1 ಪೇತ್ರ 3:22 - ಕೊಡವ ಬೈಬಲ್

²² ಅಂವೊ ಪರಲೋಕಕ್ ಪೋಯಿತ್, ದೇವಡ ಬಲ್‌ತೆ ಬರಿಲ್ ಅಳ್‌ತಿತ್ ಉಂಡ್; ದೇವದೂತಂಗ, ಅದಿಕಾರ, ಶಕ್ತಿ ಅಂವೊಂಡ ಅಡಿಲ್ ಅಡಕತ್‍ಲ್ ಉಂಡ್.

1 ಪೇತ್ರ 3:22 Iomraidhean Croise

ಮತ್ತಾಯ 22:44

ನಾಡ ಒಡೆಯನಾನ ದೇವ ನಾಡ ಒಡೆಯಂಗ್: ನಾನ್ ನೀಡ ಶತ್ರುವಳ ನೀಡ ಕಾಲ್‍ರ ಅಡಿಕ್ ಇಡ್‍ವಕತ್ತನೆ, ನೀನ್ ನಾಡ ಬಲ್‌ತೆ ಬರಿಲ್ ಅಳ್‌ತಾಂದ್ ಎಣ್ಣಿತುಂಡಲ್ಲ.

ಮತ್ತಾಯ 28:18

ಯೇಸು ಅಯಿಂಗಡ ಪಕ್ಕ ಪೋಯಿತ್, ನಾಕ್ ಪರಲೋಕತ್‌ಲು ಬೂಲೋಕತ್‌ಲು ಎಲ್ಲಾ ಅದಿಕಾರ ನಾಕ್ ತಂದಿತುಂಡ್.

ಮಾರ್ಕ 12:36

ನಾನ್ ನೀಡ ಶತ್ರುವಳ ನೀಡ ಕಾಲ್‌ಕ್ ಇಡ್‍ವಕತ್ತನೆ, ನೀನ್ ನಾಡ ಬಲ್‌ತೆ ಬರಿಲ್ ಅಳೆಂದ್ ದೇವ ನಾಡ ಒಡೆಯಂಗ್ ಎಣ್ಣ್‌ಚೀಂದ್ ದಾವೀದ ಪವಿತ್ರಾತ್ಮನಗುಂಡ್ ಎಣ್ಣಿತುಂಡಲ್ಲ.

ಮಾರ್ಕ 16:19

ಇದ್‍ನೆಲ್ಲಾ ಒಡೆಯನಾನ ಯೇಸು ತಕ್ಕ್ ಪರ್ಂದಿತ್ ಆನ ಪಿಂಞ ಅಂವೊನ ಪರಲೋಕಕ್ ಎಡ್‍ತಂಡ್ ಪೋಚಿ, ಅಂವೊ ದೇವಡ ಬಲ್‌ತೆ ಬರಿಲ್ ಅಳ್‌ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 20:42

ನಾನ್ ನೀಡ ಶತ್ರುವಳ ನೀಡ ಕಾಲ್‍ರ ಅಡಿಕ್ ಇಡ್‍ವಕತ್ತನೆ ನೀನ್ ನಾಡ ಬಲ್‌ತೆ ಬರಿಲ್ ಅಳೆಂದ್, ದೇವ ನಾಡ ಒಡೆಯಂಗ್ ಎಣ್ಣ್‌ಚೀಂದ್ ದಾವೀದ ಪವಿತ್ರಾತ್ಮನಗುಂಡ್ ಎಣ್ಣಿತಲ್ಲ.

ಯೋಹಾನ 13:32

ಅಂವೊಂಡ ಮೂಲಕ ದೇವಕ್ ಮಹಿಮೆ ಕ್‍ಟ್ಟ್‌ಚೇಂಗಿ, ದೇವ ಅಂವೊಂಡ ಮೂಲಕ ತಾಂಡ ಒಳ್‌ಲ್‌ ಅಂವೊಂಗ್ ಮಹಿಮೆ ಕ್‍ಟ್ಟುವನೆಕೆ ಮಾಡುವ, ಇಕ್ಕಲೆ ಒಮ್ಮಕೆ ಮಹಿಮೆನ ಕ್‍ಟ್ಟುವನೆಕೆ ಮಾಡುವ.

ಅಪೊಸ್ತಲ 1:11

ಅಯಿಂಗ ಅಲ್ಲಿ ಇಂಜಯಿಂಗಳ ನೋಟಿತ್: ಗಲಿಲಾಯತ್‍ರ ಜನಳೇ, ಎನ್ನಂಗ್ ನಿಂಗ ಬಾನತ್‍ನ ನೋಟಿಯಂಡ್ ಉಳ್ಳಿರ? ನಿಂಗಡ ಕಣ್ಣ್‌ರ ಮಿಂಞ ಎನ್ನನೆ ಯೇಸು ಪರಲೋಕಕ್ ಪೋಚೋ, ಅನ್ನನೆ ಯೇಸು ಪರಲೋಕತ್ಂಜ ಬಯ್ಯ ಬಪ್ಪಾಂದ್ ಎಣ್ಣ್‌ಚಿ.

ಅಪೊಸ್ತಲ 3:21

ಅಂವೊಂಡ ಪವಿತ್ರವಾನ ಪ್ರವಾದಿಯಂಗಡ ಮೂಲಕ, ಪಂಡೇ ವಾಗ್ದಾನ ಮಾಡ್‍ನನೆಕೆ, ದೇವ ಎಲ್ಲಾನ ಸರಿಮಾಡ್‍ವಾಂದ್ ಎಣ್ಣ್‌ನ ವಿಷಯನೆಲ್ಲ ನೆರೆವೇರುವ ಕಾಲಕತ್ತನೆ, ಈ ಕ್ರಿಸ್ತ, ಪರಲೋಕತ್‍ಲ್ ಇಕ್ಕಂಡು.

ರೋಮ್ 8:34

ಅಕ್ಕ, ತೀರ್ಪ್ ಮಾಡ್‌ವಯಿಂಗ ದಾರ್? ಕ್ರಿಸ್ತನೇ ನಂಗಕಾಯಿತ್ ಚತ್ತಂವೊ. ಅಲ್ಲತೆ, ಅಂವೊನೇ ನಂಗಕಾಯಿತ್ ಚಾವ್‍ಯಿಂಜ ಜೀವವಾಯಿತ್ ಎದ್ದಿತ್ ಬಂದಂವೊ. ಅಂವೊನೇ ದೇವಡ ಬಲ್‌ತೆ ಬರಿಲ್ ಅಳ್‌ತಂಡಿಪ್ಪಂವೊ, ನಂಗಕಾಯಿತ್ ದೇವಡ ಪಕ್ಕ ಬೋಡುವಂವೊನು ಅಂವೊನೇ.

ರೋಮ್ 8:38

ಎನ್ನನೆ ಎಣ್ಣ್‌ಚೇಂಗಿ ಚಾವ್ ನಂಗಕ್ ಬಾತೇಂಗಿಯು, ಜೀವ ಕ್‍ಟ್ಟ್‌ವದಾಚೇಂಗಿಯು, ದೇವದೂತಂಗಳಾಚೇಂಗಿಯು, ದೆವ್ವ ಲೋಕತ್‍ರಯಿಂಗಳಾಚೇಂಗಿಯು, ಇಕ್ಕ ಆಯಂಡುಳ್ಳದಾಚೇಂಗಿಯು, ಬಪ್ಪಕುಳ್ಳ ವಿಷಯವಾಚೇಂಗಿಯು, ಏದ್ ಶಕ್ತಿಯಾಯಿತ್ಂಜತೇಂಗಿಯು,

1 ಕೊರಿಂಥ 15:24

ಇದಾನ ಪಿಂಞ ಅಂತ್ಯಕಾಲ ಬಪ್ಪ, ಅಕ್ಕ ಕ್ರಿಸ್ತ, ಎಲ್ಲಾ ರಾಜ್ಯಬಾರತ್‍ನ, ಎಲ್ಲಾ ಅದಿಕಾರತ್‍ನ, ಎಲ್ಲಾ ಶಕ್ತಿಯಳ ನಾಶ ಮಾಡಿತ್, ಅಪ್ಪನಾನ ದೇವಕ್ ಒಪ್ಪ್‌ಚಿಡುವ.

ಕೊಲೊಸ್ಸೆ 3:1

ಆನಗುಂಡ್, ಕ್ರಿಸ್ತಂಡ ಕೂಡೆ ಆತ್ಮೀಯವಾಯಿತ್ ಜೀವತ್‍ಲ್ ಎದ್ದಿತ್ ಉಂಡೇಂಗಿ, ಕ್ರಿಸ್ತ, ದೇವಡ ಬಲ್‌ತೆ ಬರಿಲ್ ಅಳ್‌ತಂಡುಳ್ಳ ಜಾಗತ್‍ಲ್ ಉಳ್ಳ ಪರಲೋಕತ್‍ರ ವಿಷಯತ್‍ನ ತ್‍ೕಡಂಡು.

ಇಬ್ರಿಯ 1:13

ಅದಲ್ಲತೆ, ನಾನ್ ನೀಡ ವಿರೋದಿಯಳ ನೀಡ ಕಾಲ್‍ರ ಅಡಿಕ್ ಇಡ್‍ವಕತ್ತನೆ, ನೀನ್ ನಾಡ ಬಲ್‌ತೆ ಬರಿಲ್ ಅಳ್‌ತಾಂದ್ ದೇವ ಅಂವೊಂಡ ದೂತಂಗಡಲ್ಲಿ ದಾರ್‍ಕಾಚೇಂಗಿಯು ಎಕ್ಕಾಚೇಂಗಿಯು ಎಣ್ಣಿತುಂಡಾ?

ಇಬ್ರಿಯ 1:3

ಇಂವೊ ದೇವಡ ಮಹಿಮೇರ ಬೊಳಿಯು, ಅಂವೊಂಡ ರೂಪತ್‍ರ ಪ್ರತಿಮೆಯುವಾಯಿತುಂಡ್. ಅದಲ್ಲತೆ, ಎಲ್ಲಾನ ಅಂವೊಂಡ ಶಕ್ತಿ ದುಂಬ್‍ನ ವಾಕ್ಯತ್‍ರಗುಂಡ್ ಪೊರ್‍ತಂಡ್ ಅಂವೊನಗುಂಡ್ ನಂಗಡ ಪಾಪತ್‍ನ ಕಳೆಯುವಕಾಯಿತ್ ಶುದ್ದ ಮಾಡ್‌ವ ಕ್ರಿಯೇನ ಮಾಡ್‍ಚಿ. ಪಿಂಞ ಪರಲೋಕತ್‍ಲ್ ಉಳ್ಳ ಮಹಿಮೆ ದುಂಬ್‍ನಂವೊಂಡ ಬಲ್‌ತೆ ಬರಿಲ್ ಅಳ್‌ತತ್.

ಇಬ್ರಿಯ 1:6

ಇಂಞು, ದೇವ ತಾಂಡ ಆದ್ಯ ಮೋಂವೊನ ಈ ಲೋಕತ್‍ಲ್ ಅಯಿಪಕ, ದೇವದೂತಂಗ ಎಲ್ಲಾರು ಅಂವೊನ ಆರಾದನೆ ಮಾಡಂಡೂಂದ್ ಎಣ್ಣ್‌ಚಿ.

ಇಬ್ರಿಯ 10:12

ಆಚೇಂಗಿ ಕ್ರಿಸ್ತನಾನ ಈ ಮಾಹಾ ಯಾಜಕ, ಪಾಪತ್‍ರ ವಿಮೋಚನಕಾಯಿತ್ ಒರೇ ಬಲಿನ ಕೊಡ್‌ತಿತ್ ದೇವಡ ಬಲ್‌ತೆ ಬರಿಲ್ ಅಳ್‌ತತ್.

ಇಬ್ರಿಯ 12:2

ನಂಬಿಕೇನ ಸುರು ಮಾಡ್‌ವ ನಾಯಕನು ಅದ್‍ನ ಪೂರ್ತಿಮಾಡ್‍ವಂವೊನು ಆಯಿತುಳ್ಳ ಯೇಸುರ ಮೇಲೆ ಕಣ್ಣ್‌ಟ್ಟಿತ್, ನಂಗಕಾಯಿತ್ ಬೆಚ್ಚಿತುಳ್ಳ ಓಟತ್‍ನ ಪೊರುಮೇಲ್ ಓಡೋಣ. ಎನ್ನಂಗೆಣ್ಣ್‌ಚೇಂಗಿ ಯೇಸು, ತಾಂಡ ಮಿಂಞ ಬೆಚ್ಚಿತ್ಂಜ ಕುಶಿಕಾಯಿತ್, ಅವಮಾನತ್‍ನ ಗೇನ ಮಾಡತೆ, ಶಿಲುಬೇನ ಸಹಿಸಿಯಂಡ್ ದೇವಡ ಸಿಂಹಾಸನತ್‍ರ ಬಲ್‌ತೆ ಬರಿಲ್ ಅಳ್‌ತತ್.

ಇಬ್ರಿಯ 4:14

ಬಾನತ್‍ರ ಮೂಲಕ ಪರಲೋಕಕ್ ಪೋಯಿತುಳ್ಳ ದೇವಡ ಮೋಂವೊನಾನ ಯೇಸು ಎಣ್ಣುವ ಮಹಾ ಯಾಜಕ ನಂಗಕ್ ಉಳ್ಳಗುಂಡ್, ನಂಗ ಮಾಡ್‍ನ ನಂಬಿಕೇರ ಅರಿಕೇನ ಗಟ್ಟಿಯಾಯಿತ್ ಪುಡ್‍ಚಂಡ್ ಬದ್‍ಕಂಡು.

ಇಬ್ರಿಯ 6:20

ಯೇಸು ನಂಗಕ್ ಮಿಂಞಲೇ ಅಲ್ಲಿಕ್ ಪೋಯಿತ್, ಮೆಲ್ಕಿಜೆದೇಕಂಡ ನೇಮ ಪ್ರಕಾರ ನಂಗಕಾಯಿತ್ ಎಕ್ಕಾಲು ಉಳ್ಳ ಮಹಾ ಯಾಜಕನಾಯಿತ್ ಉಂಡ್.

ಇಬ್ರಿಯ 8:1

ಇಲ್ಲಿಕತ್ತನೆ ನಂಗ ಎಣ್ಣಿಯಂಡಿಂಜ ವಿಷಯತ್‍ರ ಪ್ರದಾನ್ಯತೆ ಎಂತ ಎಣ್ಣ್‌ಚೇಂಗಿ: ಪರಲೋಕತ್‍ರ ಸಿಂಹಾಸನತ್‍ಲ್ ಉಳ್ಳ ಮಹಿಮೆ ದುಂಬ್‍ನ ದೇವಡ ಬಲ್‌ತೆ ಬರಿಲ್ ಅಳ್‌ತಂಡುಳ್ಳ ಮಹಾ ಯಾಜಕ ಇಕ್ಕ ನಂಗಕ್ ಉಂಡ್.

ಇಬ್ರಿಯ 9:24

ಅನ್ನನೆ ಕ್ರಿಸ್ತ, ನೇರಾನ ಪವಿತ್ರವಾಯಿತುಳ್ಳ ಜಾಗಕ್ ಗುರ್‌ತಾಯಿತುಳ್ಳ ಮನುಷ್ಯ ಮಾಡ್‍ನ ಗುಡಾರತ್‍ರ ಮೂಲಕ ಬಂದಿತ್‌ಲ್ಲೆ. ಆಚೇಂಗಿ, ಪರಲೋಕತ್‍ಲ್ ಇಕ್ಕ ನಂಗಕಾಯಿತ್ ದೇವಡ ಸನ್ನಿದಾನತ್‍ಲ್ ಪ್ರತ್ಯಕ್ಷ ಆಪನೆಕೆ ಅಂವೊ ಪೋಯಿತುಂಡ್.