1 ಪೇತ್ರ 4:15 - ಕೊಡವ ಬೈಬಲ್

¹⁵ ಆನಗುಂಡ್, ನಿಂಗಡಲ್ಲಿ ಒಬ್ಬ ಸಹ, ಕೊಲೆಗಾರನಾಯಿತ್, ಕಳ್ಳನಾಯಿತ್, ಕೆಟ್ಟದ್ ಮಾಡ್‌ಂವೊನಾಯಿತ್, ಬೋರೆಯಿಂಗಡ ವಿಷಯತ್ ನುಗ್ಗಿತ್ ಗಲಾಟೆ ಮಾಡ್‌ವಂವೊನಾಯಿತ್, ನಿಂಗ ದಾರೂ ಕಷ್ಟಪಡ್‌ವಕ್ಕಾಗ.

1 ಪೇತ್ರ 4:15 Iomraidhean Croise

ಮತ್ತಾಯ 5:11

ಜನ ನಿಂಗಳ ನಾಡಗುಂಡ್ ಅವಮಾನ ಮಾಡಿತ್, ಹಿಂಸೆ ಮಾಡಿತ್ ಪಿಂಞ ನಿಂಗಡ ಮೇಲೆ ಕೆಟ್ಟ ತಕ್ಕ್ ಪರ್ಂದತೇಂಗಿ, ನಿಂಗ ಆಶೀರ್ವಾದ ಪಡ್ಂದಯಿಂಗ;

1 ಥೆಸಲೊನೀಕ 4:11

ಇದ್ ನಿಂಗಡ ನೋಕವಾಯಿತ್ ಇರಂಡು. ನಿಂಗ ಸಮಾದಾನತ್‍ರ ಬದ್‍ಕ್ ಬದ್‍ಕ್‍ವಕ್, ಪೊರಮೆ ಉಳ್ಳಯಿಂಗಡ ಬದ್‍ಕ್‍ರ ವಿಷಯತ್ ನುಗ್ಗ್‌ವಕ್ಕಾಗ. ನಿಂಗ ನಿಂಗಡ ಸ್ವಂತ ಕೆಲಸ ಮಾಡಂಡೂಂದ್ ನಿಂಗಕ್ ನಂಗ ಮಿಂಞಲೇ ಎಣ್ಣಿತುಂಡ್.

2 ಥೆಸಲೊನೀಕ 3:11

ನಿಂಗಡಲ್ಲಿ, ಯೇಸುನ ನಂಬ್‍ನ ಚೆನ್ನ ಜನ, ಒರ್ ಕೆಲಸವು ಮಾಡತೆ, ಕಾಲ ಕಳಂದಂಡ್, ಬೋರೆಯಿಂಗಡ ಕೆಲಸತ್‍ಲ್ ನುಗ್ಗಿಯಂಡ್ ಉಂಡ್‍ೕಂದ್ ನಂಗಡ ಕೆಮಿಕ್ ಸುದ್ದಿ ಬಾತ್.

1 ತಿಮೊಥೆಯ 5:13

ಅದೂ ಅಲ್ಲತೆ ಅಯಿಂಗ ಸೋಮಾರಿಯಾಯಿತ್, ಮನೆಮನೆಕ್ ಸುತ್ತಿಯಂಡಿಪ್ಪ. ಸೋಮಾರಿಯಾಯಿತ್ ಮಾತ್ರ ಅಲ್ಲತೆ, ಬೋರೆಯಿಂಗಡ ಕೆಲಸತ್‍ಲ್ ಬಂತ್, ಎಣ್ಣುವಕ್ಕಾಗಾಂತ ವಿಷಯತ್‍ನ ಪರ್‌ದಂಡ್, ಹರಟೆ ಪೊಯ್ಯುವ.

2 ತಿಮೊಥೆಯ 2:9

ಈ ನಲ್ಲ ಸುದ್ದಿರಗುಂಡ್, ನನ್ನ ಕೊಲೆಗಾರನೆಕೆ ಸರ್ಪಣಿಲ್ ಕೆಟ್ಟಿತ್, ನಾನ್ ಕಷ್ಟಪಟ್ಟಂಡ್ ಉಳ್ಳ. ಆಚೇಂಗಿ ದೇವಡ ವಾಕ್ಯ ಬಂದನೆ ಆಯಿತ್‌ಲ್ಲೆ.

1 ಪೇತ್ರ 3:14

ಆಚೇಂಗಿ, ನೀತಿವಂತ ಕಾರ್ಯ ಮಾಡಿತ್ ಅದ್ಂಗಾಯಿತ್ ತೊಂದರೆ ಬಾತೇಂಗಿ, ನಿಂಗ ಆಶೀರ್ವಾದ ಪಡ್ಂದಯಿಂಗ. ಅಯಿಂಗ ಜೋರ್ ಮಾಡ್‌ವದ್‍ನ ನೋಟಿತ್ ನಿಂಗ ಬೊತ್ತತೆ, ಪೋಡಿ ಇಲ್ಲತೆ ಇಕ್ಕಂಡು.

1 ಪೇತ್ರ 3:17

ಕೆಟ್ಟದ್ ಮಾಡಿತ್ ಕಷ್ಟಪಡ್‌ವಕಿಂಜ, ದೇವಕ್ ಚಿತ್ತ ಉಂಡೇಂಗಿ, ನಲ್ಲದ್ ಮಾಡಿತ್ ಕಷ್ಟಪಡ್‌ವದ್ ನಲ್ಲದ್.