1 ಪೇತ್ರ 3:9 - ಕೊಡವ ಬೈಬಲ್

⁹ ಕ್‍ೕಡ್ ಮಾಡ್‌ವಯಿಂಗಕ್ ಕ್‍ೕಡ್ ಮಾಡತಿ, ಅವಮಾನ ಮಾಡ್‌ವಯಿಂಗಳ ಅವಮಾನ ಮಾಡತಿ, ಆಚೇಂಗಿ, ನಿಂಗ ಆಶೀರ್ವಾದ ಪಡೆಯುವಕ್ ದೇವ ನಿಂಗಳ ಕಾಕಿತುಂಡ್‍ೕಂದ್ ಗೇನ ಮಾಡಿತ್ ಅಯಿಂಗಳ ಆಶೀರ್ವಾದ ಮಾಡಿ.

1 ಪೇತ್ರ 3:9 Iomraidhean Croise

ಆದ್ಯತ್‌ರ ಪುಸ್ತಕ 42:25

ಅಲ್ಲಿಂಜ ಯೋಸೇಫ ಅಂವೊಂಡ ಆಳ್‌ವಕ್, ಅಯಿಂಗಡ ಚೀಲತ್‌ ಆಹಾರ ದಾನ್ಯತಿಂಜ ದುಂಬ್‌ಚಿಡುವಕು, ಅಯಿಂಗಯಿಂಗಡ ಪಣತ್‌ನ ಪುನಃ ಅಯಿಂಗಯಿಂಗಡ ಚೀಲತ್‌ಲ್‌ ಬೆಪ್ಪಕು, ಅಯಿಂಗಡ ಪ್ರಯಾಣಕ್‌ ಬೋಂಡಿಯಾನ ಆಹಾರತ್‌ನ ಕೊಡ್‌ಪಕು ಆಜ್ಞೆ ಮಾಡ್‌ಚಿ. ಆಳ್‌ವ ಅನ್ನನೆ ಅಯಿಂಗಕ್‌ ಮಾಡ್‌ಚಿ.

ಜ್ಞಾನತ್‌ರ ಪಡಿಮ 17:13

ನಲ್ಲದ್‌ ಮಾಡ್‌ನವೊಂಗ್‌ ಕ್‍ೕಡ್‌ ಮಾಡ್‌ನಂವೊಂಡ ಮನೆನ, ಕ್‍ೕಡ್‌ ಬುಟ್ಟಿತ್‌ ಪೋಪುಲೆ.

ಜ್ಞಾನತ್‌ರ ಪಡಿಮ 20:22

ಕ್‍ೕಡ್‌ ಮಾಡ್‌ನವೊಂಗ್‌ ಕ್‍ೕಡ್‌ ಮಾಡುವೀಂದ್‌ ಎಣ್ಣತೆ. ಯೆಹೋವಂಗ್‌ ಕಾತಂಡಿರ್, ಅಂವೊ ನೀಕ್‌ ಸಹಾಯ ಮಾಡುವ.

ಜ್ಞಾನತ್‌ರ ಪಡಿಮ 28:10

ಸತ್ಯವಂತಯಿಂಗಳ ಬಟ್ಟೆತಪ್ಪಿಪೋಪನೆಕೆ ನಡ್‌ತ್‌ವಂವೊ ತಾನ್‌ ತೋಡ್‌ನ ಕುಂಡ್‌ಕ್‌ ತಾನೇ ಬುದ್ದ್ ಪೋಪ. ಆಚೇಂಗಿ ಸತ್ಯವಂತಯಿಂಗ ನಲ್ಲದ್‌ನ ಬಾದ್ಯತೆಯಾಯಿತ್‌ ಪಡೆಯುವ.

ಮತ್ತಾಯ 19:29

ಇದ್‍ಲ್ಲತೆ, ನಾಕಾಯಿತ್ ನಿಂಗಡ ಅಪ್ಪವ್ವನ, ನಿಂಗಡ ಅಣ್ಣತಮ್ಮಣಂಗಳ ಅಕ್ಕತಂಗೆಯಳ, ನಿಂಗಡ ಮನೆನ, ನಿಂಗಡ ತೋಟ ಬೇಲ್‍ನ ಬುಟ್ಟಿತ್ ಬಂದಯಿಂಗಕ್ ನೂರ್ ಪಾಲ್ ಜಾಸ್ತಿ ಕ್‍ಟ್ಟ್‌ವ ಪಿಂಞ ನಿತ್ಯ ಜೀವತ್‍ಲ್ ಪೋಪಕ್ ಹಕ್ಕ್‌ದಾರಂಗಳಾಯಿತ್ ಇಪ್ಪಿರ.

ಮತ್ತಾಯ 25:34

ಅಕ್ಕ ರಾಜ ತಾಂಡ ಬಲ್‌ತೆ ಬರಿಲ್ ಉಳ್ಳ ಜನಳ ನೋಟಿತ್: ನಾಡ ಅಪ್ಪಂಡ ಆಶೀರ್ವಾದ ಪಡ್ಂದಯಿಂಗಳೇ ಬಾರಿ, ಈ ಲೋಕ ಸೃಷ್ಟಿ ಆಪಕ್ ಮಿಂಞ ತಯಾರ್ ಮಾಡ್‍ನ ನಿಂಗಡ ರಾಜ್ಯತ್‍ನ ಎಡ್‌ತೊಳಿ.

ಮತ್ತಾಯ 5:39

ನಾನ್ ಇಕ್ಕ ಎಣ್ಣ್‌ವಿ. ನಿಂಗಕ್ ಮೋಸ ಮಾಡ್‍ನಯಿಂಗಡ ಮೇಲೆ ಪಗೆ ಬೆಕ್ಕತಿ. ಒಬ್ಬ ನೀಡ ಬಲ್‌ತೆ ದವಡೆಕ್ ಪೊಜ್ಜತೇಂಗಿ, ಅಂವೊ ನಿಂಗಡ ಎಡ್‍ತೆ ದವಡೆಕ್ ಸಹ ಪೊಯ್ಯುವಕ್ ಕಾಟಿಕೊಡಿ.

ಮತ್ತಾಯ 5:44

ಆಚೇಂಗಿ ನಾನ್ ಇಕ್ಕ ಎಣ್ಣ್‌ವಿ, ನಿಂಗಡ ಶತ್ರುವಳ ಪ್ರೀತಿ ಮಾಡಿ, ನಿಂಗಳ ಹಿಂಸೆ ಮಾಡ್‌ವಯಿಂಗಕ್ ಪ್ರಾರ್ಥನೆ ಮಾಡಿ.

ಮಾರ್ಕ 10:17

ಯೇಸು ಅಲ್ಲಿಂಜ ಪೋಪಕ್ ಪೊರಟತ್. ಪೋಯಂಡಿಪ್ಪಕ ಒರ್ ಮನುಷ್ಯ ಓಡಿ ಬಂದಿತ್ ಅಂವೊಂಡ ಮಿಂಞಕ್ ಮೊಣಕಾಲ್ ಇಟ್ಟಿತ್; ನಲ್ಲ ಉಪಾದ್ಯನೇ, ನಿತ್ಯ ಜೀವ ಕ್‍ಟ್ಟ್‌ವಕ್ ನಾನ್ ಎಂತ ಮಾಡಂಡೂಂದ್ ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:25

ಯೇಸುರ ಮೇಲೆ ತಪ್ಪ್ ಕಂಡ್‌ಪುಡಿಪಕಾಯಿತ್ ನ್ಯಾಯಪ್ರಮಾಣತ್‍ರ ಶಾಸ್ತ್ರಿ ಒಬ್ಬ: ಉಪಾದ್ಯನೇ, ನಿತ್ಯ ಜೀವ ಕ್‍ಟ್ಟ್‌ವಕ್ ನಾನ್ ಎಂತ ಮಾಡಂಡೂಂದ್ ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:18

ಒರ್ ಯೆಹೂದ್ಯ ಮುಕ್ಯಸ್ತ ಯೇಸುರ ಪಕ್ಕ: ನಲ್ಲ ಉಪಾದ್ಯನೇ, ನಿತ್ಯ ಜೀವ ಕ್‍ಟ್ಟ್‌ವಕ್ ನಾನ್ ಎಂತ ಮಾಡಂಡೂಂದ್ ಕ್‍ೕಟತ್.

ರೋಮ್ 12:14

ನಿಂಗಕ್ ಹಿಂಸೆ ಮಾಡ್‌ವಯಿಂಗಳ ಆಶೀರ್ವಾದ ಮಾಡಿ. ಅಯಿಂಗಕ್ ಶಾಪ ಕೊಡ್‌ಕತಿ. ದೇವ ಅಯಿಂಗಳ ಆಶೀರ್ವಾದ ಮಾಡಂಡೂಂದ್ ಪ್ರಾರ್ಥನೆ ಮಾಡಿ.

ರೋಮ್ 12:17

ಕೆಟ್ಟದ್ ಮಾಡ್‍ನಯಿಂಗಕ್, ನಿಂಗ ಪುನಃ ಕೆಟ್ಟದ್ ಮಾಡತಿ; ಎಲ್ಲಾಡ ಮಿಂಞತ್ ಏದ್ ಯೋಗ್ಯವಾನದೋ, ಅದ್‍ನ ಮಾಡ್‌ವಕ್ ಎಚ್ಚರತ್‍ಲ್ ಇರಿ.

ರೋಮ್ 8:28

ಇದ್‍ಲ್ಲತೆ, ಅಂವೊಂಡ ತೀರ್ಮಾನತ್‍ರ ಪ್ರಕಾರ ಕಾಕ್‍ನಯಿಂಗಳಾಯಿತ್, ಅಂವೊನ ಪ್ರೀತಿಚಿಡ್‌ವಯಿಂಗಕ್ ಎಲ್ಲಾ ನಲ್ಲದಾಯಿತೇ ದೇವ ಮಾಡ್‌ವಾಂದ್ ನಂಗಕ್ ಗೊತ್ತುಂಡ್.

ರೋಮ್ 8:30

ದಾರ್‌ನ ಅಂವೊ ಮಿಂಞಲೇ ಗೊತ್ತ್ ಮಾಡ್‍ಚೋ ಅಯಿಂಗಳ ಕಾಕ್‌ಚಿಟ್ಟತ್; ದಾರ್‌ನ ಕಾಕ್‍ಚಿಟ್ಟತೋ ಅಯಿಂಗಳ ನೀತಿವಂತಯಿಂಗಳಾಯಿತ್ ಮಾಡ್‍ಚಿ; ದಾರ್‌ನ ನೀತಿವಂತಯಿಂಗಳಾಯಿತ್ ಮಾಡ್‍ಚೋ ಅಯಿಂಗಕ್ ತಾಂಡ ಮಹಿಮೆನ ಕೊಡ್‍ತತ್.

ಗಲಾತ್ಯ 3:14

ಅಬ್ರಹಾಮಂಗ್ ಕ್‍ಟ್ಟ್‌ನ ಆಶೀರ್ವಾದ, ಯೆಹೂದ್ಯರಲ್ಲತಯಿಂಗಕ್ ಯೇಸು ಕ್ರಿಸ್ತಂಡ ಮೂಲಕ ಬಪ್ಪಕಾಯಿತು, ನಂಬಿಕೇರ ಮೂಲಕ ವಾಗ್ದಾನ ಮಾಡ್‍ನ ಪವಿತ್ರಾತ್ಮ ನಂಗಕ್ ಕ್‍ಟ್ಟ್‌ವಕಾಯಿತೂ ಇನ್ನನೆ ಆಚಿ.

ಎಫೆಸ 4:32

ಒಬ್ಬಂಡ ಮೇಲೆ ಒಬ್ಬ ದಯೆ ಕಾಟಿತ್, ಕರುಣೆ ಉಳ್ಳಯಿಂಗಳಾಯಿತ್, ಕ್ರಿಸ್ತಂಡ ಮೂಲಕ ದೇವ ನಿಂಗಕ್ ಮನ್ನಿಚಿಟ್ಟನೆಕೆ, ನಿಂಗಳು ಒಬ್ಬಂಗ್ ಒಬ್ಬ ಮನ್ನಿಚಿಡಿ.

1 ಥೆಸಲೊನೀಕ 5:15

ಕೆಟ್ಟದ್ ಮಾಡ್‍ನಯಿಂಗಕ್ ದಾರೂ ಕೆಟ್ಟದ್ ಮಾಡ್‌ವಕ್ ಬುಡತಿ; ನಿಂಗಡ ಮದ್ಯತ್‍ಲ್ ಉಳ್ಳ ಒಬ್ಬೊಬ್ಬಂಗಕು, ಬೋರೆಯಿಂಗಕು ನಲ್ಲದ್ ಮಾಡ್‌ವಕ್ ಪ್ರಯತ್ನ ಪಡಿ.

ಇಬ್ರಿಯ 12:17

ಎನ್ನಂಗೆಣ್ಣ್‌ಚೇಂಗಿ, ಬಯ್ಯಕ್ ಅಂವೊ ಈ ಆಶೀರ್ವಾದತ್‍ನ ಪಡೆಯುವಕ್ ಕುಶಿಪಟ್ಟತೇಂಗಿಯು ಅಂವೊನ ತಿರಸ್ಕಾರ ಮಾಡಿರ್‌ತ್. ಕಣ್ಣೀರ್ ಬುಟ್ಟಿತ್ ಆ ಆಶೀರ್ವಾದತ್‍ನ ತ್‍ೕಡ್‍ಚೇಂಗಿಯು, ಪಶ್ಚಾತಾಪ ಪಡುವಕ್ ಬಟ್ಟೆ ಇಲ್ಲತೆ ಪೋಚಿ.

ಇಬ್ರಿಯ 6:14

ನೇರಾಯಿತು ನಾನ್ ನಿನ್ನ ಆಶೀರ್ವಾದ ಮಾಡಿತ್, ನೀಡ ಸಂತಾನತ್‍ನ ಬಲ್ಯ ಜನವಾಯಿತ್ ಮಾಡ್‌ವೀಂದ್ ಅಂವೊ ಎಣ್ಣ್‌ಚಿ.

1 ಪೇತ್ರ 5:10

ಯೇಸು ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ನಂಗಳ ತಾಂಡ ನಿತ್ಯ ಮಹಿಮೇಕ್ ಕಾಕ್‍ನ ಕೃಪೆ ದುಂಬ್‍ನ ದೇವ, ಚೆನ್ನ ಕಾಲ ಕಷ್ಟ ಅನುಬವಿಚಿಡುವ ನಿಂಗಳ ಚಾಯಿ ಮಾಡಿತ್, ಬಲಪಡ್‍ತಿತ್, ಸ್ತಿರಪಡ್‌ತಿತ್, ನಿಪ್ಪ್‌ಚಿಡಡ್.