1 ಪೇತ್ರ 5:1 - ಕೊಡವ ಬೈಬಲ್

¹ ನಿಂಗಡಲ್ಲಿ ಉಳ್ಳ ಪೆರಿಯಯಿಂಗಕ್ ಮೂಪನಾಯಿತು, ಕ್ರಿಸ್ತಂಡ ಕಷ್ಟಕ್ ಸಾಕ್ಷಿಯಾಯಿತು, ಇಂಞು ಮಿಂಞಕ್ ಬಪ್ಪಕುಳ್ಳ ಮಹಿಮೇಕ್ ಪಾಲ್‍ದಾರನಾಯಿತು ಇಪ್ಪ ನಾನ್ ನಿಂಗಕ್ ಬೋಡ್‍ವದ್ ಎಂತ ಎಣ್ಣ್‌ಚೇಂಗಿ:

1 ಪೇತ್ರ 5:1 Iomraidhean Croise

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:48

ನಿಂಗಳೇ ಇದಂಗೆಲ್ಲ ಸಾಕ್ಷಿ.

ಅಪೊಸ್ತಲ 1:22

ಯೇಸು ನಂಗಡ ಮದ್ಯತ್ ಸೇವೆ ಮಾಡಿಯಂಡಿಂಜ ಕಾಲತ್‍ಲ್, ನಂಗಡ ಕೂಡೆ ಇಂಜ ಒಬ್ಬ, ಯೇಸು ಚಾವ್‍ಯಿಂಜ ಪುನಃ ಜೀವವಾಯಿತ್ ಬಾತ್‍ೕಂದ್ ಉಳ್ಳ ವಿಷಯತ್‍ನ ನಂಗಡನೆಕೆ ಸಾಕ್ಷಿಯಾಯಿತ್ ಎಣ್ಣ್‌ವಂವೊನ ನೇಮಿಚಿಡಡೂಂದ್ ಪೇತ್ರ ಎಣ್ಣ್‌ಚಿ.

ಅಪೊಸ್ತಲ 1:8

ಆಚೇಂಗಿ ಪವಿತ್ರಾತ್ಮ ನಿಂಗಡ ಮೇಲೆ ಬಪ್ಪಕ, ನಿಂಗ ಶಕ್ತಿವಂತಯಂಗಳಾಯಿತ್ ಯೆರೂಸಲೇಮ್ ಪಟ್ಟಣತ್‍ಲ್, ಯೂದಾಯ ಪ್ರಾಂತ್ಯತ್‍ಲ್, ಸಮಾರ್ಯ ಜಾಗತ್‍ಲ್ ಪಿಂಞ ಬೂಮಿರ ಕಡೇಕತ್ತನೆ ನಾಕ್ ಸಾಕ್ಷಿಯಳಾಯಿತ್‌ಪ್ಪಿರ.

ಅಪೊಸ್ತಲ 11:30

ಅನ್ನನೆ ಅಯಿಂಗ, ಎಲ್ಲಾನ ಕೂಟಿತ್, ಬಾರ್ನಬ ಪಿಂಞ ಸೌಲಂಡ ಕೂಡೆ, ಯೆರೂಸಲೇಮ್‍ಲ್ ಉಳ್ಳ ಸಬೆರ ಪೆರಿಯಯಿಂಗಕ್ ಈ ಸಹಾಯತ್‍ನ ಕೊಡ್‌ತಿತ್ ಅಯಿಚತ್.

ಅಪೊಸ್ತಲ 14:23

ಇದ್‍ಲ್ಲತೆ ಓರೋರ್ ಸಬೇಲು ಪೆರಿಯಯಿಂಗಳ ನೇಮಿಚಿಟ್ಟಿತ್, ಪಟ್ಟಣಿ ನಿಂದಿತ್ ಪ್ರಾರ್ಥನೆ ಮಾಡಿತ್, ಅಯಿಂಗ ನಂಬ್‍ನ ದೇವಡ ಕೈಕ್ ಅಯಿಂಗಳ ಒಪ್ಪ್‌ಚಿಟ್ಟತ್.

ಅಪೊಸ್ತಲ 15:4

ಅಯಿಂಗ ಯೆರೂಸಲೇಮ್‌ಕ್ ಬಂದ ಪಿಂಞ ಸಬೇಲ್ ಉಳ್ಳಯಿಂಗ, ಅಪೊಸ್ತಲಂಗ ಪಿಂಞ ಪೆರಿಯಯಿಂಗ ಅಯಿಂಗಳ ಸ್ವೀಕಾರ ಮಾಡ್‍ಚಿ. ಪಿಂಞ, ಈಂಗ ದೇವ ತಂಗಡ ಮೂಲಕ ಮಾಡ್‍ನ ಕಾರ್ಯತ್‍ನೆಲ್ಲಾ ಅಯಿಂಗಕ್ ಎಣ್ಣ್‌ಚಿ.

ಅಪೊಸ್ತಲ 15:6

ಅಕ್ಕ, ಅಪೊಸ್ತಲಂಗ ಪಿಂಞ ಸಬೆರ ಪೆರಿಯಯಿಂಗ ಈ ವಿಷಯತ್‍ನ ಚರ್ಚೆ ಮಾಡ್‌ವಕ್ ಕೂಡಿ ಬಾತ್.

ಅಪೊಸ್ತಲ 2:32

ಈ ಯೇಸುನ ದೇವ ಚಾವ್‍ಯಿಂಜ ಎಪ್ಪ್‌ಚಿಟ್ಟತ್; ಇದ್ಂಗ್ ನಂಗ ಎಲ್ಲಾರು ಸಾಕ್ಷಿಯಾಯಿತ್ ಉಂಡ್.

ಅಪೊಸ್ತಲ 20:17

ನಂಗ ಮಿಲೇತಕ್ ಎತ್ತ್‌ನ ಪಿಂಞ, ಪೌಲ ಎಫೆಸ ಪಟ್ಟಣತ್ ಸಬೆರ ಪೆರಿಯಯಿಂಗಳ ತಾಂಡ ಪಕ್ಕ ಬಪ್ಪಕ್ ಎಣ್ಣಿತ್ ಒಬ್ಬನ ಅಯಿಚತ್.

ಅಪೊಸ್ತಲ 20:28

ಆನಗುಂಡ್, ನಿಂಗಡ ವಿಷಯತ್‍ಲ್ ಪಿಂಞ ದೇವ ತಾಂಡ ಸ್ವಂತ ಚೋರೆಯಿಂಜ ಸಂಪಾದನೆ ಮಾಡ್‍ನ, ಸಬೇನ ನಡ್‍ತುವ ವಿಷಯತ್‍ಲು ಎಚ್ಚರತ್‍ಲ್ ಇರಿ. ಪವಿತ್ರಾತ್ಮ, ಅಂವೊಂಡ ಕೊರಿರ ಗುಂಪ್‍ರನೆಕೆ ಉಳ್ಳ ಸಬೆರ ಜನಕ್ ಸಬೆರ ಪೆರಿಯಯಿಂಗಳಾಯಿತ್ ನಿಂಗಳ ನೇಮಿಚಿಟ್ಟತ್.

ಅಪೊಸ್ತಲ 21:18

ಪಿತ್ಯಾಂದ್ ಪೌಲ ನಂಗಳ ಕಾಕಿಯಂಡ್ ಯಾಕೋಬಂಡ ಪಕ್ಕ ಪೋಚಿ; ಸಬೆರ ಪೆರಿಯಯಿಂಗೆಲ್ಲಾ ಅಲ್ಲಿ ಬಂದಿತ್ಂಜತ್.

ಅಪೊಸ್ತಲ 3:15

ಮನುಷ್ಯಂಗಕ್ ನಿತ್ಯ ಜೀವತ್‍ನ ತಪ್ಪಕ್ ಅದಿಕಾರ ಉಳ್ಳಂವೊನ ನಿಂಗ ಕೊಂದಿರ; ಆಚೇಂಗಿ, ದೇವ ಅಂವೊನ ಚಾವ್‍ಯಿಂಜ ಜೀವವಾಯಿತ್ ಎಪ್ಪ್‌ಚಿ. ಈ ವಿಷಯಕ್ ನಂಗ ಸಾಕ್ಷಿಯಳಾಯಿತುಂಡ್.

2 ಕೊರಿಂಥ 5:1

ಇಕ್ಕ, ಈ ಲೋಕತ್‍ರ ಗುಡಾರವಾಯಿತುಳ್ಳ ಮಣ್ಣ್‌ರ ಮನೇರನೆಕೆ ಉಳ್ಳ ನಂಗಡ ತಡಿ ಪಾಳಾಯಿ ಪೋಚೇಂಗಿಯು, ಕೈಯಿಲ್ ಮಾಡತ, ದೇವ ಕೆಟ್ಟ್‌ನ ನಿತ್ಯ ಮನೆಲ್ ನಂಗಕಾಯಿತ್ ಮಾಡ್‍ನ ನಿತ್ಯ ತಡಿ ಪರಲೋಕತ್‍ಲ್ ಬೆಚ್ಚಿತುಂಡ್‍ೕಂದ್ ನಂಗಕ್ ಗೊತ್ತುಂಡ್.

2 ಕೊರಿಂಥ 5:8

ನಂಗ ದೈರ್ಯವಾಯಿತ್ ಇಂಜಿತ್, ಈ ತಡೀನ ಬುಟ್ಟಿತ್ ಪೋಯಿತ್, ಒಡೆಯಂಡ ಕೂಡೆ ವಾಸ ಮಾಡ್‌ವಕ್ ದುಂಬ ಆಸೆ ಪಟ್ಟಂಡುಂಡ್.

ಫಿಲಿಪ್ಪಿ 1:19

ನಿಂಗಡ ಪ್ರಾರ್ಥನೆ ಪಿಂಞ ಯೇಸು ಕ್ರಿಸ್ತಂಡ ಆತ್ಮತ್‍ರ ಸಹಾಯತ್‍ಲ್ ನಾಡ ಬುಡ್‌ಗಡೆಕ್‌ ಬಟ್ಟೆ ಆಪಾಂದ್ ನಾಕ್ ಗೊತ್ತುಂಡ್.

1 ತಿಮೊಥೆಯ 5:1

ವಯಸಾನಯಿಂಗಳ ಎಕ್ಕಾಲು ಜೋರ್ ಮಾಡತೆ, ನೀಡ ಅಪ್ಪಂಗ್ ಎನ್ನನೆ ಮರ್ಯಾದೆಲ್ ಬುದ್ದಿ ಎಣ್ಣ್‌ವಿಯೊ ಅನ್ನನೆ ಅಯಿಂಗಕ್ ಬುದ್ದಿ ಎಣ್ಣ್. ಯೌವನಸ್ತನ ನೀಡ ಸ್ವಂತ ಅಣ್ಣತಮ್ಮಣಂಗಡನೆಕೆ ನೋಟ್.

1 ತಿಮೊಥೆಯ 5:19

ಒರ್ ಸಬೆರ ಪೆರಿಯಯಿಂಗಕ್ ವಿರೋದವಾಯಿತ್ ದಾರೇಂಗಿ ಕುತ್ತಪರ್ಂದತೇಂಗಿ, ಅದ್ಂಗ್ ದಂಡ್ ಅಥವ ಮೂಂದ್ ಸಾಕ್ಷಿ ಇಲ್ಲತೆಪೋಚೇಂಗಿ ಅದ್ಂಗ್ ಒತ್ತತೆ.

2 ತಿಮೊಥೆಯ 4:8

ಆನಗುಂಡ್, ಇಕ್ಕ ನಾಕ್ ನೀತಿರ ಕಿರೀಟ ಬೆಚ್ಚಿತುಂಡ್. ನೀತಿಯುಳ್ಳ ನ್ಯಾಯಕಾರನಾನ ಒಡೆಯ ಆ ದಿವಸತ್‍ಲ್ ಅದ್‍ನ ನಾಕ್ ತಪ್ಪ; ನಾಕ್ ಮಾತ್ರ ಅಲ್ಲ, ಅಂವೊ ಪುನಃ ಬಪ್ಪದ್‍ನ ಕಾಂಬಕ್ ಪಾರಕಾತಂಡುಳ್ಳ ಎಲ್ಲಾರ್‌ಕು ಅದ್‍ನ ತಪ್ಪ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:5

ನಂಗ ಕ್ರೇತ ದ್ವೀಪತ್‍ಲ್ ಮಾಡಿಯಂಡಿಂಜ ದೇವಡ ಸೇವೇನ ಪೂರ್ತಿಮಾಡ್‌ವಕಾಯಿತು, ನಾನ್ ನೀಕ್ ಎಣ್ಣ್‌ನನೆಕೆ ಪಟ್ಟಣತ್ಂಜ ಪಟ್ಟಣಕ್ ಸಬೆರ ಪೆರಿಯಯಿಂಗಳ ನೇಮಿಚಿಡ್‌ವಕಾಯಿತು ನಾನ್ ನಿನ್ನ ಅಲ್ಲಿ ಬುಟ್ಟಿತ್ ಬಂದಿಯೆ.

ಇಬ್ರಿಯ 12:1

ಆನಗುಂಡ್, ನಂಬಿಕೇರ ಮೂಲಕ ಬದ್‍ಕನಯಿಂಗಡ, ಮೋಡತ್‍ರನೆಕೆ ಉಳ್ಳ ಬಲ್ಯ ಗುಂಪ್‍ರ, ಇಚ್ಚಕ್ ಬಲ್ಯ ಸಾಕ್ಷಿ ನಂಗಡ ಸುತ್ತ್‌ಲ್ ಇಪ್ಪಕ, ನಂಗಳ ಮಿಂಞಕ್ ಪೋಪಕ್ ಕಯ್ಯತನೆಕೆ ನಂಗಡ ಮೇಲೆ ಉಳ್ಳ ಎಲ್ಲಾ ಬಾರತ್‍ನ ಪಿಂಞ ನಂಗಳ ಸುಲಬವಾಯಿತ್ ಚಿಕ್ಕಿಚಿಡುವ ಪಾಪತ್‍ನ ಚಾಡಿತ್ ಕಳೆಯಂಡು.

1 ಪೇತ್ರ 1:12

ಅಯಿಂಗಕಾಯಿತ್ ಅಲ್ಲತೆ, ನಂಗಕಾಯಿತೇ ಇನ್ನನೆ ಅಯಿಂಗ ಪ್ರವಾದನೆ ಎಣ್ಣ್‌ಚೀಂದ್ ಅಯಿಂಗಕ್ ಗೊತ್ತಾಚಿ. ಪರಲೋಕತ್ಂಜ ಈ ಲೋಕಕ್ ದೇವ ಅಯಿಚ ಪವಿತ್ರಾತ್ಮತ್‍ರಗುಂಡ್, ನಿಂಗಕ್ ದೇವಡ ನಲ್ಲ ಸುದ್ದಿನ ಎಣ್ಣ್‌ನಯಿಂಗಡ ಮೂಲಕ, ಈ ವಿಷಯತ್‌ನೆಲ್ಲ ಇಕ್ಕ ನಿಂಗಕ್ ಎಣ್ಣಿಯಂಡುಂಡ್. ಇದ್‍ನ ದೇವದೂತಂಗ ಸಹ ಚಾಯಿ ನೋಟ್‍ವಕ್ ಕುಶೀಲ್ ಉಂಡ್.

1 ಪೇತ್ರ 1:7

ಪಾಳಾಯಿ ಪೋಪ ಪೊನ್ನ್‌ನ ತಿತ್ತ್‌ರಗುಂಡ್ ಸೋದನೆ ಮಾಡ್‌ವ; ಆಚೇಂಗಿ, ಅದ್ಂಗಿಂಜ ಬಲ್ಯ ಬೆಲೆಯುಳ್ಳ ನಿಂಗಡ ನಂಬಿಕೆ ಈ ಕಷ್ಟತ್‍ರಗುಂಡ್ ಸೋದನೆಕ್ ಒಳಪಟ್ಟಿತ್, ನೇರಾನದ್‍ೕಂದ್‌ ಗೊತ್ತಾಪಗುಂಡ್, ಯೇಸು ಕ್ರಿಸ್ತ ಬಪ್ಪಕ, ಅದ್ ನಿಂಗಕ್ ಕೀರ್ತಿಯಾಯಿತ್, ಗನವಾಯಿತ್ ಪಿಂಞ ಮಹಿಮೆಯಾಯಿತ್ ಕ್‍ಟ್ಟುವನೆಕೆ ಆಪ.

1 ಪೇತ್ರ 4:13

ಆಚೇಂಗಿ, ಕ್ರಿಸ್ತಂಡ ಕಷ್ಟತ್‍ಲ್ ನಿಂಗ ಪಾಲ್‍ದಾರಂಗಳಾಯಿತ್ ಉಳ್ಳಿರಾಂದ್ ಅದ್‍ಲ್ ಕುಶಿಪಡಿ, ಅಕ್ಕ, ಅಂವೊಂಡ ಮಹಿಮೆ ಎಲ್ಲಾರ್‌ಕು ಕಾಂಬನೆಕೆ ಆಪಕ, ನಿಂಗಕ್ ಬಾರಿ ಕುಶಿ ಆಪ.

1 ಪೇತ್ರ 5:4

ಅನ್ನನೆ ಮಾಡ್‍ಚೇಂಗಿ, ದೇವಡ ಮಕ್ಕಳ ಕೊರಿ ಕಾಪಂವೊಡನೆಕೆ ನೋಟಿಯಂಡುಳ್ಳ ಬಲ್ಯಂವೊ ಬಪ್ಪಕ, ನಿಂಗ ಅಂವೊಂಡಿಂಜ ಮಾಜ್ ಪೋಕತ ಮಹಿಮೇರ ಕಿರೀಟತ್‍ನ ಪಡೆಯುವಿರ.

1 ಯೋಹಾನ 3:2

ಪ್ರೀತಿರ ಮಕ್ಕಳೇ, ಇಕ್ಕ ನಂಗ ದೇವಡ ಮಕ್ಕಳಾಯಿತುಂಡ್. ಆಚೇಂಗಿ ಇಂಞು ಮಿಂಞಕ್ ನಂಗ ಎನ್ನನೆ ಇಪ್ಪಾಂದ್ ಅಂವೊ ಎಣ್ಣಿತ್‌ಲ್ಲೆ. ಆಚೇಂಗಿ ಕ್ರಿಸ್ತ ಪ್ರತ್ಯಕ್ಷ ಆಪಕ ನಂಗಳು ಅಂವೊಂಡನೆಕೆ ಇಪ್ಪಾಂದ್ ನಂಗಕ್ ಗೊತ್ತುಂಡ್, ಎನ್ನಂಗೆಣ್ಣ್‌ಚೇಂಗಿ ಅಂವೊ ಪ್ರತ್ಯಕ್ಷ ಆಪಕ ಅಂವೊ ಉಳ್ಳನೆಕೆ ನಂಗ ಅಂವೊನ ಕಾಂಬ.

2 ಯೋಹಾನ 1:1

ಮೂಪನಾನ ನಾನ್ ನೇರಾಯಿತ್ ಪ್ರೀತಿಚಿಡ್‍ವ ದೇವ ಗೊತ್ತ್ ಮಾಡ್‍ನ ಪ್ರೀತಿರ ಅವ್ವಂಗ್ ಪಿಂಞ ಅವಡ ಮಕ್ಕಕ್ ಒಳ್‍ದ್‍ವ ಕಾಗದ. ನಾನ್ ಒಬ್ಬ ಮಾತ್ರ ಅಲ್ಲ, ಆಚೇಂಗಿ ನೇರಾನ ಸತ್ಯ ಗೊತ್ತುಳ್ಳ ಎಲ್ಲಾರು ನಿಂಗಳ ಪ್ರೀತಿ ಮಾಡ್‌ವ.

3 ಯೋಹಾನ 1:1

ಮೂಪನಾನ ನಾನ್, ನೇರಾಯಿತ್ ಪ್ರೀತಿಚಿಡುವ ಪ್ರಿಯ ಗಾಯಂಗ್ ಒಳ್‍ದ್‍ವದ್ ಎಂತ ಎಣ್ಣ್‌ಚೇಂಗಿ,

ಪ್ರಕಟನೆ 1:9

ನಿಂಗಡ ಅಣ್ಣನು, ಯೇಸುಕಾಯಿತ್ ಬಪ್ಪ ಹಿಂಸೆಕು, ಅಂವೊಂಡ ರಾಜ್ಯಕು, ಅಂವೊಂಡ ಪೊರುಮೆಕು ನಿಂಗಡ ಕೂಡೆ ಪಾಲ್‍ದಾರನಾಯಿತುಳ್ಳ ಯೋಹಾನನಾನ ನಾನ್ ದೇವಡ ವಾಕ್ಯಕಾಯಿತು, ಯೇಸುರ ವಿಷಯತ್ ಸಾಕ್ಷಿಕಾಯಿತು ಪತ್ಮೊಸ್ ಎಣ್ಣುವ ದ್ವೀಪತ್‍ಲ್ ಇಂಜ.