1 ಪೇತ್ರ 4:16 - ಕೊಡವ ಬೈಬಲ್

¹⁶ ಆಚೇಂಗಿ, ಒಬ್ಬ ಕ್ರಿಸ್ತಂಡಂವೊನಾಯಿತ್ ಕಷ್ಟಪಟ್ಟತೇಂಗಿ, ಅಂವೊ ಞಾಣ ಪಡುವಕ್ಕಾಗ, ಅಂವೊಂಡ ಪೆದ ತಾಂಡ ಮೇಲೆ ಉಳ್ಳಾಂಗ್, ಅದ್ಂಗಾಯಿತ್ ಅಂವೊ ದೇವನ ಮಹಿಮೆಪಡ್‍ತಂಡು.

1 ಪೇತ್ರ 4:16 Iomraidhean Croise

ಅಪೊಸ್ತಲ 11:26

ಅಂವೊನ ಅಲ್ಲಿ ಕಂಡಿತ್ ಅಂತಿಯೋಕ್ಯಕ್ ಕಾಕಿಯಂಡ್ ಬಾತ್. ಅಲ್ಲಿ ಅಯಿಂಗ ಒರ್ ಕಾಲಕತ್ತನೆ ಸಬೆರ ಜನಡ ಕೂಡೆ ಇಂಜಿತ್, ದುಂಬ ಜನಡ ಗುಂಪ್‌ಕ್ ಬೋದನೆ ಮಾಡಿಯಂಡಿಂಜತ್. ಅಂತಿಯೋಕ್ಯ ಪಟ್ಟಣತ್‍ಲ್ಲೇ ಯೇಸುನ ನಂಬ್‍ನಯಿಂಗಕ್ ಕ್ರಿಸ್ತಂಗಾಂದ್ ಆದ್ಯತ್ ಪೆದ ಕ್‍ಟ್ಟ್‌ಚಿ.

ಅಪೊಸ್ತಲ 26:28

ಅಕ್ಕ ಅಗ್ರಿಪ್ಪ ಪೌಲನ ನೋಟಿತ್: ಅಚ್ಚಕ್ ಸುಲಬವಾಯಿತ್ ಏದ್ ಪ್ರಯತ್ನವು ಇಲ್ಲತೆ, ನೀನ್ ನನ್ನ ಕ್ರಿಸ್ತಂಡ ಮೇಲೆ ನಂಬಿಕೆ ಇಡ್‍ವನೆಕೆ ಮಾಡ್‌ವಕ್ ಕಯ್ಯುವಾಂದ್ ಎಣ್ಣ್‌ಚಿ.

ಅಪೊಸ್ತಲ 28:22

ಆಚೇಂಗಿ ಎಲ್ಲಾ ಜಾಗತ್‍ಲು, ಈ ಮಾರ್ಗತ್‍ರ ವಿಷಯಕ್ ವಿರೋದವಾಯಿತ್ ತಕ್ಕ್ ಪರ್ಂದಂಡುಂಡ್. ಆಚೇಂಗಿ, ಇದ್‍ಲ್ ನೀಡ ಅಬಿಪ್ರಾಯತ್‍ನ ಕ್‍ೕಪದ್ ನಂಗಕ್ ನಲ್ಲದ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 5:41

ಯೇಸುರ ಪೆದಕಾಯಿತ್ ಅವಮಾನ ಪಡುವಕ್ ದೇವ ಅಯಿಂಗಳ ಯೋಗ್ಯ ಉಳ್ಳಯಿಂಗಳಾಯಿತ್ ನೋಟ್‍ನಗುಂಡ್, ಅಪೊಸ್ತಲಂಗ ಅಲ್ಲಿಂಜ ಕುಶೀಲ್ ಪೊರಟಿತ್ ಪೋಚಿ.

ಫಿಲಿಪ್ಪಿ 1:20

ಆನಗುಂಡ್, ನಾನ್ ಆಸೇಲ್ ಪಾರಕಾತಂಡ್ ದೇವಡ ಮೇಲೆ ದುಂಬ ನಂಬಿಕೆ ಬೆಚ್ಚಿತುಳ್ಳಗುಂಡ್, ನಾಕ್ ಇದ್ಂಡ ವಿಷಯತ್‍ಲ್ ಞಾಣ ಆಪುಲೆ, ಅದ್ಂಡ ಬದ್‍ಲ್ ನಾನ್ ಮಿಂಞ ಇಂಜನೆಕೆ ಇಕ್ಕಲು ಯೇಸುರ ವಿಷಯತ್‍ಲ್ ದೈರ್ಯತ್‍ಲ್ ಇಪ್ಪಿ. ನಾನ್ ಬದ್‍ಕ್‍ಚೇಂಗಿಯು ಚತ್ತತೇಂಗಿಯು ಯೇಸು ಕ್ರಿಸ್ತನ ಮಹಿಮೆ ಪಡ್‍ತ್‍ವೀಂದ್ ನಾಕ್ ನಂಬಿಕೆ ಉಂಡ್.

ಫಿಲಿಪ್ಪಿ 1:29

ನಿಂಗಕ್, ಯೇಸು ಕ್ರಿಸ್ತಂಡ ಮೇಲೆ ನಂಬಿಕೆ ಬೆಪ್ಪ ಬಾಗ್ಯ ಮಾತ್ರ ಅಲ್ಲ, ಅಂವೊಂಗಾಯಿತ್ ನೊಂಬಲ ಎಡ್‍ತವಕೂ ಬಾಗ್ಯ ಕ್‍ಟ್ಟ್‌ಚಿ.

2 ತಿಮೊಥೆಯ 1:12

ಇದ್ಂಗಾಯಿತ್ ನಾನ್ ಇಕ್ಕ ಕಷ್ಟಪಟ್ಟಂಡ್ ಉಳ್ಳ. ಆಚೇಂಗಿ ನಾಕ್ ಞಾಣ ಆಪುಲೆ, ಎನ್ನಂಗೆಣ್ಣ್‌ಚೇಂಗಿ, ನಾನ್ ದಾಡ ಮೇಲೆ ನಂಬಿಕೆ ಬೆಚ್ಚಿತ್ ಉಂಡ್‍ೕಂದ್ ನಾಕ್ ಗೊತ್ತುಂಡ್. ನಾನ್ ಅಂವೊಂಡ ಪಕ್ಕ ಒಪ್ಪ್‌ಚಿಟ್ಟದ್‍ನ, ಅಂವೊ ಆ ದಿನಕತ್ತನೆ ಕಾಪಾಡ್‌ವಕ್ ಶಕ್ತಿ ಉಳ್ಳಂವೊನಾಯಿತುಂಡ್‍ೕಂದ್ ನಾನ್ ದೃಡವಾಯಿತ್ ನಂಬಿತುಳ್ಳ.

ಯಾಕೋಬ 2:7

ನಿಂಗಡ ದೇವಡ ನಲ್ಲ ಪೆದತ್‍ನ ಪಾಳ್ ಮಾಡ್‌ವಕಾಯಿತ್ ಅಯಿಂಗತಾನೆ ದೂಷಣೆ ಮಾಡ್‌ವ?

1 ಪೇತ್ರ 2:12

ದೇವಡ ಮೇಲೆ ನಂಬಿಕೆ ಇಲ್ಲತ ಜನ, ನಿಂಗ ತಪ್ಪ್ ಮಾಡ್‌ನಯಿಂಗಾಂದ್ ಕುತ್ತ ಪರ್ಂದತೇಂಗಿಯು, ಅಯಿಂಗ ನಿಂಗಡ ನಲ್ಲ ಕ್ರಿಯೇನ ಕಂಡಿತ್, ಅಂವೊ ನಂಗಳ ಕಾಂಬ ದಿವಸತ್‍ಲ್ ಅಯಿಂಗ ದೇವನ ತುದಿಪನೆಕೆ, ಅಯಿಂಗಡ ಮದ್ಯತ್‍ಲ್ ನಲ್ಲ ನಡತೆ ಉಳ್ಳಯಿಂಗಳಾಯಿತ್ ಬದ್‍ಕಂಡು.

1 ಪೇತ್ರ 4:11

ಒಬ್ಬ ಬೋದನೆ ಮಾಡ್‌ವದಾಚೇಂಗಿ, ಅಂವೊ ಚಾಯಿತೆ ದೇವಡ ವಾಕ್ಯತ್‍ರ ಪ್ರಕಾರ ಬೋದನೆ ಮಾಡಂಡು. ಒಬ್ಬ ಸೇವೆ ಮಾಡ್‌ವದಾಚೇಂಗಿ ದೇವ ಅಂವೊಂಗ್ ಕೊಡ್‍ತಿತುಳ್ಳ ಶಕ್ತಿರನೆಕೆ ಮಾಡಂಡು, ಅಕ್ಕ ನಿಂಗ ಎಂತ ಮಾಡ್‍ಚೇಂಗಿಯು, ಯೇಸು ಕ್ರಿಸ್ತಂಡ ಮೂಲಕ ದೇವಕ್ ಮಹಿಮೆ ಕ್‍ಟ್ಟುವನೆಕೆ ಮಾಡ್‌ವಕಾಪ. ಅಂವೊಂಗ್ ಎಕ್ಕಾಲು ಮಹಿಮೆ, ಶಕ್ತಿ ಬರಡ್. ಆಮೆನ್.

1 ಪೇತ್ರ 4:14

ಕ್ರಿಸ್ತಂಡ ಪೆದಕಾಯಿತ್ ಜನ ನಿಂಗಳ ಏಜುವದಾಚೇಂಗಿ, ನಿಂಗ ಆಶೀರ್ವಾದ ಪಡ್ಂದಯಿಂಗ, ಮಹಿಮೇರ ಆತ್ಮವಾನ ದೇವಡ ಆತ್ಮ ನಿಂಗಡ ಮೇಲೆ ವಾಸ ಮಾಡ್‌ವ.

1 ಪೇತ್ರ 4:19

ಆನಗುಂಡ್, ದೇವಡ ಚಿತ್ತತ್‍ರನೆಕೆ ಕಷ್ಟ ಅನುಬವಿಚುಡುವಯಿಂಗ, ನಲ್ಲದ್ ಮಾಡಿಯಂಡ್ ಉಳ್ಳಯಿಂಗಳಾಯಿತ್, ಅಯಿಂಗಡ ಆತ್ಮತ್‌ನ ನೇರಾನ ದೇವನಾನ ಸೃಷ್ಟಿ ಮಾಡ್‍ನಂವೊಂಗ್ ಒಪ್ಪ್‌ಚಿಡಂಡು.