸು ಕ್ರಿಸ್ತನ ಇಟ್ಟೊಳಿ.

ಎಫೆಸ 5:21

ಕ್ರಿಸ್ತಂಡ ಮೇಲೆ ಉಳ್ಳ ಬಕ್ತಿರಗುಂಡ್ ಒಬ್ಬೊಂಗೊಬ್ಬ ತಗ್ಗಿತ್ ನಡ್‌ಕಂಡು.

ಫಿಲಿಪ್ಪಿ 2:3

ನಿಂಗ ಮಾತ್ರ ಬಲ್ಯಯಿಂಗಾಂದ್ ಗೇನ ಮಾಡತಿ, ನಿಂಗಳ ತಗ್ಗ್‌ಚಿಟ್ಟಂಡ್ ಬೋರೆಯಿಂಗ ನಿಂಗಕಿಂಜ ಬಲ್ಯಯಿಂಗಾಂದ್ ಗೇನ ಮಾಡಿ.

ಕೊಲೊಸ್ಸೆ 3:12

ಆನಗುಂಡ್ ನಿಂಗ, ದೇವ ಗೊತ್ತ್ ಮಾಡ್‍ನ ಅಂವೊಂಡ ಮಕ್ಕಳಾಯಿತ್ ಪಿಂಞ ಅಂವೊ ಪ್ರೀತಿ ಮಾಡ್‌ವಯಿಂಗಳಾಯಿತ್ ಉಳ್ಳಾಂಗ್, ನಿಂಗ ಕರುಣೆ, ದಯೆ, ತಾಳ್ಮೆ, ಶಾಂತ ಗುಣ ಪಿಂಞ ಪೊರುಮೆ ಎಣ್ಣುವ ಗುಣತ್‍ನೆಲ್ಲ ನಿಂಗ ಇಟ್ಟೊಳಿ.

1 ತಿಮೊಥೆಯ 5:1

ವಯಸಾನಯಿಂಗಳ ಎಕ್ಕಾಲು ಜೋರ್ ಮಾಡತೆ, ನೀಡ ಅಪ್ಪಂಗ್ ಎನ್ನನೆ ಮರ್ಯಾದೆಲ್ ಬುದ್ದಿ ಎಣ್ಣ್‌ವಿಯೊ ಅನ್ನನೆ ಅಯಿಂಗಕ್ ಬುದ್ದಿ ಎಣ್ಣ್. ಯೌವನಸ್ತನ ನೀಡ ಸ್ವಂತ ಅಣ್ಣತಮ್ಮಣಂಗಡನೆಕೆ ನೋಟ್.

ಇಬ್ರಿಯ 13:17

ನಿಂಗಳ ನಡ್‌ತುವಯಿಂಗಡ ಅದಿಕಾರಕ್ ತಗ್ಗಿತ್ ನಡ್‌ಂದಿತ್, ಅಯಿಂಗಡ ಪಕ್ಕ ಅಡಕತ್‍ಲ್ ನಡ್‌ಕಂಡು. ಅಯಿಂಗ ನಿಂಗಡ ಆತ್ಮಕಾಯಿತ್ ದೇವಡ ಪಕ್ಕ ಲೆಕ್ಕ ಕೊಡ್‍ಪಕುಳ್ಳ ಜವಾಬ್ದಾರಿಲ್ ಜಾಗ್ರತೆಯಾಯಿತುಂಡ್. ಅಯಿಂಗ ಅದ್‍ನ ವ್ಯಸನತ್‍ಲ್ ಮಾಡತೆ, ಕುಶೀಲ್ ಮಾಡಡ್. ಅಯಿಂಗ ಅದ್‍ನ ವ್ಯಸನತ್‍ಲ್ ಮಾಡ್‍ಚೇಂಗಿ ಅದ್ ಪ್ರಯೋಜನವಾಯಿತ್‌ಪ್ಪುಲೆ.

ಯಾಕೋಬ 4:6

ಅಂವೊ ನಂಗಕ್ ಇಂಞು ದುಂಬ ಕರುಣೆ ಕಾಟಿಯಂಡುಂಡಲ್ಲ. ಅದ್ಂಗಾಯಿತೇ, ಆಂಗಾರ ಉಳ್ಳಯಿಂಗಕ್ ದೇವ ಎದ್‍ರ್ ನಿಪ್ಪ, ಅಡಕ ಉಳ್ಳಯಿಂಗಕ್ ದೇವ ಕೃಪೆ ತಪ್ಪಾಂದ್ ದೇವಡ ವಾಕ್ಯ ಎಣ್ಣಿತುಂಡ್.

1 ಪೇತ್ರ 3:8

ಕಡೇಕ್ ನಾನ್ ಎಣ್ಣುವದ್ ಎಂತ ಎಣ್ಣ್‌ಚೇಂಗಿ: ನಿಂಗ ಎಲ್ಲಾರು ಒಬ್ಬ ಒಬ್ಬಂಡ ಕೂಡೆ ಐಕ್ಯತ್‍ಲ್ ಬದ್‍ಕಂಡು; ದಯೆ ಉಳ್ಳಯಿಂಗಳಾಯಿತ್, ಯೇಸುನ ನಂಬ್‍ನಯಿಂಗಡ ಪ್ರೀತಿ ಉಳ್ಳಯಿಂಗಳಾಯಿತ್, ಕನಿಕರ ಉಳ್ಳಯಿಂಗಳಾಯಿತ್, ಪೊರುಮೆ ಉಳ್ಳಯಿಂಗಳಾಯಿತ್ ಇಕ್ಕಂಡು.

1 ಪೇತ್ರ 4:1

ಇನ್ನನೆ ಇಪ್ಪಕ, ಕ್ರಿಸ್ತ ನಂಗಕಾಯಿತ್ ತಡೀಲ್ ಕಷ್ಟಪಟ್ಟಗುಂಡ್ ನಿಂಗಳು ಸಹ ಆ ತರ ಮನಸ್ಸ್‌ನ ನಿಂಗಡ ಆಯುದವಾಯಿತ್ ಇಟ್ಟೊಳಿ. ಎನ್ನಂಗೆಣ್ಣ್‌ಚೇಂಗಿ, ಅನ್ನನೆ ತಡೀಲ್ ಕಷ್ಟಪಡ್‌ವಂವೊ, ಪಾಪತ್‍ನ ಬುಟ್ಟಿತ್‌ಪ್ಪ.

1 ಪೇತ್ರ 4:5

ಆಚೇಂಗಿ, ಅನ್ನನೆ ಬದ್‍ಕಿಯಂಡ್ ಉಳ್ಳಯಿಂಗಕ್ ಪಿಂಞ ಚತ್ತಯಿಂಗಕ್ ನ್ಯಾಯತೀರ್ಪ್ ಕೊಡ್‍ಪಕ್ ತಯಾರಾಯಿತ್ ಉಳ್ಳಂವೊಂಗ್ ಅಯಿಂಗ ಲೆಕ್ಕ ಕೊಡ್‍ಕಂಡು.