1 ಪೇತ್ರ 4:8 - ಕೊಡವ ಬೈಬಲ್

⁸ ಎಲ್ಲಾಕಿಂಜ ಜಾಸ್ತಿಯಾಯಿತ್, ಒಬ್ಬೊಬ್ಬಂಗಡ ಮೇಲೆ ಆಳವಾನ ಪ್ರೀತಿಲ್ ಇರಿ. ಎನ್ನಂಗೆಣ್ಣ್‌ಚೇಂಗಿ, ಪ್ರೀತಿ ದುಂಬ ಪಾಪತ್‍ನ ಮುಚ್ಚಿರ್‌ವ.

1 ಪೇತ್ರ 4:8 Iomraidhean Croise

ಜ್ಞಾನತ್‌ರ ಪಡಿಮ 10:12

ದ್ವೇಷ ವಿರೋದತ್‌ನ ಉಂಟ್‌ಮಾಡುವ. ಆಚೇಂಗಿ ಪ್ರೀತಿ ಎಲ್ಲಾ ಪಾಪತ್‌ನ ಮನ್ನಿಚಿಡುವ.

ಜ್ಞಾನತ್‌ರ ಪಡಿಮ 12:16

ಒರ್‌ ಮೂಡ ತಾಂಡ ಚೆಡಿನ ಬೆರಿಯ ಕಾಟುವ, ಆಚೇಂಗಿ ವಿವೇಕ ಉಳ್ಳಂವೊ ಅವಮಾನತ್‌ನ ಅಡಕ್‌ವ.

ಜ್ಞಾನತ್‌ರ ಪಡಿಮ 17:9

ಕುತ್ತತ್‌ನ ಮನ್ನಿಚಿಡುವಂವೊ ಸ್ನೇಹತ್‌ನ ಕುಶಿ ಪಟ್ಟಂಡುಂಡ್. ಆಚೇಂಗಿ ಆ ವಿಷಯತ್‌ನ ಎಣ್ಣಿಯಂಡೇ ಇಂಜತೇಂಗಿ ಸ್ನೇಹಿತಂಗಳ ಸಹ ಬೋರೆ ಮಾಡಿರುವ.

ಜ್ಞಾನತ್‌ರ ಪಡಿಮ 18:13

ವಿಷಯತ್‌ನ ಕ್‍ೕಪಕ್‌ ಮಿಂಞ ಜವಾಬ್ ಕೊಡ್‌ಪಂವೊಂಗ್, ಅದ್‌ ದಡ್ಡತನವು, ಞಾಣ ಕ್‍ೕಡು ಆಯಿತ್‌ಪ್ಪ.

1 ಕೊರಿಂಥ 13:1

ನಾನ್ ಮನುಷ್ಯಂಗಡ ಬಾಷೆಲ್ ತಕ್ಕ್ ಪರ್ಂದತೇಂಗಿಯು, ದೇವದೂತಂಗಡ ಬಾಷೆಲ್ ತಕ್ಕ್ ಪರ್ಂದತೇಂಗಿಯು, ನಾಕ್ ಜನಡಮೇಲೆ ಪ್ರೀತಿ ಇಲ್ಲತೆಪೋಚೇಂಗಿ, ಆ ತಕ್ಕ್, ಕಂಚ್ ಪಾತ್ರ ಮಾಡ್‌ವ ಸದ್ದ್‌ರನೆಕೆ, ಅಥವ ಗಂಟೆ ಪೊಜ್ಜನೆಕೆ ಇಪ್ಪ.

1 ಕೊರಿಂಥ 13:4

ಪ್ರೀತಿ ತಾಳ್ಮೆಯು ದಯೆಯು ಉಳ್ಳದ್; ಪ್ರೀತಿಕ್ ಒಟ್ಟೆಕಿಚ್ಚ್ ಇಲ್ಲೆ, ಪ್ರೀತಿ ಹೊಗ್‍ಳ್‍ಚಿಡುಲೆ, ಆಂಗಾರ ಪಡುಲೆ.

ಕೊಲೊಸ್ಸೆ 3:14

ಎಲ್ಲಾಕಿಂಜ ಬಲ್ಯದಾಯಿತ್, ಎಲ್ಲಾನ ಒಂದಾಯಿತ್ ಪೂರ್ತಿ ಐಕ್ಯತ್‍ಲ್ ಪುಡ್‌ಚಿತ್ ಬೆಪ್ಪ ಗುಣವಾಯಿತುಳ್ಳ ಪ್ರೀತಿನ ನಿಂಗಡ ಮೇಲೆ ಒರ್ ಬಟ್ಟೇರನೆಕೆ ಇಟ್ಟೊಳಿ.

1 ಥೆಸಲೊನೀಕ 3:12

ನಂಗ ನಿಂಗಡ ಮೇಲೆ ಬೆಚ್ಚಿತುಳ್ಳ ಪ್ರೀತಿರನೆಕೆ, ನಿಂಗ ಸಹ ಒಬ್ಬೊಬ್ಬಂಡ ಮೇಲೆ ಉಳ್ಳ ಪ್ರೀತಿಲ್ ಪಿಂಞ ಬೋರೆಯಿಂಗಡ ಮೇಲೆ ಬೆಚ್ಚಿತುಳ್ಳ ಪ್ರೀತಿಲ್ ದುಂಬಿತ್ ಇಂಞು ಬೊಳಿಯುವಕ್ ಒಡೆಯ ಸಹಾಯ ಮಾಡಡ್.

2 ಥೆಸಲೊನೀಕ 1:3

ನಂಗಡ ಅಣ್ಣತಮ್ಮಣಂಗಳೇ, ನಿಂಗಕಾಯಿತ್ ನಂಗ ಎಕ್ಕಾಲು ದೇವಕ್ ವಂದನೆ ಎಣ್ಣುವಕ್ ಜವಾಬ್ದಾರಂಗಳಾಯಿತ್ ಉಂಡ್; ನಿಂಗ ದೇವಡ ಮೇಲೆ ಬೆಚ್ಚಿತುಳ್ಳ ನಂಬಿಕೆ ಚಾಯಿತೆ ಬೊಳ್ಂದಂಡ್, ನಿಂಗ ಒಬ್ಬೊಬ್ಬಂಡ ಮೇಲೆ ಬೆಚ್ಚಿತುಳ್ಳ ಪ್ರೀತಿ ದುಂಬ ಜಾಸ್ತಿ ಆಯಂಡ್ ಉಳ್ಳಾಂಗ್, ನಂಗ ಅನ್ನನೆ ಎಣ್ಣ್‌ವದ್ ಸರಿಯಾಯಿತ್ ಉಂಡ್.

1 ತಿಮೊಥೆಯ 1:5

ಈ ಆಜ್ಞೆರ ಉದ್ದೇಶ ಎಂತ ಎಣ್ಣ್‌ಚೇಂಗಿ, ಶುದ್ದವಾನ ಹೃದಯತ್‍ಲ್, ನಲ್ಲ ಮನಸಾಕ್ಷಿಲ್, ಕಪಟ ಇಲ್ಲತ ನಂಬಿಕೆಯಿಂಜ ಬಪ್ಪ ನೇರಾನ ಪ್ರೀತಿಲ್ ದುಂಬಿತಿರಂಡೂಂದ್ ಎಣ್ಣ್‌ವದೇ.

ಇಬ್ರಿಯ 13:1

ಒಬ್ಬನ ಒಬ್ಬ, ಯೇಸುನ ನಂಬ್‍ನಯಿಂಗಡ ಪ್ರೀತಿಲ್ ಪ್ರೀತಿಚಿಡಿ.

ಯಾಕೋಬ 5:12

ನಾಡ ಅಣ್ಣತಮ್ಮಣಂಗಳೇ, ಮುಕ್ಯವಾಯಿತ್ ಇದ್ ನಿಂಗಕ್ ಗೊತ್ತಿರಡ್, ನಿಂಗ ಬೂಲೋಕ ಪಿಂಞ ಪರಲೋಕತ್‍ರ ಮೇಲೆ ಆಣೆ ಮಾಡತಿ, ನಿಂಗ ಬೋರೆ ಏದ್ ಪೆದತ್‍ಲು ಆಣೆ ಮಾಡತಿ. ನಿಂಗಡ ತಕ್ಕ್ ಅಕ್ಕೂಂದ್ ಎಣ್ಣ್‌ಚೇಂಗಿ ಅದ್ ಅಕ್ಕುವಾಯಿತಿರಡ್, ಇಲ್ಲೇಂದ್ ಎಣ್ಣ್‌ಚೇಂಗಿ ಇಲ್ಲೇಂದಿರಡ್. ಇಲ್ಲತಪೋನಕ ನಿಂಗಕ್ ನ್ಯಾಯತೀರ್ಪ್ ಕ್‍ಟ್ಟ್‌ವ.

ಯಾಕೋಬ 5:20

ಪಾಳ್ ಬಟ್ಟೆಯಿಂಜ ಪಾಪಿನ ಪುನಃ ಕಾಕಿಯಂಡ್ ಬಪ್ಪಂವೊ ಒರ್ ಆತ್ಮತ್‌ನ ಮರಣತ್ಂಜ ಕಾಪಾಡಿತ್, ಆ ಪಾಪಿರ ದುಂಬ ಪಾಪತ್‍ನ ಮುಚ್ಚಿರ್‌ವಾಂದ್ ಗೊತ್ತಿರಡ್.

1 ಪೇತ್ರ 1:22

ಆನಗುಂಡ್, ನಿಂಗ ಕಪಟ ಇಲ್ಲತ ಯೇಸುನ ನಂಬ್‍ನಯಿಂಗಡ ಪ್ರೀತಿಲ್ ಇಪ್ಪಕಾಯಿತ್ ಪಿಂಞ ಒಬ್ಬೊಬ್ಬಂಗಡ ಮೇಲೆ ನೇರಾಯಿತ್ ಹೃದಯತ್ಂಜ ಪ್ರೀತಿ ಮಾಡ್‌ವಕಾಯಿತ್, ಇಕ್ಕ ನಿಂಗ ಸತ್ಯಕ್ ಬಗ್ಗಿತ್ ನಡ್‍ಪನೆಕೆ ಇಕ್ಕ ನಿಂಗಳ ಶುದ್ದ ಮಾಡಿರ. ಶುದ್ದ ಹೃದಯತ್ಂಜ, ನಿಂಗ ನೇರಾಯಿತ್ ಒಬ್ಬೊಬ್ಬನ ಪ್ರೀತಿ ಮಾಡಿ.

3 ಯೋಹಾನ 1:2

ಪ್ರೀತಿರ ಕೂಟ್‌ಕಾರನೇ, ನೀನ್ ಆತ್ಮತ್‍ರ ವಿಷಯತ್‍ಲ್ ಚಾಯಿತೆ ಉಳ್ಳನೆಕೆ, ತಡೀರ ಆರೋಗ್ಯತ್‍ಲ್ ಚಾಯಿ ಇಂಜಿತ್, ಎಲ್ಲಾ ವಿಷಯತ್‍ಲ್ ಚಾಯಿತೆ ಬದ್‍ಕಂಡೂಂದ್ ನಾನ್ ಪ್ರಾರ್ಥನೆ ಮಾಡ್‌ವಿ.